ಅರ್ಧ ನಾರೀಶ್ವರ ಸ್ತೋತ್ರಮ್

ಅರ್ಧ ನಾರೀಶ್ವರ ಸ್ತೋತ್ರಮ್

ಶ್ಲೋಕ 1

ಚಾಮ್ಪೇಯಗೌರಾರ್ಧಶರೀರಕಾಯೈ

ಕರ್ಪೂರಗೌರಾರ್ಧಶರೀರಕಾಯ ।

ಧಮ್ಮಿಲ್ಲಕಾಯೈ ಚ ಜಟಾಧರಾಯ

ನಮಃ ಶಿವಾಯೈ ಚ ನಮಃ ಶಿವಾಯ

ಶ್ಲೋಕ 2

ಕಸ್ತೂರಿಕಾಕುಙ್ಕುಮಚರ್ಚಿತಾಯೈ

ಚಿತಾರಜಃಪುಞ್ಜ ವಿಚರ್ಚಿತಾಯ ।

ಕೃತಸ್ಮರಾಯೈ ವಿಕೃತಸ್ಮರಾಯ

ನಮಃ ಶಿವಾಯೈ ಚ ನಮಃ ಶಿವಾಯ

॥ 1 ॥

ಶ್ಲೋಕ 3

ಝಣತ್ಕ್ವಣತ್ಕಙ್ಕಣನೂಪುರಾಯೈ

ಪಾದಾಬ್ಜರಾಜತ್ಫಣಿನೂಪುರಾಯ ।

ಹೇಮಾಙ್ಗದಾಯೈ ಭುಜಗಾಙ್ಗದಾಯ

ನಮಃ ಶಿವಾಯೈ ಚ ನಮಃ ಶಿವಾಯ

॥ 2 ॥

ಶ್ಲೋಕ 4

ವಿಶಾಲನೀಲೋತ್ಪಲಲೋಚನಾಯೈ

ವಿಕಾಸಿಪಙ್ಕೇರುಹಲೋಚನಾಯ ।

ಸಮೇಕ್ಷಣಾಯೈ ವಿಷಮೇಕ್ಷಣಾಯ

ನಮಃ ಶಿವಾಯೈ ಚ ನಮಃ ಶಿವಾಯ

॥ 3 ॥

ಶ್ಲೋಕ 5

ಮನ್ದಾರಮಾಲಾಕಲಿತಾಲಕಾಯೈ

ಕಪಾಲಮಾಲಾಙ್ಕಿತಕನ್ಧರಾಯ ।

ದಿವ್ಯಾಮ್ಬರಾಯೈ ಚ ದಿಗಮ್ಬರಾಯ

ನಮಃ ಶಿವಾಯೈ ಚ ನಮಃ ಶಿವಾಯ

॥ 4 ॥

ಶ್ಲೋಕ 6

ಅಮ್ಭೋಧರಶ್ಯಾಮಲಕುನ್ತಲಾಯೈ

ತಟಿತ್ಪ್ರಭಾತಾಮ್ರಜಟಾಧರಾಯ ।

ನಿರೀಶ್ವರಾಯೈ ನಿಖಿಲೇಶ್ವರಾಯ

ನಮಃ ಶಿವಾಯೈ ಚ ನಮಃ ಶಿವಾಯ

॥ 5 ॥

ಶ್ಲೋಕ 7

ಪ್ರಪಞ್ಚಸೃಷ್ಟ್ಯುನ್ಮುಖಲಾಸ್ಯಕಾಯೈ

ಸಮಸ್ತಸಂಹಾರಕತಾಣ್ಡವಾಯ ।

ಜಗಜ್ಜನನ್ಯೈ ಜಗದೇಕಪಿತ್ರೇ

ನಮಃ ಶಿವಾಯೈ ಚ ನಮಃ ಶಿವಾಯ

॥ 6 ॥

ಶ್ಲೋಕ 8

ಪ್ರದೀಪ್ತರತ್ನೋಜ್ಜ್ವಲಕುಣ್ಡಲಾಯೈ

ಸ್ಫುರನ್ಮಹಾಪನ್ನಗಭೂಷಣಾಯ ।

ಶಿವಾನ್ವಿತಾಯೈ ಚ ಶಿವಾನ್ವಿತಾಯ

ನಮಃ ಶಿವಾಯೈ ಚ ನಮಃ ಶಿವಾಯ

॥ 7 ॥

ಶ್ಲೋಕ 9

ಏತತ್ಪಠೇದಷ್ಟಕಮಿಷ್ಟದಂ ಯೋ

ಭಕ್ತ್ಯಾ ಸ ಮಾನ್ಯೋ ಭುವಿ ದೀರ್ಘಜೀವೀ ।

ಪ್ರಾಪ್ನೋತಿ ಸೌಭಾಗ್ಯಮನನ್ತಕಾಲಂ

ಭೂಯಾತ್ಸದಾ ತಸ್ಯ ಸಮಸ್ತಸಿದ್ಧಿಃ

॥ 8 ॥

ಶ್ಲೋಕ 10