Aparadha Kshamapana Stotram (Devi)

aparAdha kSamApaNa stotram

zloka 1

aparAdhasahasrANi kriyante'harnizaM mayA |

dAso'yamiti mAM matvA kSamasva paramezvari || 1 ||

AvAhanaM na jAnAmi na jAnAmi visarjanam |

pUjAM caiva na jAnAmi kSamyatAM paramezvari || 2 ||

mantrahInaM kriyAhInaM bhaktihInaM surezvari |

yatpUjitaM mayA devi paripUrNaM tadastu me || 3 ||

aparAdhazataM kRtvA jagadambeti coccaret |

yAM gatiM samavApnoti na tAM brahmAdayaH surAH || 4 ||

sAparAdho'smi zaraNaM prAptastvAM jagadambike |

idAnImanukampyo'haM yathecchasi tathA kuru || 5 ||

ajJAnAdvismRterbhrAntyA yannyUnamadhikaM kRtam |

viparItaM ca tatsarvaM kSamasva paramezvari || 6 ||

kAmezvari jaganmAtaH saccidAnandavigrahe |

gRhANArcAmimAM prItyA prasIda paramezvari || 7 ||

yadakSarapadabhraSTaM mAtrAhInaM ca yadbhavet |

tatsarvaM kSamyatAM devi prasIda paramezvari || 8 ||

guhyAtiguhyagoptrI tvaM gRhANAsmatkRtaM japam |

siddhirbhavatu me devi tvatprasAdAnmahezvari || 9 ||

sarvarUpamayI devI sarvaM devImayaM jagat |

ato'haM vizvarUpAM tvAM namAmi paramezvarIm || 10 ||

iti aparAdhakSamApaNastotraM samAptam ||