Angaraka Kavacham (Angaraka Kavacham)

aGgAraka kavacam (kuja kavacam)

zloka 1

asya zrI aGgAraka kavacasya, kazyapa RSIH, anuSTup candaH, aGgArako devatA, bhauma prItyarthe jape viniyogaH ||

dhyAnam

raktAmbaro raktavapuH kirITI caturbhujo meSagamo gadAbhRt |

dharAsutaH zaktidharazca zUlI sadA mama syAdvaradaH prazAntaH ||

atha aGgAraka kavacam

aGgArakaH ziro rakSet mukhaM vai dharaNIsutaH |

zravau raktambaraH pAtu netre me raktalocanaH || 1 ||

nAsAM zaktidharaH pAtu mukhaM me raktalocanaH |

bhujau me raktamAlI ca hastau zaktidharastathA ||2 ||

vakSaH pAtu varAGgazca hRdayaM pAtu rohitaH |

kaTiM me graharAjazca mukhaM caiva dharAsutaH || 3 ||

jAnujaGghe kujaH pAtu pAdau bhaktapriyaH sadA |

sarvANyanyAni cAGgAni rakSenme meSavAhanaH || 4 ||

phalazrutiH

ya idaM kavacaM divyaM sarvazatrunivAraNam |

bhUtapretapizAcAnAM nAzanaM sarvasiddhidam ||

sarvarogaharaM caiva sarvasampatpradaM zubham |

bhuktimuktipradaM nRRNAM sarvasaubhAgyavardhanam ||

rogabandhavimokSaM ca satyametanna saMzayaH ||

|| iti zrI mArkaNDeyapurANe aGgAraka kavacaM sampUrNam ||