Aghamarshana Suktam

aghamarSaNa sUktam

zloka 1

hira॑NyazRGgaM॒-va~ru॑Na॒-mprapa॑dye tI॒rtha-mme॑ dehi॒ yAci॑taH |

ya॒nmayA॑ bhu॒ktama॒sAdhU॑nA-mpA॒pebhya॑zca pra॒tigra॑haH |

yanme॒ mana॑sA vA॒cA॒ ka॒rma॒NA vA du॑SkRta॒-GkRtam |

tanna॒ indro॒ varu॑No॒ bRha॒spatiH॑ savi॒tA ca॑ punantu॒ punaH॑ punaH |

namo॒-'gnaye᳚-'psu॒mate॒ nama॒ indrA॑ya॒ namo॒ varu॑NAya॒ namo vAruNyai॑ namo॒-'dbhyaH ||

yada॒pA-GkrU॒raM-yada॑me॒dhyaM-yada॑zA॒nta-ntadapa॑gacchatAt |

a॒tyA॒za॒nAda॑tI-pA॒nA॒-dya॒cca u॒grAtpra॑ti॒grahA᳚t |

tanno॒ varu॑No rA॒jA॒ pA॒NinA᳚ hyava॒mar​zatu |

so॑-'hama॑pA॒po vi॒rajo॒ nirmu॒kto mu॑ktaki॒lbiSaH॑ |

nAka॑sya pR॒STha-mAru॑hya॒ gacche॒d brahma॑salo॒katAm |

yazcA॒psu varu॑Na॒ssa pu॒nAtva॑ghamar​Sa॒NaH |

i॒ma-mme॑ gaGge yamune sarasvati॒ zutu॑dri॒-stomagM॑ sacatA॒ paru॒SNiyA |

a॒si॒kni॒yA ma॑rudvRdhe vi॒tasta॒yA-''rjI॑kIye zRNu॒hyA su॒Soma॑yA |

R॒ta-Jca॑ sa॒tya-JcA॒bhI᳚ddhA॒-ttapa॒so-'dhya॑jAyata |

tato॒ rAtri॑rajAyata॒ tata॑-ssamu॒dro a॑rNa॒vaH ||

sa॒mu॒drAda॑rNa॒vA dadhi॑ saM​va~thsa॒ro a॑jAyata |

a॒ho॒rA॒trANi॑ vi॒dadha॒dvizva॑sya miSa॒to va॒zI |

sU॒ryA॒ca॒ndra॒masau॑ dhA॒tA ya॑thA pU॒rvama॑kalpayat |

diva॑-Jca pRthi॒vI-JcA॒ntari॑kSa॒-matho॒ suvaH॑ |

yatpR॑thi॒vyAgM rajaH॑ sva॒mAntari॑kSe vi॒roda॑sI |

i॒mAggM stadA॒po va॑ruNaH pu॒nAtva॑ghamar​Sa॒NaH |

pu॒nantu॒ vasa॑vaH pu॒nAtu॒ varu॑NaH pu॒nAtva॑ghamar​Sa॒NaH |

e॒Sa bhU॒tasya॑ ma॒dhye bhuva॑nasya go॒ptA |

e॒Sa pu॒NyakR॑tAM-lo~॒kA॒ne॒Sa mR॒tyor hi॑ra॒Nmayam᳚ |

dyAvA॑pRthi॒vyor hi॑ra॒Nmaya॒gM॒ saggM zri॑ta॒gM॒ suvaH॑ ||

sana॒-ssuva॒-ssagMzi॑zAdhi |

Ardra॒-Jjvala॑ti॒ jyoti॑ra॒hama॑smi |

jyoti॒rjvala॑ti॒ brahmA॒hama॑smi |

yo॑-'hama॑smi॒ brahmA॒hama॑smi |

a॒hama॑smi॒ brahmA॒hama॑smi |

a॒hame॒vAha-mmA-Jju॑homi॒ svAhA᳚ |

a॒kA॒rya॒kA॒rya॑vakI॒rNIste॒no bhrU॑Na॒hA gu॑ruta॒lpagaH |

varu॑No॒-'pAma॑ghamar​Sa॒Na-stasmA᳚-tpA॒pA-tpramu॑cyate |

ra॒jobhUmi॑-stva॒mAgM roda॑yasva॒ prava॑danti॒ dhIrAH᳚ |

AkrA᳚n​thsamu॒draH pra॑tha॒me vidha॑rmaJja॒naya॑-npra॒jA bhuva॑nasya॒ rAjA᳚ |

vRSA॑ pa॒vitre॒ adhi॒sAno॒ avye॑ bR॒hatsomo॑ vAvRdhe suvA॒na induH॑ ||