Aghamarshana Suktam
Aghamarshana Suktam
অঘমর্ষণ সূক্তম্
শ্লোক 1
হির॑ণ্যশৃঙ্গং॒-বঁরু॑ণ॒-ম্প্রপ॑দ্যে তী॒র্থ-ম্মে॑ দেহি॒ যাচি॑তঃ ।
য॒ন্মযা॑ ভু॒ক্তম॒সাধূ॑না-ম্পা॒পেভ্য॑শ্চ প্র॒তিগ্র॑হঃ ।
যন্মে॒ মন॑সা বা॒চা॒ ক॒র্ম॒ণা বা দু॑ষ্কৃত॒-ঙ্কৃতম্ ।
তন্ন॒ ইন্দ্রো॒ বরু॑ণো॒ বৃহ॒স্পতিঃ॑ সবি॒তা চ॑ পুনন্তু॒ পুনঃ॑ পুনঃ ।
নমো॒-ঽগ্নযে᳚-ঽপ্সু॒মতে॒ নম॒ ইন্দ্রা॑য॒ নমো॒ বরু॑ণায॒ নমো বারুণ্যৈ॑ নমো॒-ঽদ্ভ্যঃ ॥
যদ॒পা-ঙ্ক্রূ॒রং-যঁদ॑মে॒ধ্যং-যঁদ॑শা॒ন্ত-ন্তদপ॑গচ্ছতাত্ ।
অ॒ত্যা॒শ॒নাদ॑তী-পা॒না॒-দ্য॒চ্চ উ॒গ্রাত্প্র॑তি॒গ্রহা᳚ত্ ।
তন্নো॒ বরু॑ণো রা॒জা॒ পা॒ণিনা᳚ হ্যব॒মর্শতু ।
সো॑-ঽহম॑পা॒পো বি॒রজো॒ নির্মু॒ক্তো মু॑ক্তকি॒ল্বিষঃ॑ ।
নাক॑স্য পৃ॒ষ্ঠ-মারু॑হ্য॒ গচ্ছে॒দ্ ব্রহ্ম॑সলো॒কতাম্ ।
যশ্চা॒প্সু বরু॑ণ॒স্স পু॒নাত্ব॑ঘমর্ষ॒ণঃ ।
ই॒ম-ম্মে॑ গঙ্গে যমুনে সরস্বতি॒ শুতু॑দ্রি॒-স্তোমগ্ং॑ সচতা॒ পরু॒ষ্ণিযা ।
অ॒সি॒ক্নি॒যা ম॑রুদ্বৃধে বি॒তস্ত॒যা-ঽঽর্জী॑কীযে শৃণু॒হ্যা সু॒ষোম॑যা ।
ঋ॒ত-ঞ্চ॑ স॒ত্য-ঞ্চা॒ভী᳚দ্ধা॒-ত্তপ॒সো-ঽধ্য॑জাযত ।
ততো॒ রাত্রি॑রজাযত॒ তত॑-স্সমু॒দ্রো অ॑র্ণ॒বঃ ॥
স॒মু॒দ্রাদ॑র্ণ॒বা দধি॑ সংবঁথ্স॒রো অ॑জাযত ।
অ॒হো॒রা॒ত্রাণি॑ বি॒দধ॒দ্বিশ্ব॑স্য মিষ॒তো ব॒শী ।
সূ॒র্যা॒চ॒ন্দ্র॒মসৌ॑ ধা॒তা য॑থা পূ॒র্বম॑কল্পযত্ ।
দিব॑-ঞ্চ পৃথি॒বী-ঞ্চা॒ন্তরি॑ক্ষ॒-মথো॒ সুবঃ॑ ।
যত্পৃ॑থি॒ব্যাগ্ং রজঃ॑ স্ব॒মান্তরি॑ক্ষে বি॒রোদ॑সী ।
ই॒মাগ্গ্ং স্তদা॒পো ব॑রুণঃ পু॒নাত্ব॑ঘমর্ষ॒ণঃ ।
পু॒নন্তু॒ বস॑বঃ পু॒নাতু॒ বরু॑ণঃ পু॒নাত্ব॑ঘমর্ষ॒ণঃ ।
এ॒ষ ভূ॒তস্য॑ ম॒ধ্যে ভুব॑নস্য গো॒প্তা ।
এ॒ষ পু॒ণ্যকৃ॑তাং-লোঁ॒কা॒নে॒ষ মৃ॒ত্যোর্ হি॑র॒ণ্মযম্᳚ ।
দ্যাবা॑পৃথি॒ব্যোর্ হি॑র॒ণ্ময॒গ্ং॒ সগ্গ্ং শ্রি॑ত॒গ্ং॒ সুবঃ॑ ॥
সন॒-স্সুব॒-স্সগ্ংশি॑শাধি ।
আর্দ্র॒-ঞ্জ্বল॑তি॒ জ্যোতি॑র॒হম॑স্মি ।
জ্যোতি॒র্জ্বল॑তি॒ ব্রহ্মা॒হম॑স্মি ।
যো॑-ঽহম॑স্মি॒ ব্রহ্মা॒হম॑স্মি ।
অ॒হম॑স্মি॒ ব্রহ্মা॒হম॑স্মি ।
অ॒হমে॒বাহ-ম্মা-ঞ্জু॑হোমি॒ স্বাহা᳚ ।
অ॒কা॒র্য॒কা॒র্য॑বকী॒র্ণীস্তে॒নো ভ্রূ॑ণ॒হা গু॑রুত॒ল্পগঃ ।
বরু॑ণো॒-ঽপাম॑ঘমর্ষ॒ণ-স্তস্মা᳚-ত্পা॒পা-ত্প্রমু॑চ্যতে ।
র॒জোভূমি॑-স্ত্ব॒মাগ্ং রোদ॑যস্ব॒ প্রব॑দন্তি॒ ধীরাঃ᳚ ।
আক্রা᳚ন্থ্সমু॒দ্রঃ প্র॑থ॒মে বিধ॑র্মঞ্জ॒নয॑-ন্প্র॒জা ভুব॑নস্য॒ রাজা᳚ ।
বৃষা॑ প॒বিত্রে॒ অধি॒সানো॒ অব্যে॑ বৃ॒হত্সোমো॑ বাবৃধে সুবা॒ন ইন্দুঃ॑ ॥