Agastya Kruta Sri Lakshmi Stotram
അഗസ്ത്യ കൃത ശ്രീ ലക്ഷ്മീ സ്തോത്രം
Agastya Kruta Sri Lakshmi Stotram
അഗസ്ത്യ കൃത ശ്രീ ലക്ഷ്മീ സ്തോത്രം
ജയ പദ്മപലാശാക്ഷി ജയ ത്വം ശ്രീപതിപ്രിയേ ।
ജയ മാതര്മഹാലക്ഷ്മി സംസാരാര്ണവതാരിണി ॥ 1 ॥
മഹാലക്ഷ്മി നമസ്തുഭ്യം നമസ്തുഭ്യം സുരേശ്വരി ।
ഹരിപ്രിയേ നമസ്തുഭ്യം നമസ്തുഭ്യം ദയാനിധേ ॥ 2 ॥
പദ്മാലയേ നമസ്തുഭ്യം നമസ്തുഭ്യം ച സര്വദേ ।
സര്വഭൂതഹിതാര്ഥായ വസുവൃഷ്ടിം സദാ കുരു ॥ 3 ॥
ജഗന്മാതര്നമസ്തുഭ്യം നമസ്തുഭ്യം ദയാനിധേ ।
ദയാവതി നമസ്തുഭ്യം വിശ്വേശ്വരി നമോഽസ്തു തേ ॥ 4 ॥
നമഃ ക്ഷീരാര്ണവസുതേ നമസ്ത്രൈലോക്യധാരിണി ।
വസുവൃഷ്ടേ നമസ്തുഭ്യം രക്ഷ മാം ശരണാഗതമ് ॥ 5 ॥
രക്ഷ ത്വം ദേവദേവേശി ദേവദേവസ്യ വല്ലഭേ ।
ദാരിദ്ര്യാത്ത്രാഹി മാം ലക്ഷ്മി കൃപാം കുരു മമോപരി ॥ 6 ॥
നമസ്ത്രൈലോക്യജനനി നമസ്ത്രൈലോക്യപാവനി ।
ബ്രഹ്മാദയോ നമന്തി ത്വാം ജഗദാനന്ദദായിനി ॥ 7 ॥
വിഷ്ണുപ്രിയേ നമസ്തുഭ്യം നമസ്തുഭ്യം ജഗദ്ധിതേ ।
ആര്തിഹന്ത്രി നമസ്തുഭ്യം സമൃദ്ധിം കുരു മേ സദാ ॥ 8 ॥
അബ്ജവാസേ നമസ്തുഭ്യം ചപലായൈ നമോ നമഃ ।
ചഞ്ചലായൈ നമസ്തുഭ്യം ലലിതായൈ നമോ നമഃ ॥ 9 ॥
നമഃ പ്രദ്യുമ്നജനനി മാതസ്തുഭ്യം നമോ നമഃ ।
പരിപാലയ മാം മാതഃ മാം തുഭ്യം ശരണാഗതമ് ॥ 10 ॥
ശരണ്യേ ത്വാം പ്രപന്നോഽസ്മി കമലേ കമലാലയേ ।
ത്രാഹി ത്രാഹി മഹാലക്ഷ്മി പരിത്രാണപരായണേ ॥ 11 ॥
പാണ്ഡിത്യം ശോഭതേ നൈവ ന ശോഭന്തേ ഗുണാ നരേ ।
ശീലത്വം നൈവ ശോഭേത മഹാലക്ഷ്മി ത്വയാ വിനാ ॥ 12 ॥
താവദ്വിരാജതേ രൂപം താവച്ഛീലം വിരാജതേ ।
താവദ്ഗുണാ നരാണാം ച യാവല്ലക്ഷ്മീഃ പ്രസീദതി ॥ 13 ॥
ലക്ഷ്മി ത്വയാഽലങ്കൃതമാനവാ യേ
പാപൈര്വിമുക്താ നൃപലോകമാന്യാഃ ।
ഗുണൈര്വിഹീനാ ഗുണിനോ ഭവന്തി
ദുശ്ശീലിനഃ ശീലവതാം വരിഷ്ഠാഃ ॥ 14 ॥
ലക്ഷ്മീര്ഭൂഷയതേ രൂപം ലക്ഷ്മീര്ഭൂഷയതേ കുലമ് ।
ലക്ഷ്മീര്ഭൂഷയതേ വിദ്യാം സര്വാ ലക്ഷ്മീര്വിശിഷ്യതേ ॥ 15 ॥
ലക്ഷ്മീ ത്വദ്ഗുണകീര്തനേന കമലാ ഭൂര്യാത്യലം ജിഹ്മതാമ്
രുദ്രാദ്യാ രവിചന്ദ്രദേവപതയോ വക്തും ച നൈവ ക്ഷമാഃ ।
അസ്മാഭിസ്തവ രൂപലക്ഷണഗുണാന്വക്തും കഥം ശക്യതേ
മാതര്മാം പരിപാഹി വിശ്വജനനീ കൃത്വാ മമേഷ്ടം ധ്രുവമ് ॥ 16 ॥
ദീനാര്തിഭീതം ഭവതാപപീഡിതം
ധനൈര്വിഹീനം തവ പാര്ശ്വമാഗതമ് ।
കൃപാനിധിത്വാന്മമ ലക്ഷ്മി സത്വരം
ധനപ്രദാനാദ്ധനനായകം കുരു ॥ 17 ॥
മാം വിലോക്യ ജനനീ ഹരിപ്രിയേ
നിര്ധനം തവ സമീപമാഗതമ് ।
ദേഹി മേ ഝടിതി ലക്ഷ്മി കരാഗ്രം
വസ്ത്രകാഞ്ചനവരാന്നമദ്ഭുതമ് ॥ 18 ॥
ത്വമേവ ജനനീ ലക്ഷ്മീഃ പിതാ ലക്ഷ്മീസ്ത്വമേവ ച ।
ഭ്രാതാ ത്വം ച സഖാ ലക്ഷ്മീര്വിദ്യാ ലക്ഷ്മീസ്ത്വമേവ ച ॥ 19 ॥
ത്രാഹി ത്രാഹി മഹാലക്ഷ്മി ത്രാഹി ത്രാഹി സുരേശ്വരി ।
ത്രാഹി ത്രാഹി ജഗന്മാതഃ ദാരിദ്ര്യാത്ത്രാഹി വേഗതഃ ॥ 20 ॥
നമസ്തുഭ്യം ജഗദ്ധാത്രി നമസ്തുഭ്യം നമോ നമഃ ।
ധര്മാധാരേ നമസ്തുഭ്യം നമഃ സമ്പത്തിദായിനീ ॥ 21 ॥
ദാരിദ്ര്യാര്ണവമഗ്നോഽഹം നിമഗ്നോഽഹം രസാതലേ ।
മജ്ജന്തം മാം കരേ ധൃത്വാ തൂദ്ധര ത്വം രമേ ദ്രുതമ് ॥ 22 ॥
കിം ലക്ഷ്മി ബഹുനോക്തേന ജല്പിതേന പുനഃ പുനഃ ।
അന്യന്മേ ശരണം നാസ്തി സത്യം സത്യം ഹരിപ്രിയേ ॥ 23 ॥
ഏതച്ഛ്രുത്വാഽഗസ്ത്യവാക്യം ഹൃഷ്യമാണാ ഹരിപ്രിയാ ।
ഉവാച മധുരാം വാണീം തുഷ്ടാഽഹം തവ സര്വദാ ॥ 24 ॥
ശ്രീലക്ഷ്മീരുവാച ।
യത്ത്വയോക്തമിദം സ്തോത്രം യഃ പഠിഷ്യതി മാനവഃ ।
ശൃണോതി ച മഹാഭാഗസ്തസ്യാഹം വശവര്തിനീ ॥ 25 ॥
നിത്യം പഠതി യോ ഭക്ത്യാ ത്വലക്ഷ്മീസ്തസ്യ നശ്യതി ।
ഋണം ച നശ്യതേ തീവ്രം വിയോഗം നൈവ പശ്യതി ॥ 26 ॥
യഃ പഠേത്പ്രാതരുത്ഥായ ശ്രദ്ധാഭക്തിസമന്വിതഃ ।
ഗൃഹേ തസ്യ സദാ തിഷ്ടേന്നിത്യം ശ്രീഃ പതിനാ സഹ ॥ 27 ॥
സുഖസൌഭാഗ്യസമ്പന്നോ മനസ്വീ ബുദ്ധിമാന്ഭവേത് ।
പുത്രവാന് ഗുണവാന് ശ്രേഷ്ഠോ ഭോഗഭോക്താ ച മാനവഃ ॥ 28 ॥
ഇദം സ്തോത്രം മഹാപുണ്യം ലക്ഷ്മ്യാഗസ്ത്യപ്രകീര്തിതമ് ।
വിഷ്ണുപ്രസാദജനനം ചതുര്വര്ഗഫലപ്രദമ് ॥ 29 ॥
രാജദ്വാരേ ജയശ്ചൈവ ശത്രോശ്ചൈവ പരാജയഃ ।
ഭൂതപ്രേതപിശാചാനാം വ്യാഘ്രാണാം ന ഭയം തഥാ ॥ 30 ॥
ന ശസ്ത്രാനലതോയൌഘാദ്ഭയം തസ്യ പ്രജായതേ ।
ദുര്വൃത്താനാം ച പാപാനാം ബഹുഹാനികരം പരമ് ॥ 31 ॥
മന്ദുരാകരിശാലാസു ഗവാം ഗോഷ്ഠേ സമാഹിതഃ ।
പഠേത്തദ്ദോഷശാന്ത്യര്ഥം മഹാപാതകനാശനമ് ॥ 32 ॥
സര്വസൌഖ്യകരം നൄണാമായുരാരോഗ്യദം തഥാ ।
അഗസ്ത്യമുനിനാ പ്രോക്തം പ്രജാനാം ഹിതകാമ്യയാ ॥ 33 ॥
ഇത്യഗസ്ത്യവിരചിതം ശ്രീ ലക്ഷ്മീ സ്തോത്രമ് ।
Related Scriptures
अन्नमय्य कीर्तन जय लक्ष्मि वर लक्ष्मि
0 verses
अष्ट लक्ष्मी स्तोत्रम्
8 verses
भाग्यदा लक्ष्मी बारम्मा
0 verses
1000 Names of Goddess Lakshmi
1000 verses
108 Names of Goddess Lakshmi
108 verses
Maatu Lakshmi Kari Kripa
0 verses
About This Stotram
Overview
Agastya Kruta Sri Lakshmi Stotram is a 33-verse Sanskrit hymn attributed to the sage Agastya, dedicated to Goddess Lakshmi, the deity of wealth, fortune, and auspiciousness. The text praises Lakshmi's attributes and forms and petitions her for prosperity and well-being. It belongs to the Vaishnava devotional tradition.
What are the benefits of chanting Agastya Kruta Sri Lakshmi Stotram?
- Recitation is said to invoke Lakshmi's blessings for wealth and material abundance.
- Devotees chant it to remove financial difficulties and obstacles.
- The hymn is believed to bring good fortune and auspiciousness.
- It is recited for inner peace and contentment.
- Regular chanting is said to cultivate spiritual merit alongside material benefits.
When is the best time to recite this?
This stotram is recited on Fridays, which are associated with Lakshmi, and during festivals such as Diwali and Navaratri. Devotees also recite it during morning puja and any occasion when seeking Lakshmi's blessings.
Historical and traditional background
The hymn is attributed to Agastya, a sage prominent in both Vedic and Puranic texts. Its exact date of composition is not known; such attributions often reflect a text's connection to a particular sage's tradition rather than direct authorship. The stotram circulates within collections of Lakshmi devotional literature and is used in Vaishnava puja across South and North India.
Available scripts
This text is available in 14 scripts: Devanagari, Tamil, Telugu, Kannada, Malayalam, Gujarati, Bengali, IAST, Gurmukhi, Oriya, Assamese, Sinhala, ITRANS, HK. Use the script selector to read it in your preferred script.
Related Texts
- Sri Suktam — the Vedic hymn to Lakshmi from the Rigveda, the oldest known text in this tradition.
- Kanaka Dhara Stotram — a Lakshmi hymn attributed to Adi Shankaracharya, also in the devotional stotram tradition.