ಅಗಸ್ತ್ಯ ಕೃತ ಶ್ರೀ ಲಕ್ಷ್ಮೀ ಸ್ತೋತ್ರಂ

ಅಗಸ್ತ್ಯ ಕೃತ ಶ್ರೀ ಲಕ್ಷ್ಮೀ ಸ್ತೋತ್ರಂ

ಶ್ಲೋಕ 1

ಜಯ ಪದ್ಮಪಲಾಶಾಕ್ಷಿ ಜಯ ತ್ವಂ ಶ್ರೀಪತಿಪ್ರಿಯೇ ।

ಜಯ ಮಾತರ್ಮಹಾಲಕ್ಷ್ಮಿ ಸಂಸಾರಾರ್ಣವತಾರಿಣಿ

ಶ್ಲೋಕ 2

ಮಹಾಲಕ್ಷ್ಮಿ ನಮಸ್ತುಭ್ಯಂ ನಮಸ್ತುಭ್ಯಂ ಸುರೇಶ್ವರಿ ।

ಹರಿಪ್ರಿಯೇ ನಮಸ್ತುಭ್ಯಂ ನಮಸ್ತುಭ್ಯಂ ದಯಾನಿಧೇ

॥ 1 ॥

ಶ್ಲೋಕ 3

ಪದ್ಮಾಲಯೇ ನಮಸ್ತುಭ್ಯಂ ನಮಸ್ತುಭ್ಯಂ ಚ ಸರ್ವದೇ ।

ಸರ್ವಭೂತಹಿತಾರ್ಥಾಯ ವಸುವೃಷ್ಟಿಂ ಸದಾ ಕುರು

॥ 2 ॥

ಶ್ಲೋಕ 4

ಜಗನ್ಮಾತರ್ನಮಸ್ತುಭ್ಯಂ ನಮಸ್ತುಭ್ಯಂ ದಯಾನಿಧೇ ।

ದಯಾವತಿ ನಮಸ್ತುಭ್ಯಂ ವಿಶ್ವೇಶ್ವರಿ ನಮೋಽಸ್ತು ತೇ

॥ 3 ॥

ಶ್ಲೋಕ 5

ನಮಃ ಕ್ಷೀರಾರ್ಣವಸುತೇ ನಮಸ್ತ್ರೈಲೋಕ್ಯಧಾರಿಣಿ ।

ವಸುವೃಷ್ಟೇ ನಮಸ್ತುಭ್ಯಂ ರಕ್ಷ ಮಾಂ ಶರಣಾಗತಮ್

॥ 4 ॥

ಶ್ಲೋಕ 6

ರಕ್ಷ ತ್ವಂ ದೇವದೇವೇಶಿ ದೇವದೇವಸ್ಯ ವಲ್ಲಭೇ ।

ದಾರಿದ್ರ್ಯಾತ್ತ್ರಾಹಿ ಮಾಂ ಲಕ್ಷ್ಮಿ ಕೃಪಾಂ ಕುರು ಮಮೋಪರಿ

॥ 5 ॥

ಶ್ಲೋಕ 7

ನಮಸ್ತ್ರೈಲೋಕ್ಯಜನನಿ ನಮಸ್ತ್ರೈಲೋಕ್ಯಪಾವನಿ ।

ಬ್ರಹ್ಮಾದಯೋ ನಮನ್ತಿ ತ್ವಾಂ ಜಗದಾನನ್ದದಾಯಿನಿ

॥ 6 ॥

ಶ್ಲೋಕ 8

ವಿಷ್ಣುಪ್ರಿಯೇ ನಮಸ್ತುಭ್ಯಂ ನಮಸ್ತುಭ್ಯಂ ಜಗದ್ಧಿತೇ ।

ಆರ್ತಿಹನ್ತ್ರಿ ನಮಸ್ತುಭ್ಯಂ ಸಮೃದ್ಧಿಂ ಕುರು ಮೇ ಸದಾ

॥ 7 ॥

ಶ್ಲೋಕ 9

ಅಬ್ಜವಾಸೇ ನಮಸ್ತುಭ್ಯಂ ಚಪಲಾಯೈ ನಮೋ ನಮಃ ।

ಚಞ್ಚಲಾಯೈ ನಮಸ್ತುಭ್ಯಂ ಲಲಿತಾಯೈ ನಮೋ ನಮಃ

॥ 8 ॥

ಶ್ಲೋಕ 10

ನಮಃ ಪ್ರದ್ಯುಮ್ನಜನನಿ ಮಾತಸ್ತುಭ್ಯಂ ನಮೋ ನಮಃ ।

ಪರಿಪಾಲಯ ಮಾಂ ಮಾತಃ ಮಾಂ ತುಭ್ಯಂ ಶರಣಾಗತಮ್

॥ 9 ॥

ಶ್ಲೋಕ 11

ಶರಣ್ಯೇ ತ್ವಾಂ ಪ್ರಪನ್ನೋಽಸ್ಮಿ ಕಮಲೇ ಕಮಲಾಲಯೇ ।

ತ್ರಾಹಿ ತ್ರಾಹಿ ಮಹಾಲಕ್ಷ್ಮಿ ಪರಿತ್ರಾಣಪರಾಯಣೇ

॥ 10 ॥

ಶ್ಲೋಕ 12

ಪಾಣ್ಡಿತ್ಯಂ ಶೋಭತೇ ನೈವ ನ ಶೋಭನ್ತೇ ಗುಣಾ ನರೇ ।

ಶೀಲತ್ವಂ ನೈವ ಶೋಭೇತ ಮಹಾಲಕ್ಷ್ಮಿ ತ್ವಯಾ ವಿನಾ

॥ 11 ॥

ಶ್ಲೋಕ 13

ತಾವದ್ವಿರಾಜತೇ ರೂಪಂ ತಾವಚ್ಛೀಲಂ ವಿರಾಜತೇ ।

ತಾವದ್ಗುಣಾ ನರಾಣಾಂ ಚ ಯಾವಲ್ಲಕ್ಷ್ಮೀಃ ಪ್ರಸೀದತಿ

॥ 12 ॥

ಶ್ಲೋಕ 14

ಲಕ್ಷ್ಮಿ ತ್ವಯಾಽಲಙ್ಕೃತಮಾನವಾ ಯೇ

ಪಾಪೈರ್ವಿಮುಕ್ತಾ ನೃಪಲೋಕಮಾನ್ಯಾಃ ।

ಗುಣೈರ್ವಿಹೀನಾ ಗುಣಿನೋ ಭವನ್ತಿ

ದುಶ್ಶೀಲಿನಃ ಶೀಲವತಾಂ ವರಿಷ್ಠಾಃ

॥ 13 ॥

ಶ್ಲೋಕ 15

ಲಕ್ಷ್ಮೀರ್ಭೂಷಯತೇ ರೂಪಂ ಲಕ್ಷ್ಮೀರ್ಭೂಷಯತೇ ಕುಲಮ್ ।

ಲಕ್ಷ್ಮೀರ್ಭೂಷಯತೇ ವಿದ್ಯಾಂ ಸರ್ವಾ ಲಕ್ಷ್ಮೀರ್ವಿಶಿಷ್ಯತೇ

॥ 14 ॥

ಶ್ಲೋಕ 16

ಲಕ್ಷ್ಮೀ ತ್ವದ್ಗುಣಕೀರ್ತನೇನ ಕಮಲಾ ಭೂರ್ಯಾತ್ಯಲಂ ಜಿಹ್ಮತಾಮ್

ರುದ್ರಾದ್ಯಾ ರವಿಚನ್ದ್ರದೇವಪತಯೋ ವಕ್ತುಂ ಚ ನೈವ ಕ್ಷಮಾಃ ।

ಅಸ್ಮಾಭಿಸ್ತವ ರೂಪಲಕ್ಷಣಗುಣಾನ್ವಕ್ತುಂ ಕಥಂ ಶಕ್ಯತೇ

ಮಾತರ್ಮಾಂ ಪರಿಪಾಹಿ ವಿಶ್ವಜನನೀ ಕೃತ್ವಾ ಮಮೇಷ್ಟಂ ಧ್ರುವಮ್

॥ 15 ॥

ಶ್ಲೋಕ 17

ದೀನಾರ್ತಿಭೀತಂ ಭವತಾಪಪೀಡಿತಂ

ಧನೈರ್ವಿಹೀನಂ ತವ ಪಾರ್ಶ್ವಮಾಗತಮ್ ।

ಕೃಪಾನಿಧಿತ್ವಾನ್ಮಮ ಲಕ್ಷ್ಮಿ ಸತ್ವರಂ

ಧನಪ್ರದಾನಾದ್ಧನನಾಯಕಂ ಕುರು

॥ 16 ॥

ಶ್ಲೋಕ 18

ಮಾಂ ವಿಲೋಕ್ಯ ಜನನೀ ಹರಿಪ್ರಿಯೇ

ನಿರ್ಧನಂ ತವ ಸಮೀಪಮಾಗತಮ್ ।

ದೇಹಿ ಮೇ ಝಟಿತಿ ಲಕ್ಷ್ಮಿ ಕರಾಗ್ರಂ

ವಸ್ತ್ರಕಾಞ್ಚನವರಾನ್ನಮದ್ಭುತಮ್

॥ 17 ॥

ಶ್ಲೋಕ 19

ತ್ವಮೇವ ಜನನೀ ಲಕ್ಷ್ಮೀಃ ಪಿತಾ ಲಕ್ಷ್ಮೀಸ್ತ್ವಮೇವ ಚ ।

ಭ್ರಾತಾ ತ್ವಂ ಚ ಸಖಾ ಲಕ್ಷ್ಮೀರ್ವಿದ್ಯಾ ಲಕ್ಷ್ಮೀಸ್ತ್ವಮೇವ ಚ

॥ 18 ॥

ಶ್ಲೋಕ 20

ತ್ರಾಹಿ ತ್ರಾಹಿ ಮಹಾಲಕ್ಷ್ಮಿ ತ್ರಾಹಿ ತ್ರಾಹಿ ಸುರೇಶ್ವರಿ ।

ತ್ರಾಹಿ ತ್ರಾಹಿ ಜಗನ್ಮಾತಃ ದಾರಿದ್ರ್ಯಾತ್ತ್ರಾಹಿ ವೇಗತಃ

॥ 19 ॥

ಶ್ಲೋಕ 21

ನಮಸ್ತುಭ್ಯಂ ಜಗದ್ಧಾತ್ರಿ ನಮಸ್ತುಭ್ಯಂ ನಮೋ ನಮಃ ।

ಧರ್ಮಾಧಾರೇ ನಮಸ್ತುಭ್ಯಂ ನಮಃ ಸಮ್ಪತ್ತಿದಾಯಿನೀ

॥ 20 ॥

ಶ್ಲೋಕ 22

ದಾರಿದ್ರ್ಯಾರ್ಣವಮಗ್ನೋಽಹಂ ನಿಮಗ್ನೋಽಹಂ ರಸಾತಲೇ ।

ಮಜ್ಜನ್ತಂ ಮಾಂ ಕರೇ ಧೃತ್ವಾ ತೂದ್ಧರ ತ್ವಂ ರಮೇ ದ್ರುತಮ್

॥ 21 ॥

ಶ್ಲೋಕ 23

ಕಿಂ ಲಕ್ಷ್ಮಿ ಬಹುನೋಕ್ತೇನ ಜಲ್ಪಿತೇನ ಪುನಃ ಪುನಃ ।

ಅನ್ಯನ್ಮೇ ಶರಣಂ ನಾಸ್ತಿ ಸತ್ಯಂ ಸತ್ಯಂ ಹರಿಪ್ರಿಯೇ

॥ 22 ॥

ಶ್ಲೋಕ 24

ಏತಚ್ಛ್ರುತ್ವಾಽಗಸ್ತ್ಯವಾಕ್ಯಂ ಹೃಷ್ಯಮಾಣಾ ಹರಿಪ್ರಿಯಾ ।

ಉವಾಚ ಮಧುರಾಂ ವಾಣೀಂ ತುಷ್ಟಾಽಹಂ ತವ ಸರ್ವದಾ

॥ 23 ॥

ಶ್ಲೋಕ 25

ಶ್ರೀಲಕ್ಷ್ಮೀರುವಾಚ ।

ಯತ್ತ್ವಯೋಕ್ತಮಿದಂ ಸ್ತೋತ್ರಂ ಯಃ ಪಠಿಷ್ಯತಿ ಮಾನವಃ ।

ಶೃಣೋತಿ ಚ ಮಹಾಭಾಗಸ್ತಸ್ಯಾಹಂ ವಶವರ್ತಿನೀ

॥ 24 ॥

ಶ್ಲೋಕ 26

ನಿತ್ಯಂ ಪಠತಿ ಯೋ ಭಕ್ತ್ಯಾ ತ್ವಲಕ್ಷ್ಮೀಸ್ತಸ್ಯ ನಶ್ಯತಿ ।

ಋಣಂ ಚ ನಶ್ಯತೇ ತೀವ್ರಂ ವಿಯೋಗಂ ನೈವ ಪಶ್ಯತಿ

॥ 25 ॥

ಶ್ಲೋಕ 27

ಯಃ ಪಠೇತ್ಪ್ರಾತರುತ್ಥಾಯ ಶ್ರದ್ಧಾಭಕ್ತಿಸಮನ್ವಿತಃ ।

ಗೃಹೇ ತಸ್ಯ ಸದಾ ತಿಷ್ಟೇನ್ನಿತ್ಯಂ ಶ್ರೀಃ ಪತಿನಾ ಸಹ

॥ 26 ॥

ಶ್ಲೋಕ 28

ಸುಖಸೌಭಾಗ್ಯಸಮ್ಪನ್ನೋ ಮನಸ್ವೀ ಬುದ್ಧಿಮಾನ್ಭವೇತ್ ।

ಪುತ್ರವಾನ್ ಗುಣವಾನ್ ಶ್ರೇಷ್ಠೋ ಭೋಗಭೋಕ್ತಾ ಚ ಮಾನವಃ

॥ 27 ॥

ಶ್ಲೋಕ 29

ಇದಂ ಸ್ತೋತ್ರಂ ಮಹಾಪುಣ್ಯಂ ಲಕ್ಷ್ಮ್ಯಾಗಸ್ತ್ಯಪ್ರಕೀರ್ತಿತಮ್ ।

ವಿಷ್ಣುಪ್ರಸಾದಜನನಂ ಚತುರ್ವರ್ಗಫಲಪ್ರದಮ್

॥ 28 ॥

ಶ್ಲೋಕ 30

ರಾಜದ್ವಾರೇ ಜಯಶ್ಚೈವ ಶತ್ರೋಶ್ಚೈವ ಪರಾಜಯಃ ।

ಭೂತಪ್ರೇತಪಿಶಾಚಾನಾಂ ವ್ಯಾಘ್ರಾಣಾಂ ನ ಭಯಂ ತಥಾ

॥ 29 ॥

ಶ್ಲೋಕ 31

ನ ಶಸ್ತ್ರಾನಲತೋಯೌಘಾದ್ಭಯಂ ತಸ್ಯ ಪ್ರಜಾಯತೇ ।

ದುರ್ವೃತ್ತಾನಾಂ ಚ ಪಾಪಾನಾಂ ಬಹುಹಾನಿಕರಂ ಪರಮ್

॥ 30 ॥

ಶ್ಲೋಕ 32

ಮನ್ದುರಾಕರಿಶಾಲಾಸು ಗವಾಂ ಗೋಷ್ಠೇ ಸಮಾಹಿತಃ ।

ಪಠೇತ್ತದ್ದೋಷಶಾನ್ತ್ಯರ್ಥಂ ಮಹಾಪಾತಕನಾಶನಮ್

॥ 31 ॥

ಶ್ಲೋಕ 33

ಸರ್ವಸೌಖ್ಯಕರಂ ನೄಣಾಮಾಯುರಾರೋಗ್ಯದಂ ತಥಾ ।

ಅಗಸ್ತ್ಯಮುನಿನಾ ಪ್ರೋಕ್ತಂ ಪ್ರಜಾನಾಂ ಹಿತಕಾಮ್ಯಯಾ

॥ 32 ॥

ಶ್ಲೋಕ 34

ಇತ್ಯಗಸ್ತ್ಯವಿರಚಿತಂ ಶ್ರೀ ಲಕ್ಷ್ಮೀ ಸ್ತೋತ್ರಮ್ ।