અગસ્ત્ય કૃત શ્રી લક્ષ્મી સ્તોત્રં

અગસ્ત્ય કૃત શ્રી લક્ષ્મી સ્તોત્રં

શ્લોક 1

જય પદ્મપલાશાક્ષિ જય ત્વં શ્રીપતિપ્રિયે ।

જય માતર્મહાલક્ષ્મિ સંસારાર્ણવતારિણિ

શ્લોક 2

મહાલક્ષ્મિ નમસ્તુભ્યં નમસ્તુભ્યં સુરેશ્વરિ ।

હરિપ્રિયે નમસ્તુભ્યં નમસ્તુભ્યં દયાનિધે

॥ 1 ॥

શ્લોક 3

પદ્માલયે નમસ્તુભ્યં નમસ્તુભ્યં ચ સર્વદે ।

સર્વભૂતહિતાર્થાય વસુવૃષ્ટિં સદા કુરુ

॥ 2 ॥

શ્લોક 4

જગન્માતર્નમસ્તુભ્યં નમસ્તુભ્યં દયાનિધે ।

દયાવતિ નમસ્તુભ્યં વિશ્વેશ્વરિ નમોઽસ્તુ તે

॥ 3 ॥

શ્લોક 5

નમઃ ક્ષીરાર્ણવસુતે નમસ્ત્રૈલોક્યધારિણિ ।

વસુવૃષ્ટે નમસ્તુભ્યં રક્ષ માં શરણાગતમ્

॥ 4 ॥

શ્લોક 6

રક્ષ ત્વં દેવદેવેશિ દેવદેવસ્ય વલ્લભે ।

દારિદ્ર્યાત્ત્રાહિ માં લક્ષ્મિ કૃપાં કુરુ મમોપરિ

॥ 5 ॥

શ્લોક 7

નમસ્ત્રૈલોક્યજનનિ નમસ્ત્રૈલોક્યપાવનિ ।

બ્રહ્માદયો નમન્તિ ત્વાં જગદાનન્દદાયિનિ

॥ 6 ॥

શ્લોક 8

વિષ્ણુપ્રિયે નમસ્તુભ્યં નમસ્તુભ્યં જગદ્ધિતે ।

આર્તિહન્ત્રિ નમસ્તુભ્યં સમૃદ્ધિં કુરુ મે સદા

॥ 7 ॥

શ્લોક 9

અબ્જવાસે નમસ્તુભ્યં ચપલાયૈ નમો નમઃ ।

ચઞ્ચલાયૈ નમસ્તુભ્યં લલિતાયૈ નમો નમઃ

॥ 8 ॥

શ્લોક 10

નમઃ પ્રદ્યુમ્નજનનિ માતસ્તુભ્યં નમો નમઃ ।

પરિપાલય માં માતઃ માં તુભ્યં શરણાગતમ્

॥ 9 ॥

શ્લોક 11

શરણ્યે ત્વાં પ્રપન્નોઽસ્મિ કમલે કમલાલયે ।

ત્રાહિ ત્રાહિ મહાલક્ષ્મિ પરિત્રાણપરાયણે

॥ 10 ॥

શ્લોક 12

પાણ્ડિત્યં શોભતે નૈવ ન શોભન્તે ગુણા નરે ।

શીલત્વં નૈવ શોભેત મહાલક્ષ્મિ ત્વયા વિના

॥ 11 ॥

શ્લોક 13

તાવદ્વિરાજતે રૂપં તાવચ્છીલં વિરાજતે ।

તાવદ્ગુણા નરાણાં ચ યાવલ્લક્ષ્મીઃ પ્રસીદતિ

॥ 12 ॥

શ્લોક 14

લક્ષ્મિ ત્વયાઽલઙ્કૃતમાનવા યે

પાપૈર્વિમુક્તા નૃપલોકમાન્યાઃ ।

ગુણૈર્વિહીના ગુણિનો ભવન્તિ

દુશ્શીલિનઃ શીલવતાં વરિષ્ઠાઃ

॥ 13 ॥

શ્લોક 15

લક્ષ્મીર્ભૂષયતે રૂપં લક્ષ્મીર્ભૂષયતે કુલમ્ ।

લક્ષ્મીર્ભૂષયતે વિદ્યાં સર્વા લક્ષ્મીર્વિશિષ્યતે

॥ 14 ॥

શ્લોક 16

લક્ષ્મી ત્વદ્ગુણકીર્તનેન કમલા ભૂર્યાત્યલં જિહ્મતામ્

રુદ્રાદ્યા રવિચન્દ્રદેવપતયો વક્તું ચ નૈવ ક્ષમાઃ ।

અસ્માભિસ્તવ રૂપલક્ષણગુણાન્વક્તું કથં શક્યતે

માતર્માં પરિપાહિ વિશ્વજનની કૃત્વા મમેષ્ટં ધ્રુવમ્

॥ 15 ॥

શ્લોક 17

દીનાર્તિભીતં ભવતાપપીડિતં

ધનૈર્વિહીનં તવ પાર્શ્વમાગતમ્ ।

કૃપાનિધિત્વાન્મમ લક્ષ્મિ સત્વરં

ધનપ્રદાનાદ્ધનનાયકં કુરુ

॥ 16 ॥

શ્લોક 18

માં વિલોક્ય જનની હરિપ્રિયે

નિર્ધનં તવ સમીપમાગતમ્ ।

દેહિ મે ઝટિતિ લક્ષ્મિ કરાગ્રં

વસ્ત્રકાઞ્ચનવરાન્નમદ્ભુતમ્

॥ 17 ॥

શ્લોક 19

ત્વમેવ જનની લક્ષ્મીઃ પિતા લક્ષ્મીસ્ત્વમેવ ચ ।

ભ્રાતા ત્વં ચ સખા લક્ષ્મીર્વિદ્યા લક્ષ્મીસ્ત્વમેવ ચ

॥ 18 ॥

શ્લોક 20

ત્રાહિ ત્રાહિ મહાલક્ષ્મિ ત્રાહિ ત્રાહિ સુરેશ્વરિ ।

ત્રાહિ ત્રાહિ જગન્માતઃ દારિદ્ર્યાત્ત્રાહિ વેગતઃ

॥ 19 ॥

શ્લોક 21

નમસ્તુભ્યં જગદ્ધાત્રિ નમસ્તુભ્યં નમો નમઃ ।

ધર્માધારે નમસ્તુભ્યં નમઃ સમ્પત્તિદાયિની

॥ 20 ॥

શ્લોક 22

દારિદ્ર્યાર્ણવમગ્નોઽહં નિમગ્નોઽહં રસાતલે ।

મજ્જન્તં માં કરે ધૃત્વા તૂદ્ધર ત્વં રમે દ્રુતમ્

॥ 21 ॥

શ્લોક 23

કિં લક્ષ્મિ બહુનોક્તેન જલ્પિતેન પુનઃ પુનઃ ।

અન્યન્મે શરણં નાસ્તિ સત્યં સત્યં હરિપ્રિયે

॥ 22 ॥

શ્લોક 24

એતચ્છ્રુત્વાઽગસ્ત્યવાક્યં હૃષ્યમાણા હરિપ્રિયા ।

ઉવાચ મધુરાં વાણીં તુષ્ટાઽહં તવ સર્વદા

॥ 23 ॥

શ્લોક 25

શ્રીલક્ષ્મીરુવાચ ।

યત્ત્વયોક્તમિદં સ્તોત્રં યઃ પઠિષ્યતિ માનવઃ ।

શૃણોતિ ચ મહાભાગસ્તસ્યાહં વશવર્તિની

॥ 24 ॥

શ્લોક 26

નિત્યં પઠતિ યો ભક્ત્યા ત્વલક્ષ્મીસ્તસ્ય નશ્યતિ ।

ઋણં ચ નશ્યતે તીવ્રં વિયોગં નૈવ પશ્યતિ

॥ 25 ॥

શ્લોક 27

યઃ પઠેત્પ્રાતરુત્થાય શ્રદ્ધાભક્તિસમન્વિતઃ ।

ગૃહે તસ્ય સદા તિષ્ટેન્નિત્યં શ્રીઃ પતિના સહ

॥ 26 ॥

શ્લોક 28

સુખસૌભાગ્યસમ્પન્નો મનસ્વી બુદ્ધિમાન્ભવેત્ ।

પુત્રવાન્ ગુણવાન્ શ્રેષ્ઠો ભોગભોક્તા ચ માનવઃ

॥ 27 ॥

શ્લોક 29

ઇદં સ્તોત્રં મહાપુણ્યં લક્ષ્મ્યાગસ્ત્યપ્રકીર્તિતમ્ ।

વિષ્ણુપ્રસાદજનનં ચતુર્વર્ગફલપ્રદમ્

॥ 28 ॥

શ્લોક 30

રાજદ્વારે જયશ્ચૈવ શત્રોશ્ચૈવ પરાજયઃ ।

ભૂતપ્રેતપિશાચાનાં વ્યાઘ્રાણાં ન ભયં તથા

॥ 29 ॥

શ્લોક 31

ન શસ્ત્રાનલતોયૌઘાદ્ભયં તસ્ય પ્રજાયતે ।

દુર્વૃત્તાનાં ચ પાપાનાં બહુહાનિકરં પરમ્

॥ 30 ॥

શ્લોક 32

મન્દુરાકરિશાલાસુ ગવાં ગોષ્ઠે સમાહિતઃ ।

પઠેત્તદ્દોષશાન્ત્યર્થં મહાપાતકનાશનમ્

॥ 31 ॥

શ્લોક 33

સર્વસૌખ્યકરં નૄણામાયુરારોગ્યદં તથા ।

અગસ્ત્યમુનિના પ્રોક્તં પ્રજાનાં હિતકામ્યયા

॥ 32 ॥

શ્લોક 34

ઇત્યગસ્ત્યવિરચિતં શ્રી લક્ષ્મી સ્તોત્રમ્ ।