অগস্ত্য কৃত শ্রী লক্ষ্মী স্তোত্রং

অগস্ত্য কৃত শ্রী লক্ষ্মী স্তোত্রং

শ্লোক 1

জয পদ্মপলাশাক্ষি জয ত্বং শ্রীপতিপ্রিযে ।

জয মাতর্মহালক্ষ্মি সংসারার্ণবতারিণি

শ্লোক 2

মহালক্ষ্মি নমস্তুভ্যং নমস্তুভ্যং সুরেশ্বরি ।

হরিপ্রিযে নমস্তুভ্যং নমস্তুভ্যং দযানিধে

॥ 1 ॥

শ্লোক 3

পদ্মালযে নমস্তুভ্যং নমস্তুভ্যং চ সর্বদে ।

সর্বভূতহিতার্থায বসুবৃষ্টিং সদা কুরু

॥ 2 ॥

শ্লোক 4

জগন্মাতর্নমস্তুভ্যং নমস্তুভ্যং দযানিধে ।

দযাবতি নমস্তুভ্যং বিশ্বেশ্বরি নমোঽস্তু তে

॥ 3 ॥

শ্লোক 5

নমঃ ক্ষীরার্ণবসুতে নমস্ত্রৈলোক্যধারিণি ।

বসুবৃষ্টে নমস্তুভ্যং রক্ষ মাং শরণাগতম্

॥ 4 ॥

শ্লোক 6

রক্ষ ত্বং দেবদেবেশি দেবদেবস্য বল্লভে ।

দারিদ্র্যাত্ত্রাহি মাং লক্ষ্মি কৃপাং কুরু মমোপরি

॥ 5 ॥

শ্লোক 7

নমস্ত্রৈলোক্যজননি নমস্ত্রৈলোক্যপাবনি ।

ব্রহ্মাদযো নমন্তি ত্বাং জগদানন্দদাযিনি

॥ 6 ॥

শ্লোক 8

বিষ্ণুপ্রিযে নমস্তুভ্যং নমস্তুভ্যং জগদ্ধিতে ।

আর্তিহন্ত্রি নমস্তুভ্যং সমৃদ্ধিং কুরু মে সদা

॥ 7 ॥

শ্লোক 9

অব্জবাসে নমস্তুভ্যং চপলাযৈ নমো নমঃ ।

চঞ্চলাযৈ নমস্তুভ্যং ললিতাযৈ নমো নমঃ

॥ 8 ॥

শ্লোক 10

নমঃ প্রদ্যুম্নজননি মাতস্তুভ্যং নমো নমঃ ।

পরিপালয মাং মাতঃ মাং তুভ্যং শরণাগতম্

॥ 9 ॥

শ্লোক 11

শরণ্যে ত্বাং প্রপন্নোঽস্মি কমলে কমলালযে ।

ত্রাহি ত্রাহি মহালক্ষ্মি পরিত্রাণপরাযণে

॥ 10 ॥

শ্লোক 12

পাণ্ডিত্যং শোভতে নৈব ন শোভন্তে গুণা নরে ।

শীলত্বং নৈব শোভেত মহালক্ষ্মি ত্বযা বিনা

॥ 11 ॥

শ্লোক 13

তাবদ্বিরাজতে রূপং তাবচ্ছীলং বিরাজতে ।

তাবদ্গুণা নরাণাং চ যাবল্লক্ষ্মীঃ প্রসীদতি

॥ 12 ॥

শ্লোক 14

লক্ষ্মি ত্বযাঽলঙ্কৃতমানবা যে

পাপৈর্বিমুক্তা নৃপলোকমান্যাঃ ।

গুণৈর্বিহীনা গুণিনো ভবন্তি

দুশ্শীলিনঃ শীলবতাং বরিষ্ঠাঃ

॥ 13 ॥

শ্লোক 15

লক্ষ্মীর্ভূষযতে রূপং লক্ষ্মীর্ভূষযতে কুলম্ ।

লক্ষ্মীর্ভূষযতে বিদ্যাং সর্বা লক্ষ্মীর্বিশিষ্যতে

॥ 14 ॥

শ্লোক 16

লক্ষ্মী ত্বদ্গুণকীর্তনেন কমলা ভূর্যাত্যলং জিহ্মতাম্

রুদ্রাদ্যা রবিচন্দ্রদেবপতযো বক্তুং চ নৈব ক্ষমাঃ ।

অস্মাভিস্তব রূপলক্ষণগুণান্বক্তুং কথং শক্যতে

মাতর্মাং পরিপাহি বিশ্বজননী কৃত্বা মমেষ্টং ধ্রুবম্

॥ 15 ॥

শ্লোক 17

দীনার্তিভীতং ভবতাপপীডিতং

ধনৈর্বিহীনং তব পার্শ্বমাগতম্ ।

কৃপানিধিত্বান্মম লক্ষ্মি সত্বরং

ধনপ্রদানাদ্ধননাযকং কুরু

॥ 16 ॥

শ্লোক 18

মাং বিলোক্য জননী হরিপ্রিযে

নির্ধনং তব সমীপমাগতম্ ।

দেহি মে ঝটিতি লক্ষ্মি করাগ্রং

বস্ত্রকাঞ্চনবরান্নমদ্ভুতম্

॥ 17 ॥

শ্লোক 19

ত্বমেব জননী লক্ষ্মীঃ পিতা লক্ষ্মীস্ত্বমেব চ ।

ভ্রাতা ত্বং চ সখা লক্ষ্মীর্বিদ্যা লক্ষ্মীস্ত্বমেব চ

॥ 18 ॥

শ্লোক 20

ত্রাহি ত্রাহি মহালক্ষ্মি ত্রাহি ত্রাহি সুরেশ্বরি ।

ত্রাহি ত্রাহি জগন্মাতঃ দারিদ্র্যাত্ত্রাহি বেগতঃ

॥ 19 ॥

শ্লোক 21

নমস্তুভ্যং জগদ্ধাত্রি নমস্তুভ্যং নমো নমঃ ।

ধর্মাধারে নমস্তুভ্যং নমঃ সম্পত্তিদাযিনী

॥ 20 ॥

শ্লোক 22

দারিদ্র্যার্ণবমগ্নোঽহং নিমগ্নোঽহং রসাতলে ।

মজ্জন্তং মাং করে ধৃত্বা তূদ্ধর ত্বং রমে দ্রুতম্

॥ 21 ॥

শ্লোক 23

কিং লক্ষ্মি বহুনোক্তেন জল্পিতেন পুনঃ পুনঃ ।

অন্যন্মে শরণং নাস্তি সত্যং সত্যং হরিপ্রিযে

॥ 22 ॥

শ্লোক 24

এতচ্ছ্রুত্বাঽগস্ত্যবাক্যং হৃষ্যমাণা হরিপ্রিযা ।

উবাচ মধুরাং বাণীং তুষ্টাঽহং তব সর্বদা

॥ 23 ॥

শ্লোক 25

শ্রীলক্ষ্মীরুবাচ ।

যত্ত্বযোক্তমিদং স্তোত্রং যঃ পঠিষ্যতি মানবঃ ।

শৃণোতি চ মহাভাগস্তস্যাহং বশবর্তিনী

॥ 24 ॥

শ্লোক 26

নিত্যং পঠতি যো ভক্ত্যা ত্বলক্ষ্মীস্তস্য নশ্যতি ।

ঋণং চ নশ্যতে তীব্রং বিযোগং নৈব পশ্যতি

॥ 25 ॥

শ্লোক 27

যঃ পঠেত্প্রাতরুত্থায শ্রদ্ধাভক্তিসমন্বিতঃ ।

গৃহে তস্য সদা তিষ্টেন্নিত্যং শ্রীঃ পতিনা সহ

॥ 26 ॥

শ্লোক 28

সুখসৌভাগ্যসম্পন্নো মনস্বী বুদ্ধিমান্ভবেত্ ।

পুত্রবান্ গুণবান্ শ্রেষ্ঠো ভোগভোক্তা চ মানবঃ

॥ 27 ॥

শ্লোক 29

ইদং স্তোত্রং মহাপুণ্যং লক্ষ্ম্যাগস্ত্যপ্রকীর্তিতম্ ।

বিষ্ণুপ্রসাদজননং চতুর্বর্গফলপ্রদম্

॥ 28 ॥

শ্লোক 30

রাজদ্বারে জযশ্চৈব শত্রোশ্চৈব পরাজযঃ ।

ভূতপ্রেতপিশাচানাং ব্যাঘ্রাণাং ন ভযং তথা

॥ 29 ॥

শ্লোক 31

ন শস্ত্রানলতোযৌঘাদ্ভযং তস্য প্রজাযতে ।

দুর্বৃত্তানাং চ পাপানাং বহুহানিকরং পরম্

॥ 30 ॥

শ্লোক 32

মন্দুরাকরিশালাসু গবাং গোষ্ঠে সমাহিতঃ ।

পঠেত্তদ্দোষশান্ত্যর্থং মহাপাতকনাশনম্

॥ 31 ॥

শ্লোক 33

সর্বসৌখ্যকরং নৄণামাযুরারোগ্যদং তথা ।

অগস্ত্যমুনিনা প্রোক্তং প্রজানাং হিতকাম্যযা

॥ 32 ॥

শ্লোক 34

ইত্যগস্ত্যবিরচিতং শ্রী লক্ষ্মী স্তোত্রম্ ।