ఆదిత్య హృదయమ్

ఆదిత్య హృదయమ్

శ్లోక 1

ధ్యానమ్

నమస్సవిత్రే జగదేక చక్షుసే

జగత్ప్రసూతి స్థితి నాశహేతవే

త్రయీమయాయ త్రిగుణాత్మ ధారిణే

విరిఞ్చి నారాయణ శఙ్కరాత్మనే

తతో యుద్ధ పరిశ్రాన్తం సమరే చిన్తయాస్థితమ్ ।

రావణం చాగ్రతో దృష్ట్వా యుద్ధాయ సముపస్థితమ్

శ్లోక 2

దైవతైశ్చ సమాగమ్య ద్రష్టుమభ్యాగతో రణమ్ ।

ఉపాగమ్యాబ్రవీద్రామం అగస్త్యో భగవాన్ ఋషిః

॥ 1 ॥

శ్లోక 3

రామ రామ మహాబాహో శృణు గుహ్యం సనాతనమ్ ।

యేన సర్వానరీన్ వత్స సమరే విజయిష్యసి

॥ 2 ॥

శ్లోక 4

ఆదిత్యహృదయం పుణ్యం సర్వశత్రు-వినాశనమ్ ।

జయావహం జపేన్నిత్యం అక్షయ్యం పరమం శివమ్

॥ 3 ॥

శ్లోక 5

సర్వమఙ్గల-మాఙ్గల్యం సర్వపాప-ప్రణాశనమ్ ।

చిన్తాశోక-ప్రశమనం ఆయుర్వర్ధనముత్తమమ్

॥ 4 ॥

శ్లోక 6

రశ్మిమన్తం సముద్యన్తం దేవాసుర నమస్కృతమ్ ।

పూజయస్వ వివస్వన్తం భాస్కరం భువనేశ్వరమ్

॥ 5 ॥

శ్లోక 7

సర్వదేవాత్మకో హ్యేష తేజస్వీ రశ్మిభావనః ।

ఏష దేవాసుర-గణాన్ లోకాన్ పాతి గభస్తిభిః

॥ 6 ॥

శ్లోక 8

ఏష బ్రహ్మా చ విష్ణుశ్చ శివః స్కన్దః ప్రజాపతిః ।

మహేన్ద్రో ధనదః కాలో యమః సోమో హ్యపాం పతిః

॥ 7 ॥

శ్లోక 9

పితరో వసవః సాధ్యా హ్యశ్వినౌ మరుతో మనుః ।

వాయుర్వహ్నిః ప్రజాప్రాణః ఋతుకర్తా ప్రభాకరః

॥ 8 ॥

శ్లోక 10

ఆదిత్యః సవితా సూర్యః ఖగః పూషా గభస్తిమాన్ ।

సువర్ణసదృశో భానుః హిరణ్యరేతా దివాకరః

॥ 9 ॥

శ్లోక 11

॥ 10 ॥ [స్వరణరేతా దివాకరః]

హరిదశ్వః సహస్రార్చిః సప్తసప్తి-ర్మరీచిమాన్ ।

తిమిరోన్మథనః శమ్భుః త్వష్టా మార్తాణ్డకోంఽశుమాన్

శ్లోక 12

హిరణ్యగర్భః శిశిరః తపనో భాస్కరో రవిః ।

అగ్నిగర్భోఽదితేః పుత్రః శఙ్ఖః శిశిరనాశనః

॥ 11 ॥

శ్లోక 13

వ్యోమనాథ-స్తమోభేదీ ఋగ్యజుఃసామ-పారగః ।

ఘనావృష్టిరపాం మిత్రః విన్ధ్యవీథీ ప్లవఙ్గమః

॥ 12 ॥

శ్లోక 14

ఆతపీ మణ్డలీ మృత్యుః పిఙ్గలః సర్వతాపనః ।

కవిర్విశ్వో మహాతేజా రక్తః సర్వభవోద్భవః

॥ 13 ॥

శ్లోక 15

నక్షత్ర గ్రహ తారాణాం అధిపో విశ్వభావనః ।

తేజసామపి తేజస్వీ ద్వాదశాత్మ-న్నమోఽస్తు తే

॥ 14 ॥

శ్లోక 16

నమః పూర్వాయ గిరయే పశ్చిమాయాద్రయే నమః ।

జ్యోతిర్గణానాం పతయే దినాధిపతయే నమః

॥ 15 ॥

శ్లోక 17

జయాయ జయభద్రాయ హర్యశ్వాయ నమో నమః ।

నమో నమః సహస్రాంశో ఆదిత్యాయ నమో నమః

॥ 16 ॥

శ్లోక 18

నమ ఉగ్రాయ వీరాయ సారఙ్గాయ నమో నమః ।

నమః పద్మప్రబోధాయ మార్తాణ్డాయ నమో నమః

॥ 17 ॥

శ్లోక 19

బ్రహ్మేశానాచ్యుతేశాయ సూర్యాయాదిత్య-వర్చసే ।

భాస్వతే సర్వభక్షాయ రౌద్రాయ వపుషే నమః

॥ 18 ॥

శ్లోక 20

తమోఘ్నాయ హిమఘ్నాయ శత్రుఘ్నాయా మితాత్మనే ।

కృతఘ్నఘ్నాయ దేవాయ జ్యోతిషాం పతయే నమః

॥ 19 ॥

శ్లోక 21

తప్త చామీకరాభాయ వహ్నయే విశ్వకర్మణే ।

నమస్తమోఽభి నిఘ్నాయ రవయే లోకసాక్షిణే

॥ 20 ॥

శ్లోక 22

నాశయత్యేష వై భూతం తదేవ సృజతి ప్రభుః ।

పాయత్యేష తపత్యేష వర్షత్యేష గభస్తిభిః

॥ 21 ॥

శ్లోక 23

ఏష సుప్తేషు జాగర్తి భూతేషు పరినిష్ఠితః ।

ఏష ఏవాగ్నిహోత్రం చ ఫలం చైవాగ్ని హోత్రిణామ్

॥ 22 ॥

శ్లోక 24

వేదాశ్చ క్రతవశ్చైవ క్రతూనాం ఫలమేవ చ ।

యాని కృత్యాని లోకేషు సర్వ ఏష రవిః ప్రభుః

॥ 23 ॥

శ్లోక 25

ఫలశ్రుతిః

ఏన మాపత్సు కృచ్ఛ్రేషు కాన్తారేషు భయేషు చ ।

కీర్తయన్ పురుషః కశ్చిన్నావశీదతి రాఘవ

॥ 24 ॥

శ్లోక 26

పూజయస్వైన మేకాగ్రః దేవదేవం జగత్పతిమ్ ।

ఏతత్ త్రిగుణితం జప్త్వా యుద్ధేషు విజయిష్యసి

॥ 25 ॥

శ్లోక 27

అస్మిన్ క్షణే మహాబాహో రావణం త్వం వధిష్యసి ।

ఏవముక్త్వా తదాగస్త్యో జగామ చ యథాగతమ్

॥ 26 ॥

శ్లోక 28

ఏతచ్ఛ్రుత్వా మహాతేజాః నష్టశోకోఽభవత్తదా ।

ధారయామాస సుప్రీతః రాఘవః ప్రయతాత్మవాన్

॥ 27 ॥

శ్లోక 29

ఆదిత్యం ప్రేక్ష్య జప్త్వా తు పరం హర్షమవాప్తవాన్ ।

త్రిరాచమ్య శుచిర్భూత్వా ధనురాదాయ వీర్యవాన్

॥ 28 ॥

శ్లోక 30

రావణం ప్రేక్ష్య హృష్టాత్మా యుద్ధాయ సముపాగమత్ ।

సర్వయత్నేన మహతా వధే తస్య ధృతోఽభవత్

॥ 29 ॥

శ్లోక 31

అధ రవిరవదన్నిరీక్ష్య రామం ముదితమనాః పరమం ప్రహృష్యమాణః ।

నిశిచరపతి సఙ్క్షయం విదిత్వా సురగణ మధ్యగతో వచస్త్వరేతి

॥ 30 ॥

శ్లోక 32

ఇత్యార్షే శ్రీమద్రామాయణే వాల్మికీయే ఆదికావ్యే యుద్ధకాణ్డే పఞ్చాధిక శతతమః సర్గః ॥