Surya Mandala Stotram
Surya Mandala Stotram
Surya Mandala Stotram
sUrya maNDala stotram
shloka 1
namo.astu sUryAya sahasrarashmaye
sahasrashAkhAnvita sambhavAtmane |
sahasrayogodbhava bhAvabhAgine
sahasrasa~NkhyAyudhadhAriNe namaH || 1 ||
yanmaNDalaM dIptikaraM vishAlaM
ratnaprabhaM tIvramanAdirUpam |
dAridryaduHkhakShayakAraNaM cha
punAtu mAM tatsaviturvareNyam || 2 ||
yanmaNDalaM devagaNaiH supUjitaM
vipraiH stutaM bhAvanamuktikovidam |
taM devadevaM praNamAmi sUryaM
punAtu mAM tatsaviturvareNyam || 3 ||
yanmaNDalaM j~nAnaghanantvagamyaM
trailokyapUjyaM triguNAtmarUpam |
samastatejomayadivyarUpaM
punAtu mAM tatsaviturvareNyam || 4 ||
yanmaNDalaM gUDhamatiprabodhaM
dharmasya vRRiddhiM kurute janAnAm |
yatsarvapApakShayakAraNaM cha
punAtu mAM tatsaviturvareNyam || 5 ||
yanmaNDalaM vyAdhivinAshadakShaM
yadRRigyajuH sAmasu sampragItam |
prakAshitaM yena cha bhUrbhuvaH svaH
punAtu mAM tatsaviturvareNyam || 6 ||
yanmaNDalaM vedavido vadanti
gAyanti yachchAraNasiddhasa~NghAH |
yadyogino yogajuShAM cha sa~NghAH
punAtu mAM tatsaviturvareNyam || 7 ||
yanmaNDalaM sarvajanaishcha pUjitaM
jyotishcha kuryAdiha martyaloke |
yatkAlakAlAdyamanAdirUpaM
punAtu mAM tatsaviturvareNyam || 8 ||
yanmaNDalaM viShNuchaturmukhAkhyaM
yadakSharaM pApaharaM janAnAm |
yatkAlakalpakShayakAraNaM cha
punAtu mAM tatsaviturvareNyam || 9 ||
yanmaNDalaM vishvasRRijaM prasiddhaM
utpattirakShapralaya pragalbham |
yasmin jagatsaMharate.akhilaM cha
punAtu mAM tatsaviturvareNyam || 10 ||
yanmaNDalaM sarvagatasya viShNoH
AtmA paraM{}dhAma vishuddhatattvam |
sUkShmAntarairyogapathAnugamyaM
punAtu mAM tatsaviturvareNyam || 11 ||
yanmaNDalaM vedavidopagItaM
yadyoginAM yoga pathAnugamyam |
tatsarva vedyaM praNamAmi sUryaM
punAtu mAM tatsaviturvareNyam || 12 ||
sUryamaNDalasu stotraM yaH paThetsatataM naraH |
sarvapApavishuddhAtmA sUryaloke mahIyate ||
iti shrI bhaviShyottarapurANe shrI kRRiShNArjuna saMvAde sUryamaNDala stotram |