Surya Mandala Stotram
Surya Mandala Stotram
sUrya maNDala stotram
zloka 1
namo'stu sUryAya sahasrarazmaye
sahasrazAkhAnvita sambhavAtmane |
sahasrayogodbhava bhAvabhAgine
sahasrasaGkhyAyudhadhAriNe namaH || 1 ||
yanmaNDalaM dIptikaraM vizAlaM
ratnaprabhaM tIvramanAdirUpam |
dAridryaduHkhakSayakAraNaM ca
punAtu mAM tatsaviturvareNyam || 2 ||
yanmaNDalaM devagaNaiH supUjitaM
vipraiH stutaM bhAvanamuktikovidam |
taM devadevaM praNamAmi sUryaM
punAtu mAM tatsaviturvareNyam || 3 ||
yanmaNDalaM jJAnaghanantvagamyaM
trailokyapUjyaM triguNAtmarUpam |
samastatejomayadivyarUpaM
punAtu mAM tatsaviturvareNyam || 4 ||
yanmaNDalaM gUDhamatiprabodhaM
dharmasya vRddhiM kurute janAnAm |
yatsarvapApakSayakAraNaM ca
punAtu mAM tatsaviturvareNyam || 5 ||
yanmaNDalaM vyAdhivinAzadakSaM
yadRgyajuH sAmasu sampragItam |
prakAzitaM yena ca bhUrbhuvaH svaH
punAtu mAM tatsaviturvareNyam || 6 ||
yanmaNDalaM vedavido vadanti
gAyanti yaccAraNasiddhasaGghAH |
yadyogino yogajuSAM ca saGghAH
punAtu mAM tatsaviturvareNyam || 7 ||
yanmaNDalaM sarvajanaizca pUjitaM
jyotizca kuryAdiha martyaloke |
yatkAlakAlAdyamanAdirUpaM
punAtu mAM tatsaviturvareNyam || 8 ||
yanmaNDalaM viSNucaturmukhAkhyaM
yadakSaraM pApaharaM janAnAm |
yatkAlakalpakSayakAraNaM ca
punAtu mAM tatsaviturvareNyam || 9 ||
yanmaNDalaM vizvasRjaM prasiddhaM
utpattirakSapralaya pragalbham |
yasmin jagatsaMharate'khilaM ca
punAtu mAM tatsaviturvareNyam || 10 ||
yanmaNDalaM sarvagatasya viSNoH
AtmA paraMdhAma vizuddhatattvam |
sUkSmAntarairyogapathAnugamyaM
punAtu mAM tatsaviturvareNyam || 11 ||
yanmaNDalaM vedavidopagItaM
yadyoginAM yoga pathAnugamyam |
tatsarva vedyaM praNamAmi sUryaM
punAtu mAM tatsaviturvareNyam || 12 ||
sUryamaNDalasu stotraM yaH paThetsatataM naraH |
sarvapApavizuddhAtmA sUryaloke mahIyate ||
iti zrI bhaviSyottarapurANe zrI kRSNArjuna saMvAde sUryamaNDala stotram |