Subrahmanya Bhujanga Stotram

subrahmaNya bhuja~Nga stotram

shloka 1

sadA bAlarUpA.api vighnAdrihantrI

mahAdantivaktrA.api pa~nchAsyamAnyA |

vidhIndrAdimRRigyA gaNeshAbhidhA me

vidhattAM shriyaM kA.api kalyANamUrtiH || 1 ||

na jAnAmi shabdaM na jAnAmi chArthaM

na jAnAmi padyaM na jAnAmi gadyam |

chidekA ShaDAsyA hRRidi dyotate me

mukhAnniHsarante girashchApi chitram || 2 ||

mayUrAdhirUDhaM mahAvAkyagUDhaM

manohAridehaM mahachchittageham |

mahIdevadevaM mahAvedabhAvaM

mahAdevabAlaM bhaje lokapAlam || 3 ||

yadA sannidhAnaM gatA mAnavA me

bhavAmbhodhipAraM gatAste tadaiva |

iti vya~njayansindhutIre ya Aste

tamIDe pavitraM parAshaktiputram || 4 ||

yathAbdhestaraNgA layaM yAnti tuNgA-

stathaivApadaH sannidhau sevatAM me |

itIvormipa~NktIrnRRiNAM darshayantaM

sadA bhAvaye hRRitsaroje guhaM tam || 5 ||

girau mannivAse narA ye.adhirUDhA-

stadA parvate rAjate te.adhirUDhAH |

itIva bruvangandhashailAdhirUDhaH

sa devo mude me sadA ShaNmukho.astu || 6 ||

mahAmbhodhitIre mahApApachore

munIndrAnukUle sugandhAkhyashaile |

guhAyAM vasantaM svabhAsA lasantaM

janArtiM harantaM shrayAmo guhaM tam || 7 ||

lasatsvarNagehe nRRiNAM kAmadohe

sumastomasanChannamANikyamanche |

samudyatsahasrArkatulyaprakAshaM

sadA bhAvaye kArtikeyaM suresham || 8 ||

raNaddhaMsake ma~njule.atyantashoNe

manohArilAvaNyapIyUShapUrNe |

manaHShaTpado me bhavakleshataptaH

sadA modatAM skanda te pAdapadme || 9 ||

suvarNAbhadivyAmbarairbhAsamAnAM

kvaNatki~NkiNImekhalAshobhamAnAm |

lasaddhemapaTTena vidyotamAnAM

kaTiM bhAvaye skanda te dIpyamAnAm || 10 ||

pulindeshakanyAghanAbhogatu~Nga-

stanAli~NganAsaktakAshmIrarAgam |

namasyAmyahaM tArakAre tavoraH

svabhaktAvane sarvadA sAnurAgam || 11 ||

vidhau klRRiptadaNDAnsvalIlAdhRRitANDA-

nnirastebhashuNDAndviShatkAladaNDAn |

hatendrAriShaNDAnjagatrANashauNDA-

nsadA te prachaNDAnshraye bAhudaNDAn || 12 ||

sadA shAradAH ShaNmRRigA~NkA yadi syuH

samudyanta eva sthitAshchetsamantAt |

sadA pUrNabimbAH kala~Nkaishcha hInA-

stadA tvanmukhAnAM bruve skanda sAmyam || 13 ||

sphuranmandahAsaiH sahaMsAni cha~ncha-

tkaTAkShAvalIbhRRiNgasaNghojjvalAni |

sudhAsyandibimbAdharANIshasUno

tavAlokaye ShaNmukhAmbhoruhANi || 14 ||

vishAleShu karNAntadIrgheShvajasraM

dayAsyandiShu dvAdashasvIkShaNeShu |

mayIShatkaTAkShaH sakRRitpAtitashche-

dbhavette dayAshIla kA nAma hAniH || 15 ||

sutA~Ngodbhavo me.asi jIveti ShaDdhA

japanmantramIsho mudA jighrate yAn |

jagadbhArabhRRidbhyo jagannAtha tebhyaH

kirITojjvalebhyo namo mastakebhyaH || 16 ||

sphuradratnakeyUrahArAbhirAma-

shchalatkuNDalashrIlasadgaNDabhAgaH |

kaTau pItavAsAH kare chArushaktiH

purastAnmamAstAM purArestanUjaH || 17 ||

ihAyAhi vatseti hastAnprasAryA-

hvayatyAdarAchChaNkare mAturaNkAt |

samutpatya tAtaM shrayantaM kumAraM

harAshliShTagAtraM bhaje bAlamUrtim || 18 ||

kumAreshasUno guha skanda senA-

pate shaktipANe mayUrAdhirUDha |

pulindAtmajAkAnta bhaktArtihArin

prabho tArakAre sadA rakSha mAM tvam || 19 ||

prashAntendriye naShTasanjne vicheShTe

kaphodgArivaktre bhayotkampigAtre |

prayANonmukhe mayyanAthe tadAnIM

drutaM me dayAlo bhavAgre guha tvam || 20 ||

kRRitAntasya dUteShu chaNDeShu kopA-

ddahachChinddhi bhinddhIti mAM tarjayatsu |

mayUraM samAruhya mA bhairiti tvaM

puraH shaktipANirmamAyAhi shIghram || 21 ||

praNamyAsakRRitpAdayoste patitvA

prasAdya prabho prArthaye.anekavAram |

na vaktuM kShamo.ahaM tadAnIM kRRipAbdhe

na kAryAntakAle manAgapyupekShA || 22 ||

sahasrANDabhoktA tvayA shUranAmA

hatastArakaH siMhavaktrashcha daityaH |

mamAntarhRRidisthaM manaHkleshamekaM

na haMsi prabho kiM karomi kva yAmi || 23 ||

ahaM sarvadA duHkhabhArAvasanno

bhavAndInabandhustvadanyaM na yAche |

bhavadbhaktirodhaM sadA klRRiptabAdhaM

mamAdhiM drutaM nAshayomAsuta tvam || 24 ||

apasmArakuShTakShayArshaH prameha-

jvaronmAdagulmAdirogA mahAntaH |

pishAchAshcha sarve bhavatpatrabhUtiM

vilokya kShaNAttArakAre dravante || 25 ||

dRRishi skandamUrtiH shrutau skandakIrti-

rmukhe me pavitraM sadA tachcharitram |

kare tasya kRRityaM vapustasya bhRRityaM

guhe santu lInA mamAsheShabhAvAH || 26 ||

munInAmutAho nRRiNAM bhaktibhAjA-

mabhIShTapradAH santi sarvatra devAH |

nRRiNAmantyajAnAmapi svArthadAne

guhAddevamanyaM na jAne na jAne || 27 ||

kalatraM sutA bandhuvargaH pashurvA

naro vAtha nArI gRRihe ye madIyAH |

yajanto namantaH stuvanto bhavantaM

smarantashcha te santu sarve kumAra || 28 ||

mRRigAH pakShiNo daMshakA ye cha duShTA-

stathA vyAdhayo bAdhakA ye mada~Nge |

bhavachChaktitIkShNAgrabhinnAH sudUre

vinashyantu te chUrNitakrau~nchashaila || 29 ||

janitrI pitA cha svaputrAparAdhaM

sahete na kiM devasenAdhinAtha |

ahaM chAtibAlo bhavAn lokatAtaH

kShamasvAparAdhaM samastaM mahesha || 30 ||

namaH kekine shaktaye chApi tubhyaM

namashChAga tubhyaM namaH kukkuTAya |

namaH sindhave sindhudeshAya tubhyaM

punaH skandamUrte namaste namo.astu || 31 ||

jayAnandabhUmaM jayApAradhAmaM

jayAmoghakIrte jayAnandamUrte |

jayAnandasindho jayAsheShabandho

jaya tvaM sadA muktidAneshasUno || 32 ||

bhuja~NgAkhyavRRittena klRRiptaM stavaM yaH

paThedbhaktiyukto guhaM sampraNamya |

sa putrAnkalatraM dhanaM dIrghamAyu-

rlabhetskandasAyujyamante naraH saH || 33 ||