Srimad Bhagawad Gita Chapter 9
Srimad Bhagawad Gita Chapter 9
zrImadbhagavadgItA mUlam - navamo'dhyAyaH
OM zrIparamAtmane namaH
atha navamo'dhyAyaH |
rAjavidyArAjaguhyayogaH
zrIbhagavAnuvAca
idaM tu te guhyatamaM pravakSyAmyanasUyave |
jJAnaM vijJAnasahitaM yajjJAtvA mokSyase'zubhAt || 1 ||
rAjavidyA rAjaguhyaM pavitramidamuttamam |
pratyakSAvagamaM dharmyaM susukhaM kartumavyayam || 2 ||
azraddadhAnAH puruSA dharmasyAsya parantapa |
aprApya mAM nivartante mRtyusaMsAravartmani || 3 ||
mayA tatamidaM sarvaM jagadavyaktamUrtinA |
matsthAni sarvabhUtAni na cAhaM teSvavasthitaH || 4 ||
na ca matsthAni bhUtAni pazya me yogamaizvaram |
bhUtabhRnna ca bhUtastho mamAtmA bhUtabhAvanaH || 5 ||
yathAkAzasthito nityaM vAyuH sarvatrago mahAn |
tathA sarvANi bhUtAni matsthAnItyupadhAraya || 6 ||
sarvabhUtAni kaunteya prakRtiM yAnti mAmikAm |
kalpakSaye punastAni kalpAdau visRjAmyaham || 7 ||
prakRtiM svAmavaSTabhya visRjAmi punaH punaH |
bhUtagrAmamimaM kRtsnamavazaM prakRtervazAt || 8 ||
na ca mAM tAni karmANi nibadhnanti dhanaJjaya |
udAsInavadAsInamasaktaM teSu karmasu || 9 ||
mayAdhyakSeNa prakRtiH sUyate sacarAcaram |
hetunAnena kaunteya jagadviparivartate || 10 ||
avajAnanti mAM mUDhA mAnuSIM tanumAzritam |
paraM bhAvamajAnanto mama bhUtamahezvaram || 11 ||
moghAzA moghakarmANo moghajJAnA vicetasaH |
rAkSasImAsurIM caiva prakRtiM mohinIM zritAH || 12 ||
mahAtmAnastu mAM pArtha daivIM prakRtimAzritAH |
bhajantyananyamanaso jJAtvA bhUtAdimavyayam || 13 ||
satataM kIrtayanto mAM yatantazca dRDhavratAH |
namasyantazca mAM bhaktyA nityayuktA upAsate || 14 ||
jJAnayajJena cApyanye yajanto mAmupAsate |
ekatvena pRthaktvena bahudhA vizvatomukham || 15 ||
ahaM kraturahaM yajJaH svadhAhamahamauSadham |
mantro'hamahamevAjyamahamagnirahaM hutam || 16 ||
pitAhamasya jagato mAtA dhAtA pitAmahaH |
vedyaM pavitramoGkAra RksAma yajureva ca || 17 ||
gatirbhartA prabhuH sAkSI nivAsaH zaraNaM suhRt |
prabhavaH pralayaH sthAnaM nidhAnaM bIjamavyayam || 18 ||
tapAmyahamahaM varSaM nigRhNAmyutsRjAmi ca |
amRtaM caiva mRtyuzca sadasaccAhamarjuna || 19 ||
traividyA mAM somapAH pUtapApA yajJairiSTvA svargatiM prArthayante|
te puNyamAsAdya surendralokamaznanti divyAndivi devabhogAn || 20 ||
te taM bhuktvA svargalokaM vizAlaM kSINe puNye martyalokaM vizanti|
evaM trayIdharmamanuprapannA gatAgataM kAmakAmA labhante || 21 ||
ananyAzcintayanto mAM ye janAH paryupAsate |
teSAM nityAbhiyuktAnAM yogakSemaM vahAmyaham || 22||
ye'pyanyadevatA bhaktA yajante zraddhayAnvitAH |
te'pi mAmeva kaunteya yajantyavidhi pUrvakam || 23 ||
ahaM hi sarvayajJAnAM bhoktA ca prabhureva ca |
na tu mAmabhijAnanti tattvenAtazcyavanti te || 24 ||
yAnti devavratA devAnpitRRnyAnti pitRvratAH |
bhUtAni yAnti bhUtejyA yAnti madyAjino'pi mAm || 25 ||
patraM puSpaM phalaM toyaM yo me bhaktyA prayacchati |
tadahaM bhaktyupahRtamaznAmi prayatAtmanaH || 26 ||
yatkaroSi yadaznAsi yajjuhoSi dadAsi yat |
yattapasyasi kaunteya tatkuruSva madarpaNam || 27 ||
zubhAzubhaphalairevaM mokSyase karmabandhanaiH |
sannyAsayogayuktAtmA vimukto mAmupaiSyasi || 28 ||
samo'haM sarvabhUteSu na me dveSyo'sti na priyaH |
ye bhajanti tu mAM bhaktyA mayi te teSu cApyaham || 29 ||
api cetsudurAcAro bhajate mAmananyabhAk |
sAdhureva sa mantavyaH samyagvyavasito hi saH || 30 ||
kSipraM bhavati dharmAtmA zazvacchAntiM nigacchati |
kaunteya pratijAnIhi na me bhaktaH praNazyati || 31 ||
mAM hi pArtha vyapAzritya ye'pi syuH pApayonayaH |
striyo vaizyAstathA zUdrAste'pi yAnti parAM gatim || 32 ||
kiM punarbrAhmaNAH puNyA bhaktA rAjarSayastathA |
anityamasukhaM lokamimaM prApya bhajasva mAm || 33 ||
manmanA bhava madbhakto madyAjI mAM namaskuru |
mAmevaiSyasi yuktvaivamAtmAnaM matparAyaNaH || 34 ||
OM tatsaditi zrImadbhagavadgItAsUpaniSatsu brahmavidyAyAM yogazAstre
zrIkRSNArjunasaMvAde rAjavidyArAjaguhyayogo nAma navamo'dhyAyaH ||9 ||
About This Stotram
Srimad Bhagawad Gita Chapter 9
Sanskrit Title: श्रीमद्भगवद्गीता मूलम् - नवमोऽध्यायः
IAST Transliteration:
Overview
Chapter 9 of the Bhagawad Gita is considered highly significant as it reveals the essence of devotion (Bhakti Yoga) and the supreme knowledge (Raja Vidya) of the Divine. Lord Krishna describes Himself as the source of all existence, the sustainer of the universe, and the ultimate refuge. He emphasizes that by dedicating all actions to Him with devotion, one can attain Him. This chapter highlights the concept of 'Bhakti' as the most accessible and potent path to liberation, transcending even the knowledge of rituals and austerities. It teaches that the Divine is immanent in all beings and yet transcendent, and that sincere devotion, even to a small degree, is highly valued. The chapter also addresses the apparent paradox of the Divine being both the creator and the creation, and the means by which one can perceive this truth.
Details
| Attribute | Information |
|---|---|
| Deity | Krishna |
| Author | Vyasa |
| Type | Chapter |
| Category | Gita |
| Number of Verses | 35 |
| Origin | This stotram is the ninth chapter of the Srimad Bhagawad Gita, a foundational scripture in Hinduism. The Bhagawad Gita is presented as a discourse between Lord Krishna and the warrior prince Arjuna on the battlefield of Kurukshetra, just before the Mahabharata war. It is considered an integral part of the epic Mahabharata, specifically within the Bhishma Parva. The exact date of composition is uncertain, but it is generally placed within the period of the composition of the Mahabharata, likely between the 5th century BCE and the 2nd century CE. The chapter itself is titled 'Raja Vidya Raja Guhya Yoga' (The Royal Knowledge, The Royal Secret Yoga). |
Benefits of Recitation
- Attainment of supreme knowledge
- Liberation from sins and suffering
- Understanding the nature of the Divine
- Cultivating unwavering devotion
- Achieving spiritual perfection
Best Time to Recite
Anytime, but particularly beneficial during meditation, morning or evening prayers, or before undertaking any significant task.
Historical Context
The Srimad Bhagawad Gita, including Chapter 9, is believed to have been revealed by Lord Krishna to Arjuna during the Mahabharata war. The author is traditionally attributed to Srimant Ved Vyas, who compiled the Vedas and authored the Mahabharata. The text emerged from the philosophical and spiritual milieu of ancient India, reflecting a synthesis of various spiritual traditions. Chapter 9, 'Raja Vidya Raja Guhya Yoga,' specifically focuses on the esoteric knowledge of the Divine and the path of devotion, making it a cornerstone of Bhakti traditions. Its inclusion within the Mahabharata situates it within a narrative of dharma, duty, and spiritual realization.
Alternate Names
- Raja Vidya Raja Guhya Yoga
- The Royal Knowledge, The Royal Secret Yoga
Related Stotrams
- Srimad Bhagawad Gita Chapter 1
- Srimad Bhagawad Gita Chapter 10
- Vishnu Sahasranama
Last Updated: 2025-12-01