Srimad Bhagawad Gita Chapter 8
Srimad Bhagawad Gita Chapter 8
Srimad Bhagawad Gita Chapter 8
śrīmadbhagavadgītā mūlam - aṣṭamo'dhyāyaḥ
oṃ śrī paramātmane namaḥ
atha aṣṭamo'dhyāyaḥ |
akṣaraparabrahmayogaḥ
arjuna uvāca
kiṃ tadbrahma kimadhyātmaṃ kiṃ karma puruṣottama |
adhibhūtaṃ ca kiṃ proktamadhidaivaṃ kimucyate || 1 ||
adhiyajñaḥ kathaṃ ko'tra dehe'sminmadhusūdana |
prayāṇakāle ca kathaṃ jñeyo'si niyatātmabhiḥ || 2 ||
śrībhagavānuvāca
akṣaraṃ brahma paramaṃ svabhāvo'dhyātmamucyate |
bhūtabhāvodbhavakaro visargaḥ karmasañjñitaḥ || 3 ||
adhibhūtaṃ kṣaro bhāvaḥ puruṣaścādhidaivatam |
adhiyajño'hamevātra dehe dehabhṛtāṃ vara || 4 ||
antakāle ca māmeva smaranmuktvā kalevaram |
yaḥ prayāti sa madbhāvaṃ yāti nāstyatra saṃśayaḥ || 5 ||
yaṃ yaṃ vāpi smaranbhāvaṃ tyajatyante kalevaram |
taṃ tamevaiti kaunteya sadā tadbhāvabhāvitaḥ || 6 ||
tasmātsarveṣu kāleṣu māmanusmara yudhya ca |
mayyarpitamanobuddhirmāmevaiṣyasyasaṃśayam || 7 ||
abhyāsayogayuktena cetasā nānyagāminā |
paramaṃ puruṣaṃ divyaṃ yāti pārthānucintayan || 8 ||
kaviṃ purāṇamanuśāsitāramaṇoraṇīyaṃsamanusmaredyaḥ|
sarvasya dhātāramacintyarūpamādityavarṇaṃ tamasaḥ parastāt || 9 ||
prayāṇakāle manasācalena bhaktyā yukto yogabalena caiva|
bhruvormadhye prāṇamāveśya samyaksa taṃ paraṃ puruṣamupaiti divyam || 10 ||
yadakṣaraṃ vedavido vadanti viśanti yadyatayo vītarāgāḥ|
yadicchanto brahmacaryaṃ caranti tatte padaṃ saṅgraheṇa pravakṣye || 11 ||
sarvadvārāṇi saṃyamya mano hṛdi nirudhya ca |
mūrdhnyādhāyātmanaḥ prāṇamāsthito yogadhāraṇām || 12 ||
omityekākṣaraṃ brahma vyāharanmāmanusmaran |
yaḥ prayāti tyajandehaṃ sa yāti paramāṃ gatim || 13 ||
ananyacetāḥ satataṃ yo māṃ smarati nityaśaḥ |
tasyāhaṃ sulabhaḥ pārtha nityayuktasya yoginaḥ || 14 ||
māmupetya punarjanma duḥkhālayamaśāśvatam |
nāpnuvanti mahātmānaḥ saṃsiddhiṃ paramāṃ gatāḥ || 15 ||
ābrahmabhuvanāllokāḥ punarāvartino'rjuna |
māmupetya tu kaunteya punarjanma na vidyate || 16 ||
sahasrayugaparyantamaharyadbrahmaṇo viduḥ |
rātriṃ yugasahasrāntāṃ te'horātravido janāḥ || 17 ||
avyaktādvyaktayaḥ sarvāḥ prabhavantyaharāgame |
rātryāgame pralīyante tatraivāvyaktasañjñake || 18 ||
bhūtagrāmaḥ sa evāyaṃ bhūtvā bhūtvā pralīyate |
rātryāgame'vaśaḥ pārtha prabhavatyaharāgame || 19 ||
parastasmāttu bhāvo'nyo'vyakto'vyaktātsanātanaḥ |
yaḥ sa sarveṣu bhūteṣu naśyatsu na vinaśyati || 20 ||
avyakto'kṣara ityuktastamāhuḥ paramāṃ gatim |
yaṃ prāpya na nivartante taddhāma paramaṃ mama || 21 ||
puruṣaḥ sa paraḥ pārtha bhaktyā labhyastvananyayā |
yasyāntaḥsthāni bhūtāni yena sarvamidaṃ tatam || 22 ||
yatra kāle tvanāvṛttimāvṛttiṃ caiva yoginaḥ |
prayātā yānti taṃ kālaṃ vakṣyāmi bharatarṣabha || 23 ||
agnirjotirahaḥ śuklaḥ ṣaṇmāsā uttarāyaṇam |
tatra prayātā gacchanti brahma brahmavido janāḥ || 24 ||
dhūmo rātristathā kṛṣṇaḥ ṣaṇmāsā dakṣiṇāyanam |
tatra cāndramasaṃ jyotiryogī prāpya nivartate || 25 ||
śuklakṛṣṇe gatī hyete jagataḥ śāśvate mate |
ekayā yātyanāvṛttimanyayāvartate punaḥ || 26 ||
naite sṛtī pārtha jānanyogī muhyati kaścana |
tasmātsarveṣu kāleṣu yogayukto bhavārjuna || 27 ||
vedeṣu yajñeṣu tapaḥsu caiva dāneṣu yatpuṇyaphalaṃ pradiṣṭam|
atyeti tatsarvamidaṃ viditvāyogī paraṃ sthānamupaiti cādyam || 28 ||
oṃ tatsaditi śrīmadbhagavadgītāsūpaniṣatsu brahmavidyāyāṃ yogaśāstre
śrīkṛṣṇārjunasaṃvāde akṣarabrahmayogo nāmāṣṭamo'dhyāyaḥ ||8 ||
About This Stotram
Srimad Bhagawad Gita Chapter 8
Sanskrit Title: श्रीमद्भगवद्गीता मूलम् - अष्टमोऽध्यायः
IAST Transliteration:
Overview
Chapter 8 of the Bhagavad Gita is highly significant as it elaborates on the concept of the Imperishable Brahman (Akshara Brahman) and the importance of devotion (Bhakti) and remembrance of the Divine at the time of death. Lord Krishna explains the distinction between the material and spiritual realms, the nature of consciousness, and the ultimate destination of the soul. It provides practical guidance for devotees to transcend the cycle of birth and death by cultivating unwavering remembrance of the Supreme Being. The chapter emphasizes that by fixing one's mind on Krishna, one can attain the highest abode. It is considered a distillation of the essence of Vedanta and a guide for spiritual aspirants seeking liberation.
Details
| Attribute | Information |
|---|---|
| Deity | Krishna |
| Author | Vyasa |
| Type | Chapter |
| Category | Gita |
| Number of Verses | 29 |
| Origin | This stotram is the eighth chapter of the Srimad Bhagavad Gita, a foundational scripture in Hinduism. The Bhagavad Gita is a dialogue between Prince Arjuna and Lord Krishna, set on the battlefield of Kurukshetra. It is considered an Upanishad, a part of the epic Mahabharata, and was composed by the Srimant Ved Vyas. The eighth chapter, titled 'Akshara Brahma Yoga' (The Yoga of the Imperishable Brahman), focuses on the nature of Brahman, the ultimate reality, and the path to achieving liberation (moksha) by remembering God at the time of death. |
Benefits of Recitation
- Understanding of Brahman and its nature
- Guidance on devotion and remembrance of God
- Knowledge of the path to liberation
- Clarity on the cycle of birth and death
- Spiritual strength and peace
Best Time to Recite
Daily recitation, especially in the morning or evening. Also beneficial during times of contemplation, meditation, or when seeking spiritual guidance.
Historical Context
The Srimad Bhagavad Gita is believed to have been revealed by Lord Krishna to Arjuna on the battlefield of Kurukshetra, as part of the epic Mahabharata, compiled by the Srimant Ved Vyas. While the exact date of composition is debated, it is considered an ancient and foundational text of Hindu philosophy and spirituality, likely composed several centuries BCE. Chapter 8, 'Akshara Brahma Yoga', is an integral part of this discourse, offering deep insights into the nature of reality and the path to spiritual realization.
Alternate Names
- Akshara Brahma Yoga
- The Yoga of the Imperishable Brahman
Related Stotrams
- Srimad Bhagawad Gita Chapter 1
- Srimad Bhagawad Gita Chapter 15
- Vishnu Sahasranama
Last Updated: 2025-12-01