Srimad Bhagawad Gita Chapter 5
Srimad Bhagawad Gita Chapter 5
Srimad Bhagawad Gita Chapter 5
śrīmadbhagavadgītā mūlam - pañcamo'dhyāyaḥ
oṃ śrī paramātmane namaḥ
atha pañcamo'dhyāyaḥ |
karmasannyāsayogaḥ
arjuna uvāca
sannyāsaṃ karmaṇāṃ kṛṣṇa punaryogaṃ ca śaṃsasi |
yacchreya etayorekaṃ tanme brūhi suniścitam || 1 ||
śrībhagavānuvāca
sannyāsaḥ karmayogaśca niḥśreyasakarāvubhau |
tayostu karmasannyāsātkarmayogo viśiṣyate || 2 ||
jñeyaḥ sa nityasannyāsī yo na dveṣṭi na kāṅkṣati |
nirdvandvo hi mahābāho sukhaṃ bandhātpramucyate || 3 ||
sāṅkhyayogau pṛthagbālāḥ pravadanti na paṇḍitāḥ |
ekamapyāsthitaḥ samyagubhayorvindate phalam || 4 ||
yatsāṅkhyaiḥ prāpyate sthānaṃ tadyogairapi gamyate |
ekaṃ sāṅkhyaṃ ca yogaṃ ca yaḥ paśyati sa paśyati || 5 ||
sannyāsastu mahābāho duḥkhamāptumayogataḥ |
yogayukto munirbrahma nacireṇādhigacchati || 6 ||
yogayukto viśuddhātmā vijitātmā jitendriyaḥ |
sarvabhūtātmabhūtātmā kurvannapi na lipyate || 7 ||
naiva kiñcitkaromīti yukto manyeta tattvavit |
paśyañśṛṇvanspṛśañjighrannaśnangacchansvapañśvasan || 8 ||
pralapanvisṛjangṛhṇannunmiṣannimiṣannapi |
indriyāṇīndriyārtheṣu vartanta iti dhārayan || 9 ||
brahmaṇyādhāya karmāṇi saṅgaṃ tyaktvā karoti yaḥ |
lipyate na sa pāpena padmapatramivāmbhasā || 10 ||
kāyena manasā buddhyā kevalairindriyairapi |
yoginaḥ karma kurvanti saṅgaṃ tyaktvātmaśuddhaye || 11 ||
yuktaḥ karmaphalaṃ tyaktvā śāntimāpnoti naiṣṭhikīm |
ayuktaḥ kāmakāreṇa phale sakto nibadhyate || 12 ||
sarvakarmāṇi manasā sannyasyāste sukhaṃ vaśī |
navadvāre pure dehī naiva kurvanna kārayan || 13 ||
na kartṛtvaṃ na karmāṇi lokasya sṛjati prabhuḥ |
na karmaphalasaṃyogaṃ svabhāvastu pravartate || 14 ||
nādatte kasyacitpāpaṃ na caiva sukṛtaṃ vibhuḥ |
ajñānenāvṛtaṃ jñānaṃ tena muhyanti jantavaḥ || 15 ||
jñānena tu tadajñānaṃ yeṣāṃ nāśitamātmanaḥ |
teṣāmādityavajjñānaṃ prakāśayati tatparam || 16 ||
tadbuddhayastadātmānastanniṣṭhāstatparāyaṇāḥ |
gacchantyapunarāvṛttiṃ jñānanirdhūtakalmaṣāḥ || 17 ||
vidyāvinayasampanne brāhmaṇe gavi hastini |
śuni caiva śvapāke ca paṇḍitāḥ samadarśinaḥ || 18 ||
ihaiva tairjitaḥ sargo yeṣāṃ sāmye sthitaṃ manaḥ |
nirdoṣaṃ hi samaṃ brahma tasmādbrahmaṇi te sthitāḥ || 19 ||
na prahṛṣyetpriyaṃ prāpya nodvijetprāpya cāpriyam |
sthirabuddhirasammūḍho brahmavidbrahmaṇi sthitaḥ || 20 ||
bāhyasparśeṣvasaktātmā vindatyātmani yatsukham |
sa brahmayogayuktātmā sukhamakṣayamaśnute || 21 ||
ye hi saṃsparśajā bhogā duḥkhayonaya eva te |
ādyantavantaḥ kaunteya na teṣu ramate budhaḥ || 22 ||
śaknotīhaiva yaḥ soḍhuṃ prākśarīravimokṣaṇāt |
kāmakrodhodbhavaṃ vegaṃ sa yuktaḥ sa sukhī naraḥ || 23 ||
yo'ntaḥsukho'ntarārāmastathāntarjyotireva yaḥ |
sa yogī brahmanirvāṇaṃ brahmabhūto'dhigacchati || 24 ||
labhante brahmanirvāṇamṛṣayaḥ kṣīṇakalmaṣāḥ |
chinnadvaidhā yatātmānaḥ sarvabhūtahite ratāḥ || 25 ||
kāmakrodhaviyuktānāṃ yatīnāṃ yatacetasām |
abhito brahmanirvāṇaṃ vartate viditātmanām || 26 ||
sparśānkṛtvā bahirbāhyāṃścakṣuścaivāntare bhruvoḥ |
prāṇāpānau samau kṛtvā nāsābhyantaracāriṇau || 27 ||
yatendriyamanobuddhirmunirmokṣaparāyaṇaḥ |
vigatecchābhayakrodho yaḥ sadā mukta eva saḥ || 28 ||
bhoktāraṃ yajñatapasāṃ sarvalokamaheśvaram |
suhṛdaṃ sarvabhūtānāṃ jñātvā māṃ śāntimṛcchati || 29 ||
oṃ tatsaditi śrīmadbhagavadgītāsūpaniṣatsu brahmavidyāyāṃ yogaśāstre
śrīkṛṣṇārjunasaṃvāde karmasannyāsayogo nāma pañcamo'dhyāyaḥ ||5 ||
About This Stotram
Srimad Bhagawad Gita Chapter 5
Sanskrit Title: श्रीमद्भगवद्गीता मूलम् - पञ्चमोऽध्यायः
IAST Transliteration:
Overview
Chapter 5 of the Bhagavad Gita is highly significant as it reconciles two seemingly opposing paths to spiritual liberation: Karma Sannyasa Yoga (the yoga of renunciation of actions) and Karma Yoga (the yoga of selfless action). Lord Krishna clarifies that both paths lead to the same ultimate goal, but Karma Yoga is often considered superior and more accessible for most individuals. This chapter emphasizes the importance of performing one's duties without attachment to the results, seeing the divine in all beings, and maintaining inner equanimity. It teaches that true renunciation lies not in abandoning actions, but in renouncing the ego and the desire for the fruits of those actions. By understanding and practicing the principles of Karma Yoga as expounded in this chapter, devotees can purify their minds, overcome desires and aversions, and ultimately attain Moksha (liberation).
Details
| Attribute | Information |
|---|---|
| Deity | Krishna |
| Author | Vyasa |
| Type | Chapter |
| Category | Gita |
| Number of Verses | 30 |
| Origin | This stotram is the fifth chapter of the Srimad Bhagavad Gita, a foundational scripture in Hinduism. The Bhagavad Gita is part of the epic Mahabharata, specifically the Bhishma Parva. It is considered a divine discourse delivered by Lord Krishna to Arjuna on the battlefield of Kurukshetra. The exact date of composition is uncertain, but it is generally attributed to the period of the Mahabharata's compilation, likely several centuries BCE. The chapter is titled 'Karma Sannyasa Yoga', which deals with the yoga of renunciation of actions and the yoga of action. |
Benefits of Recitation
- Understanding the distinction between renunciation and action.
- Attaining equanimity in success and failure.
- Achieving liberation through selfless action.
- Developing detachment from the fruits of labor.
- Realizing the oneness of action and knowledge.
Best Time to Recite
Anytime, but particularly beneficial during periods of confusion regarding one's duties or when facing challenges in life. Reciting it in the morning can set a spiritual tone for the day.
Historical Context
The Srimad Bhagavad Gita, including Chapter 5, is believed to have been revealed by Lord Krishna to Arjuna during the Mahabharata war. The author is traditionally attributed to Maharishi Vyasa, who compiled the Vedas and the Mahabharata. The discourse takes place on the battlefield just before the war begins, addressing Arjuna's existential crisis and moral dilemma. Chapter 5, 'Karma Sannyasa Yoga', was spoken by Lord Krishna in response to Arjuna's query about the superiority of renunciation (sannyasa) versus action (karma yoga). The philosophical context is the ancient Indian tradition of seeking liberation (moksha) through various spiritual disciplines, and Krishna's discourse aims to provide a practical and universally applicable path.
Alternate Names
- Karma Sannyasa Yoga
- The Yoga of Renunciation of Action
Related Stotrams
- Srimad Bhagawad Gita Chapter 2
- Srimad Bhagawad Gita Chapter 3
- Srimad Bhagawad Gita Chapter 4
- Srimad Bhagawad Gita Chapter 6
Last Updated: 2025-12-01