ശ്രീമദ്ഭഗവദ്ഗീതാ മൂലമ് - പ്രഥമോഽധ്യായഃ

ശ്രീമദ്ഭഗവദ്ഗീതാ മൂലമ് - പ്രഥമോഽധ്യായഃ

ശ്ലോക 1

ഓം ശ്രീ പരമാത്മനേ നമഃ

അഥ പ്രഥമോഽധ്യായഃ ।

അര്ജുനവിഷാദയോഗഃ

ധൃതരാഷ്ട്ര ഉവാച

ധര്മക്ഷേത്രേ കുരുക്ഷേത്രേ സമവേതാ യുയുത്സവഃ ।

മാമകാഃ പാണ്ഡവാശ്ചൈവ കിമകുര്വത സഞ്ജയ

ശ്ലോക 2

സഞ്ജയ ഉവാച

ദൃഷ്ട്വാ തു പാണ്ഡവാനീകം വ്യൂഢം ദുര്യോധനസ്തദാ ।

ആചാര്യമുപസങ്ഗമ്യ രാജാ വചനമബ്രവീത്

॥ 1 ॥

ശ്ലോക 3

പശ്യൈതാം പാണ്ഡുപുത്രാണാമാചാര്യ മഹതീം ചമൂമ് ।

വ്യൂഢാം ദ്രുപദപുത്രേണ തവ ശിഷ്യേണ ധീമതാ

॥ 2 ॥

ശ്ലോക 4

അത്ര ശൂരാ മഹേഷ്വാസാ ഭീമാര്ജുനസമാ യുധി ।

യുയുധാനോ വിരാടശ്ച ദ്രുപദശ്ച മഹാരഥഃ

॥ 3 ॥

ശ്ലോക 5

ധൃഷ്ടകേതുശ്ചേകിതാനഃ കാശിരാജശ്ച വീര്യവാന് ।

പുരുജിത്കുന്തിഭോജശ്ച ശൈബ്യശ്ച നരപുങ്ഗവഃ

॥ 4 ॥

ശ്ലോക 6

യുധാമന്യുശ്ച വിക്രാന്ത ഉത്തമൌജാശ്ച വീര്യവാന് ।

സൌഭദ്രോ ദ്രൌപദേയാശ്ച സര്വ ഏവ മഹാരഥാഃ

॥ 5 ॥

ശ്ലോക 7

അസ്മാകം തു വിശിഷ്ടാ യേ താന്നിബോധ ദ്വിജോത്തമ ।

നായകാ മമ സൈന്യസ്യ സഞ്ജ്ഞാര്ഥം താന്ബ്രവീമി തേ

॥ 6 ॥

ശ്ലോക 8

ഭവാന്ഭീഷ്മശ്ച കര്ണശ്ച കൃപശ്ച സമിതിഞ്ജയഃ ।

അശ്വത്ഥാമാ വികര്ണശ്ച സൌമദത്തിസ്തഥൈവ ച

॥ 7 ॥

ശ്ലോക 9

അന്യേ ച ബഹവഃ ശൂരാ മദര്ഥേ ത്യക്തജീവിതാഃ ।

നാനാശസ്ത്രപ്രഹരണാഃ സര്വേ യുദ്ധവിശാരദാഃ

॥ 8 ॥

ശ്ലോക 10

അപര്യാപ്തം തദസ്മാകം ബലം ഭീഷ്മാഭിരക്ഷിതമ് ।

പര്യാപ്തം ത്വിദമേതേഷാം ബലം ഭീമാഭിരക്ഷിതമ്

॥ 9 ॥

ശ്ലോക 11

അയനേഷു ച സര്വേഷു യഥാഭാഗമവസ്ഥിതാഃ ।

ഭീഷ്മമേവാഭിരക്ഷന്തു ഭവന്തഃ സര്വ ഏവ ഹി

॥ 10 ॥

ശ്ലോക 12

തസ്യ സഞ്ജനയന്ഹര്ഷം കുരുവൃദ്ധഃ പിതാമഹഃ ।

സിംഹനാദം വിനദ്യോച്ചൈഃ ശങ്ഖം ദധ്മൌ പ്രതാപവാന്

॥ 11 ॥

ശ്ലോക 13

തതഃ ശങ്ഖാശ്ച ഭേര്യശ്ച പണവാനകഗോമുഖാഃ ।

സഹസൈവാഭ്യഹന്യന്ത സ ശബ്ദസ്തുമുലോഽഭവത്

॥ 12 ॥

ശ്ലോക 14

തതഃ ശ്വേതൈര്ഹയൈര്യുക്തേ മഹതി സ്യന്ദനേ സ്ഥിതൌ ।

മാധവഃ പാണ്ഡവശ്ചൈവ ദിവ്യൌ ശങ്ഖൌ പ്രദഘ്മതുഃ

॥ 13 ॥

ശ്ലോക 15

പാഞ്ചജന്യം ഹൃഷീകേശോ ദേവദത്തം ധനഞ്ജയഃ ।

പൌണ്ഡ്രം ദധ്മൌ മഹാശങ്ഖം ഭീമകര്മാ വൃകോദരഃ

॥ 14 ॥

ശ്ലോക 16

അനന്തവിജയം രാജാ കുന്തീപുത്രോ യുധിഷ്ഠിരഃ ।

നകുലഃ സഹദേവശ്ച സുഘോഷമണിപുഷ്പകൌ

॥ 15 ॥

ശ്ലോക 17

കാശ്യശ്ച പരമേഷ്വാസഃ ശിഖണ്ഡീ ച മഹാരഥഃ ।

ധൃഷ്ടദ്യുമ്നോ വിരാടശ്ച സാത്യകിശ്ചാപരാജിതഃ

॥ 16 ॥

ശ്ലോക 18

ദ്രുപദോ ദ്രൌപദേയാശ്ച സര്വശഃ പൃഥിവീപതേ ।

സൌഭദ്രശ്ച മഹാബാഹുഃ ശങ്ഖാന്ദധ്മുഃ പൃഥക്പൃഥക്

॥ 17 ॥

ശ്ലോക 19

സ ഘോഷോ ധാര്തരാഷ്ട്രാണാം ഹൃദയാനി വ്യദാരയത് ।

നഭശ്ച പൃഥിവീം ചൈവ തുമുലോ വ്യനുനാദയന്

॥ 18 ॥

ശ്ലോക 20

അഥ വ്യവസ്ഥിതാന്ദൃഷ്ട്വാ ധാര്തരാഷ്ട്രാന്കപിധ്വജഃ ।

പ്രവൃത്തേ ശസ്ത്രസമ്പാതേ ധനുരുദ്യമ്യ പാണ്ഡവഃ

॥ 19 ॥

ശ്ലോക 21

ഹൃഷീകേശം തദാ വാക്യമിദമാഹ മഹീപതേ।

അര്ജുന ഉവാച

സേനയോരുഭയോര്മധ്യേ രഥം സ്ഥാപയ മേഽച്യുത

॥ 20 ॥

ശ്ലോക 22

യാവദേതാന്നിരീക്ഷേഽഹം യോദ്ധുകാമാനവസ്ഥിതാന് ।

കൈര്മയാ സഹ യോദ്ധവ്യമസ്മിന്രണസമുദ്യമേ

॥ 21 ॥

ശ്ലോക 23

യോത്സ്യമാനാനവേക്ഷേഽഹം യ ഏതേഽത്ര സമാഗതാഃ ।

ധാര്തരാഷ്ട്രസ്യ ദുര്ബുദ്ധേര്യുദ്ധേ പ്രിയചികീര്ഷവഃ

॥ 22 ॥

ശ്ലോക 24

സഞ്ജയ ഉവാച

ഏവമുക്തോ ഹൃഷീകേശോ ഗുഡാകേശേന ഭാരത ।

സേനയോരുഭയോര്മധ്യേ സ്ഥാപയിത്വാ രഥോത്തമമ്

॥ 23 ॥

ശ്ലോക 25

ഭീഷ്മദ്രോണപ്രമുഖതഃ സര്വേഷാം ച മഹീക്ഷിതാമ് ।

ഉവാച പാര്ഥ പശ്യൈതാന്സമവേതാന്കുരൂനിതി

॥ 24 ॥

ശ്ലോക 26

തത്രാപശ്യത്സ്ഥിതാന്പാര്ഥഃ പിതൄനഥ പിതാമഹാന് ।

ആചാര്യാന്മാതുലാന്ഭ്രാതൄന്പുത്രാന്പൌത്രാന്സഖീംസ്തഥാ

॥ 25 ॥

ശ്ലോക 27

ശ്വശുരാന്സുഹൃദശ്ചൈവ സേനയോരുഭയോരപി ।

താന്സമീക്ഷ്യ സ കൌന്തേയഃ സര്വാന്ബന്ധൂനവസ്ഥിതാന്

॥ 26 ॥

ശ്ലോക 28

കൃപയാ പരയാവിഷ്ടോ വിഷീദന്നിദമബ്രവീത്।

അര്ജുന ഉവാച

ദൃഷ്ട്വേമം സ്വജനം കൃഷ്ണ യുയുത്സും സമുപസ്ഥിതമ്

॥ 27 ॥

ശ്ലോക 29

സീദന്തി മമ ഗാത്രാണി മുഖം ച പരിശുഷ്യതി ।

വേപഥുശ്ച ശരീരേ മേ രോമഹര്ഷശ്ച ജായതേ

॥ 28 ॥

ശ്ലോക 30

ഗാണ്ഡീവം സ്രംസതേ ഹസ്താത്ത്വക്ചൈവ പരിദഹ്യതേ ।

ന ച ശക്നോമ്യവസ്ഥാതും ഭ്രമതീവ ച മേ മനഃ

॥ 29 ॥

ശ്ലോക 31

നിമിത്താനി ച പശ്യാമി വിപരീതാനി കേശവ ।

ന ച ശ്രേയോഽനുപശ്യാമി ഹത്വാ സ്വജനമാഹവേ

॥ 30 ॥

ശ്ലോക 32

ന കാങ്ക്ഷേ വിജയം കൃഷ്ണ ന ച രാജ്യം സുഖാനി ച ।

കിം നോ രാജ്യേന ഗോവിന്ദ കിം ഭോഗൈര്ജീവിതേന വാ

॥ 31 ॥

ശ്ലോക 33

യേഷാമര്ഥേ കാങ്ക്ഷിതം നോ രാജ്യം ഭോഗാഃ സുഖാനി ച ।

ത ഇമേഽവസ്ഥിതാ യുദ്ധേ പ്രാണാംസ്ത്യക്ത്വാ ധനാനി ച

॥ 32 ॥

ശ്ലോക 34

ആചാര്യാഃ പിതരഃ പുത്രാസ്തഥൈവ ച പിതാമഹാഃ ।

മാതുലാഃ ശ്വശുരാഃ പൌത്രാഃ ശ്യാലാഃ സമ്ബന്ധിനസ്തഥാ

॥ 33 ॥

ശ്ലോക 35

ഏതാന്ന ഹന്തുമിച്ഛാമി ഘ്നതോഽപി മധുസൂദന ।

അപി ത്രൈലോക്യരാജ്യസ്യ ഹേതോഃ കിം നു മഹീകൃതേ

॥ 34 ॥

ശ്ലോക 36

നിഹത്യ ധാര്തരാഷ്ട്രാന്നഃ കാ പ്രീതിഃ സ്യാജ്ജനാര്ദന ।

പാപമേവാശ്രയേദസ്മാന്ഹത്വൈതാനാതതായിനഃ

॥ 35 ॥

ശ്ലോക 37

തസ്മാന്നാര്ഹാ വയം ഹന്തും ധാര്തരാഷ്ട്രാന്സ്വബാന്ധവാന് ।

സ്വജനം ഹി കഥം ഹത്വാ സുഖിനഃ സ്യാമ മാധവ

॥ 36 ॥

ശ്ലോക 38

യദ്യപ്യേതേ ന പശ്യന്തി ലോഭോപഹതചേതസഃ ।

കുലക്ഷയകൃതം ദോഷം മിത്രദ്രോഹേ ച പാതകമ്

॥ 37 ॥

ശ്ലോക 39

കഥം ന ജ്ഞേയമസ്മാഭിഃ പാപാദസ്മാന്നിവര്തിതുമ് ।

കുലക്ഷയകൃതം ദോഷം പ്രപശ്യദ്ഭിര്ജനാര്ദന

॥ 38 ॥

ശ്ലോക 40

കുലക്ഷയേ പ്രണശ്യന്തി കുലധര്മാഃ സനാതനാഃ ।

ധര്മേ നഷ്ടേ കുലം കൃത്സ്നമധര്മോഽഭിഭവത്യുത

॥ 39 ॥

ശ്ലോക 41

അധര്മാഭിഭവാത്കൃഷ്ണ പ്രദുഷ്യന്തി കുലസ്ത്രിയഃ ।

സ്ത്രീഷു ദുഷ്ടാസു വാര്ഷ്ണേയ ജായതേ വര്ണസങ്കരഃ

॥ 40 ॥

ശ്ലോക 42

സങ്കരോ നരകായൈവ കുലഘ്നാനാം കുലസ്യ ച ।

പതന്തി പിതരോ ഹ്യേഷാം ലുപ്തപിണ്ഡോദകക്രിയാഃ

॥ 41 ॥

ശ്ലോക 43

ദോഷൈരേതൈഃ കുലഘ്നാനാം വര്ണസങ്കരകാരകൈഃ ।

ഉത്സാദ്യന്തേ ജാതിധര്മാഃ കുലധര്മാശ്ച ശാശ്വതാഃ

॥ 42 ॥

ശ്ലോക 44

ഉത്സന്നകുലധര്മാണാം മനുഷ്യാണാം ജനാര്ദന ।

നരകേഽനിയതം വാസോ ഭവതീത്യനുശുശ്രുമ

॥ 43 ॥

ശ്ലോക 45

അഹോ ബത മഹത്പാപം കര്തും വ്യവസിതാ വയമ് ।

യദ്രാജ്യസുഖലോഭേന ഹന്തും സ്വജനമുദ്യതാഃ

॥ 44 ॥

ശ്ലോക 46

യദി മാമപ്രതീകാരമശസ്ത്രം ശസ്ത്രപാണയഃ ।

ധാര്തരാഷ്ട്രാ രണേ ഹന്യുസ്തന്മേ ക്ഷേമതരം ഭവേത്

॥ 45 ॥

ശ്ലോക 47

സഞ്ജയ ഉവാച ।

ഏവമുക്ത്വാര്ജുനഃ സങ്ഖ്യേ രഥോപസ്ഥ ഉപാവിശത് ।

വിസൃജ്യ സശരം ചാപം ശോകസംവിഗ്നമാനസഃ

॥ 46 ॥

ശ്ലോക 48

ഓം തത്സദിതി ശ്രീമദ്ഭഗവദ്ഗീതാസൂപനിഷത്സു ബ്രഹ്മവിദ്യായാം യോഗശാസ്ത്രേ

ശ്രീകൃഷ്ണാര്ജുനസംവാദേ അര്ജുനവിഷാദയോഗോ നാമ പ്രഥമോഽധ്യായഃ

॥ 47 ॥

ശ്ലോക 49