Sri Subrahmanya Sahasra Nama Stotram
Sri Subrahmanya Sahasra Nama Stotram
zrI subrahmaNya sahasra nAma stotram
zloka 1
RSaya UcuH |
sarvazAstrArthatattvajJa sarvalokopakAraka |
vayaM cAtithayaH prAptA Atitheyo'si suvrata || 1 ||
jJAnadAnena saMsArasAgarAttArayasva naH |
kalau kaluSacittA ye narAH pAparatAH sadA || 2 ||
kena stotreNa mucyante sarvapAtakabandhanAt |
iSTasiddhikaraM puNyaM duHkhadAridryanAzanam || 3 ||
sarvarogaharaM stotraM sUta no vaktumarhasi |
zrIsUta uvAca |
zRNudhvaM RSayaH sarve naimizAraNyavAsinaH || 4 ||
tattvajJAnataponiSThAH sarvazAstravizAradAH |
svayambhuvA purA proktaM nAradAya mahAtmane || 5 ||
tadahaM sampravakSyAmi zrotuM kautUhalaM yadi |
RSaya UcuH |
kimAha bhagavAnbrahmA nAradAya mahAtmane || 6 ||
sUtaputra mahAbhAga vaktumarhasi sAmpratam |
zrIsUta uvAca |
divyasiMhAsanAsInaM sarvadevairabhiSTutam || 7 ||
sASTAGgaM praNipatyainaM brahmANaM bhuvanezvaram |
nAradaH paripapraccha kRtAJjalirupasthitaH || 8 ||
nArada uvAca |
lokanAtha surazreSTha sarvajJa karuNAkara |
SaNmukhasya paraM stotraM pAvanaM pApanAzanam || 9 ||
he dhAtaH putravAtsalyAttadvada praNatAya me |
upadizya tu mAmevaM rakSa rakSa kRpAnidhe || 10 ||
brahmovAca |
zRNu vakSyAmi devarSe stavarAjamidaM param |
mAtRkAmAlikAyuktaM jJAnamokSasukhapradam || 11 ||
sahasrANi ca nAmAni SaNmukhasya mahAtmanaH |
yAni nAmAni divyAni duHkharogaharANi ca || 12 ||
tAni nAmAni vakSyAmi kRpayA tvayi nArada |
japamAtreNa siddhyanti manasA cintitAnyapi || 13 ||
ihAmutra paraM bhogaM labhate nAtra saMzayaH |
idaM stotraM paraM puNyaM koTiyajJaphalapradam |
sandeho nAtra kartavyaH zRNu me nizcitaM vacaH || 14 ||
OM asya zrIsubrahmaNyasahasranAmastotra mahAmantrasya brahmA RSiH anuSTupchandaH subrahmaNyo devatA zarajanmAkSaya iti bIjaM zaktidharo'kSaya kArtikeya iti zaktiH krauJcadhara iti kIlakaM zikhivAhana iti kavacaM SaNmukhAya iti dhyAnaM zrIsubrahmaNya prasAdasiddhyarthe jape viniyogaH |
karanyAsaH –
OM zaM oGkArasvarUpAya ojodharAya ojasvine suhRdayAya hRSTacittAtmane bhAsvararUpAya aGguSThAbhyAM namaH |
OM raM SaTkoNamadhyanilayAya SaTkirITadharAya zrImate SaDAdhArAya tarjanIbhyAM namaH |
OM vaM SaNmukhAya zarajanmane zubhalakSaNAya zikhivAhanAya madhyamAbhyAM namaH |
OM NaM kRzAnusambhavAya kavacine kukkuTadhvajAya anAmikAbhyAM namaH |
OM bhaM kandarpakoTidIpyamAnAya dviSaDbAhave dvAdazAkSAya kaniSThikAbhyAM namaH |
OM vaM kheTadharAya khaDgine zaktihastAya karatalakarapRSThAbhyAM namaH |
hRdayAdinyAsaH –
OM zaM oGkArasvarUpAya ojodharAya ojasvine suhRdayAya hRSTacittAtmane bhAsvararUpAya hRdayAya namaH |
OM raM SaTkoNamadhyanilayAya SaTkirITadharAya zrImate SaDAdhArAya zirase svAhA |
OM vaM SaNmukhAya zarajanmane zubhalakSaNAya zikhivAhanAya zikhAyai vaSaT |
OM NaM kRzAnusambhavAya kavacine kukkuTadhvajAya kavacAya hum |
OM bhaM kandarpakoTidIpyamAnAya dviSaDbAhave dvAdazAkSAya netratrayAya vauSaT |
OM vaM kheTadharAya khaDgine zaktihastAya astrAya phaT |
bhUrbhuvassuvaromiti digbandhaH |
dhyAnam |
dhyAyetSaNmukhamindukoTisadRzaM ratnaprabhAzobhitaM
bAlArkadyutiSaTkirITavilasatkeyUrahArAnvitam |
karNAlambitakuNDalapravilasadgaNDasthalAzobhitaM
kAJcIkaGkaNakiGkiNIravayutaM zRGgArasArodayam || 1 ||
dhyAyedIpsitasiddhidaM zivasutaM zrIdvAdazAkSaM guhaM
kheTaM kukkuTamaGkuzaM ca varadaM pAzaM dhanuzcakrakam |
vajraM zaktimasiM ca zUlamabhayaM dorbhirdhRtaM SaNmukhaM
devaM citramayUravAhanagataM citrAmbarAlaGkRtam || 2 ||
stotram |
acintyazaktiranaghastvakSobhyastvaparAjitaH |
anAthavatsalo'moghastvazoko'pyajaro'bhayaH || 1 ||
atyudAro hyaghaharastvagragaNyo'drijAsutaH |
anantamahimA'pAro'nantasaukhyaprado'vyayaH || 2 ||
anantamokSado'nAdiraprameyo'kSaro'cyutaH |
akalmaSo'bhirAmo'gradhuryazcAmitavikramaH || 3 ||
anAthanAtho hyamalo hyapramatto'maraprabhuH |
arindamo'khilAdhArastvaNimAdiguNo'graNIH || 4 ||
acaJcalo'marastutyo hyakalaGko'mitAzanaH |
agnibhUranavadyAGgo hyadbhuto'bhISTadAyakaH || 5 ||
atIndriyo'prameyAtmA hyadRzyo'vyaktalakSaNaH |
ApadvinAzakastvArya ADhya AgamasaMstutaH || 6 ||
ArtasaMrakSaNastvAdya AnandastvAryasevitaH |
AzriteSTArthavarada AnandyArtaphalapradaH || 7 ||
AzcaryarUpa Ananda ApannArtivinAzanaH |
ibhavaktrAnujastviSTa ibhAsuraharAtmajaH || 8 ||
itihAsazrutistutya indrabhogaphalapradaH |
iSTApUrtaphalaprAptiriSTeSTavaradAyakaH || 9 ||
ihAmutreSTaphalada iSTadastvindravanditaH |
IDanIyastvIzaputra IpsitArthapradAyakaH || 10 ||
ItibhItiharazceDya ISaNAtrayavarjitaH |
udArakIrtirudyogI cotkRSToruparAkramaH || 11 ||
utkRSTazaktirutsAha udArazcotsavapriyaH |
ujjRmbha udbhavazcogra udagrazcogralocanaH || 12 ||
unmatta ugrazamana udvegaghnoragezvaraH |
uruprabhAvazcodIrNa umAputra udAradhIH || 13 ||
UrdhvaretaHsutastUrdhvagatidastUrjapAlakaH |
UrjitastUrdhvagastUrdhva UrdhvalokaikanAyakaH || 14 ||
UrjAvAnUrjitodAra UrjitorjitazAsanaH |
RSidevagaNastutya RNatrayavimocanaH || 15 ||
RjurUpo hyRjukara RjumArgapradarzanaH |
Rtambharo hyRjuprIta RSabhastvRddhidastvRtaH || 16 ||
lulitoddhArako lUtabhavapAzaprabhaJjanaH |
eNAGkadharasatputra eka enovinAzanaH || 17 ||
aizvaryadazcaindrabhogI caitihyazcaindravanditaH |
ojasvI cauSadhisthAnamojodazcaudanapradaH || 18 ||
audAryazIla aumeya augra aunnatyadAyakaH |
audArya auSadhakara auSadhaM cauSadhAkaraH || 19 ||
aMzumAnaMzumAlIDya ambikAtanayo'nnadaH |
andhakArisuto'ndhatvahArI cAmbujalocanaH || 20 ||
astamAyo'marAdhIzo hyaspaSTo'stokapuNyadaH |
astAmitro'starUpazcAskhalatsugatidAyakaH || 21 ||
kArtikeyaH kAmarUpaH kumAraH krauJcadAraNaH |
kAmadaH kAraNaM kAmyaH kamanIyaH kRpAkaraH || 22 ||
kAJcanAbhaH kAntiyuktaH kAmI kAmapradaH kaviH |
kIrtikRtkukkuTadharaH kUTasthaH kuvalekSaNaH || 23 ||
kuGkumAGgaH klamaharaH kuzalaH kukkuTadhvajaH |
kuzAnusambhavaH krUraH krUraghnaH kalitApahRt || 24 ||
kAmarUpaH kalpataruH kAntaH kAmitadAyakaH |
kalyANakRtklezanAzaH kRpAluH karuNAkaraH || 25 ||
kaluSaghnaH kriyAzaktiH kaThoraH kavacI kRtI |
komalAGgaH kuzaprItaH kutsitaghnaH kalAdharaH || 26 ||
khyAtaH kheTadharaH khaDgI khaTvAGgI khalanigrahaH |
khyAtipradaH khecarezaH khyAtehaH khecarastutaH || 27 ||
kharatApaharaH svasthaH khecaraH khecarAzrayaH |
khaNDendumaulitanayaH khelaH khecarapAlakaH || 28 ||
khasthalaH khaNDitArkazca khecarIjanapUjitaH |
gAGgeyo girijAputro gaNanAthAnujo guhaH || 29 ||
goptA gIrvANasaMsevyo guNAtIto guhAzrayaH |
gatiprado guNanidhiH gambhIro girijAtmajaH || 30 ||
gUDharUpo gadaharo guNAdhIzo guNAgraNIH |
godharo gahano gupto garvaghno guNavardhanaH || 31 ||
guhyo guNajJo gItijJo gatAtaGko guNAzrayaH |
gadyapadyapriyo guNyo gostuto gaganecaraH || 32 ||
gaNanIyacaritrazca gataklezo guNArNavaH |
ghUrNitAkSo ghRNinidhiH ghanagambhIraghoSaNaH || 33 ||
ghaNTAnAdapriyo ghoSo ghorAghaughavinAzanaH |
ghanAnando gharmahantA ghRNAvAn ghRSTipAtakaH || 34 ||
ghRNI ghRNAkaro ghoro ghoradaityaprahArakaH |
ghaTitaizvaryasandoho ghanArtho ghanasaGkramaH || 35 ||
citrakRccitravarNazca caJcalazcapaladyutiH |
cinmayazcitsvarUpazca cirAnandazcirantanaH || 36 ||
citrakelizcitratarazcintanIyazcamatkRtiH |
coraghnazcaturazcAruzcAmIkaravibhUSaNaH || 37 ||
candrArkakoTisadRzazcandramaulitanUbhavaH |
chAditAGgazchadmahantA cheditAkhilapAtakaH || 38 ||
chedIkRtatamaHklezazchatrIkRtamahAyazAH |
chAditAzeSasantApazchuritAmRtasAgaraH || 39 ||
channatraiguNyarUpazca chAtehazchinnasaMzayaH |
chandomayazchandagAmI chinnapAzazchavizchadaH || 40 ||
jagaddhito jagatpUjyo jagajjyeSTho jaganmayaH |
janako jAhnavIsUnurjitAmitro jagadguruH || 41 ||
jayI jitendriyo jaitro jarAmaraNavarjitaH |
jyotirmayo jagannAtho jagajjIvo janAzrayaH || 42 ||
jagatsevyo jagatkartA jagatsAkSI jagatpriyaH |
jambhArivandyo jayado jagajjanamanoharaH || 43 ||
jagadAnandajanako janajADyApahArakaH |
japAkusumasaGkAzo janalocanazobhanaH || 44 ||
janezvaro jitakrodho janajanmanibarhaNaH |
jayado jantutApaghno jitadaityamahAvrajaH || 45 ||
jitamAyo jitakrodho jitasaGgo janapriyaH |
jhaJjhAnilamahAvego jharitAzeSapAtakaH || 46 ||
jharjharIkRtadaityaugho jhallarIvAdyasampriyaH |
jJAnamUrtirjJAnagamyo jJAnI jJAnamahAnidhiH || 47 ||
TaGkAranRttavibhavaH TaGkavajradhvajAGkitaH |
TaGkitAkhilalokazca TaGkitainastamoraviH || 48 ||
Dambaraprabhavo Dambho Dambo DamarukapriyaH | [DamaDDa]
DamarotkaTasannAdo DimbharUpasvarUpakaH || 49 ||
DhakkAnAdaprItikaro DhAlitAsurasaGkulaH |
DhaukitAmarasandoho DhuNDhivighnezvarAnujaH || 50 ||
tattvajJastatvagastIvrastaporUpastapomayaH |
trayImayastrikAlajJastrimUrtistriguNAtmakaH || 51 ||
tridazezastArakAristApaghnastApasapriyaH |
tuSTidastuSTikRttIkSNastaporUpastrikAlavit || 52 ||
stotA stavyaH stavaprItaH stutiH stotraM stutipriyaH |
sthitaH sthAyI sthApakazca sthUlasUkSmapradarzakaH || 53 ||
sthaviSThaH sthaviraH sthUlaH sthAnadaH sthairyadaH sthiraH |
dAnto dayAparo dAtA duritaghno durAsadaH || 54 ||
darzanIyo dayAsAro devadevo dayAnidhiH |
durAdharSo durvigAhyo dakSo darpaNazobhitaH || 55 ||
durdharo dAnazIlazca dvAdazAkSo dviSaDbhujaH |
dviSaTkarNo dviSaDbAhurdInasantApanAzanaH || 56 ||
dandazUkezvaro devo divyo divyAkRtirdamaH |
dIrghavRtto dIrghabAhurdIrghadRSTirdivaspatiH || 57 ||
daNDo damayitA darpo devasiMho dRDhavrataH |
durlabho durgamo dIpto duSprekSyo divyamaNDanaH || 58 ||
durodaraghno duHkhaghno durArighno dizAM patiH |
durjayo devasenezo durjJeyo duratikramaH || 59 ||
dambho dRptazca devarSirdaivajJo daivacintakaH |
dhurandharo dharmaparo dhanado dhRtivardhanaH || 60 ||
dharmezo dharmazAstrajJo dhanvI dharmaparAyaNaH |
dhanAdhyakSo dhanapatirdhRtimAndhUtakilbiSaH || 61 ||
dharmaheturdharmazUro dharmakRddharmaviddhruvaH |
dhAtA dhImAndharmacArI dhanyo dhuryo dhRtavrataH || 62 ||
nityotsavo nityatRpto nirlepo nizcalAtmakaH |
niravadyo nirAdhAro niSkalaGko niraJjanaH || 63 ||
nirmamo nirahaGkAro nirmoho nirupadravaH |
nityAnando nirAtaGko niSprapaJco nirAmayaH || 64 ||
niravadyo nirIhazca nirdarzo nirmalAtmakaH |
nityAnando nirjarezo niHsaGgo nigamastutaH || 65 ||
niSkaNTako nirAlambo niSpratyUho nirudbhavaH |
nityo niyatakalyANo nirvikalpo nirAzrayaH || 66 ||
netA nidhirnaikarUpo nirAkAro nadIsutaH |
pulindakanyAramaNaH purujitparamapriyaH || 67 ||
pratyakSamUrtiH pratyakSaH parezaH pUrNapuNyadaH |
puNyAkaraH puNyarUpaH puNyaH puNyaparAyaNaH || 68 ||
puNyodayaH paraM jyotiH puNyakRtpuNyavardhanaH |
parAnandaH parataraH puNyakIrtiH purAtanaH || 69 ||
prasannarUpaH prANezaH pannagaH pApanAzanaH |
praNatArtiharaH pUrNaH pArvatInandanaH prabhuH || 70 ||
pUtAtmA puruSaH prANaH prabhavaH puruSottamaH |
prasannaH paramaspaSTaH paraH paribRDhaH paraH || 71 ||
paramAtmA parabrahma parArthaH priyadarzanaH |
pavitraH puSTidaH pUrtiH piGgalaH puSTivardhanaH || 72 ||
pApahArI pAzadharaH pramattAsurazikSakaH |
pAvanaH pAvakaH pUjyaH pUrNAnandaH parAtparaH || 73 ||
puSkalaH pravaraH pUrvaH pitRbhaktaH purogamaH |
prANadaH prANijanakaH pradiSTaH pAvakodbhavaH || 74 ||
parabrahmasvarUpazca paramaizvaryakAraNam |
parardhidaH puSTikaraH prakAzAtmA pratApavAn || 75 ||
prajJAparaH prakRSTArthaH pRthuH pRthuparAkramaH |
phaNIzvaraH phaNivaraH phaNAmaNivibhUSaNaH || 76 ||
phaladaH phalahastazca phullAmbujavilocanaH |
phaDuccATitapApaughaH phaNilokavibhUSaNaH || 77 ||
bAhuleyo bRhadrUpo baliSTho balavAn balI |
brahmezaviSNurUpazca buddho buddhimatAM varaH || 78 ||
bAlarUpo brahmagarbho brahmacArI budhapriyaH |
bahuzruto bahumato brahmaNyo brAhmaNapriyaH || 79 ||
balapramathano brahmA bahurUpo bahupradaH |
bRhadbhAnutanUdbhUto bRhatseno bilezayaH || 80 ||
bahubAhurbalazrImAn bahudaityavinAzakaH |
biladvArAntarAlastho bRhacchaktidhanurdharaH || 81 ||
bAlArkadyutimAn bAlo bRhadvakSA bRhaddhanuH |
bhavyo bhogIzvaro bhAvyo bhavanAzo bhavapriyaH || 82 ||
bhaktigamyo bhayaharo bhAvajJo bhaktasupriyaH |
bhuktimuktiprado bhogI bhagavAn bhAgyavardhanaH || 83 ||
bhrAjiSNurbhAvano bhartA bhImo bhImaparAkramaH |
bhUtido bhUtikRdbhoktA bhUtAtmA bhuvanezvaraH || 84 ||
bhAvako bhIkaro bhISmo bhAvakeSTo bhavodbhavaH |
bhavatApaprazamano bhogavAn bhUtabhAvanaH || 85 ||
bhojyaprado bhrAntinAzo bhAnumAn bhuvanAzrayaH |
bhUribhogaprado bhadro bhajanIyo bhiSagvaraH || 86 ||
mahAseno mahodAro mahAzaktirmahAdyutiH |
mahAbuddhirmahAvIryo mahotsAho mahAbalaH || 87 ||
mahAbhogI mahAmAyI medhAvI mekhalI mahAn |
munistuto mahAmAnyo mahAnando mahAyazAH || 88 ||
mahorjito mAnanidhirmanorathaphalapradaH |
mahodayo mahApuNyo mahAbalaparAkramaH || 89 ||
mAnado matido mAlI muktAmAlAvibhUSaNaH |
manoharo mahAmukhyo mahardhirmUrtimAnmuniH || 90 ||
mahottamo mahopAyo mokSado maGgalapradaH |
mudAkaro muktidAtA mahAbhogo mahoragaH || 91 ||
yazaskaro yogayoniryogiSTho yaminAM varaH |
yazasvI yogapuruSo yogyo yoganidhiryamI || 92 ||
yatisevyo yogayukto yogavidyogasiddhidaH |
yantro yantrI ca yantrajJo yantravAnyantravAhakaH || 93 ||
yAtanArahito yogI yogIzo yoginAM varaH |
ramaNIyo ramyarUpo rasajJo rasabhAvanaH || 94 ||
raJjano raJjito rAgI ruciro rudrasambhavaH |
raNapriyo raNodAro rAgadveSavinAzanaH || 95 ||
ratnArcI ruciro ramyo rUpalAvaNyavigrahaH |
ratnAGgadadharo ratnabhUSaNo ramaNIyakaH || 96 ||
rucikRdrocamAnazca raJjito roganAzanaH |
rAjIvAkSo rAjarAjo raktamAlyAnulepanaH || 97 ||
rAjadvedAgamastutyo rajaHsattvaguNAnvitaH |
rajanIzakalAramyo ratnakuNDalamaNDitaH || 98 ||
ratnasanmaulizobhADhyo raNanmaJjIrabhUSaNaH |
lokaikanAtho lokezo lalito lokanAyakaH || 99 ||
lokarakSo lokazikSo lokalocanaraJjitaH |
lokabandhurlokadhAtA lokatrayamahAhitaH || 100 ||
lokacUDAmaNirlokavandyo lAvaNyavigrahaH |
lokAdhyakSastu lIlAvAnlokottaraguNAnvitaH || 101 ||
variSTho varado vaidyo viziSTo vikramo vibhuH |
vibudhAgracaro vazyo vikalpaparivarjitaH || 102 ||
vipAzo vigatAtaGko vicitrAGgo virocanaH |
vidyAdharo vizuddhAtmA vedAGgo vibudhapriyaH || 103 ||
vacaskaro vyApakazca vijJAnI vinayAnvitaH |
vidvattamo virodhighno vIro vigatarAgavAn || 104 ||
vItabhAvo vinItAtmA vedagarbho vasupradaH |
vizvadIptirvizAlAkSo vijitAtmA vibhAvanaH || 105 ||
vedavedyo vidheyAtmA vItadoSazca vedavit |
vizvakarmA vItabhayo vAgIzo vAsavArcitaH || 106 ||
vIradhvaMso vizvamUrtirvizvarUpo varAsanaH |
vizAkho vimalo vAgmI vidvAnvedadharo vaTuH || 107 ||
vIracUDAmaNirvIro vidyezo vibudhAzrayaH |
vijayI vinayI vettA varIyAnvirajA vasuH || 108 ||
vIraghno vijvaro vedyo vegavAnvIryavAnvazI |
varazIlo varaguNo vizoko vajradhArakaH || 109 ||
zarajanmA zaktidharaH zatrughnaH zikhivAhanaH |
zrImAn ziSTaH zuciH zuddhaH zAzvataH zrutisAgaraH || 110 ||
zaraNyaH zubhadaH zarma ziSTeSTaH zubhalakSaNaH |
zAntaH zUladharaH zreSThaH zuddhAtmA zaGkaraH zivaH || 111 ||
zitikaNThAtmajaH zUraH zAntidaH zokanAzanaH |
SANmAturaH SaNmukhazca SaDguNaizvaryasaMyutaH || 112 ||
SaTcakrasthaH SaDUrmighnaH SaDaGgazrutipAragaH |
SaDbhAvarahitaH SaTkaH SaTchAstrasmRtipAragaH || 113 ||
SaDvargadAtA SaDgrIvaH SaDarighnaH SaDAzrayaH |
SaTkirITadharaH zrImAn SaDAdhArazca SaTkramaH || 114 ||
SaTkoNamadhyanilayaH SaNDatvaparihArakaH |
senAnIH subhagaH skandaH surAnandaH satAM gatiH || 115 ||
subrahmaNyaH surAdhyakSaH sarvajJaH sarvadaH sukhI |
sulabhaH siddhidaH saumyaH siddhezaH siddhisAdhanaH || 116 ||
siddhArthaH siddhasaGkalpaH siddhasAdhuH surezvaraH |
subhujaH sarvadRksAkSI suprasAdaH sanAtanaH || 117 ||
sudhApatiH svayaJjyotiH svayambhUH sarvatomukhaH |
samarthaH satkRtiH sUkSmaH sughoSaH sukhadaH suhRt || 118 ||
suprasannaH surazreSThaH suzIlaH satyasAdhakaH |
sambhAvyaH sumanAH sevyaH sakalAgamapAragaH || 119 ||
suvyaktaH saccidAnandaH suvIraH sujanAzrayaH |
sarvalakSaNasampannaH satyadharmaparAyaNaH || 120 ||
sarvadevamayaH satyaH sadA mRSTAnnadAyakaH |
sudhApI sumatiH satyaH sarvavighnavinAzanaH || 121 ||
sarvaduHkhaprazamanaH sukumAraH sulocanaH |
sugrIvaH sudhRtiH sAraH surArAdhyaH suvikramaH || 122 ||
surArighnaH svarNavarNaH sarparAjaH sadA zuciH |
saptArcirbhUH suravaraH sarvAyudhavizAradaH || 123 ||
hasticarmAmbarasuto hastivAhanasevitaH |
hastacitrAyudhadharo hRtAgho hasitAnanaH || 124 ||
hemabhUSo haridvarNo hRSTido hRSTivardhanaH |
hemAdribhiddhaMsarUpo huGkArahatakilbiSaH || 125 ||
himAdrijAtAtanujo harikezo hiraNmayaH |
hRdyo hRSTo harisakho haMso haMsagatirhaviH || 126 ||
hiraNyavarNo hitakRddharSado hemabhUSaNaH |
harapriyo hitakaro hatapApo harodbhavaH || 127 ||
kSemadaH kSemakRtkSemyaH kSetrajJaH kSAmavarjitaH |
kSetrapAlaH kSamAdhAraH kSemakSetraH kSamAkaraH || 128 ||
kSudraghnaH kSAntidaH kSemaH kSitibhUSaH kSamAzrayaH |
kSAlitAghaH kSitidharaH kSINasaMrakSaNakSamaH || 129 ||
kSaNabhaGgurasannaddhaghanazobhikapardakaH |
kSitibhRnnAthatanayAmukhapaGkajabhAskaraH || 130 ||
kSatAhitaH kSaraH kSantA kSatadoSaH kSamAnidhiH |
kSapitAkhilasantApaH kSapAnAthasamAnanaH || 131 ||
uttara nyAsaH |
karanyAsaH –
OM zaM oGkArasvarUpAya ojodharAya ojasvine suhRdayAya hRSTacittAtmane bhAsvararUpAya aGguSThAbhyAM namaH |
OM raM SaTkoNamadhyanilayAya SaTkirITadharAya zrImate SaDAdhArAya tarjanIbhyAM namaH |
OM vaM SaNmukhAya zarajanmane zubhalakSaNAya zikhivAhanAya madhyamAbhyAM namaH |
OM NaM kRzAnusambhavAya kavacine kukkuTadhvajAya anAmikAbhyAM namaH |
OM bhaM kandarpakoTidIpyamAnAya dviSaDbAhave dvAdazAkSAya kaniSThikAbhyAM namaH |
OM vaM kheTadharAya khaDgine zaktihastAya karatalakarapRSThAbhyAM namaH |
hRdayAdinyAsaH –
OM zaM oGkArasvarUpAya ojodharAya ojasvine suhRdayAya hRSTacittAtmane bhAsvararUpAya hRdayAya namaH |
OM raM SaTkoNamadhyanilayAya SaTkirITadharAya zrImate SaDAdhArAya zirase svAhA |
OM vaM SaNmukhAya zarajanmane zubhalakSaNAya zikhivAhanAya zikhAyai vaSaT |
OM NaM kRzAnusambhavAya kavacine kukkuTadhvajAya kavacAya hum |
OM bhaM kandarpakoTidIpyamAnAya dviSaDbAhave dvAdazAkSAya netratrayAya vauSaT |
OM vaM kheTadharAya khaDgine zaktihastAya astrAya phaT |
bhUrbhuvassuvaromiti digvimokaH |
phalazruti |
iti nAmnAM sahasrANi SaNmukhasya ca nArada |
yaH paThecchRNuyAdvApi bhaktiyuktena cetasA || 1 ||
sa sadyo mucyate pApairmanovAkkAyasambhavaiH |
AyurvRddhikaraM puMsAM sthairyavIryavivardhanam || 2 ||
vAkyenaikena vakSyAmi vAJchitArthaM prayacchati |
tasmAtsarvAtmanA brahmanniyamena japetsudhIH || 3 ||
iti skandapurANe Izvaraprokte brahmanAradasaMvAde zrI subrahmaNya sahasranAma stotram |