Sri Subrahmanya Kavacha Stotram

zrI subrahmaNya kavaca stotram

zloka 1

asya zrIsubrahmaNyakavacastotramahAmantrasya, brahmA RSiH, anuSTupchandaH, zrIsubrahmaNyo devatA, OM nama iti bIjaM, bhagavata iti zaktiH, subrahmaNyAyeti kIlakaM, zrIsubrahmaNya prasAdasiddhyarthe jape viniyogaH ||

karanyAsaH –

OM sAM aGguSThAbhyAM namaH |

OM sIM tarjanIbhyAM namaH |

OM sUM madhyamAbhyAM namaH |

OM saiM anAmikAbhyAM namaH |

OM sauM kaniSThikAbhyAM namaH |

OM saH karatalakarapRSThAbhyAM namaH ||

aGganyAsaH –

OM sAM hRdayAya namaH |

OM sIM zirase svAhA |

OM sUM zikhAyai vaSaT |

OM saiM kavacAya hum |

OM sauM netratrayAya vauSaT |

OM saH astrAya phaT |

bhUrbhuvassuvaromiti digbandhaH ||

dhyAnam |

sindUrAruNamindukAntivadanaM keyUrahArAdibhiH

divyairAbharaNairvibhUSitatanuM svargAdisaukhyapradam |

ambhojAbhayazaktikukkuTadharaM raktAGgarAgojjvalaM

subrahmaNyamupAsmahe praNamatAM sarvArthasiddhipradam || [bhItipraNAzodyatam]

lamityAdi paJcapUjA |

OM laM pRthivyAtmane subrahmaNyAya gandhaM samarpayAmi |

OM haM AkAzAtmane subrahmaNyAya puSpANi samarpayAmi |

OM yaM vAyvAtmane subrahmaNyAya dhUpamAghrApayAmi |

OM raM agnyAtmane subrahmaNyAya dIpaM darzayAmi |

OM vaM amRtAtmane subrahmaNyAya svAdannaM nivedayAmi |

OM saM sarvAtmane subrahmaNyAya sarvopacArAn samarpayAmi |

kavacam |

subrahmaNyo'grataH pAtu senAnIH pAtu pRSThataH |

guho mAM dakSiNe pAtu vahnijaH pAtu vAmataH || 1 ||

ziraH pAtu mahAsenaH skando rakSellalATakam |

netre me dvAdazAkSazca zrotre rakSatu vizvabhRt || 2 ||

mukhaM me SaNmukhaH pAtu nAsikAM zaGkarAtmajaH |

oSThau vallIpatiH pAtu jihvAM pAtu SaDAnanaH || 3 ||

devasenApatirdantAn cibukaM bahulodbhavaH |

kaNThaM tArakajitpAtu bAhU dvAdazabAhukaH || 4 ||

hastau zaktidharaH pAtu vakSaH pAtu zarodbhavaH |

hRdayaM vahnibhUH pAtu kukSiM pAtvambikAsutaH || 5 ||

nAbhiM zambhusutaH pAtu kaTiM pAtu harAtmajaH |

UrU pAtu gajArUDho jAnU me jAhnavIsutaH || 6 ||

jaGghe vizAkho me pAtu pAdau me zikhivAhanaH |

sarvANyaGgAni bhUtezaH sarvadhAtUMzca pAvakiH || 7 ||

sandhyAkAle nizIthinyAM divA prAtarjale'gniSu |

durgame ca mahAraNye rAjadvAre mahAbhaye || 8 ||

tumule raNyamadhye ca sarvaduSTamRgAdiSu |

corAdisAdhvase'bhedye jvarAdivyAdhipIDane || 9 ||

duSTagrahAdibhItau ca durnimittAdibhISaNe |

astrazastranipAte ca pAtu mAM krauJcarandhrakRt || 10 ||

yaH subrahmaNyakavacaM iSTasiddhipradaM paThet |

tasya tApatrayaM nAsti satyaM satyaM vadAmyaham || 11 ||

dharmArthI labhate dharmamarthArthI cArthamApnuyAt |

kAmArthI labhate kAmaM mokSArthI mokSamApnuyAt || 12 ||

yatra yatra japedbhaktyA tatra sannihito guhaH |

pUjApratiSThAkAle ca japakAle paThedidam || 13 ||

teSAmeva phalAvAptiH mahApAtakanAzanam |

yaH paThecchRNuyAdbhaktyA nityaM devasya sannidhau |

sarvAnkAmAniha prApya so'nte skandapuraM vrajet || 14 ||

uttaranyAsaH ||

karanyAsaH –

OM sAM aGguSThAbhyAM namaH |

OM sIM tarjanIbhyAM namaH |

OM sUM madhyamAbhyAM namaH |

OM saiM anAmikAbhyAM namaH |

OM sauM kaniSThikAbhyAM namaH |

OM saH karatalakarapRSThAbhyAM namaH ||

aGganyAsaH –

OM sAM hRdayAya namaH |

OM sIM zirase svAhA |

OM sUM zikhAyai vaSaT |

OM saiM kavacAya hum |

OM sauM netratrayAya vauSaT |

OM saH astrAya phaT |

bhUrbhuvassuvaromiti digvimokaH ||

iti zrI subrahmaNya kavaca stotram |