Sri Siddha Lakshmi Stotram

shrI siddhalakShmI stotram

shloka 1

asya shrIsiddhalakShmIstotramantrasya hiraNyagarbha RRiShiH anuShTup ChandaH, shrImahAkAlImahAlakShmImahAsarasvatyo devatAH shrIM bIjaM hrIM shaktiH klIM kIlakaM mama sarvakleshapIDAparihArArthaM sarvaduHkhadAridryanAshanArthaM sarvakAryasiddhyarthaM shrIsiddhilakShmIstotra pAThe viniyogaH ||

RRiShyAdinyAsaH

OM hiraNyagarbha RRiShaye namaH shirasi |

anuShTupChandase namo mukhe |

shrImahAkAlImahAlakShmImahAsarasvatIdevatAbhyo namo hRRidiH |

shrIM bIjAya namo guhye |

hrIM shaktaye namaH pAdayoH |

klIM kIlakAya namo nAbhau |

viniyogAya namaH sarvA~NgeShu ||

karanyAsaH

OM shrIM siddhalakShmyai a~NguShThAbhyAM namaH |

OM hrIM viShNutejase tarjanIbhyAM namaH |

OM klIM amRRitAnandAyai madhyamAbhyAM namaH |

OM shrIM daityamAlinyai anAmikAbhyAM namaH |

OM hrIM tejaH prakAshinyai kaniShThikAbhyAM namaH |

OM klIM brAhmyai vaiShNavyai rudrANyai karatala karapRRiShThAbhyAM namaH ||

a~NganyAsaH

OM shrIM siddhalakShmyai hRRidayAya namaH |

OM hrIM viShNutejase shirase svAhA |

OM klIM amRRitAnandAyai shikhAyai vaShaT |

OM shrIM daityamAlinyai kavachAya hum |

OM hrIM tejaH prakAshinyai netratrayAya vauShaT |

OM klIM brAhmyai vaiShNavyai rudrANyai astrAya phaT ||

OM shrIM hrIM klIM shrIM siddhalakShmyai namaH iti digbandhaH ||

atha dhyAnam

brAhmIM cha vaiShNavIM bhadrAM ShaDbhujAM cha chaturmukhIm |

trinetrAM khaDgatrishUlapadmachakragadAdharAm || 1 ||

pItAmbaradharAM devIM nAnAla~NkArabhUShitAm |

tejaHpu~njadharIM shreShThAM dhyAyedbAlakumArikAm || 2 ||

atha stotram

o~NkAraM lakShmIrUpaM tu viShNuM vAgbhavamavyayam |

viShNumAnandamavyaktaM hrI~NkAraM bIjarUpiNIm || 3 ||

klIM amRRitAnandinIM bhadrAM satyAnandadAyinIm |

shrIM daityashamanIM shaktiM mAlinIM shatrumardinIm || 4 ||

tejaH prakAshinIM devIM varadAM shubhakAriNIm |

brAhmIM cha vaiShNavIM raudrIM kAlikArUpashobhinIm || 5 ||

akAre lakShmIrUpaM tu ukAre viShNumavyayam |

makAraH puruSho.avyakto devI praNava uchyate || 6 ||

sUryakoTipratIkAshaM chandrakoTisamaprabham |

tanmadhye nikaraM sUkShmaM brahmarupaM vyavasthitam || 7 ||

o~NkAraM paramAnandaM sadaiva surasundarIm |

siddhalakShmI mokShalakShmI AdyalakShmI namo.astu te || 8 ||

shrI~NkAraM paramaM siddhaM sarvabuddhipradAyakam |

saubhAgyA.amRRitA kamalA satyalakShmI namo.astu te || 9 ||

hrI~NkAraM paramaM shuddhaM paramaishvaryadAyakam |

kamalA dhanadA lakShmI bhogalakShmI namo.astu te || 10 ||

klI~NkAraM kAmarUpiNyaM kAmanAparipUrtidam |

chapalA cha~nchalA lakShmI kAtyAyanI namo.astu te || 11 ||

shrI~NkAraM siddhirUpiNyaM sarvasiddhipradAyakam |

padmAnanAM jaganmAtre aShTalakShmIM namo.astu te || 12 ||

sarvamaNgalamANgalye shive sarvArthasAdhike |

sharaNye tryambake gauri nArAyaNI namo.astu te || 13 ||

prathamaM tryambakA gaurI dvitIyaM vaiShNavI tathA |

tRRitIyaM kamalA proktA chaturthaM sundarI tathA || 14 ||

pa~nchamaM viShNushaktishcha ShaShThaM kAtyAyanI tathA |

vArAhI saptamaM chaiva hyaShTamaM harivallabhA || 15 ||

navamaM khaDginI proktA dashamaM chaiva devikA |

ekAdashaM siddhalakShmIrdvAdashaM haMsavAhinI || 16 ||

uttaranyAsaH

OM shrIM siddhalakShmyai hRRidayAya namaH |

OM hrIM viShNutejase shirase svAhA |

OM klIM amRRitAnandAyai shikhAyai vaShaT |

OM shrIM daityamAlinyai kavachAya hum |

OM hrIM tejaH prakAshinyai netratrayAya vauShaT |

OM klIM brAhmyai vaiShNavyai rudrANyai astrAya phaT ||

OM shrIM hrIM klIM shrIM siddhalakShmyai namaH iti digvimokaH ||

atha phalashRRitiH

etat stotravaraM devyA ye paThanti sadA narAH |

sarvApadbhyo vimuchyante nAtra kAryA vichAraNA || 17 ||

ekamAsaM dvimAsaM cha trimAsaM cha chatusthathA |

pa~nchamAsaM cha ShaNmAsaM trikAlaM yaH sadA paThet || 18 ||

brAhmaNaH kleshito duHkhI dAridryabhayapIDitaH |

janmAntara sahasrotthairmuchyate sarvakilbaShaiH || 19 ||

daridro labhate lakShmImaputraH putravAn bhavet |

dhanyo yashasvI shatrughno vahnichaurabhayeShu cha || 20 ||

shAkinI bhUta vetAla sarpa vyAghra nipAtane |

rAjadvAre sabhAsthAne kArAgRRihanibandhane || 21 ||

IshvareNa kRRitaM stotraM prANinAM hitakArakam |

stuvantu brAhmaNAH nityaM dAridryaM na cha bAdhate || 22 ||

sarvapApaharA lakShmIH sarvasiddhipradAyinIm |

sAdhakAH labhate sarvaM paThet stotraM nirantaram || 23 ||

prArthanA

yA shrIH padmavane kadambashikhare rAjagRRihe ku~njare

shvete chAshvayute vRRiShe cha yugale yaj~ne cha yUpasthite |

shaNkhe daivakule narendrabhavane gaNgAtaTe gokule

sA shrIstiShThatu sarvadA mama gRRihe bhUyAt sadA nishchalA ||

yA sA padmAsanasthA vipulakaTitaTI padmapatrAyatAkShI

gambhIrAvartanAbhiH stanabharanamitA shuddhavastrottarIyA |

lakShmIrdivyairgajendrairmaNigaNakhachitaiH snApitA hemakumbhaiH

nityaM sA padmahastA mama vasatu gRRihe sarvamA~NgalyayuktA ||

iti shrIbrahmapurANe IshvaraviShNusaMvAde shrI siddhalakShmI stotram ||