Sri Satyanarayana Puja (Satyanarayana Swami Vratam)
శ్రీ సత్యనారాయణ పూజా (సత్యనారాయణ స్వామి వ్రతం)
Sri Satyanarayana Puja (Satyanarayana Swami Vratam)
శ్రీ సత్యనారాయణ పూజా (సత్యనారాయణ స్వామి వ్రతం)
పూర్వాఙ్గ పూజా
శ్రీమహాగణాధిపతయే నమః ।
శ్రీ గురుభ్యో నమః ।
హరిః ఓమ్ ।
శుచిః
అపవిత్రః పవిత్రో వా సర్వావస్థా-ఙ్గతో-ఽపి వా ।
య-స్స్మరే-త్పుణ్డరీకాక్షం స బాహ్యాభ్యన్తర-శ్శుచిః ॥
పుణ్డరీకాక్ష పుణ్డరీకాక్ష పుణ్డరీకాక్షాయ నమః ॥
ప్రార్థనా
శుక్లామ్బరధరం-విఁష్ణుం శశివర్ణ-ఞ్చతుర్భుజమ్ ।
ప్రసన్నవదన-న్ధ్యాయే-థ్సర్వవిఘ్నోపశాన్తయే ॥
అగజానన పద్మార్క-ఙ్గజాననమహర్నిశమ్ ।
అనేకద-న్త-మ్భక్తానాం ఏకదన్తముపాస్మహే ॥
దే॒వీం-వాఁచ॑మజనయన్త దే॒వాస్తాం-విఁ॒శ్వరూ॑పాః ప॒శవో॑ వదన్తి ।
సా నో॑ మ॒న్ద్రేష॒మూర్జ॒-న్దుహా॑నా ధే॒నుర్వాగ॒స్మానుప॒ సుష్టు॒తైతు॑ ॥
య-శ్శివో నామ రూపాభ్యాం-యాఁ దేవీ సర్వమఙ్గలా ।
తయో-స్సంస్మరణాన్నిత్యం సర్వదా జయ మఙ్గలమ్ ॥
తదేవ లగ్నం సుదిన-న్తదేవ
తారాబల-ఞ్చన్ద్రబల-న్తదేవ ।
విద్యాబల-న్దైవబల-న్తదేవ
లక్ష్మీపతే తే-ఽఙ్ఘ్రియుగం స్మరామి ॥
గురుర్బ్రహ్మా గురుర్విష్ణుః గురుర్దేవో మహేశ్వరః ।
గురు-స్సాక్షా-త్పరబ్రహ్మ తస్మై శ్రీగురవే నమః ॥
లాభస్తేషా-ఞ్జయస్తేషా-ఙ్కుతస్తేషా-మ్పరాభవః ।
ఏషామిన్దీవరశ్యామో హృదయస్థో జనార్దనః ॥
సర్వమఙ్గల మాఙ్గల్యే శివే సర్వార్థసాధికే ।
శరణ్యే త్ర్యమ్బకే గౌరీ నారాయణి నమో-ఽస్తు తే ॥
శ్రీలక్ష్మీనారాయణాభ్యా-న్నమః ।
ఉమామహేశ్వరాభ్యా-న్నమః ।
వాణీహిరణ్యగర్భాభ్యా-న్నమః ।
శచీపురన్దరాభ్యా-న్నమః ।
అరున్ధతీవసిష్ఠాభ్యా-న్నమః ।
శ్రీసీతారామాభ్యా-న్నమః ।
మాతాపితృభ్యో నమః ।
సర్వేభ్యో మహాజనేభ్యో నమః ।
దీపారాధనమ్
దీపస్త్వ-మ్బ్రహ్మరూపో-ఽసి జ్యోతిషా-మ్ప్రభురవ్యయః ।
సౌభాగ్య-న్దేహి పుత్రాంశ్చ సర్వాన్కామాంశ్చ దేహి మే ॥
భో దీప దేవి రూపస్త్వ-ఙ్కర్మసాక్షీ హ్యవిఘ్నకృత్ ।
యావత్పూజా-ఙ్కరిష్యామి తావత్త్వం సుస్థిరో భవ ॥
దీపారాధన ముహూర్త-స్సుముహూర్తో-ఽస్తు ॥
పూజార్థే హరిద్రా కుఙ్కుమ విలేపన-ఙ్కరిష్యే ॥
ఆచమ్య
ఓ-ఙ్కేశవాయ స్వాహా ।
ఓ-న్నారాయణాయ స్వాహా ।
ఓ-మ్మాధవాయ స్వాహా ।
ఓ-ఙ్గోవిన్దాయ నమః ।
ఓం-విఁష్ణవే నమః ।
ఓ-మ్మధుసూదనాయ నమః ।
ఓ-న్త్రివిక్రమాయ నమః ।
ఓం-వాఁమనాయ నమః ।
ఓం శ్రీధరాయ నమః ।
ఓం హృషీకేశాయ నమః ।
ఓ-మ్పద్మనాభాయ నమః ।
ఓ-న్దామోదరాయ నమః ।
ఓం సఙ్కర్షణాయ నమః ।
ఓం-వాఁసుదేవాయ నమః ।
ఓ-మ్ప్రద్యుమ్నాయ నమః ।
ఓం అనిరుద్ధాయ నమః ।
ఓ-మ్పురుషోత్తమాయ నమః ।
ఓం అధోక్షజాయ నమః ।
ఓ-న్నారసింహాయ నమః ।
ఓం అచ్యుతాయ నమః ।
ఓ-ఞ్జనార్దనాయ నమః ।
ఓం ఉపేన్ద్రాయ నమః ।
ఓం హరయే నమః ।
ఓం శ్రీకృష్ణాయ నమః ।
భూతోచ్చాటనమ్
ఉత్తిష్ఠన్తు భూతపిశాచాః య ఏతే భూమి భారకాః ।
ఏతేషామవిరోధేన బ్రహ్మకర్మ సమారభే ॥
అపసర్పన్తు తే భూతా యే భూతా భూమిసంస్థితాః ।
యే భూతా విఘ్నకర్తారస్తే గచ్ఛన్తు శివా-ఽజ్ఞయా ॥
ప్రాణాయామమ్
ఓ-మ్భూః ఓ-మ్భువః॑ ఓగ్ం సువః॑ ఓ-మ్మహః॑ ఓ-ఞ్జనః॑ ఓ-న్తపః॑ ఓగ్ం సత్యమ్ ।
ఓ-న్తత్స॑వి॒తుర్వరే᳚ణ్య॒-మ్భర్గో॑ దే॒వస్య॑ ధీమహి ।
ధియో॒ యో నః॑ ప్రచో॒దయా᳚త్ ॥
ఓమాపో॒ జ్యోతీ॒ రసో॒-ఽమృత॒-మ్బ్రహ్మ॒ భూర్భువ॒స్సువ॒రోమ్ ॥
సఙ్కల్పమ్
మమ ఉపాత్త సమస్త దురితక్షయ ద్వారా శ్రీపరమేశ్వరముద్దిశ్య శ్రీపరమేశ్వర ప్రీత్యర్థం శుభాభ్యాం శుభే శోభనే ముహూర్తే శ్రీమహావిష్ణోరాజ్ఞయా ప్రవర్తమానస్య అద్య బ్రహ్మణః ద్వితీయపరార్థే శ్వేతవరాహకల్పే వైవస్వతమన్వన్తరే కలియుగే ప్రథమపాదే జమ్బూద్వీపే భారతవర్షే భరతఖణ్డే మేరోః దక్షిణ దిగ్భాగే శ్రీశైలస్య …… ప్రదేశే ……, …… నద్యోః మధ్యప్రదేశే లక్ష్మీనివాసగృహే సమస్త దేవతా బ్రాహ్మణ ఆచార్య హరి హర గురు చరణ సన్నిధౌ అస్మిన్ వర్తమనే వ్యావహరిక చాన్ద్రమానేన శ్రీ …….. (1) నామ సంవఁత్సరే …… అయనే (2) …… ఋతౌ (3) …… మాసే(4) …… పక్షే (5) …… తిథౌ (6) …… వాసరే (7) …… నక్షత్రే (8) …… యోగే (9) …… కరణ (10) ఏవ-ఙ్గుణ విశేషణ విశిష్టాయాం శుభతిథౌ శ్రీమాన్ …… గోత్రోద్భవస్య …… నామధేయస్య (మమ ధర్మపత్నీ శ్రీమతః …… గోత్రస్య …… నామధేయ-స్సమేతస్య) మమ/అస్మాకం సహకుటుమ్బస్య క్షేమ స్థైర్య ధైర్య వీర్య విజయ అభయ ఆయుః ఆరోగ్య ఐశ్వర అభివృద్ధ్యర్థ-న్ధర్మ అర్థ కామ మోక్ష చతుర్విధ పురుషార్థ ఫల సిద్ధ్యర్థ-న్ధన కనక వస్తు వాహన సమృద్ధ్యర్థం సర్వాభీష్ట సిద్ధ్యర్థం శ్రీ ………. ఉద్దిశ్య శ్రీ ………. ప్రీత్యర్థం సమ్భవద్భిః ద్రవ్యై-స్సమ్భవద్భిః ఉపచారైశ్చ సమ్భవతా నియమేన సమ్భవితా ప్రకారేణ యావచ్ఛక్తి ధ్యాన ఆవాహనాది షోడశోపచార పూజా-ఙ్కరిష్యే ॥
(నిర్విఘ్న పూజా పరిసమాప్త్యర్థం ఆదౌ శ్రీమహాగణపతి పూజా-ఙ్కరిష్యే ।)
తదఙ్గ కలశారాధన-ఙ్కరిష్యే ।
కలశారాధనమ్
కలశే గన్ధ పుష్పాక్షతైరభ్యర్చ్య ।
కలశే ఉదక-మ్పూరయిత్వా ।
కలశస్యోపరి హస్త-న్నిధాయ ।
కలశస్య ముఖే విష్ణుః కణ్ఠే రుద్ర-స్సమాశ్రితః ।
మూలే త్వస్య స్థితో బ్రహ్మా మధ్యే మాతృగణా-స్స్మృతా ॥
కుక్షౌ తు సాగరా-స్సర్వే సప్తద్వీపా వసున్ధరా ।
ఋగ్వేదో-ఽథ యజుర్వేదో సామవేదో హ్యథర్వణః ॥
అఙ్గైశ్చ సహితా-స్సర్వే కలశామ్బు సమాశ్రితాః ।
ఓం ఆక॒లశే᳚షు ధావతి ప॒విత్రే॒ పరి॑షిచ్యతే ।
ఉ॒క్థైర్య॒జ్ఞేషు॑ వర్ధతే ।
ఆపో॒ వా ఇ॒దగ్ం సర్వం॒-విఁశ్వా॑ భూ॒తాన్యాపః॑
ప్రా॒ణా వా ఆపః॑ ప॒శవ॒ ఆపో-ఽన్న॒మాపో-ఽమృ॑త॒మాపః॑
స॒మ్రాడాపో॑ వి॒రాడాపః॑ స్వ॒రాడాప॒శ్ఛన్దా॒గ్॒స్యాపో॒
జ్యోతీ॒గ్॒ష్యాపో॒ యజూ॒గ్॒ష్యాపః॑ స॒త్యమాపః॒
సర్వా॑ దే॒వతా॒ ఆపో॒ భూర్భువ॒-స్సువ॒రాప॒ ఓమ్ ॥
గఙ్గే చ యమునే చైవ గోదావరీ సరస్వతీ ।
నర్మదే సిన్ధు కావేరీ జలే-ఽస్మిన్ సన్నిధి-ఙ్కురు ॥
కావేరీ తుఙ్గభద్రా చ కృష్ణవేణీ చ గౌతమీ ।
భాగీరథీతి విఖ్యాతాః పఞ్చగఙ్గాః ప్రకీర్తితాః ॥
ఆయాన్తు శ్రీ …….. పూజార్థ-మ్మమ దురితక్షయకారకాః ।
ఓం ఓం ఓ-ఙ్కలశోదకేన పూజా ద్రవ్యాణి సమ్ప్రోక్ష్య,
దేవం సమ్ప్రోక్ష్య, ఆత్మాన-ఞ్చ సమ్ప్రోక్ష్య ॥
శఙ్ఖపూజా
కలశోదకేన శఙ్ఖ-మ్పూరయిత్వా ॥
శఙ్ఖే గన్ధకుఙ్కుమపుష్పతులసీపత్రైరలఙ్కృత్య ॥
శఙ్ఖ-ఞ్చన్ద్రార్క దైవత-మ్మధ్యే వరుణ దేవతామ్ ।
పృష్ఠే ప్రజాపతిం-విఁన్ద్యాదగ్రే గఙ్గా సరస్వతీమ్ ॥
త్రైలోక్యేయాని తీర్థాని వాసుదేవస్యదద్రయా ।
శఙ్ఖే తిష్ఠన్తు విప్రేన్ద్రా తస్మా-థ్శఙ్ఖ-మ్ప్రపూజయేత్ ॥
త్వ-మ్పురా సాగరోత్పన్నో విష్ణునా విధృతః కరే ।
పూజిత-స్సర్వదేవైశ్చ పాఞ్చజన్య నమో-ఽస్తు తే ॥
గర్భాదేవారినారీణాం-విఁశీర్యన్తే సహస్రధా ।
నవనాదేనపాతాలే పాఞ్చజన్య నమో-ఽస్తు తే ॥
ఓం శఙ్ఖాయ నమః ।
ఓ-న్ధవలాయ నమః ।
ఓ-మ్పాఞ్చజన్యాయ నమః ।
ఓం శఙ్ఖదేవతాభ్యో నమః ।
సకలపూజార్థే అక్షతాన్ సమర్పయామి ॥
ఘణ్టానాదమ్
ఓ-ఞ్జయధ్వని మన్త్రమాత-స్స్వాహా ।
ఘణ్టదేవతాభ్యో నమః ।
సకలోపచార పూజార్థే అక్షతాన్ సమర్పయామి ।
ఆగమార్థ-న్తు దేవానా-ఙ్గమనార్థ-న్తు రాక్షసామ్ ।
ఘణ్టారవ-ఙ్కరోమ్యాదౌ దేవతాహ్వాన లాఞ్ఛనమ్ ॥
ఇతి ఘణ్టానాద-ఙ్కృత్వా ॥
అథ హరిద్రాగణపతి పూజా
అస్మిన్ హరిద్రాబిమ్బే శ్రీమహాగణపతిం ఆవాహయామి, స్థాపయామి, పూజయామి ॥
ప్రాణప్రతిష్ఠ
ఓం అసు॑నీతే॒ పున॑ర॒స్మాసు॒ చక్షుః॒
పునః॑ ప్రా॒ణమి॒హ నో᳚ ధేహి॒ భోగ᳚మ్ ।
జ్యోక్ప॑శ్యేమ॒ సూర్య॑ము॒చ్చర᳚న్త॒
మను॑మతే మృ॒డయా᳚ న-స్స్వ॒స్తి ॥
అ॒మృతం॒-వైఁ ప్రా॒ణా అ॒మృత॒మాపః॑
ప్రా॒ణానే॒వ య॑థాస్థా॒నముప॑హ్వయతే ॥
శ్రీ మహాగణపతయే నమః ।
స్థిరో భవ వరదో భవ ।
సుముఖో భవ సుప్రసన్నో భవ ।
స్థిరాసన-ఙ్కురు ।
ధ్యానం
హరిద్రాభ-ఞ్చతుర్బాహుం
హరిద్రావదన-మ్ప్రభుమ్ ।
పాశాఙ్కుశధర-న్దేవం
మోదక-న్దన్తమేవ చ ।
భక్తా-ఽభయప్రదాతారం
వన్దే విఘ్నవినాశనమ్ ।
ఓం హరిద్రా గణపతయే నమః ।
అగజానన పద్మార్క-ఙ్గజాననమహర్నిశం
అనేకద-న్త-మ్భక్తానాం ఏకదన్తముపాస్మహే ॥
ఓ-ఙ్గ॒ణానా᳚-న్త్వా గ॒ణప॑తిగ్ం హవామహే
క॒వి-ఙ్క॑వీ॒నాము॑ప॒మశ్ర॑వస్తమమ్ ।
జ్యే॒ష్ఠ॒రాజ॒-మ్బ్రహ్మ॑ణా-మ్బ్రహ్మణస్పత॒
ఆ నః॑ శృ॒ణ్వన్నూ॒తిభి॑స్సీద॒ సాద॑నమ్ ॥
ఓ-మ్మహాగణపతయే నమః ।
ధ్యాయామి । ధ్యానం సమర్పయామి । 1 ॥
ఓ-మ్మహాగణపతయే నమః ।
ఆవాహయామి । ఆవాహనం సమర్పయామి । 2 ॥
ఓ-మ్మహాగణపతయే నమః ।
నవరత్నఖచిత దివ్య హేమ సింహాసనం సమర్పయామి । 3 ॥
ఓ-మ్మహాగణపతయే నమః ।
పాదయోః పాద్యం సమర్పయామి । 4 ॥
ఓ-మ్మహాగణపతయే నమః ।
హస్తయోః అర్ఘ్యం సమర్పయామి । 5 ॥
ఓ-మ్మహాగణపతయే నమః ।
ముఖే ఆచమనీయం సమర్పయామి । 6 ॥
స్నానం
ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన ।
మ॒హే రణా॑య॒ చక్ష॑సే ॥
యో వః॑ శి॒వత॑మో రస॒స్తస్య॑ భాజయతే॒హ నః॑ ।
ఉ॒శ॒తీరి॑వ మా॒త॑రః ॥
తస్మా॒ అర॑-ఙ్గమామ వో॒ యస్య॒ క్షయా॑య॒ జిన్వ॑థ ।
ఆపో॑ జ॒నయ॑థా చ నః ॥
ఓ-మ్మహాగణపతయే నమః ।
శుద్ధోదక స్నానం సమర్పయామి । 7 ॥
స్నానానన్తరం ఆచమనీయం సమర్పయామి ।
వస్త్రం
అభి వస్త్రా సువసనాన్యర్షాభి ధేనూ-స్సుదుఘాః పూయమానః ।
అభి చన్ద్రా భర్తవే నో హిరణ్యాభ్యశ్వాన్రథినో దేవ సోమ ॥
ఓ-మ్మహాగణపతయే నమః ।
వస్త్రం సమర్పయామి । 8 ॥
యజ్ఞోపవీతం
ఓం-యఁ॒జ్ఞో॒ప॒వీ॒త-మ్ప॒రమ॑-మ్పవి॒త్రం
ప్ర॒జాప॑తే॒ర్యత్స॒హజ॑-మ్పు॒రస్తా᳚త్ ।
ఆయు॑ష్యమగ్ర్య॒-మ్ప్ర॒తి ము॑ఞ్చ శు॒భ్రం
య॑జ్ఞోపవీ॒త-మ్బ॒లమ॑స్తు॒ తేజః॑ ॥
ఓ-మ్మహాగణపతయే నమః ।
యజ్ఞోపవీతార్థం అక్షతాన్ సమర్పయామి । ।
గన్ధం
గ॒న్ధ॒ద్వా॒రా-న్దు॑రాధ॒ర్షా॒-న్ని॒త్యపు॑ష్టా-ఙ్కరీ॒షిణీ᳚మ్ ।
ఈ॒శ్వరీ॑గ్ం సర్వ॑భూతా॒నా॒-న్తామి॒హోప॑హ్వయే॒ శ్రియమ్ ॥
ఓ-మ్మహాగణపతయే నమః ।
దివ్య శ్రీ గన్ధం సమర్పయామి । 9 ॥
ఓ-మ్మహాగణపతయే నమః ।
ఆభరణం సమర్పయామి । 10 ॥
పుష్పైః పూజయామి
ఓం సుముఖాయ నమః । ఓం ఏకదన్తాయ నమః ।
ఓ-ఙ్కపిలాయనమః । ఓ-ఙ్గజకర్ణకాయ నమః ।
ఓం-లఁమ్బోదరాయనమః । ఓం-విఁకటాయ నమః ।
ఓం-విఁఘ్నరాజాయ నమః । ఓ-ఙ్గణాధిపాయనమః ।
ఓ-న్ధూమకేతవే నమః । ఓ-ఙ్గణాధ్యక్షాయ నమః ।
ఓ-మ్ఫాలచన్ద్రాయ నమః । ఓ-ఙ్గజాననాయ నమః ।
ఓం-వఁక్రతుణ్డాయ నమః । ఓం శూర్పకర్ణాయ నమః ।
ఓం హేరమ్బాయ నమః । ఓం స్కన్దపూర్వజాయ నమః ।
ఓం సర్వసిద్ధిప్రదాయ నమః ।
ఓ-మ్మహాగణపతయే నమః ।
నానావిధ పరిమల పత్ర పుష్పాణి సమర్పయామి । 11 ॥
ధూపం
వనస్పత్యుద్భవిర్దివ్యైః నానా గన్ధై-స్సుసంయుఁతః ।
ఆఘ్రేయ-స్సర్వదేవానా-న్ధూపో-ఽయ-మ్ప్రతిగృహ్యతామ్ ॥
ఓ-మ్మహాగణపతయే నమః ।
ధూపం ఆఘ్రాపయామి । 12 ॥
దీపం
సాజ్య-న్త్రివర్తి సంయుఁక్తం-వఁహ్నినా యొజిత-మ్ప్రియమ్ ।
గృహాణ మఙ్గల-న్దీప-న్త్రైలోక్య తిమిరాపహ ॥
భక్త్యా దీప-మ్ప్రయచ్ఛామి దేవాయ పరమాత్మనే ।
త్రాహిమా-న్నరకాద్ఘోరాత్ దివ్య జ్యోతిర్నమో-ఽస్తు తే ॥
ఓ-మ్మహాగణపతయే నమః ।
ప్రత్యక్ష దీపం సమర్పయామి । 13 ॥
ధూప దీపానన్తరం ఆచమనీయం సమర్పయామి ।
నైవేద్యం
ఓ-మ్భూర్భువ॒స్సువః॒ । తత్స॑వి॒తుర్వరే᳚ణ్య॒-మ్భర్గో॑ దే॒వస్య॑ ధీమహి ।
ధి॒యో యో నః॑ ప్రచో॒దయా᳚త్ ।
సత్య-న్త్వా ఋతేన పరిషిఞ్చామి ।
(సాయఙ్కాలే – ఋత-న్త్వా సత్యేన పరిషిఞ్చామి)
అమృతమస్తు । అ॒మృ॒తో॒ప॒స్తర॑ణమసి ।
శ్రీ మహాగణపతయే నమః ……………….. సమర్పయామి ।
ఓ-మ్ప్రా॒ణాయ॒ స్వాహా᳚ । ఓం అ॒పా॒నాయ॒ స్వాహా᳚ ।
ఓం-వ్యాఁ॒నాయ॒ స్వాహా᳚ । ఓం ఉ॒దా॒నాయ॒ స్వాహా᳚ ।
ఓం స॒మా॒నాయ॒ స్వాహా᳚ ।
మధ్యే మధ్యే పానీయం సమర్పయామి ।
అ॒మృ॒తా॒పి॒ధా॒నమ॑సి । ఉత్తరాపోశనం సమర్పయామి ।
హస్తౌ ప్రక్షాలయామి । పాదౌ ప్రక్షాలయామి ।
శుద్ధాచమనీయం సమర్పయామి ।
ఓ-మ్మహాగణపతయే నమః ।
నైవేద్యం సమర్పయామి । 14 ॥
తామ్బూలం
పూగీఫలశ్చ కర్పూరైః నాగవల్లీదలైర్యుతమ్ ।
ముక్తాచూర్ణసంయుఁక్త-న్తామ్బూల-మ్ప్రతిగృహ్యతామ్ ॥
ఓ-మ్మహాగణపతయే నమః ।
తామ్బూలం సమర్పయామి । 15 ॥
నీరాజనం
వేదా॒హమే॒త-మ్పురు॑ష-మ్మ॒హాన్తమ్᳚ ।
ఆ॒ది॒త్యవ॑ర్ణం॒ తమ॑స॒స్తు పా॒రే ।
సర్వా॑ణి రూ॒పాణి॑ వి॒చిత్య॒ ధీరః॑ ।
నామా॑ని కృ॒త్వా-ఽభి॒వద॒న్॒, యదాస్తే᳚ ।
ఓ-మ్మహాగణపతయే నమః ।
నీరాజనం సమర్పయామి । 16 ॥
మన్త్రపుష్పం
సుముఖశ్చైకదన్తశ్చ కపిలో గజకర్ణకః
లమ్బోదరశ్చ వికటో విఘ్నరాజో గణాధిపః ॥
ధూమకేతుర్గణాధ్యక్షః ఫాలచన్ద్రో గజాననః
వక్రతుణ్డశ్శూర్పకర్ణో హేరమ్బస్స్కన్దపూర్వజః ॥
షోడశైతాని నామాని యః పఠేచ్ఛృణుయాదపి
విద్యారమ్భే వివాహే చ ప్రవేశే నిర్గమే తథా
సఙ్గ్రామే సర్వకార్యేషు విఘ్నస్తస్య న జాయతే ॥
ఓ-మ్మహాగణపతయే నమః ।
సువర్ణ మన్త్రపుష్పం సమర్పయామి ।
ప్రదక్షిణం
యానికాని చ పాపాని జన్మాన్తరకృతాని చ ।
తాని తాని ప్రణశ్యన్తి ప్రదక్షిణ పదే పదే ॥
పాపో-ఽహ-మ్పాపకర్మా-ఽహ-మ్పాపాత్మా పాపసమ్భవః ।
త్రాహి మా-ఙ్కృపయా దేవ శరణాగతవత్సల ॥
అన్యధా శరణ-న్నాస్తి త్వమేవ శరణ-మ్మమ ।
తస్మాత్కారుణ్య భావేన రక్ష రక్ష గణాధిప ॥
ఓ-మ్మహాగణపతయే నమః ।
ప్రదక్షిణా నమస్కారాన్ సమర్పయామి ।
ఓ-మ్మహాగణపతయే నమః ।
ఛత్ర చామరాది సమస్త రాజోపచారాన్ సమర్పయామి ॥
క్షమాప్రార్థన
యస్య స్మృత్యా చ నామోక్త్యా తపః పూజా క్రియాదిషు ।
న్యూనం సమ్పూర్ణతాం-యాఁతి సద్యో వన్దే గజాననమ్ ॥
మన్త్రహీన-ఙ్క్రియాహీన-మ్భక్తిహీన-ఙ్గణాధిప ।
యత్పూజిత-మ్మయాదేవ పరిపూర్ణ-న్తదస్తు తే ॥
ఓం-వఁక్రతుణ్డ మహాకాయ సూర్య కోటి సమప్రభ ।
నిర్విఘ్న-ఙ్కురు మే దేవ సర్వ కార్యేషు సర్వదా ॥
అనయా ధ్యాన ఆవాహనాది షోడశోపచార పూజయా భగవాన్ సర్వాత్మక-శ్శ్రీ మహాగణపతి సుప్రీతో సుప్రసన్నో వరదో భవన్తు ॥
ఉత్తరే శుభకర్మణ్యవిఘ్నమస్తు ఇతి భవన్తో బ్రువన్తు ।
ఉత్తరే శుభకర్మణి అవిఘ్నమస్తు ॥
తీర్థం
అకాలమృత్యుహరణం సర్వవ్యాధినివారణమ్ ।
సమస్తపాపక్షయకరం శ్రీ మహాగణపతి పాదోదక-మ్పావనం శుభమ్ ॥
శ్రీ మహాగణపతి ప్రసాదం శిరసా గృహ్ణామి ॥
ఉద్వాసనం
ఓం-యఁ॒జ్ఞేన॑ య॒జ్ఞమ॑యజన్త దే॒వాః ।
తాని॒ ధర్మా॑ణి ప్రథ॒మాన్యా॑సన్న్ ।
తే హ॒ నాక॑-మ్మహి॒మాన॑స్సచన్తే ।
యత్ర॒ పూర్వే॑ సా॒ధ్యాస్సన్తి॑ దే॒వాః ॥
ఓం శ్రీ మహాగణపతి నమః యథాస్థానం ఉద్వాసయామి ॥
శోభనార్థే క్షేమాయ పునరాగమనాయ చ ।
ఓం శాన్తి-శ్శాన్తి-శ్శాన్తిః ।
శ్రీ సత్యనారాయణస్వామి పరివార పూజా
పున-స్సఙ్కల్పం
పూర్వోక్త ఏవ-ఙ్గుణ విశేషణ విశిష్టాయాం శుభ తిథౌ మమ ఇష్టకామ్యార్థ సిద్ధ్యర్థ-మ్మమ రాజద్వారే రాజముఖే సర్వదా దిగ్విజయ ప్రాప్త్యర్థ-మ్మమ జన్మరాశి వశాత్ నామరాశి వశాత్ జన్మనక్షత్ర వశాత్ నామనక్షత్ర వశా-థ్షడ్బల వేద వశాత్ నిత్య గోచార వేద వశాత్ మమ యే యే గ్రహాః అరిష్ట స్థానేషు స్థితా-స్స్తై-స్స్తైః క్రియమాన కర్మమాన వర్తమాన వర్తిష్యమాన సూచిత భావిత ఆగామిత దుష్టారిష్ట పరిహార ద్వారా ఆయుష్య అభివృద్ధ్యర్థ-మ్మమ రమా పరివార సమేత సత్యనారాయణ స్వామి అనుగ్రహ సిద్ధ్యర్థం రమా పరివార సమేత సత్యనారాయణ స్వామి ప్రసాదేన మమ గృహే స్థిరలక్ష్మీ ప్రాప్త్యర్థ-మ్మమ రమాపరివార సమేత శ్రీ సత్యనారాయణ స్వామి వ్రత పూజా-ఞ్చ కరిష్యే । తదఙ్గ గణపత్యాది పఞ్చలోకపాలకపూజామ్, ఆదిత్యాది నవగ్రహ పూజామ్, ఇన్ద్రాది అష్టదిక్పాలకపూజా-ఞ్చ కరిష్యే ।
ఆదౌ వ్రతాఙ్గ దేవతారాధన-ఙ్కరిష్యే ।
వరుణ పూజ
ఇ॒మ-మ్మే॑ వరుణ శ్రుధీ॒ హవ॑ మ॒ద్యా చ॑ మృడయ ।
త్వామ॑వ॒స్యు రాచ॑కే ।
ఓ-మ్భూః వరుణమావాహయామి స్థాపయామి పూజయామి ।
బ్రహ్మ॑ జజ్ఞా॒న-మ్ప్ర॑థ॒మ-మ్పు॒రస్తా᳚త్ ।
వి సీ॑మ॒త-స్సు॒రుచో॑ వే॒న ఆ॑వః ।
స బు॒ధ్నియా॑ ఉప॒మా అ॑స్య వి॒ష్ఠాః । (తై.బ్రా.2.8.8.8)
స॒తశ్చ॒ యోని॒మస॑తశ్చ॒ వివః ॥
ఓ-మ్బ్రహ్మమావాహయామి స్థాపయామి పూజయామి ।
పఞ్చలోక పాలక పూజ
- గణపతి
ఓ-ఙ్గ॒ణానా᳚-న్త్వా గ॒ణప॑తిం హవామహే
క॒వి-ఙ్క॑వీ॒నాము॑ప॒మశ్ర॑వస్తమమ్ ।
జ్యే॒ష్ఠ॒రాజ॒-మ్బ్రహ్మ॑ణా-మ్బ్రహ్మణస్పత॒
ఆ నః॑ శృ॒ణ్వన్నూ॒తిభి॑స్సీద॒ సాద॑నమ్ ॥
సాఙ్గం సాయుధం సవాహనం సశక్తి-మ్పత్నీపుత్రపరివార సమేతం
గణపతిం-లోఁకపాలకం ఆవాహయామి స్థాపయామి పూజయామి ।
- బ్రహ్మ
ఓ-మ్బ్ర॒హ్మా దే॒వానా᳚-మ్పద॒వీః క॑వీ॒నామృషి॒ర్విప్రా॑ణా-మ్మహి॒షో మృ॒గాణా᳚మ్ ।
శ్యే॒నోగృధ్రా॑ణా॒గ్॒స్వధి॑తి॒ర్వనా॑నా॒గ్ం॒ సోమః॑ ప॒విత్ర॒మత్యే॑తి॒ రేభన్॑ ॥
సాఙ్గం సాయుధం సవాహనం సశక్తి-మ్పత్నీపుత్రపరివార సమేతం
బ్రహ్మాణం-లోఁకపాలకం ఆవాహయామి స్థాపయామి పూజయామి ।
- విష్ణు
ఓం ఇ॒దం-విఁష్ణు॒ర్విచ॑క్రమే త్రే॒ధా నిద॑ధే ప॒దమ్ ।
సమూ॑ఢమస్యపాగ్ం సు॒రే ॥
సాఙ్గం సాయుధం సవాహనం సశక్తి-మ్పత్నీపుత్రపరివార సమేతం
విష్ణుం-లోఁకపాలకం ఆవాహయామి స్థాపయామి పూజయామి ।
- రుద్ర
ఓ-ఙ్కద్రు॒ద్రాయ॒ ప్రచే॑తసే మీ॒ఢుష్ట॑మాయ॒ తవ్య॑సే।
వో॒చేమ॒ శన్త॑మం హృ॒దే ॥ (ఋ.1.43.1)
సాఙ్గం సాయుధం సవాహనం సశక్తి-మ్పత్నీపుత్రపరివార సమేతం
రుద్రం-లోఁకపాలకం ఆవాహయామి స్థాపయామి పూజయామి ।
- గౌరి
ఓ-ఙ్గౌ॒రీర్మిమా॑య సలి॒లాని॒ తక్ష॒త్యేక॑పదీ ద్వి॒పదీ॒ సా చతు॑ష్పదీ ।
అ॒ష్టాప॑దీ॒ నవ॑పదీ బభూ॒వుషీ॑ స॒హస్రా॑క్షరా పర॒మే వ్యో॑మన్న్ ॥
(ఋ.1.161.41)
సాఙ్గం సాయుధం సవాహనం సశక్తి-మ్పతిపుత్రపరివార సమేతం
గౌరీం-లోఁకపాలకీం ఆవాహయామి స్థాపయామి పూజయామి ।
గణేశాది పఞ్చలోకపాలక దేవతాభ్యో నమః ।
ధ్యాయామి, ఆవాహయామి, ఆసనం సమర్పయామి, పాద్యం సమర్పయామి, అర్ఘ్యం సమర్పయామి, ఆచమనీయం సమర్పయామి, స్నానం సమర్పయామి, శుద్ధాచమనీయం సమర్పయామి, వస్త్రం సమర్పయామి, యజ్ఞోపవీతం సమర్పయామి, గన్ధం సమర్పయామి, అక్షతాన్ సమర్పయామి, పుష్పాణి సమర్పయామి, ధూపమాఘ్రాపయామి, దీప-న్దర్శయామి, నైవేద్యం సమర్పయామి, తామ్బూలం సమర్పయామి, మన్త్రపుష్పం సమర్పయామి ।
గణేశాది పఞ్చలోకపాలక దేవతా ప్రసాద సిద్ధిరస్తు ॥
నవగ్రహ పూజ
- సూర్య గ్రహం
ఓం ఆస॒త్యేన॒ రజ॑సా॒ వర్త॑మానో నివే॒శయ॑న్న॒మృత॒-మ్మర్త్య॑ఞ్చ ।
హి॒ర॒ణ్యయే॑న సవి॒తా రథే॒నా-ఽఽదే॒వో యా॑తి॒భువ॑నా వి॒పశ్యన్॑ ॥
ఓ-మ్భూర్భువస్సువ-స్సూర్యగ్రహే ఆగచ్ఛ ।
సూర్యగ్రహం రక్తవర్ణం రక్తగన్ధం రక్తపుష్పం రక్తమాల్యామ్బరధరం రక్తచ్ఛత్ర ధ్వజపతాకాది శోభిత-న్దివ్యరథసమారుఢ-మ్మేరు-మ్ప్రదక్షిణీ కుర్వాణ-మ్ప్రాఙ్ముఖ-మ్పద్మాసనస్థ-న్ద్విభుజం సప్తాశ్వం సప్తరజ్జు-ఙ్కలిఙ్గదేశాధిపతి-ఙ్కాశ్యపసగోత్ర-మ్ప్రభవసంవఁత్సరే మాఘమాసే శుక్లపక్షే సప్తమ్యా-మ్భానువాసరే అశ్వినీ నక్షత్రే జాతం సింహరాశ్యధిపతి-ఙ్కిరీటినం సుఖాసీన-మ్పత్నీపుత్రపరివార సమేత-ఙ్గ్రహమణ్డలే ప్రవిష్ఠమస్మిన్నధికరణే వర్తులాకారమణ్డలే స్థాపిత స్వర్ణప్రతిమారూపేణ సూర్యగ్రహమావాహయామి స్థాపయామి పూజయామి ।
ఓం అ॒గ్ని-న్దూ॒తం-వృఁ॑ణీమహే॒ హోతా॑రం-విఁ॒శ్వవే॑దసమ్ ।
అ॒స్య య॒జ్ఞస్య॑ సు॒క్రతు॑మ్᳚ ॥ (ఋ.1.12.1)
సూర్యగ్రహస్య అధిదేవతాః అగ్నిం సాఙ్గం సాయుధం సవాహనం సశక్తి-మ్పత్నీపుత్రపరివారసమేతం సూర్యగ్రహస్య దక్షిణతః అగ్నిమావాహయామి స్థాపయామి పూజయామి ।
ఓ-ఙ్కద్రు॒ద్రాయ॒ ప్రచే॑తసే మీ॒ఢుష్ట॑మాయ॒ తవ్య॑సే।
వో॒చేమ॒ శన్త॑మం హృ॒దే ॥ (ఋ.1.43.1)
సూర్యగ్రహస్య ప్రత్యధిదేవతాః రుద్రం సాఙ్గం సాయుధం సవాహనం సశక్తి-మ్పత్నీపుత్రపరివారసమేతం సూర్యగ్రహస్య ఉత్తరతః రుద్రమావాహయామి స్థాపయామి పూజయామి ।
- చన్ద్ర గ్రహం
ఓం ఆప్యా॑యస్వ॒ సమే॑తు తే వి॒శ్వత॑స్సోమ॒ వృష్ణి॑యమ్ ।
భవా॒ వాజ॑స్య సఙ్గ॒థే ॥
ఓ-మ్భూర్భువస్సువ-శ్చన్ద్రగ్రహే ఆగచ్ఛ ।
చన్ద్రగ్రహం శ్వేతవర్ణం శ్వేతగన్ధం శ్వేతపుష్పం శ్వేతమాల్యామ్బరధరం శ్వేతచ్ఛత్ర ధ్వజపతాకాదిశోభిత-న్దివ్యరథసమారూఢ-మ్మేరు-మ్ప్రదక్షిణీ కుర్వాణ-న్దశాశ్వరథవాహన-మ్ప్రత్యఙ్ముఖ-న్ద్విభుజ-న్దణ్డధరం-యాఁమునదేశాధిపతిం ఆత్రేయసగోత్రం సౌమ్య సంవఁత్సరే కార్తీకమాసే శుక్లపక్షే పౌర్ణమాస్యాం ఇన్దువాసరే కృత్తికా నక్షత్రే జాత-ఙ్కర్కటరాశ్యధిపతి-ఙ్కిరీటినం సుఖాసీన-మ్పత్నీపుత్రపరి వారసమేత-ఙ్గ్రహమణ్డలే ప్రవిష్ఠమస్మిన్నధి కరణే సూర్యగ్రహస్య ఆగ్నేయదిగ్భాగే సమచతురశ్రమణ్డలే స్థాపిత రజతప్రతిమా రూపేణ చన్ద్రగ్రహమావాహయామి స్థాపయామి పూజయామి ।
ఓం అ॒ప్సుమే॒ సోమో॑ అబ్రవీద॒న్తర్విశ్వా॑ని భేష॒జా ।
అ॒గ్నిఞ్చ॑ వి॒శ్వశ॑మ్భువ॒మాప॑శ్చ వి॒శ్వభే॑షజీః ॥
చన్ద్రగ్రహస్య అధిదేవతాః అపం సాఙ్గం సాయుధం సవాహనం సశక్తి-మ్పత్నీపుత్రపరివారసమేత-ఞ్చన్ద్రగ్రహస్య దక్షిణతః ఆపః ఆవాహయామి స్థాపయామి పూజయామి ।
ఓ-ఙ్గౌ॒రీ మి॑మాయ సలి॒లాని॒ తక్ష॒త్యేక॑పదీ ద్వి॒పదీ॒ సా చతు॑ష్పదీ ।
అ॒ష్టాప॑దీ॒ నవ॑పదీ బభూ॒వుషీ॑ స॒హస్రా᳚క్షరా పర॒మే వ్యో॑మన్న్ ॥
చన్ద్రగ్రహస్య ప్రత్యధిదేవతాః గౌరీం సాఙ్గం సాయుధం సవాహనం సశక్తి-మ్పతిపుత్రపరివారసమేత-ఞ్చన్ద్రగ్రహస్య ఉత్తరతః గౌరీం ఆవాహయామి స్థాపయామి పూజయామి ॥
- అఙ్గారక గ్రహం
ఓం అ॒గ్నిర్మూ॒ర్ధా ది॒వః క॒కుత్పతిః॑ పృథి॒వ్యా అ॒యమ్ ।
అ॒పాగ్ంరేతాగ్ం॑సి జిన్వతి ॥
ఓ-మ్భూర్భువస్సువః అఙ్గారకగ్రహే ఆగచ్ఛ ।
అఙ్గారక గ్రహం రక్తవర్ణం రక్తగన్ధం రక్తపుష్పం రక్తమాల్యామ్బరధరం రక్తచ్ఛత్రధ్వజపతాకాదిశోభిత-న్దివ్యరథసమారూఢ-మ్మేరు-మ్ప్రదక్షిణీ కుర్వాణ-మ్మేషవాహన-న్దక్షిణాభిముఖ-ఞ్చతుర్భుజ-ఙ్గదాశూలశక్తిధరం అవన్తీ దేశాధిపతి-మ్భారద్వాజసగోత్రం రాక్షసనామ సంవఁత్సరే ఆషాఢమాసే శుక్లపక్షే దశమ్యా-మ్భౌమవాసరే అనూరాధా నక్షత్రే జాత-మ్మేష వృశ్చిక రాశ్యాధిపతి-ఙ్కిరీటినం సుఖాసీన-మ్పత్నీపుత్రపరివారసమేత-ఙ్గ్రహమణ్డలే ప్రవిష్టమస్మిన్నధికరణే సూర్యగ్రహస్య దక్షిణదిగ్భాగే త్రికోణాకారమణ్డలే స్థాపిత తామ్రప్రతిమారూపేణ అఙ్గారకగ్రహం ఆవాహయామి స్థాపయామి పూజయామి ॥
ఓం స్యో॒నా పృ॑థివి॒ భవా॑-ఽనృక్ష॒రా ని॒వేశ॑నీ ।
యచ్ఛా॑న॒శ్శర్మ॑ స॒ప్రథాః᳚ ॥
అఙ్గారకగ్రహస్య అధిదేవతాః పృథివీం సాఙ్గం సాయుధం సవాహనం సశక్తి-మ్పుత్రపరివారసమేతం అఙ్గారకగ్రహస్య దక్షిణతః పృథివీం ఆవాహయామి స్థాపయామి పూజయామి ।
ఓ-ఙ్క్షేత్ర॑స్య॒ పతి॑నా వ॒యగ్ంహి॒తే నే॑వ జయామసి ।
గామశ్వ॑-మ్పోష్ అయి॒త్న్వా స నో॑ మృడాతీ॒దృశే᳚ ॥
అఙ్గారకగ్రహస్య ప్రత్యధిదేవతాః, క్షేత్రపాలకం సాఙ్గం సాయుధం సవాహనం సశక్తి-మ్పత్నీపుత్రపరివారసమేతం అఙ్గారకగ్రహస్య ఉత్తరతః, క్షేత్రపాలకమావాహయామి స్థాపయామి పూజయామి ॥
- బుధ గ్రహం
ఓం ఉద్బు॑ధ్యస్వాగ్నే॒ ప్రతి॑జాగృహ్యేనమిష్టాపూ॒ర్తే సగ్ంసృ॑జేథామ॒యఞ్చ॑ ।
పునః॑ కృ॒ణ్వగ్గ్స్త్వా॑ పి॒తరం॒-యుఁవా॑నమ॒న్వాతాగ్ం॑సీ॒త్త్వయి॒ తన్తు॑మే॒తమ్ ॥
ఓ-మ్భూర్భువస్సువః బుధగ్రహే ఆగచ్ఛ ।
బుధగ్రహ-మ్పీతవర్ణ-మ్పీతగన్ధ-మ్పీతపుష్ప-మ్పీతమాల్యామ్బరధర-మ్పీతచ్ఛత్ర ధ్వజపతాకాది శోభిత-న్దివ్యరథసమారూఢ-మ్మేరు-మ్ప్రదక్షిణీ కుర్వాణం సింహవాహనం ఉదఙ్ముఖ-మ్మగధదేశాధిపతి-ఞ్చతుర్భుజ-ఙ్ఖడ్గచర్మామ్బరధరం ఆత్రేయసగోత్రం
అఙ్గీరసనామసంవఁత్సరే మార్గశీర్షమాసే శుక్లపక్షే సప్తమ్యాం సౌమ్యవాసరే పూర్వాభాద్రా నక్షత్రే జాత-మ్మిథున కన్యా రాశ్యధిపతి-ఙ్కిరీటినం సుఖాసీన-మ్పత్నీపుత్ర పరివారసమేత-ఙ్గ్రహమణ్డలే ప్రవిష్టమస్మిన్నధికరణే సూర్యగ్రహస్య ఈశాన్యదిగ్భాగే బాణాకారమణ్డలే స్థాపిత కాంస్యప్రతిమారూపేణ బుధగ్రహం ఆవాహయామి స్థాపయామి పూజయామి ।
ఓం ఇ॒దం-విఁష్ణు॒ర్విచ॑క్రమే త్రే॒ధా నిద॑ధే ప॒దమ్ ।
సమూ॑ఢమస్యపాగ్ం సు॒రే ॥
విష్ణో॑ ర॒రాట॑మసి॒ విష్ణోః᳚ పృ॒ష్ఠమ॑సి॒
విష్ణో॒శ్శ్నప్త్రే᳚స్థో॒ విష్ణో॒స్స్యూర॑సి॒
విష్ణో᳚ర్ధ్రు॒వమ॑సి వైష్ణ॒వమ॑సి॒ విష్ణ॑వే త్వా ॥
బుధగ్రహస్య అధిదేవతాః విష్ణుం సాఙ్గం సాయుధం సవాహనం సశక్తి-మ్పత్నీపుత్రపరివారసమేత-మ్బుధగ్రహస్య దక్షిణతః విష్ణుమావాహయామి స్థాపయామి పూజయామి ।
ఓం స॒హస్ర॑శీర్షా॒ పురు॑షః । స॒హ॒స్రా॒క్ష-స్స॒హస్ర॑పాత్ ।
స భూమిం॑-విఁ॒శ్వతో॑ వృ॒త్వా । అత్య॑తిష్ఠద్దశాఙ్గు॒లమ్ ।
బుధగ్రహస్య ప్రత్యధిదేవతాః నారాయణం సాఙ్గం సాయుధం సవాహనం సశక్తి-మ్పత్నీపుత్రపరివారసమేత-మ్బుధగ్రహస్య ఉత్తరతః నారాయణమావాహయామి స్థాపయామి పూజయామి ।
- బృహస్పతి గ్రహం
ఓ-మ్బృహ॑స్పతే॒ అతి॒యద॒ర్యో అర్హా᳚ద్ద్యు॒మద్వి॒భాతి॒ క్రతు॑మ॒జ్జనే॑షు ।
యద్దీ॒దయ॒చ్చవ॑సర్తప్రజాత॒ తద॒స్మాసు॒ ద్రవి॑ణన్ధేహి చి॒త్రమ్ ॥
ఓ-మ్భూర్భువస్సువః బృహస్పతిగ్రహే ఆగచ్ఛ ।
బృహస్పతిగ్రహ-ఙ్కనకవర్ణ-ఙ్కనకగన్ధ-ఙ్కనకపుష్ప-ఙ్కనకమాల్యామ్బరధర-ఙ్కనకచ్ఛత్ర ధ్వజపతాకాదిశోభిత-న్దివ్యరథసమారూఢ-మ్మేరు-మ్ప్రదక్షిణీకుర్వాణా-మ్పూర్వాభిముఖ-మ్పద్మాసనస్థ-ఞ్చతుర్భుజ-న్దణ్డాక్షమాలాధారిణం సిన్ధు ద్వీపదేశాధిపతిం ఆఙ్గీరసగోత్రం ఆఙ్గీరససంవఁత్సరే వైశాఖేమాసే శుక్లపక్షే ఏకాదశ్యా-ఙ్గురువాసరే ఉత్తరా నక్షత్రే జాత-న్ధనుర్మీనరాశ్యధిపతి-ఙ్కిరీటినం సుఖాసీన-మ్పత్నీపుత్రపరివారసమేతం
గ్రహమణ్డలే ప్రవిష్టమస్మిన్నధికరణే సూర్యగ్రహస్య ఉత్తరదిగ్భాగే దీర్ఘచతురస్రాకారమణ్డలే స్థాపిత త్రపుప్రతిమారూపేణ బృహస్పతిగ్రహం ఆవాహయామి స్థాపయామి పూజయామి ।
ఓ-మ్బ్రహ్మ॑జజ్ఞా॒న-మ్ప్ర॑థ॒మ-మ్పు॒రస్తా॒ద్విసీ॑మ॒తస్సు॒రుచో॑ వే॒న ఆ॑వః ।
సబు॒ధ్నియా॑ ఉప॒మా అ॑స్య వి॒ష్ఠాస్స॒తశ్చ॒ యోని॒మస॑తశ్చ॒ వివః॑ ॥
బృహస్పతిగ్రహస్య అధిదేవతా-మ్బ్రహ్మాణం సాఙ్గం సాయుధం సవాహనం సశక్తి-మ్పత్నీపుత్రపరివారసమేత-మ్బృహస్పతిగ్రహస్య దక్షిణతః బ్రహ్మాణమావాహయామి స్థాపయామి పూజయామి ।
ఓం ఇన్ద్ర॑మరుత్వ ఇ॒హ పా॑హి॒ సోమం॒-యఁథా॑ శార్యా॒తే అపి॑బస్సు॒తస్య॑ ।
తవ॒ ప్రణీ॑తీ॒ తవ॑ శూర॒శర్మ॒న్నావి॑వాసన్తి క॒వయ॑స్సుయ॒జ్ఞాః ॥
బృహస్పతిగ్రహస్య ప్రత్యధిదేవతాః ఇన్ద్రం సాఙ్గం సాయుధం సవాహనం సశక్తి-మ్పత్నీపుత్రపరివారసమేత-మ్బృహస్పతిగ్రహస్య ఉత్తరతః ఇన్ద్రమావాహయామి స్థాపయామి పూజయామి ।
- శుక్ర గ్రహం
ఓం శు॒క్ర-న్తే॑ అ॒న్యద్య॑జ॒త-న్తే॑ అ॒న్యత్ ।
విషు॑రూపే॒ అహ॑నీ॒ ద్యౌరి॑వాసి ।
విశ్వా॒ హి మా॒యా అవ॑సి స్వధావః ।
భ॒ద్రా తే॑ పూషన్ని॒హ రా॒తిర॒స్త్వితి॑ । (తై.ఆ.1.2.4.1)
ఓ-మ్భూర్భువస్సువ-శ్శుక్రగ్రహే ఆగచ్ఛ ।
శుక్రగ్రహం శ్వేతవర్ణం శ్వేతగన్ధం శ్వేతపుష్పం శ్వేతమాల్యామ్బరధరం శ్వేతచ్ఛత్ర ధ్వజపతాకాదిశోభిత-న్దివ్యరథసమారూఢ-మ్మేరు-మ్ప్రదక్షిణీ కుర్వాణ-మ్పూర్వాభిముఖ-మ్పద్మాసన్థ-ఞ్చతుర్భుజ-న్దణ్డాక్షమాలా జటావల్కల ధారిణి-ఙ్కామ్భోజ దేశాధిపతి-మ్భార్గవసగోత్ర-మ్పార్థివసంవఁత్సరే శ్రావణమాసే శుక్లపక్షే అష్టమ్యా-మ్భృగువాసరే స్వాతీ నక్షత్రే జాత-న్తులా వృషభరాశ్యధిపతి-ఙ్కిరీటినం సుఖాసీన-మ్పత్నీపుత్రపరివార సమేత-ఙ్గ్రహమణ్డలే ప్రవిష్టమస్మిన్నధికరణే సూర్యగ్రహస్య ప్రాగ్భాగే పఞ్చకోణాకార మణ్డలే స్థాపిత సీస ప్రతిమారూపేణ శూక్రగ్రహం ఆవాహయామి స్థాపయామి పూజయామి ।
ఓం ఇ॒న్ద్రా॒ణీమా॒సు నారి॑షు సు॒పత్.ంఈ॑మ॒హమ॑శ్రవమ్ ।
న హ్య॑స్యా అప॒రఞ్చ॒న జ॒రసా॒ మర॑తే॒ పతిః॑ ॥
శుక్రగ్రహస్య అధిదేవతాం ఇన్ద్రాణీం సాఙ్గాం సాయుధాం సవాహనం సశక్తి-మ్పతిపుత్రపరివారసమేతాం శుక్రగ్రహస్య దక్షిణతః ఇన్ద్రాణీం ఆవాహయామి స్థాపయామి పూజయామి ।
ఓం ఇన్ద్ర॑ మరుత్వ ఇ॒హ పా॑హి॒ సోమం॒-యఁథా॑ శార్యా॒తే అపి॑బ-స్సు॒తస్య॑ ।
తవ॒ ప్రణీ॑తీ॒ తవ॑ శూర॒ శర్మ॒న్నా వి॑వాసన్తి క॒వయః॑ సుయ॒జ్ఞాః ॥ (ఋ.3.51.7)
శుక్రగ్రహస్య ప్రత్యధిదేవతాం ఇన్ద్రమరుత్వన్తం సాఙ్గం సాయుధం సవాహనం సశక్తి-మ్పత్నీపుత్రపరివారసమేతం శుక్రగ్రహస్య ఉత్తరతః ఇన్ద్రమరుత్వన్తమావాహయామి స్థాపయామి పూజయామి ।
- శని గ్రహం
ఓం శమ॒గ్నిర॒గ్నిభిః॑ కర॒చ్ఛ-న్న॑స్తపతు॒ సూర్యః॑ ।
శం-వాఁతో॑ వాత్వర॒పా అప॒ స్త్రిధః॑ ॥ (ఋ.8.12.9)
ఓ-మ్భూర్భువస్సువ-శ్శనైశ్చరగ్రహే ఆగచ్ఛ ।
శనైశ్చరగ్రహ-న్నీలవర్ణ-న్నీలగన్ధ-న్నీలపుష్ప-న్నీలమాల్యామ్బరధర-న్నీలచ్ఛత్ర ధ్వజపతాకాదిశోభిత-న్దివ్యరథసమారూఢ-మ్మేరు-మ్ప్రదక్షిణీ కుర్వాణ-ఞ్చాపాసనస్థ-మ్ప్రత్యఙ్ముఖ-ఙ్గృద్రరథ-ఞ్చతుర్భుజం శూలాయుధధరం సౌరాష్ట్రదేశాధిపతి-ఙ్కాశ్యపసగోత్రం-విఁశ్వామిత్ర ఋషిం-విఁభవ సంవఁత్సరే పౌష్యమాసే శుక్లపక్షే నవమ్యాం స్థిరవాసరే భరణీ నక్షత్రే జాత-మ్మకుర కుమ్భ రాశ్యధిపతి-ఙ్కిరీటినం సుఖాసీన-మ్పత్నీపుత్రపరివారసమేత-ఙ్గ్రహమణ్డలే ప్రవిష్టమస్మిన్నధికరణే సూర్యగ్రహస్య పశ్చిమదిగ్భాగే ధనురాకారమణ్డలే స్థాపిత అయః ప్రతిమారూపేణ శనైశ్చరగ్రహమావాహయామి స్థాపయామి పూజయామి ।
ఓం-యఁ॒మాయ॒ సోమం॑ సునుత య॒మాయ॑ జుహుతా హ॒విః ।
య॒మం హ॑ య॒జ్ఞో గ॑చ్ఛత్య॒గ్నిదూ॑తో॒ అర॑ఙ్కృతః ॥ (ఋ.10.14.13)
శనైశ్చరగ్రహస్య అధిదేవతాం-యఁమం సాఙ్గం సాయుధం సవాహనం సశక్తి-మ్పత్నీపుత్రపరివారసమేతం శనైశ్చరగ్రహస్య దక్షిణతః యమం ఆవాహయామి స్థాపయామి పూజయామి ।
ఓ-మ్ప్రజా॑పతే॒ న త్వదే॒తాన్య॒న్యో విశ్వా॑ జా॒తాని॒ పరి॒ తా బ॑భూవ ।
యత్కా॑మాస్తే జుహు॒మస్తన్నో॑ అస్తు వ॒యం స్యా॑మ॒ పత॑యో రయీ॒ణామ్ ॥ (ఋ.10.121.10)
శనైశ్చరగ్రహస్య ప్రత్యధిదేవతా-మ్ప్రజాపతిం సాఙ్గం సాయుధం సవాహనం సశక్తి-మ్పత్నీపుత్రపరివారసమేతం శనైశ్చరగ్రహస్య ఉత్తరతః ప్రజాపతిమావాహయామి స్థాపయామి పూజయామి ।
- రాహు గ్రహం
ఓ-ఙ్కయా॑ నశ్చి॒త్ర ఆభు॑వదూ॒తీ స॒దావృ॑ధ॒స్సఖా᳚ ।
కయా॒ శచి॑ష్ఠయా వృ॒తా ॥
ఓ-మ్భూర్భువస్సువః రాహుగ్రహే ఆగచ్ఛ ।
రాహుగ్రహ-న్ధూమ్రవర్ణ-న్ధూమ్రగన్ధ-న్ధూమ్రపుష్ప-న్ధూమ్రమాల్యామ్బరధర-న్ధూమ్రచ్ఛత్ర ధ్వజపతాకాదిశోభిత-న్దివ్యరథసమారూఢ-మ్మేరుం అప్రదక్షిణీ కుర్వాణం సింహాసన-న్నైఋతి ముఖం శూర్పాసనస్థ-ఞ్చతుర్భుజ-ఙ్కరాలవక్త్ర-ఙ్ఖడ్గచర్మ ధర-మ్పైఠీనసగోత్ర-మ్బర్బరదేశాధిపతిం రాక్షసనామసంవఁత్సరే భాద్రపదమాసే కృష్ణ పక్షే చతుర్దశ్యా-మ్భానువాసరే విశాఖా నక్షత్రే జాతం సింహరాశి ప్రయుక్త-ఙ్కిరీటినం సుఖాసీనం సశక్తి-మ్పత్నీపుత్రపరివారసమేత-ఙ్గ్రహమణ్డలే ప్రవిష్టమస్మిన్నధికరణే సూర్యగ్రహస్య నైఋతిదిగ్భాగే శూర్పాకార మణ్డలే స్థాపిత లోహప్రతిమా రూపేణ రాహుగ్రహమావాహయామి స్థాపయామి పూజయామి ।
ఓం ఆ-ఽయఙ్గౌః పృశ్ని॑రక్రమీ॒దస॑నన్మా॒తర॒-మ్పునః॑ ।
పి॒తర॑ఞ్చ ప్ర॒యన్త్సువః॑ ॥
రాహుగ్రహస్య అధిదేవతా-ఙ్గాం సాఙ్గం సాయుధం సవాహనాం సశక్తి-మ్పతిపుత్రపరివారసమేతం రాహుగ్రహస్య దక్షిణతః గాం ఆవాహయామి స్థాపయామి పూజయామి ।
ఓ-న్నమో॑ అస్తు స॒ర్పేభ్యో॒ యే కే చ॑ పృథి॒వీం అను॑ ।
యే అ॒న్తరి॑క్షే॒ యే దివి॒ తేభ్య॑స్స॒ర్పేభ్యో॒ నమః॑ ॥
రాహుగ్రహస్య ప్రత్యధిదేవతాం సర్పం సాఙ్గం సాయుధం సవాహనం సశక్తి-మ్పత్నీపుత్రపరివారసమేతం రాహుగ్రహస్య ఉత్తరత-స్సర్పమావాహయామి స్థాపయామి పూజయామి ।
- కేతు గ్రహం
ఓ-ఙ్కే॒తుఙ్కృ॒ణ్వన్న॑కే॒తవే॒ పేశో॑ మర్యా అపే॒శసే᳚ ।
సము॒షద్భి॑రజాయథాః ॥
ఓ-మ్భూర్భువస్సువః కేతుగణైః ఆగచ్ఛ ।
కేతుగణ-ఞ్చిత్రవర్ణ-ఞ్చిత్రగన్ధ-ఞ్చిత్రపుష్ప-ఞ్చిత్రమాల్యామ్బరధర-ఞ్చిత్రచ్ఛత్ర ధ్వజపతాకాదిశోభిత-న్దివ్యరథసమారూఢ-మ్మేరుం అప్రదక్షిణీ కుర్వాణ-న్ధ్వజాసనస్థ-న్దక్షిణాభిముఖం అన్తర్వేది దేశాధిపతి-న్ద్విబాహు-ఙ్గదాధర-ఞ్జైమిని గోత్రం రాక్షసనామ సంవఁత్సరే చైత్రమాసే కృష్ణపక్షే చతుర్దశ్యాం ఇన్దువాసరే రేవతీ నక్షత్రేజాత-ఙ్కర్కటకరాశి ప్రయుక్తం సింహాసనాసీన-ఙ్గ్రహమణ్డలే ప్రవిష్టమస్మిన్నధికరణే సూర్యగ్రహస్య వాయవ్య దిగ్భాగే ధ్వజాకార మణ్డలే స్థాపిత పఞ్చలోహ ప్రతిమారూపేణ కేతుగణమావాహయామి స్థాపయామి పూజయామి ।
ఓం సచి॑త్ర చి॒త్ర-ఞ్చి॒తయన్᳚తమ॒స్మే చిత్ర॑క్షత్ర చి॒త్రత॑మం-వఁయో॒ధామ్ ।
చ॒న్ద్రం ర॒యి-మ్పు॑రు॒వీరమ్᳚ బృ॒హన్త॒-ఞ్చన్ద్ర॑చ॒న్ద్రాభి॑ర్గృణ॒తే యు॑వస్వ ॥
కేతుగణస్య అధిదేవతా-ఞ్చిత్రగుప్తం సాఙ్గం సాయుధం సవాహనం సశక్తి-మ్పత్నీపుత్రపరివారసమేత-ఙ్కేతుగణస్య దక్షిణత-శ్చిత్రగుప్తమావాహయామి స్థాపయామి పూజయామి ।
ఓ-మ్బ్ర॒హ్మా దే॒వానా᳚-మ్పద॒వీః క॑వీ॒నామృషి॒ర్విప్రా॑ణా-మ్మహి॒షో మృ॒గాణా᳚మ్ ।
శ్యే॒నోగృధ్రా॑ణా॒గ్॒స్వధి॑తి॒ర్వనా॑నా॒గ్ం॒ సోమః॑ ప॒విత్ర॒మత్యే॑తి॒ రేభన్॑ ॥
కేతుగణస్య ప్రత్యధిదేవతా-మ్బ్రహ్మాణం సాఙ్గం సాయుధం సవాహనం సశక్తి-మ్పత్నీపుత్రపరివారసమేత-ఙ్కేతుగ్రహస్య ఉత్తరతః బ్రహ్మాణమావాహయామి స్థాపయామి పూజయామి ।
అధిదేవతా ప్రత్యధిదేవతా సహితాదిత్యాది నవగ్రహ దేవతాభ్యో నమః ధ్యాయామి, ఆవహయామి, రత్నసింహాసనం సమర్పయామి, పాద్యం సమర్పయామి, అర్ఘ్యం సమర్పయామి, ఆచమనీయం సమర్పయామి, స్నానం సమర్పయామి, శుద్ధాచమనీయం సమర్పయామి, వస్త్రం సమర్పయామి, యజ్ఞోపవీతం సమర్పయామి, గన్ధం సమర్పయామి, అక్షతాన్ సమర్పయామి, పుష్పాణి సమర్పయామి, ధూపమాఘ్రాపయామి, దీపం సమర్పయామి, నైవేద్యం సమర్పయామి, తామ్బూలం సమర్పయామి, మన్త్రపుష్పం సమర్పయామి ।
అధిదేవతా ప్రత్యధిదేవతాసహితాదిత్యాది నవగ్రహ దేవతా ప్రసాదసిద్ధిరస్తు ।
ఇన్ద్రాది అష్టదిక్పాలక పూజ
- ఇన్ద్రుడు
ఓం ఇన్ద్రం॑-వోఁ వి॒శ్వత॒స్పరి॒ హవా॑మహే॒ జనే॑భ్యః ।
అ॒స్మాక॑మస్తు॒ కేవ॑లః ॥ (ఋ.వే.1.7.10)
సాఙ్గం సాయుధం సవాహనం సశక్తి-మ్పత్నీపుత్రపరివారసమేత-మ్ప్రాగ్దిగ్భాగే ఇన్ద్ర-న్దిక్పాలకమావాహయామి స్థాపయామి పూజయామి ॥
- అగ్ని
ఓం అ॒గ్ని-న్దూ॒తం-వృఁ॑ణీమహే॒ హోతా॑రం-విఁ॒శ్వవే॑దసమ్ ।
అ॒స్య య॒జ్ఞస్య॑ సు॒క్రతు॑మ్ ॥ (ఋ.వే.1.12.1)
సాఙ్గం సాయుధం సవాహనం సశక్తి-మ్పత్నీపుత్రపరివారసమేతం ఆగ్నేయదిగ్భాగే అగ్ని-న్దిక్పాలకమావాహయామి స్థాపయామి పూజయామి ॥
- యముడు
ఓం-యఁ॒మాయ॒ సోమం॑ సునుత య॒మాయ॑ జుహుతా హ॒విః ।
య॒మం హ॑ య॒జ్ఞో గ॑చ్ఛత్య॒గ్నిదూ॑తో॒ అర॑ఙ్కృతః ॥ (ఋ.10.14.13)
సాఙ్గం సాయుధం సవాహనం సశక్తి-మ్పత్నీపుత్రపరివారసమేత-న్దక్షిణదిగ్భాగే యమ-న్దిక్పాలకమావాహయామి స్థాపయామి పూజయామి ॥
- నిఋతి
ఓ-మ్మొ షు ణః॒ పరా॑పరా॒ నిర్ఋ॑తిర్దు॒ర్హణా॑ వధీత్ ।
ప॒దీ॒ష్ట తృష్ణ॑యా స॒హ ॥ (ఋ.1.38.06)
సాఙ్గం సాయుధం సవాహనం సశక్తి-మ్పత్నీపుత్రపరివారసమేత-న్నైఋతిదిగ్భాగే నిర్ఋతి-న్దిక్పాలకమావాహయామి స్థాపయామి పూజయామి ॥
- వరుణుడు
ఓం ఇ॒మ-మ్మే॑ వరుణ శ్రుధీ॒ హవ॑ మ॒ద్యా చ॑ మృడయ ।
త్వామ॑వ॒స్యు రాచ॑కే ।
సాఙ్గం సాయుధం సవాహనం సశక్తి-మ్పత్నీపుత్రపరివారసమేత-మ్పశ్చిమదిగ్భాగే వరుణ-న్దిక్పాలకమావాహయామి స్థాపయామి పూజయామి ॥
- వాయువు
ఓ-న్తవ॑ వాయవృతస్పతే॒ త్వష్టు॑ర్జామాతరద్భుత ।
అవాం॒స్యా వృ॑ణీమహే । (ఋ.8.21.20)
సాఙ్గం సాయుధం సవాహనం సశక్తి-మ్పత్నీపుత్రపరివారసమేతం-వాఁయువ్యదిగ్భాగే వాయు-న్దిక్పాలకమావాహయామి స్థాపయామి పూజయామి ॥
- కుబేరుడు
ఓం సోమో॑ ధే॒నుం సోమో॒ అర్వ॑న్తమా॒శుం సోమో॑ వీ॒ర-ఙ్క॑ర్మ॒ణ్య॑-న్దదాతి ।
సా॒ద॒న్యం॑-విఁద॒థ్యం॑ స॒భేయ॑-మ్పితృ॒శ్రవ॑ణం॒-యోఁ దదా॑శదస్మై ॥ (ఋ.1.91.20)
సాఙ్గం సాయుధం సవాహనం సశక్తి-మ్పత్నీపుత్రపరివారసమేతం ఉత్తరదిగ్భాగే కుబేర-న్దిక్పాలకమావాహయామి స్థాపయామి పూజయామి ॥
- ఈశానుడు
ఓ-న్తమీశా॑న॒-ఞ్జగ॑తస్త॒స్థుష॒స్పతి॑-న్ధియఞ్జి॒న్వమవ॑సే హూమహే వ॒యమ్ ।
పూ॒షా నో॒ యథా॒ వేద॑సా॒మస॑ద్వృ॒ధే ర॑క్షి॒తా పా॒యురద॑బ్ధ-స్స్వ॒స్తయే॑ ॥ (ఋ.1.89.5)
సాఙ్గం సాయుధం సవాహనం సశక్తి-మ్పత్నీపుత్రపరివారసమేతం ఈశానదిగ్భాగే ఈశాన-న్దిక్పాలకమావాహయామి స్థాపయామి పూజయామి ॥
ఇన్ద్రాది అష్టదిక్పాలకదేవతాభ్యో నమః ధ్యాయామి, ఆవహయామి, రత్నసింహాసనం సమర్పయామి, పాద్యం సమర్పయామి, అర్ఘ్యం సమర్పయామి, ఆచమనీయం సమర్పయామి, స్నానం సమర్పయామి, శుద్ధాచమనీయం సమర్పయామి, వస్త్రం సమర్పయామి, యజ్ఞోపవీతం సమర్పయామి, గన్ధం సమర్పయామి, అక్షతాన్ సమర్పయామి, పుష్పాణి సమర్పయామి, ధూపమాఘ్రాపయామి, దీపం సమర్పయామి, నైవేద్యం సమర్పయామి, తామ్బూలం సమర్పయామి, మన్త్రపుష్పం సమర్పయామి ।
ఇన్ద్రాది అష్టదిక్పాలక దేవతా ప్రసాదసిద్ధిరస్తు ।
షోడశోపచార పూజ
పఞ్చామృత స్నానం
- ఆప్యాయస్యేతి క్షీరం (milk) –
ఓం ఆప్యా॑యస్వ॒ సమే॑తు తే వి॒శ్వత॑స్సోమ॒ వృష్ణి॑యమ్ ।
భవా॒ వాజ॑స్య సఙ్గ॒థే ॥
క్షీరేణ స్నపయామి ॥
- దధిక్రావ్ణో ఇతి దధి (yogurt) –
ఓ-న్ద॒ధి॒క్రావ్ణో॑ అకారిష-ఞ్జి॒ష్ణోరశ్వ॑స్య వా॒జినః॑ ।
సు॒రభి నో॒ ముఖా॑ కర॒త్ప్రణ॒ ఆయూగ్ం॑షి తారిషత్ ॥
దధ్నా స్నపయామి ॥
- శుక్రమసీతి ఆజ్యం (ghee) –
ఓం శు॒క్రమ॑సి॒ జ్యోతి॑రసి॒ తేజో॑సి దే॒వోవ॑స్సవి॒తోత్పు॑నా॒తు
అచ్ఛి॑ద్రేణ ప॒విత్రే॑ణ॒ వసో॒స్సూర్య॑స్య ర॒శ్మిభిః॑ ।
ఆజ్యేన స్నపయామి ॥
- మధువాతా ఋతాయతే ఇతి మధు (honey) –
ఓ-మ్మధు॒వాతా॑ ఋతాయ॒తే మధు॑క్షరన్తి॒ సిన్ధ॑వః ।
మాధ్వీ᳚ర్న-స్స॒న్త్వౌష॑ధీః ।
మధు॒నక్త॑ము॒తోష॑సి॒ మధు॑మ॒త్పార్థి॑వ॒గ్ం॒ రజః॑ ।
మధు॒ద్యౌర॑స్తు నః పి॒తా ।
మధు॑మాన్నో॒ వన॒స్పతి॒ర్మధు॑మాగ్ం అస్తు॒ సూర్యః॑ ।
మాధ్వీ॒ర్గావో॑ భవన్తు నః ।
మధునా స్నపయామి ॥
- స్వాదుః పవస్యేతి శర్కరా (sugar) –
ఓం స్వా॒దుః ప॑వస్వ ది॒వ్యాయ॒ జన్మ॑నే ।
స్వా॒దురిన్ద్రా᳚య సు॒హవీ᳚తు నామ్నే ।
స్వా॒దుర్మి॒త్రాయ॒ వరు॑ణాయ వా॒యవే॒ ।
బృహ॒స్పత॑యే॒ మధు॑మాం॒ అదా᳚భ్యః ।
శర్కరేణ స్నపయామి ॥
ఫలోదకం (coconut water)
యాః ఫ॒లినీ॒ర్యా అ॑ఫ॒లా అ॑పు॒ష్పాయాశ్చ॑ పు॒ష్పిణీః॑ ।
బృహ॒స్పతి॑ ప్రసూతా॒స్తానో॑ మున్చ॒న్త్వగ్ం హ॑సః ॥
ఫలోదకేన స్నపయామి ॥
(take the Vishnu image out and wash it with clean water, while reciting the following)
శుద్ధోదకం
ఓం ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన ।
మ॒హేరణా॑య॒ చక్ష॑సే ।
యో వః॑ శి॒వత॑మో రస॒స్తస్య॑ భాజయతే॒ హ నః॑ ।
ఉ॒శ॒తీరి॑వ మా॒త॑రః ।
తస్మా॒ అర॑ఙ్గమామవో॒ యస్య॒ క్షయా॑య॒ జిన్వ॑థ ।
ఆపో॑ జ॒నయ॑థా చ నః ।
శుద్ధోదకేన స్నపయామి ।
(wipe the Vishnu image with a fresh cloth, decorate it with Gandham and Kumkuma, keep it in a betal leaf and place it in the Mandapa close to the Kalasha)
ఓ-న్నా॒రా॒య॒ణాయ॑ వి॒ద్మహే॑ వాసుదే॒వాయ॑ ధీమహి ।
తన్నో॑ విష్ణుః ప్రచో॒దయా᳚త్ ॥
ఓ-మ్మ॒హా॒దే॒వ్యై చ॑ వి॒ద్మహే॑ విష్ణుప॒త్నీ చ॑ ధీమహి ।
తన్నో॑ లక్ష్మీః ప్రచో॒దయా᳚త్ ॥
అస్మిన్కలశే అస్యా-మ్ప్రతిమాయాం శ్రీరమాసహిత సత్యనారాయణ స్వామిన్ ఆవాహయామి స్థాపయామి పూజయామి ॥
ప్రాణప్రతిష్ఠాపనం
ఓం అస్య శ్రీ ప్రాణప్రతిష్ఠాపన మహామన్త్రస్య బ్రహ్మవిష్ణుమహేశ్వరా ఋషయః, ఋగ్యజుస్సామాథర్వాణి ఛన్దాంసి, ప్రాణశ్శక్తిః, పరా దేవతా, ఆ-మ్బీజమ్, హ్రీం శక్తిః, క్రో-ఙ్కీలకమ్, శ్రీరమాసహిత సత్యనారాయణ స్వామి దేవతా ప్రాణప్రతిష్ఠార్థే వినియోగః ।
కరన్యాసం
ఓం ఆం అఙ్గుష్ఠాభ్యా-న్నమః ।
ఓం హ్రీ-న్తర్జనీభ్యా-న్నమః ।
ఓ-ఙ్క్రో-మ్మధ్యమాభ్యా-న్నమః ।
ఓం ఆం అనామికాభ్యా-న్నమః ।
ఓం హ్రీ-ఙ్కనిష్ఠికాభ్యా-న్నమః ।
ఓ-ఙ్క్రో-ఙ్కరతల కరపృష్ఠాభ్యా-న్నమః ।
అఙ్గన్యాసం
ఓం ఆం హృదయాయ నమః ।
ఓం హ్రీం శిరసే స్వాహా ।
ఓ-ఙ్క్రోం శిఖయై వషట్ ।
ఓం ఆ-ఙ్కవచాయ హుమ్ ।
ఓం హ్రీ-న్నేత్రత్రయాయ వౌషట్ ।
ఓ-ఙ్క్రోం అస్త్రాయ ఫట్ ।
ఓ-మ్భూర్భువస్సువరోమితి దిగ్బన్ధః ॥
ధ్యానం
రక్తామ్భోధిస్థపోతోల్లసదరుణసరోజాధిరూఢా కరాబ్జైః ।
పాశ-ఙ్కోదణ్డమిక్షూద్భవమలిగుణమప్యఙ్కుశ-ఞ్చాపబాణామ్ ।
బిభ్రాణా సృక్కపాల-న్త్రిణయనలసితా పీనవక్షోరుహాఢ్యా ।
దేవీ బాలార్కవర్ణా భవతు సుఖకరీ ప్రాణశక్తిః పరా నః ।
ఓం శాన్తాకార-మ్భుజగశయన-మ్పద్మనాభం సురేశం
విశ్వాకార-ఙ్గగనసదృశ-మ్మేఘవర్ణం శుభాఙ్గమ్ ।
లక్ష్మీకాన్త-ఙ్కమలనయనం-యోఁగిహృద్ధ్యానగమ్యం
వన్దే విష్ణు-మ్భవభయహరం సర్వలోకైకనాథమ్ ॥
ఓం ఆం హ్రీ-ఙ్క్రో-ఙ్క్రోం హ్రీం ఆం-యంఁ రం-లంఁ వం శం షం సం హం-లఁ-ఙ్క్షం హం స-స్సో-ఽహమ్ ।
అస్యా-మ్మూర్తౌ శ్రీ రమాసహిత సత్యనారాయణ స్వామి దేవతా ప్రాణః ఇహ ప్రాణః ।
శ్రీ రమాసహిత సత్యనారాయణ స్వామి దేవతా జీవః ఇహ-స్స్థితః ।
అస్యా-మ్మూర్తౌ శ్రీ రమాసహిత సత్యనారాయణస్య సర్వేన్ద్రియాణి వాఙ్మనః త్వక్చక్షు-శ్శ్రోత్ర జిహ్వా ఘ్రాణ వాక్పాణిపాద పాయూపస్థాని ఇహైవాగత్య సుఖ-ఞ్చిర-న్తిష్టన్తు స్వాహా ।
ఓం అసు॑నీతే॒ పున॑ర॒స్మాసు॒ చక్షుః॒
పునః॑ ప్రా॒ణమి॒హ నో᳚ ధేహి॒ భోగ᳚మ్ ।
జ్యోక్ప॑శ్యేమ॒ సూర్య॑ము॒చ్చర᳚న్త॒
మను॑మతే మృ॒డయా᳚ న-స్స్వ॒స్తి ॥
అ॒మృతం॒-వైఁ ప్రా॒ణా అ॒మృత॒మాపః॑
ప్రా॒ణానే॒వ య॑థాస్థా॒నముప॑హ్వయతే ॥
ఆవాహితో భవ స్థాపితో భవ ।
సుప్రసన్నో భవ వరదో భవ ।
స్వామిన్ సర్వజగన్నాథ యావత్పూజావసానకమ్ ।
తావత్త్వ-మ్ప్రీతిభావేన కలశే-ఽస్మిన్ సన్నిధి-ఙ్కురు ॥
సాఙ్గం సాయుధం సవాహనం సశక్తి-మ్పత్నీపుత్రపరివారసమేతం శ్రీ రమాసహిత సత్యనారాయణ స్వామినే నమః ఆవాహయామి స్థాపయామి పూజయామి ॥
ధ్యానం
ధ్యాయేత్సత్య-ఙ్గుణాతీత-ఙ్గుణత్రయసమన్వితమ్ ।
లోకనాథ-న్త్రిలోకేశ-ఙ్కౌస్తుభాభరణం హరిమ్ ॥
పీతామ్బర-న్నీలవర్ణం శ్రీవత్స పదభూషితమ్ ।
గోవిన్ద-ఙ్గోకులానన్ద-మ్బ్రహ్మాద్యైరపి పూజితమ్ ॥
శ్రీ రమాసహిత సత్యనారాయణ స్వామినే నమః ధ్యానం సమర్పయామి ॥
ఆవాహనం
ఓం స॒హస్ర॑శీర్షా॒ పురు॑షః ।
స॒హ॒స్రా॒క్ష-స్స॒హస్ర॑పాత్ ।
స భూమిం॑-విఁ॒శ్వతో॑ వృ॒త్వా ।
అత్య॑తిష్ఠద్దశాఙ్గు॒లమ్ ।
జ్యోతిశ్శాన్తం సర్వలోకాన్తరస్థం
ఓఙ్కారాఖ్యం-యోఁగిహృద్ధ్యానగమ్యమ్ ।
సాఙ్గం శక్తిం సాయుధ-మ్భక్తిసేవ్యం
సర్వాకారం-విఁష్ణుమావాహయామి ॥
ఓం శ్రీ రమాసహిత సత్యనారాయణ స్వామినే నమః ఆవాహనం సమర్పయామి ।
ఆసనం
పురు॑ష ఏ॒వేదగ్ం సర్వమ్᳚ ।
యద్భూ॒తం-యఁచ్చ॒ భవ్యమ్᳚ ।
ఉ॒తామృ॑త॒త్వస్యేశా॑నః ।
య॒దన్నే॑నాతి॒రోహ॑తి ।
కల్పద్రుమూలే మణివేదిమధ్యే
సింహాసనం స్వర్ణమయం-విఁచిత్రమ్ ।
విచిత్ర వస్త్రావృతమచ్యుత ప్రభో
గృహాణ లక్ష్మీధరణీసమేత ॥
ఓం శ్రీ రమాసహిత సత్యనారాయణ స్వామినే నమః ఆసనం సమర్పయామి ।
పాద్యం
ఏ॒తావా॑నస్య మహి॒మా ।
అతో॒ జ్యాయాగ్॑శ్చ॒ పూరు॑షః ।
పాదో᳚-ఽస్య॒ విశ్వా॑ భూ॒తాని॑ ।
త్రి॒పాద॑స్యా॒మృత॑-న్ది॒వి ।
నారాయణ నమస్తే-ఽస్తు నరకార్ణవతారక ।
పాద్య-ఙ్గృహాణ దేవేశ మమ సౌఖ్యం-విఁవర్థయ ॥
ఓం శ్రీ రమాసహిత సత్యనారాయణ స్వామినే నమః పాదయోః పాద్యం సమర్పయామి ।
అర్ఘ్యం
త్రి॒పాదూ॒ర్ధ్వ ఉదై॒త్పురు॑షః ।
పాదో᳚-ఽస్యే॒హా-ఽఽభ॑వా॒త్పునః॑ ।
తతో॒ విష్వ॒ఙ్వ్య॑క్రామత్ ।
సా॒శ॒నా॒న॒శ॒నే అ॒భి ।
వ్యక్తా-ఽవ్యక్త స్వరూపాయ హృషీకపతయే నమః ।
మయా నివేదితో భక్త్యాహ్యర్ఘ్యో-ఽయ-మ్ప్రతిగృహ్యతామ్ ॥
ఓం శ్రీ రమాసహిత సత్యనారాయణ స్వామినే నమః హస్తయోః అర్ఘ్యం సమర్పయామి ।
ఆచమనీయం
తస్మా᳚ద్వి॒రాడ॑జాయత ।
వి॒రాజో॒ అధి॒ పూరు॑షః ।
స జా॒తో అత్య॑రిచ్యత ।
ప॒శ్చాద్భూమి॒మథో॑ పు॒రః ।
మన్దాకిన్యాస్తు యద్వారి సర్వపాపహరం శుభమ్ ।
తదిద-ఙ్కల్పిత-న్దేవ సమ్యగాచమ్యతాం-విఁభో ॥
ఓం శ్రీ రమాసహిత సత్యనారాయణ స్వామినే నమః ముఖే ఆచమనీయం సమర్పయామి ।
స్నానం
యత్పురు॑షేణ హ॒విషా᳚ ।
దే॒వా య॒జ్ఞమత॑న్వత ।
వ॒స॒న్తో అ॑స్యాసీ॒దాజ్యమ్᳚ ।
గ్రీ॒ష్మ ఇ॒ధ్మశ్శ॒రద్ధ॒విః ।
పఞ్చామృత స్నానం
ఆప్యా॑యస్వ॒ సమే॑తు తే వి॒శ్వత॑స్సోమ॒ వృష్ణి॑యమ్ ।
భవా॒ వాజ॑స్య సఙ్గ॒థే ॥
ఓం శ్రీ రమాసహిత సత్యనారాయణ స్వామినే నమః, క్షీరేణ స్నపయామి ।
ద॒ధి॒క్రావ్ణో॑ అకారిష-ఞ్జి॒ష్ణోరశ్వ॑స్య వా॒జినః॑ ।
సు॒ర॒భి నో॒ ముఖా॑ కర॒త్ప్రాణ॒ ఆయూగ్ం॑షి తారిషత్ ॥
ఓం శ్రీ రమాసహిత సత్యనారాయణ స్వామినే నమః దధ్నా స్నపయామి ।
శు॒క్రమ॑సి॒ జ్యోతి॑రసి॒ తేజో॑సి దే॒వోవ॑స్సవి॒తోత్పు॑నా॒తు
అచ్ఛి॑ద్రేణ ప॒విత్రే॑ణ॒ వసో॒స్సూర్య॑స్య ర॒శ్మిభిః॑ ।
ఓం శ్రీ రమాసహిత సత్యనారాయణ స్వామినే నమః ఆజ్యేన స్నపయామి ।
మధు॒వాతా॑ ఋతాయ॒తే మధు॑క్షరన్తి॒ సిన్ధ॑వః ।
మాధ్వీ᳚ర్న-స్స॒న్త్వౌష॑ధీః ।
మధు॒నక్త॑ము॒తోష॑సి॒ మధు॑మ॒-త్పార్థి॑వ॒గ్ం॒రజః॑ ।
మధు॒ద్యౌర॑స్తు నః పి॒తా ।
మధు॑మాన్నో॒ వన॒స్పతి॒ర్మధు॑మాగ్ం అస్తు॒ సూర్యః॑ ।
మాధ్వీ॒ర్గావో॑ భవన్తు నః ।
ఓం శ్రీ రమాసహిత సత్యనారాయణ స్వామినే నమః మధునా స్నపయామి ।
స్వా॒దుః ప॑వస్వ ది॒వ్యాయ॒ జన్మ॑నే ।
స్వా॒దురిన్ద్రా᳚య సు॒హవీ᳚తు నామ్నే ।
స్వా॒దుర్మి॒త్రాయ॒ వరు॑ణాయ వా॒యవే॒ ।
బృహ॒స్పత॑యే॒ మధు॑మాం॒ అదా᳚భ్యః ।
ఓం శ్రీ రమాసహిత సత్యనారాయణ స్వామినే నమ-శ్శర్కరేణ స్నపయామి ।
యాః ఫ॒లినీ॒ర్యా అ॑ఫ॒లా అ॑పు॒ష్పాయాశ్చ॑ పు॒ష్పిణీః॑ ।
బృహ॒స్పతి॑ ప్రసూతా॒స్తానో॑ మున్చ॒న్త్వగ్ం హ॑సః ॥
ఓం శ్రీ రమాసహిత సత్యనారాయణ స్వామినే నమః ఫలోదకేన స్నపయామి ।
శుద్ధోదక స్నానం
ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన ।
మ॒హేరణా॑య॒ చక్ష॑సే ।
యో వః॑ శి॒వత॑మో రస॒స్తస్య॑ భాజయతే॒ హ నః॑ ।
ఉ॒శ॒తీరి॑వ మా॒త॑రః ।
తస్మా॒ అర॑ఙ్గమామవో॒ యస్య॒ క్షయా॑య॒ జిన్వ॑థ ।
ఆపో॑ జ॒నయ॑థా చ నః ।
తీర్థోదకైః కాఞ్చనకుమ్భ సంస్థైః
సువాసితైర్దేవ కృపారసార్ద్రైః ।
మయార్పితం స్నానవిధి-ఙ్గృహాణ
పాదాబ్జనిష్య్టూత నదీప్రవాహః ।
నదీనా-ఞ్చైవ సర్వాసామానీత-న్నిర్మలోదకమ్ ।
స్నానం స్వీకురు దేవేశ మయా దత్తం సురేశ్వర ॥
ఓం శ్రీ రమాసహిత సత్యనారాయణ స్వామినే నమ-శ్శుద్ధోదక స్నానం సమర్పయామి ।
స్నానానన్తరం శుద్ధ ఆచమనీయం సమర్పయామి ॥
వస్త్రం
స॒ప్తాస్యా॑సన్పరి॒ధయః॑ ।
త్రి-స్స॒ప్త స॒మిధః॑ కృ॒తాః ।
దే॒వా యద్య॒జ్ఞ-న్త॑న్వా॒నాః ।
అబ॑ధ్న॒న్పురు॑ష-మ్ప॒శుమ్ ।
వేదసూక్తసమాయుక్తే యజ్ఞసామ సమన్వితే ।
సర్వవర్ణప్రదే దేవ వాస శీతే వినిర్మితే ॥
ఓం శ్రీ రమాసహిత సత్యనారాయణ స్వామినే నమః వస్త్రయుగ్మం సమర్పయామి ।
యజ్ఞోపవీతం
తం-యఁ॒జ్ఞ-మ్బ॒ర్హిషి॒ ప్రౌక్షన్॑ ।
పురు॑ష-ఞ్జా॒తమ॑గ్ర॒తః ।
తేన॑ దే॒వా అయ॑జన్త ।
సా॒ధ్యా ఋష॑యశ్చ॒ యే ।
బ్రహ్మ విష్ణు మహేశానా-న్నిర్మిత-మ్బ్రహ్మసూత్రకమ్ ।
గృహాణ భగవన్విష్ణో సర్వేష్టఫలదో భవ ॥
ఓం శ్రీ రమాసహిత సత్యనారాయణ స్వామినే నమః యజ్ఞోపవీతం సమర్పయామి ।
గన్ధం
తస్మా᳚ద్య॒జ్ఞాత్స॑ర్వ॒హుతః॑ ।
సమ్భృ॑త-మ్పృషదా॒జ్యమ్ ।
ప॒శూగ్స్తాగ్శ్చ॑క్రే వాయ॒వ్యాన్॑ ।
ఆ॒ర॒ణ్యాన్గ్రా॒మ్యాశ్చ॒ యే ।
శ్రీఖణ్డ-ఞ్చన్దన-న్దివ్య-ఙ్గన్ధాఢ్యం సుమనోహరమ్ ।
విలేపనం సురశ్రేష్ఠ ప్రీత్యర్థ-మ్ప్రతిగృహ్యతామ్ ॥
ఓం శ్రీ రమాసహిత సత్యనారాయణ స్వామినే నమః దివ్య శ్రీ చన్దనం సమర్పయామి ।
ఆభరణం
తస్మా᳚ద్య॒జ్ఞాత్స॑ర్వ॒హుతః॑ ।
ఋచ॒-స్సామా॑ని జజ్ఞిరే ।
ఛన్దాగ్ం॑సి జజ్ఞిరే॒ తస్మా᳚త్ ।
యజు॒స్తస్మా॑దజాయత ।
హిరణ్య హార కేయూర గ్రైవేయ మణికఙ్కణైః ।
సుహార-మ్భూషణైర్యుక్త-ఙ్గృహాణ పురుషోత్తమ ॥
ఓం శ్రీ రమాసహిత సత్యనారాయణ స్వామినే నమ-స్సర్వాభరణాని సమర్పయామి ।
పుష్పాణి
తస్మా॒దశ్వా॑ అజాయన్త ।
యే కే చో॑భ॒యాద॑తః ।
గావో॑ హ జజ్ఞిరే॒ తస్మా᳚త్ ।
తస్మా᳚జ్జా॒తా అ॑జా॒వయః॑ ।
మల్లికాది సుగన్ధీని మాలత్యాదీని వై ప్రభో ।
మయా-ఽహృతాని పూజార్థ-మ్పుష్పాణి ప్రతిగృహ్యతామ్ ।
ఓం శ్రీ రమాసహిత సత్యనారాయణ స్వామినే నమః నానావిధ పరిమల పత్ర పుష్పాణి సమర్పయామి ।
అథాఙ్గ పూజ
ఓ-ఙ్కేశవాయ నమః పాదౌ పూజయామి ।
ఓ-ఙ్గోవిన్దాయ నమః గుల్ఫౌ పూజయామి ।
ఓం ఇన్దిరాపతయే నమః జఙ్ఘే పూజయామి ।
ఓం అనఘాయ నమః జానునీ పూజయామి ।
ఓ-ఞ్జనార్దనాయ నమః ఊరూ పూజయామి ।
ఓం-విఁష్టరశ్రవసే నమః కటి-మ్పూజయామి ।
ఓ-మ్పద్మనాభాయ నమః నాభి-మ్పూజయామి ।
ఓ-ఙ్కుక్షిస్థాఖిలభువనాయ నమః ఉదర-మ్పూజయామి ।
ఓం-లఁక్ష్మీవక్షస్స్థలాలయాయ నమః వక్షస్థల-మ్పూజయామి ।
ఓం శఙ్ఖచక్రగదాశార్ఙ్గపాణయే నమః బాహూ-న్పూజయామి ।
ఓ-ఙ్కమ్బుకణ్ఠాయ నమః కణ్ఠ-మ్పూజయామి ।
ఓ-మ్పూర్ణేన్దునిభవక్త్రాయ నమః వక్త్ర-మ్పూజయామి ।
ఓ-ఙ్కున్దకుట్మలదన్తాయ నమః దన్తా-న్పూజయామి ।
ఓ-న్నాసాగ్రమౌక్తికాయ నమః నాసికా-మ్పూజయామి ।
ఓం రత్నకుణ్డలాయ నమః కర్ణౌ పూజయామి ।
ఓం సూర్యచన్ద్రాగ్నిధారిణే నమః నేత్రే పూజయామి ।
ఓం సులలాటాయ నమః లలాట-మ్పూజయామి ।
ఓం సహస్రశిరసే నమ-శ్శిరః పూజయామి ।
శ్రీ రమాసహిత శ్రీ సత్యనారాయణ స్వామినే నమ-స్సర్వాణ్యఙ్గాని పూజయామి ॥
శ్రీ సత్యనారాయణ అష్టోత్తరశత నామ పూజా
ఓ-న్నారాయణాయ నమః ।
ఓ-న్నరాయ నమః ।
ఓం శౌరయే నమః ।
ఓ-ఞ్చక్రపాణయే నమః ।
ఓ-ఞ్జనార్దనాయ నమః ।
ఓం-వాఁసుదేవాయ నమః ।
ఓ-ఞ్జగద్యోనయే నమః ।
ఓం-వాఁమనాయ నమః ।
ఓ-ఞ్జ్ఞానపఞ్జరాయ నమః (10)
ఓం శ్రీవల్లభాయ నమః ।
ఓ-ఞ్జగన్నాథాయ నమః ।
ఓ-ఞ్చతుర్మూర్తయే నమః ।
ఓం-వ్యోఁమకేశాయ నమః ।
ఓం హృషీకేశాయ నమః ।
ఓం శఙ్కరాయ నమః ।
ఓ-ఙ్గరుడధ్వజాయ నమః ।
ఓ-న్నారసింహాయ నమః ।
ఓ-మ్మహాదేవాయ నమః ।
ఓం స్వయమ్భువే నమః ।
ఓ-మ్భువనేశ్వరాయ నమః (20)
ఓం శ్రీధరాయ నమః ।
ఓ-న్దేవకీపుత్రాయ నమః ।
ఓ-మ్పార్థసారథయే నమః ।
ఓం అచ్యుతాయ నమః ।
ఓం శఙ్ఖపాణయే నమః ।
ఓ-మ్పరఞ్జ్యోతిషే నమః ।
ఓం ఆత్మజ్యోతిషే నమః ।
ఓం అచఞ్చలాయ నమః ।
ఓం శ్రీవత్సాఙ్కాయ నమః ।
ఓం అఖిలాధారాయ నమః (30)
ఓం సర్వలోకప్రతిప్రభవే నమః ।
ఓ-న్త్రివిక్రమాయ నమః ।
ఓ-న్త్రికాలజ్ఞానాయ నమః ।
ఓ-న్త్రిధామ్నే నమః ।
ఓ-ఙ్కరుణాకరాయ నమః ।
ఓం సర్వజ్ఞాయ నమః ।
ఓం సర్వగాయ నమః ।
ఓం సర్వస్మై నమః ।
ఓం సర్వేశాయ నమః ।
ఓం సర్వసాక్షికాయ నమః (40)
ఓం హరయే నమః ।
ఓం శార్ఙ్గిణే నమః ।
ఓం హరాయ నమః ।
ఓం శేషాయ నమః ।
ఓం హలాయుధాయ నమః ।
ఓం సహస్రబాహవే నమః ।
ఓం అవ్యక్తాయ నమః ।
ఓం సహస్రాక్షాయ నమః ।
ఓం అక్షరాయ నమః ।
ఓ-ఙ్క్షరాయ నమః (50)
ఓ-ఙ్గజారిఘ్నాయ నమః ।
ఓ-ఙ్కేశవాయ నమః ।
ఓ-ఙ్కేశిమర్దనాయ నమః ।
ఓ-ఙ్కైటభారయే నమః ।
ఓం అవిద్యారయే నమః ।
ఓ-ఙ్కామదాయ నమః ।
ఓ-ఙ్కమలేక్షణాయ నమః ।
ఓం హంసశత్రవే నమః ।
ఓం అధర్మశత్రవే నమః ।
ఓ-ఙ్కాకుత్థ్సాయ నమః (60)
ఓ-ఙ్ఖగవాహనాయ నమః ।
ఓ-న్నీలామ్బుదద్యుతయే నమః ।
ఓ-న్నిత్యాయ నమః ।
ఓ-న్నిత్యతృప్తాయ నమః ।
ఓ-న్నిత్యానన్దాయ నమః ।
ఓం సురాధ్యక్షాయ నమః ।
ఓ-న్నిర్వికల్పాయ నమః ।
ఓ-న్నిరఞ్జనాయ నమః ।
ఓ-మ్బ్రహ్మణ్యాయ నమః ।
ఓ-మ్పృథివీనాథాయ నమః (70)
ఓ-మ్పీతవాససే నమః ।
ఓ-ఙ్గుహాశ్రయాయ నమః ।
ఓం-వేఁదగర్భాయ నమః ।
ఓం-విఁభవే నమః ।
ఓం-విఁష్ణవే నమః ।
ఓం శ్రీమతే నమః ।
ఓ-న్త్రైలోక్యభూషణాయ నమః ।
ఓం-యఁజ్ఞమూర్తయే నమః ।
ఓం అమేయాత్మనే నమః ।
ఓం-వఁరదాయ నమః (80)
ఓం-వాఁసవానుజాయ నమః ।
ఓ-ఞ్జితేన్ద్రియాయ నమః ।
ఓ-ఞ్జితక్రోధాయ నమః ।
ఓం సమదృష్టయే నమః ।
ఓం సనాతనాయ నమః ।
ఓ-మ్భక్తప్రియాయ నమః ।
ఓ-ఞ్జగత్పూజ్యాయ నమః ।
ఓ-మ్పరమాత్మనే నమః ।
ఓం అసురాన్తకాయ నమః ।
ఓం సర్వలోకానామన్తకాయ నమః (90)
ఓం అనన్తాయ నమః ।
ఓం అనన్తవిక్రమాయ నమః ।
ఓ-మ్మాయాధారాయ నమః ।
ఓ-న్నిరాధారాయ నమః ।
ఓం సర్వాధారాయ నమః ।
ఓ-న్ధరాధారాయ నమః ।
ఓ-న్నిష్కలఙ్కాయ నమః ।
ఓ-న్నిరాభాసాయ నమః ।
ఓ-న్నిష్ప్రపఞ్చాయ నమః ।
ఓ-న్నిరామయాయ నమః (100)
ఓ-మ్భక్తవశ్యాయ నమః ।
ఓ-మ్మహోదారాయ నమః ।
ఓ-మ్పుణ్యకీర్తయే నమః ।
ఓ-మ్పురాతనాయ నమః ।
ఓ-న్త్రికాలజ్ఞాయ నమః ।
ఓం-విఁష్టరశ్రవసే నమః ।
ఓ-ఞ్చతుర్భుజాయ నమః ।
ఓం శ్రీసత్యనారాయణస్వామినే నమః (108)
ధూపం
యత్పురు॑షం॒-వ్యఁ॑దధుః ।
క॒తి॒ధా వ్య॑కల్పయన్న్ ।
ముఖ॒-ఙ్కిమ॑స్య॒ కౌ బా॒హూ ।
కావూ॒రూ పాదా॑వుచ్యేతే ।
దశాఙ్గ-ఙ్గుగ్గులోపేతం సుగన్ధం సుమనోహరమ్ ।
ధూప-ఙ్గృహాణ దేవేశ సర్వదేవ నమస్కృత ॥
ఓం శ్రీ రమాసహిత సత్యనారాయణ స్వామినే నమః ధూపమాఘ్రాపయామి ।
దీపం
బ్రా॒హ్మ॒ణో᳚-ఽస్య॒ ముఖ॑మాసీత్ ।
బా॒హూ రా॑జ॒న్యః॑ కృ॒తః ।
ఊ॒రూ తద॑స్య॒ యద్వైశ్యః॑ ।
ప॒ద్భ్యాగ్ం శూ॒ద్రో అ॑జాయత ।
ఘృతా త్రివర్తి సంయుఁక్తం-వఁహ్నినా యొజిత-మ్ప్రియమ్ ।
దీప-ఙ్గృహాణ దేవేశ త్రైలోక్య తిమిరాపహమ్ ॥
భక్త్యా దీప-మ్ప్రయచ్ఛామి దేవాయ పరమాత్మనే ।
త్రాహి మా-న్నరకాద్ఘోరాత్ దీపజ్యోతిర్నమో-ఽస్తు తే ॥
ఓం శ్రీ రమాసహిత సత్యనారాయణ స్వామినే నమః దీపం సమర్పయామి ।
నైవేద్యం
చ॒న్ద్రమా॒ మన॑సో జా॒తః ।
చక్షో॒-స్సూర్యో॑ అజాయత ।
ముఖా॒దిన్ద్ర॑శ్చా॒గ్నిశ్చ॑ ।
ప్రా॒ణాద్వా॒యుర॑జాయత ।
సౌవర్ణస్థాలిమధ్యే మణిగణఖచితే గోఘృతాక్తాన్ సుపక్వాన్ ।
భక్ష్యా-న్భోజ్యాంశ్చ లేహ్యానపరిమితరసాన్ చోష్యమన్న-న్నిధాయ ॥
నానాశాకైరుపేత-న్దధి మధు స గుడ క్షీర పానీయయుక్తమ్ ।
తామ్బూల-ఞ్చాపి విష్ణోః ప్రతిదివసమహ-మ్మానసే కల్పయామి ॥
రాజాన్నం సూప సంయుఁక్తం శాకచోష్య సమన్వితమ్ ।
ఘృత భక్ష్య సమాయుక్త-న్నైవేద్య-మ్ప్రతిగృహ్యతామ్ ॥
ఓం శ్రీ రమాసహిత సత్యనారాయణ స్వామినే నమః మహానైవేద్యం సమర్పయామి ।
ఓ-మ్భూర్భువ॒స్సువః॒ । తత్స॑వి॒తుర్వరే᳚ణ్య॒-మ్భర్గో॑ దే॒వస్య॑ ధీమహి ।
ధి॒యో యో నః॑ ప్రచో॒దయా᳚త్ ॥
సత్య-న్త్వా ఋతేన పరిషిఞ్చామి (ఋత-న్త్వా సత్యేన పరిషిఞ్చామి)
అమృతమస్తు । అమృతోపస్తరణమసి ।
ఓ-మ్ప్రాణాయ స్వాహా । ఓం అపానాయ స్వాహా । ఓం-వ్యాఁనాయ స్వాహా ।
ఓం ఉదానాయ స్వాహా । ఓం సమానాయ స్వాహా ।
మధ్యే మధ్యే పానీయం సమర్పయామి ।
అమృతాపిధానమసి ।
ఉత్తరాపోశనం సమర్పయామి । హస్తౌ ప్రక్షాలయామి ।
పాదౌ ప్రక్షాలయామి । ముఖే శుద్ధాచమనీయం సమర్పయామి ।
తామ్బూలం
నాభ్యా॑ ఆసీద॒న్తరి॑క్షమ్ ।
శీ॒ర్ష్ణో ద్యౌ-స్సమ॑వర్తత ।
ప॒ద్భ్యా-మ్భూమి॒ర్దిశ॒-శ్శ్రోత్రా᳚త్ ।
తథా॑ లో॒కాగ్ం అ॑కల్పయన్న్ ।
పూగీఫలై-స్స కర్పూరైః నాగవల్లీ దలైర్యుతమ్ ।
ముక్తాచూర్ణ సమాయుక్త-న్తామ్బూల-మ్ప్రతిగృహ్యతామ్ ॥
ఓం శ్రీ రమాసహిత సత్యనారాయణ స్వామినే నమః తామ్బూలం సమర్పయామి ।
నీరాజనం
(stand up)
వేదా॒హమే॒త-మ్పురు॑ష-మ్మ॒హాన్తమ్᳚ ।
ఆ॒ది॒త్యవ॑ర్ణం॒ తమ॑స॒స్తు పా॒రే ।
సర్వా॑ణి రూ॒పాణి॑ వి॒చిత్య॒ ధీరః॑ ।
నామా॑ని కృ॒త్వా-ఽభి॒వద॒న్॒ యదాస్తే᳚ ।
నర్య॑ ప్ర॒జా-మ్మే॑ గోపాయ । అ॒మృ॒త॒త్వాయ॑ జీ॒వసే᳚ ।
జా॒తా-ఞ్జ॑ని॒ష్యమా॑ణా-ఞ్చ । అ॒మృతే॑ స॒త్యే ప్రతి॑ష్ఠితామ్ ।
అథ॑ర్వ పి॒తు-మ్మే॑ గోపాయ । రస॒మన్న॑మి॒హాయు॑షే ।
అద॑బ్ధా॒యో-ఽశీ॑తతనో । అవి॑ష-న్నః పి॒తు-ఙ్కృ॑ణు ।
శగ్గ్ంస్య॑ ప॒శూన్మే॑ గోపాయ । ద్వి॒పదో॒ యే చతు॑ష్పదః ॥ (తై.బ్రా.1.2.1.25)
అ॒ష్టాశ॑ఫాశ్చ॒ య ఇ॒హాగ్నే᳚ । యే చైక॑శఫా ఆశు॒గాః ।
సప్రథ స॒భా-మ్మే॑ గోపాయ । యే చ॒ సభ్యా᳚-స్సభా॒సదః॑ ।
తాని॑న్ద్రి॒యావ॑తః కురు । సర్వ॒మాయు॒రుపా॑సతామ్ ।
అహే॑ బుధ్నియ॒ మన్త్ర॑-మ్మే గోపాయ । యమృష॑యస్త్రైవి॒దా వి॒దుః ।
ఋచ॒-స్సామా॑ని॒ యజూగ్ం॑షి । సా హి శ్రీర॒మృతా॑ స॒తామ్ ॥ (తై.బ్రా.1.2.1.26)
మా నో హిగ్ంసీజ్జాతవేదో గామశ్వ-మ్పురుష-ఞ్జగత్ ।
అభిభ్ర దగ్న ఆగహి శ్రియా మా పరిపాతయ ॥
సమ్రాజ-ఞ్చ విరాజ-ఞ్చా-ఽభి శ్రీర్యాచ నో గృహే ।
లక్ష్మీ రాష్ట్రస్య యా ముఖే తయా మా సగ్ం సృజామసి ॥
సన్తత శ్రీరస్తు సర్వమఙ్గలాని భవన్తు నిత్యశ్రీరస్తు నిత్యమఙ్గలాని భవన్తు ॥
నీరాజన-ఙ్గృహాణేద-మ్పఞ్చవర్తి సమన్వితమ్ ।
తేజోరాశిమయ-న్దత్త-ఙ్గృహాణ త్వం సురేశ్వర ॥
ఓం శ్రీ రమాసహిత సత్యనారాయణ స్వామినే నమః కర్పూర నీరాజనం సమర్పయామి ।
నీరాజనానన్తరం శుద్ధాచమనీయం సమర్పయామి । నమస్కరోమి ।
మన్త్రపుష్పం
ధా॒తా పు॒రస్తా॒ద్యము॑దాజ॒హార॑ ।
శ॒క్రః ప్రవి॒ద్వాన్ప్ర॒దిశ॒శ్చత॑స్రః ।
తమే॒వం-విఁ॒ద్వాన॒మృత॑ ఇ॒హ భ॑వతి ।
నాన్యః పన్థా॒ అయ॑నాయ విద్యతే ।
ఓం శ్రీ రమాసహిత సత్యనారాయణ స్వామినే నమ-స్సువర్ణ దివ్య మన్త్రపుష్పం సమర్పయామి ।
ఆత్మప్రదక్షిణ నమస్కారం
యానికాని చ పాపాని జన్మాన్తరకృతాని చ
తాని తాని ప్రణశ్యన్తి ప్రదక్షిణ పదే పదే ।
పాపో-ఽహ-మ్పాపకర్మా-ఽహ-మ్పాపాత్మా పాపసమ్భవ ।
త్రాహిమా-ఙ్కృపయా దేవ శరణాగతవత్సలా ।
అన్యథా శరణ-న్నాస్తి త్వమేవ శరణ-మ్మమ ।
తస్మాత్కారుణ్య భావేన రక్ష రక్ష సత్యేశ్వర ।
ప్రదక్షిణ-ఙ్కరిష్యామి సర్వభ్రమనివారణమ్ ।
సంసారసాగరాన్మా-న్త్వం ఉద్ధరస్య మహాప్రభో ॥
ఓం శ్రీ రమాసహిత సత్యనారాయణ స్వామినే నమః ఆత్మప్రదక్షిణ నమస్కారాన్ సమర్పయామి ।
సాష్టాఙ్గ నమస్కారం
ఉరసా శిరసా దృష్ట్యా మనసా వచసా తథా ।
పద్భ్యా-ఙ్కరాభ్యా-ఙ్కర్ణాభ్యా-మ్ప్రణామో-ఽష్టాఙ్గముచ్యతే ॥
ఓం శ్రీ రమాసహిత సత్యనారాయణ స్వామినే నమ-స్సాష్టాఙ్గ నమస్కారాం సమర్పయామి ।
సర్వోపచారాః
ఓం శ్రీ రమాసహిత సత్యనారాయణ స్వామినే నమ-శ్ఛత్రం ఆచ్ఛాదయామి ।
ఓం శ్రీ రమాసహిత సత్యనారాయణ స్వామినే నమ-శ్చామరైర్వీజయామి ।
ఓం శ్రీ రమాసహిత సత్యనారాయణ స్వామినే నమః నృత్య-న్దర్శయామి ।
ఓం శ్రీ రమాసహిత సత్యనారాయణ స్వామినే నమః గీతం శ్రావయామి ।
ఓం శ్రీ రమాసహిత సత్యనారాయణ స్వామినే నమః ఆన్దోలికాన్నారోహయామి ।
ఓం శ్రీ రమాసహిత సత్యనారాయణ స్వామినే నమః అశ్వానారోహయామి ।
ఓం శ్రీ రమాసహిత సత్యనారాయణ స్వామినే నమః గజానారోహయామి ।
సమస్త రాజోపచారా-న్దేవోపచారాన్ సమర్పయామి ।
క్షమాప్రార్థన
యస్య స్మృత్యా చ నామోక్త్యా తపః పూజా క్రియాదిషు ।
న్యూనం సమ్పూర్ణతాం-యాఁతి సద్యో వన్దే తమచ్యుతమ్ ।
మన్త్రహీన-ఙ్క్రియాహీన-మ్భక్తిహీన-ఞ్జనార్దన ।
యత్పూజిత-మ్మయా దేవ పరిపూర్ణ-న్తదస్తు తే ।
అనయా పురుషసూక్త విధానేన ధ్యాన ఆవాహనాది షోడశోపచార పూజనేన భగవాన్ సర్వాత్మక-శ్శ్రీ రమాసహిత సత్యనారాయణ స్వామీ సుప్రీతో సుప్రసన్నో వరదో భవన్తు ॥
(sit down)
ప్రార్థన
అమోఘ-మ్పుణ్డరీకాక్ష-న్నృసింహ-న్దైత్యసూదనమ్ ।
హృషీకేశ-ఞ్జగన్నాథం-వాఁగీశం-వఁరదాయకమ్ ॥
స గుణ-ఞ్చ గుణాతీత-ఙ్గోవిన్ద-ఙ్గరుఢధ్వజమ్ ।
జనార్దన-ఞ్జనానన్ద-ఞ్జానకీవల్లభం హరిమ్ ॥
ప్రణమామి సదా భక్త్యా నారాయణమతః పరమ్ ।
దుర్గమే విషమే ఘోరే శత్రుణా పరిపీడితః ।
నిస్తారయతు సర్వేషు తథా-ఽనిష్టభయేషు చ ।
నామాన్యేతాని సఙ్కీర్త్య ఫలమీప్సితమాప్నుయాత్ ।
సత్యనారాయణ దేవం-వఁన్దే-ఽహ-ఙ్కామద-మ్ప్రభుమ్ ।
లీలయా వితతం-విఁశ్వం-యేఁన తస్మై నమో నమః ॥
ఓం శ్రీ రమాసహిత సత్యనారాయణ స్వామినే నమః ప్రార్థన నమస్కారాన్ సమర్పయామి ।
ఫలమ్
ఇద-మ్ఫల-మ్మయా దేవ స్థాపిత-మ్పురతస్తవ ।
తేన మే స ఫలా-ఽవాప్తిర్భవేజ్జన్మని జన్మని ॥
ఓం శ్రీ రమాసహిత సత్యనారాయణ స్వామినే నమః ఫలం సమర్పయామి ।
శ్రీ సత్యనారాయణ స్వామి వ్రతకథా
॥ శ్రీ గణేశాయ నమః ॥
॥ శ్రీపరమాత్మనే నమః ॥
అథ కథా ప్రారమ్భః ।
అథ ప్రథమో-ఽధ్యాయః
శ్రీవ్యాస ఉవాచ ।
ఏకదా నైమిషారణ్యే ఋషయ-శ్శౌనకాదయః ।
పప్రచ్ఛుర్మునయ-స్సర్వే సూత-మ్పౌరాణిక-ఙ్ఖలు ॥ 1॥
ఋషయ ఊచుః ।
వ్రతేన తపసా కిం-వాఁ ప్రాప్యతే వాఞ్ఛిత-మ్ఫలమ్ ।
తత్సర్వం శ్రోతుమిచ్ఛామః కథయస్వ మహామునే ॥ 2॥
సూత ఉవాచ ।
నారదేనైవ సమ్పృష్టో భగవాన్ కమలాపతిః ।
సురర్షయే యథైవాహ తచ్ఛృణుధ్వం సమాహితాః ॥ 3॥
ఏకదా నారదో యోగీ పరానుగ్రహకాఙ్క్షయా ।
పర్యటన్ వివిధా-ల్లోఁకా-న్మర్త్యలోకముపాగతః ॥ 4॥
తతోదృష్ట్వా జనాన్సర్వా-న్నానాక్లేశసమన్వితాన్ ।
నానాయోనిసముత్పన్నాన్ క్లిశ్యమానాన్ స్వకర్మభిః ॥ 5॥
కేనోపాయేన చైతేషా-న్దుఃఖనాశో భవేద్ ధ్రువమ్ ।
ఇతి సఞ్చిన్త్య మనసా విష్ణులోక-ఙ్గతస్తదా ॥ 6॥
తత్ర నారాయణ-న్దేవం శుక్లవర్ణ-ఞ్చతుర్భుజమ్ ।
శఙ్ఖ-చక్ర-గదా-పద్మ-వనమాలా-విభూషితమ్ ॥ 7॥
దృష్ట్వా త-న్దేవదేవేశం స్తోతుం సముపచక్రమే ।
నారద ఉవాచ ।
నమో వాఙ్గమనసాతీతరూపాయానన్తశక్తయే ।
ఆదిమధ్యాన్తహీనాయ నిర్గుణాయ గుణాత్మనే ॥ 8॥
సర్వేషామాదిభూతాయ భక్తానామార్తినాశినే ।
శ్రుత్వా స్తోత్ర-న్తతో విష్ణుర్నారద-మ్ప్రత్యభాషత ॥ 9॥
శ్రీభగవానువాచ ।
కిమర్థమాగతో-ఽసి త్వ-ఙ్కి-న్తే మనసి వర్తతే ।
కథయస్వ మహాభాగ తత్సర్వ-ఙ్కథాయామి తే ॥ 10॥
నారద ఉవాచ ।
మర్త్యలోకే జనా-స్సర్వే నానాక్లేశసమన్వితాః ।
ననాయోనిసముత్పన్నాః పచ్యన్తే పాపకర్మభిః ॥ 11॥
తత్కథం శమయేన్నాథ లఘూపాయేన తద్వద ।
శ్రోతుమిచ్ఛామి తత్సర్వ-ఙ్కృపాస్తి యది తే మయి ॥ 12॥
శ్రీభగవానువాచ ।
సాధు పృష్ట-న్త్వయా వత్స లోకానుగ్రహకాఙ్క్షయా ।
యత్కృత్వా ముచ్యతే మోహ-త్తచ్ఛృణుష్వ వదామి తే ॥ 13॥
వ్రతమస్తి మహత్పుణ్యం స్వర్గే మర్త్యే చ దుర్లభమ్ ।
తవ స్నేహాన్మయా వత్స ప్రకాశః క్రియతే-ఽధునా ॥ 14॥
సత్యనారాయణస్యైవ వ్రతం సమ్యగ్విధానతః । (సత్యనారాయణస్యైవం)
కృత్వా సద్య-స్సుఖ-మ్భుక్త్వా పరత్ర మోక్షమాప్నుయాత్ ।
తచ్ఛ్రుత్వా భగవద్వాక్య-న్నారదో మునిరబ్రవీత్ ॥ 15॥
నారద ఉవాచ ।
కి-మ్ఫల-ఙ్కిం-విఁధాన-ఞ్చ కృత-ఙ్కేనైవ తద్ వ్రతమ్ ।
తత్సర్వం-విఁస్తరాద్ బ్రూహి కదా కార్యం-వ్రఁత-మ్ప్రభో ॥ 16॥ (కార్యంహితద్వ్రతమ్)
శ్రీభగవానువాచ ।
దుఃఖశోకాదిశమన-న్ధనధాన్యప్రవర్ధనమ్ ॥ 17॥
సౌభాగ్యసన్తతికరం సర్వత్ర విజయప్రదమ్ ।
యస్మిన్ కస్మి-న్దినే మర్త్యో భక్తిశ్రద్ధాసమన్వితః ॥ 18॥
సత్యనారాయణ-న్దేవం-యఁజేచ్చైవ నిశాముఖే ।
బ్రాహ్మణైర్బాన్ధవైశ్చైవ సహితో ధర్మతత్పరః ॥ 19॥
నైవేద్య-మ్భక్తితో దద్యా-థ్సపాద-మ్భక్ష్యముత్తమమ్ ।
రమ్భాఫల-ఙ్ఘృత-ఙ్క్షీర-ఙ్గోధూమస్య చ చూర్ణకమ్ ॥ 20॥
అభావే శాలిచూర్ణం-వాఁ శర్కరా వా గుడస్తథా ।
సపాదం సర్వభక్ష్యాణి చైకీకృత్య నివేదయేత్ ॥ 21॥
విప్రాయ దక్షిణా-న్దద్యా-త్కథాం శ్రుత్వా జనై-స్సహ ।
తతశ్చ బన్ధుభి-స్సార్ధం-విఁప్రాంశ్చ ప్రతిభోజయేత్ ॥ 22॥
ప్రసాద-మ్భక్షయేద్ భక్త్యా నృత్యగీతాదిక-ఞ్చరేత్ ।
తతశ్చ స్వగృహ-ఙ్గచ్ఛే-థ్సత్యనారాయణం స్మరన్న్ ॥ 23॥
ఏవ-ఙ్కృతే మనుష్యాణాం-వాఁఞ్ఛాసిద్ధిర్భవేద్ ధ్రువమ్ ।
విశేషతః కలియుగే లఘూపాయో-ఽస్తి భూతలే ॥ 24॥ (లఘూపాయోస్తి)
॥ ఇతి శ్రీస్కన్దపురాణే రేవాఖణ్డే శ్రీసత్యనారాయణ వ్రతకథాయా-మ్ప్రథమో-ఽధ్యాయః ॥ 1 ॥
అథ ద్వితీయో-ఽధ్యాయః
సూత ఉవాచ ।
అథాన్య-థ్సమ్ప్రవక్ష్యామి కృతం-యేఁన పురా ద్విజాః ।
కశ్చి-త్కాశీపురే రమ్యే హ్యాసీద్విప్రో-ఽతినిర్ధనః ॥ 1॥ (హ్యాసీద్విప్రోతినిర్ధనః)
క్షుత్తృడ్భ్యాం-వ్యాఁకులోభూత్వా నిత్య-మ్బభ్రామ భూతలే ।
దుఃఖిత-మ్బ్రాహ్మణ-న్దృష్ట్వా భగవా-న్బ్రాహ్మణప్రియః ॥ 2॥
వృద్ధబ్రాహ్మణ రూపస్త-మ్పప్రచ్ఛ ద్విజమాదరాత్ ।
కిమర్థ-మ్భ్రమసే విప్ర మహీ-న్నిత్యం సుదుఃఖితః ।
తత్సర్వం శ్రోతుమిచ్ఛామి కథ్యతా-న్ద్విజ సత్తమ ॥ 3॥
బ్రాహ్మణ ఉవాచ ।
బ్రాహ్మణో-ఽతి దరిద్రో-ఽహ-మ్భిక్షార్థం-వైఁ భ్రమే మహీమ్ ॥ 4॥ (బ్రాహ్మణోతి)
ఉపాయం-యఁది జానాసి కృపయా కథయ ప్రభో ।
వృద్ధబ్రాహ్మణ ఉవాచ ।
సత్యనారాయణో విష్ణుర్వాఞ్ఛితార్థఫలప్రదః ॥ 5॥
తస్య త్వ-మ్పూజనం-విఁప్ర కురుష్వ వ్రతముత్తమమ । (వ్రతముత్తమమ్)
యత్కృత్వా సర్వదుఃఖేభ్యో ముక్తో భవతి మానవః ॥ 6॥
విధాన-ఞ్చ వ్రతస్యాపి విప్రాయాభాష్య యత్నతః ।
సత్యనారాయణో వృద్ధస్తత్రైవాన్తరధీయత ॥ 7॥
తద్ వ్రతం సఙ్కరిష్యామి యదుక్త-మ్బ్రాహ్మణేన వై ।
ఇతి సఞ్చిన్త్య విప్రో-ఽసౌ రాత్రౌ నిద్రా న లబ్ధవాన్ ॥ 8॥ (నిద్రాం)
తతః ప్రాత-స్సముత్థాయ సత్యనారాయణవ్రతమ్ ।
కరిష్య ఇతి సఙ్కల్ప్య భిక్షార్థమగమద్విజః ॥ 9॥ (భిక్షార్థమగమద్ద్విజః)
తస్మిన్నేవ దినే విప్రః ప్రచుర-న్ద్రవ్యమాప్తవాన్ ।
తేనైవ బన్ధుభి-స్సార్ధం సత్యస్యవ్రతమాచరత్ ॥ 10॥
సర్వదుఃఖవినిర్ముక్త-స్సర్వసమ్పత్సమన్వితః ।
బభూవ స ద్విజశ్రేష్ఠో వ్రతస్యాస్య ప్రభావతః ॥ 11॥
తతః ప్రభృతి కాల-ఞ్చ మాసి మాసి వ్రత-ఙ్కృతమ్ ।
ఏవ-న్నారాయణస్యేదం-వ్రఁత-ఙ్కృత్వా ద్విజోత్తమః ॥ 12॥
సర్వపాపవినిర్ముక్తో దుర్లభ-మ్మోక్షమాప్తవాన్ ।
వ్రతమస్య యదా విప్ర పృథివ్యాం సఙ్కరిష్యతి ॥ 13॥ (విప్రాః)
తదైవ సర్వదుఃఖ-న్తు మనుజస్య వినశ్యతి । (చ మనుజస్య)
ఏవ-న్నారాయణేనోక్త-న్నారదాయ మహాత్మనే ॥ 14॥
మయా తత్కథితం-విఁప్రాః కిమన్య-త్కథయామి వః ।
ఋషయ ఊచుః ।
తస్మాద్ విప్రాచ్ఛ్రుత-ఙ్కేన పృథివ్యా-ఞ్చరిత-మ్మునే ।
తత్సర్వం శ్రోతుమిచ్ఛామ-శ్శ్రద్ధా-ఽస్మాక-మ్ప్రజాయతే ॥ 15॥ (శ్రద్ధాస్మాకం)
సూత ఉవాచ ।
శఋణుధ్వ-మ్మునయ-స్సర్వే వ్రతం-యేఁన కృత-మ్భువి ।
ఏకదా స ద్విజవరో యథావిభవ విస్తరైః ॥ 16॥
బన్ధుభి-స్స్వజనై-స్సార్ధం-వ్రఁత-ఙ్కర్తుం సముద్యతః ।
ఏతస్మిన్నన్తరే కాలే కాష్ఠక్రేతా సమాగమత్ ॥ 17॥
బహిః కాష్ఠ-ఞ్చ సంస్థాప్య విప్రస్య గృహమాయయౌ ।
తృష్ణాయా పీడితాత్మా చ దృష్ట్వా విప్ర-ఙ్కృతం-వ్రఁతమ్ ॥ 18॥ (కృత)
ప్రణిపత్య ద్విజ-మ్ప్రాహ కిమిద-ఙ్క్రియతే త్వయా ।
కృతే కి-మ్ఫలమాప్నోతి విస్తరాద్ వద మే ప్రభో ॥ 19॥ (విస్తారాద్)
విప్ర ఉవాచ ।
సత్యనారాయణేస్యేదం-వ్రఁతం సర్వేప్సితప్రదమ్ ।
తస్య ప్రసాదాన్మే సర్వ-న్ధనధాన్యాదిక-మ్మహత్ ॥ 20॥
తస్మాదేతద్ వ్రత-ఞ్జ్ఞాత్వా కాష్ఠక్రేతా-ఽతిహర్షితః ।
పపౌ జల-మ్ప్రసాద-ఞ్చ భుక్త్వా స నగరం-యఁయౌ ॥ 21॥
సత్యనారాయణ-న్దేవ-మ్మనసా ఇత్యచిన్తయత్ ।
కాష్ఠం-విఁక్రయతో గ్రామే ప్రాప్యతే చాద్య యద్ ధనమ్ ॥ 22॥ (ప్రాప్యతేమే-ఽద్య)
తేనైవ సత్యదేవస్య కరిష్యే వ్రతముత్తమమ్ ।
ఇతి సఞ్చిన్త్య మనసా కాష్ఠ-న్ధృత్వా తు మస్తకే ॥ 23॥
జగామ నగరే రమ్యే ధనినాం-యఁత్ర సంస్థితిః ।
తద్దినే కాష్ఠమూల్య-ఞ్చ ద్విగుణ-మ్ప్రాప్తవానసౌ ॥ 24॥
తతః ప్రసన్నహృదయ-స్సుపక్వ-ఙ్కదలీ ఫలమ్ ।
శర్కరాఘృతదుగ్ధ-ఞ్చ గోధూమస్య చ చూర్ణకమ్ ॥ 25॥
కృత్వైకత్ర సపాద-ఞ్చ గృహీత్వా స్వగృహం-యఁయౌ ।
తతో బన్ధూన్ సమాహూయ చకార విధినా వ్రతమ్ ॥ 26॥
తద్ వ్రతస్య ప్రభావేణ ధనపుత్రాన్వితో-ఽభవత్ । (ధనపుత్రాన్వితోభవత్)
ఇహలోకే సుఖ-మ్భుక్త్వా చాన్తే సత్యపురం-యఁయౌ ॥ 27॥
॥ ఇతి శ్రీస్కన్దపురాణే రేవాఖణ్డే శ్రీసత్యనారాయణ వ్రతకథాయా-న్ద్వితీయో-ఽధ్యాయః ॥ 2 ॥
అథ తృతీయో-ఽధ్యాయః
సూత ఉవాచ ।
పునరగ్రే ప్రవక్ష్యామి శఋణుధ్వ-మ్ముని సత్తమాః ।
పురా చోల్కాముఖో నామ నృపశ్చాసీన్మహామతిః ॥ 1॥
జితేన్ద్రియ-స్సత్యవాదీ యయౌ దేవాలయ-మ్ప్రతి ।
దినే దినే ధన-న్దత్త్వా ద్విజాన్ సన్తోషయ-థ్సుధీః ॥ 2॥
భార్యా తస్య ప్రముగ్ధా చ సరోజవదనా సతీ ।
భద్రశీలానదీ తీరే సత్యస్యవ్రతమాచరత్ ॥ 3॥
ఏతస్మిన్నన్తరే తత్ర సాధురేక-స్సమాగతః ।
వాణిజ్యార్థ-మ్బహుధనైరనేకైః పరిపూరితః ॥ 4॥
నావం సంస్థాప్య తత్తీరే జగామ నృపతి-మ్ప్రతి ।
దృష్ట్వా స వ్రతిన-మ్భూప-మ్ప్రపచ్ఛ వినయాన్వితః ॥ 5॥
సాధురువాచ ।
కిమిద-ఙ్కురుషే రాజ-న్భక్తియుక్తేన చేతసా ।
ప్రకాశ-ఙ్కురు తత్సర్వం శ్రోతుమిచ్ఛామి సామ్ప్రతమ్ ॥ 6॥
రాజోవాచ ।
పూజన-ఙ్క్రియతే సాధో విష్ణోరతులతేజసః ।
వ్రత-ఞ్చ స్వజనై-స్సార్ధ-మ్పుత్రాద్యావాప్తి కామ్యయా ॥ 7॥
భూపస్య వచనం శ్రుత్వా సాధుః ప్రోవాచ సాదరమ్ ।
సర్వ-ఙ్కథయ మే రాజన్ కరిష్యే-ఽహ-న్తవోదితమ్ ॥ 8॥
మమాపి సన్తతిర్నాస్తి హ్యేతస్మాజ్జాయతే ధ్రువమ్ ।
తతో నివృత్త్య వాణిజ్యా-థ్సానన్దో గృహమాగతః ॥ 9॥
భార్యాయై కథితం సర్వం-వ్రఁతం సన్తతి దాయకమ్ ।
తదా వ్రత-ఙ్కరిష్యామి యదా మే సన్తతిర్భవేత్ ॥ 10॥
ఇతి లీలావతీ-మ్ప్రాహ పత్నీం సాధు-స్స సత్తమః ।
ఏకస్మి-న్దివసే తస్య భార్యా లీలావతీ సతీ ॥ 11॥ (భార్యాం)
భర్తృయుక్తానన్దచిత్తా-ఽభవద్ ధర్మపరాయణా ।
ర్గభిణీ సా-ఽభవ-త్తస్య భార్యా సత్యప్రసాదతః ॥ 12॥ (సాభవత్)
దశమే మాసి వై తస్యాః కన్యారత్నమజాయత ।
దినే దినే సా వవృధే శుక్లపక్షే యథా శశీ ॥ 13॥
నామ్నా కలావతీ చేతి తన్నామకరణ-ఙ్కృతమ్ ।
తతో లీలావతీ ప్రాహ స్వామిన-మ్మధురం-వఁచః ॥ 14॥
న కరోషి కిమర్థం-వైఁ పురా సఙ్కల్పితం-వ్రఁతమ్ ।
సాధురువాచ ।
వివాహ సమయే త్వస్యాః కరిష్యామి వ్రత-మ్ప్రియే ॥ 15॥
ఇతి భార్యాం సమాశ్వాస్య జగామ నగర-మ్ప్రతి ।
తతః కలావతీ కన్యా వవృధే పితృవేశ్మని ॥ 16॥
దృష్ట్వా కన్యా-న్తత-స్సాధుర్నగరే సఖిభి-స్సహ ।
మన్త్రయిత్వా ద్రుత-న్దూత-మ్ప్రేషయామాస ధర్మవిత్ ॥ 17॥
వివాహార్థ-ఞ్చ కన్యాయా వరం శ్రేష్ఠం-విఁచారయ ।
తేనాజ్ఞప్తశ్చ దూతో-ఽసౌ కాఞ్చన-న్నగరం-యఁయౌ ॥ 18॥
తస్మాదేకం-వఁణిక్పుత్రం సమాదాయాగతో హి సః ।
దృష్ట్వా తు సున్దర-మ్బాలం-వఁణిక్పుత్ర-ఙ్గుణాన్వితమ్ ॥ 19॥
జ్ఞాతిభిర్బన్ధుభి-స్సార్ధ-మ్పరితుష్టేన చేతసా ।
దత్తావాన్ సాధుపుత్రాయ కన్యాం-విఁధివిధానతః ॥ 20॥ (సాధుఃపుత్రాయ)
తతో-ఽభాగ్యవశా-త్తేన విస్మృతం-వ్రఁతముత్తమమ్ । (తతోభాగ్యవశాత్)
వివాహసమయే తస్యాస్తేన రుష్టో భవ-త్ప్రభుః ॥ 21॥ (రుష్టో-ఽభవత్)
తతః కాలేన నియతో నిజకర్మ విశారదః ।
వాణిజ్యార్థ-న్తత-శ్శీఘ్ర-ఞ్జామాతృ సహితో వణిక్ ॥ 22॥
రత్నసారపురే రమ్యే గత్వా సిన్ధు సమీపతః ।
వాణిజ్యమకరో-థ్సాధుర్జామాత్రా శ్రీమతా సహ ॥ 23॥
తౌ గతౌ నగరే రమ్యే చన్ద్రకేతోర్నృపస్య చ । (నగరేతస్య)
ఏతస్మిన్నేవ కాలే తు సత్యనారాయణః ప్రభుః ॥ 24॥
భ్రష్టప్రతిజ్ఞమాలోక్య శాప-న్తస్మై ప్రదత్తవాన్ ।
దారుణ-ఙ్కఠిన-ఞ్చాస్య మహద్ దుఃఖ-మ్భవిష్యతి ॥ 25॥
ఏకస్మిన్దివసే రాజ్ఞో ధనమాదాయ తస్కరః ।
తత్రైవ చాగత శ్చౌరో వణిజౌ యత్ర సంస్థితౌ ॥ 26॥
తత్పశ్చాద్ ధావకా-న్దూతా-న్దృష్టవా భీతేన చేతసా ।
ధనం సంస్థాప్య తత్రైవ స తు శీఘ్రమలక్షితః ॥ 27॥
తతో దూతాస్సమాయాతా యత్రాస్తే సజ్జనో వణిక్ ।
దృష్ట్వా నృపధన-న్తత్ర బద్ధ్వా-ఽఽనీతౌ వణిక్సుతౌ ॥ 28॥ (బద్ధ్వానీతౌ)
హర్షేణ ధావమానాశ్చ ప్రోచుర్నృపసమీపతః ।
తస్కరౌ ద్వౌ సమానీతౌ విలోక్యాజ్ఞాపయ ప్రభో ॥ 29॥
రాజ్ఞా-ఽఽజ్ఞప్తాస్తత-శ్శీఘ్ర-న్దృఢ-మ్బద్ధ్వా తు తా వుభౌ ।
స్థాపితౌ ద్వౌ మహాదుర్గే కారాగారే-ఽవిచారతః ॥ 30॥
మాయయా సత్యదేవస్య న శ్రుత-ఙ్కైస్తయోర్వచః ।
అతస్తయోర్ధనం రాజ్ఞా గృహీత-ఞ్చన్ద్రకేతునా ॥ 31॥
తచ్ఛాపాచ్చ తయోర్గేహే భార్యా చైవాతి దుఃఖితా ।
చౌరేణాపహృతం సర్వ-ఙ్గృహే యచ్చ స్థిత-న్ధనమ్ ॥ 32॥
ఆధివ్యాధిసమాయుక్తా క్షుత్పిపాశాతి దుఃఖితా । (క్షుత్పిపాసాతి)
అన్నచిన్తాపరా భూత్వా బభ్రామ చ గృహే గృహే ।
కలావతీ తు కన్యాపి బభ్రామ ప్రతివాసరమ్ ॥ 33॥
ఏకస్మి-న్దివసే యాతా క్షుధార్తా ద్విజమన్దిరమ్ । (దివసే జాతా)
గత్వా-ఽపశ్యద్ వ్రత-న్తత్ర సత్యనారాయణస్య చ ॥ 34॥ (గత్వాపశ్యద్)
ఉపవిశ్య కథాం శ్రుత్వా వరం ర్ప్రాథితవత్యపి ।
ప్రసాద భక్షణ-ఙ్కృత్వా యయౌ రాత్రౌ గృహ-మ్ప్రతి ॥ 35॥
మాతా కలావతీ-ఙ్కన్యా-ఙ్కథయామాస ప్రేమతః ।
పుత్రి రాత్రౌ స్థితా కుత్ర కి-న్తే మనసి వర్తతే ॥ 36॥
కన్యా కలావతీ ప్రాహ మాతర-మ్ప్రతి సత్వరమ్ ।
ద్విజాలయే వ్రత-మ్మాతర్దృష్టం-వాఁఞ్ఛితసిద్ధిదమ్ ॥ 37॥
తచ్ఛ్రుత్వా కన్యకా వాక్యం-వ్రఁత-ఙ్కర్తుం సముద్యతా ।
సా ముదా తు వణిగ్భార్యా సత్యనారాయణస్య చ ॥ 38॥
వ్రత-ఞ్చక్రే సైవ సాధ్వీ బన్ధుభి-స్స్వజనై-స్సహ ।
భర్తృజామాతరౌ క్షిప్రమాగచ్ఛేతాం స్వమాశ్రమమ్ ॥ 39॥
అపరాధ-ఞ్చ మే భర్తుర్జామాతుః, క్షన్తుమర్హసి ।
వ్రతేనానేన తుష్టో-ఽసౌ సత్యనారాయణః పునః ॥ 40॥ (తుష్టోసౌ)
దర్శయామాస స్వప్నం హీ చన్ద్రకేతు-న్నృపోత్తమమ్ ।
బన్దినౌ మోచయ ప్రాతర్వణిజౌ నృపసత్తమ ॥ 41॥
దేయ-న్ధన-ఞ్చ తత్సర్వ-ఙ్గృహీతం-యఁ-త్త్వయా-ఽధునా । (త్వయాధునా)
నో చే-త్త్వా-న్నాశయిష్యామి సరాజ్యధనపుత్రకమ్ ॥ 42॥
ఏవమాభాష్య రాజాన-న్ధ్యానగమ్యో-ఽభవ-త్ప్రభుః । (ధ్యానగమ్యోభవత్)
తతః ప్రభాతసమయే రాజా చ స్వజనై-స్సహ ॥ 43॥
ఉపవిశ్య సభామధ్యే ప్రాహ స్వప్న-ఞ్జన-మ్ప్రతి ।
బద్ధౌ మహాజనౌ శీఘ్ర-మ్మోచయ ద్వౌ వణిక్సుతౌ ॥ 44॥
ఇతి రాజ్ఞో వచ-శ్శ్రుత్వా మోచయిత్వా మహాజనౌ ।
సమానీయ నృపస్యాగ్రే ప్రాహుస్తే వినయాన్వితాః ॥ 45॥
ఆనీతౌ ద్వౌ వణిక్పుత్రౌ ముక్తౌ నిగడబన్ధనాత్ ।
తతో మహాజనౌ నత్వా చన్ద్రకేతు-న్నృపోత్తమమ్ ॥ 46॥
స్మరన్తౌ పూర్వ వృత్తాన్త-న్నోచతుర్భయవిహ్వలౌ ।
రాజా వణిక్సుతౌ వీక్ష్య వచః ప్రోవాచ సాదరమ్ ॥ 47॥
దేవా-త్ప్రాప్త-మ్మహద్దుఃఖమిదానీ-న్నాస్తి వై భయమ్ ।
తదా నిగడసన్త్యాగ-ఙ్క్షౌరకర్మాద్యకారయత్ ॥ 48॥
వస్త్రాలఙ్కారక-న్దత్త్వా పరితోష్య నృపశ్చ తౌ ।
పురస్కృత్య వణిక్పుత్రౌ వచసా-ఽతోషయద్ భృశమ్ ॥ 49॥ (వచసాతోషయద్భృశమ్)
పురానీత-న్తు యద్ ద్రవ్య-న్ద్విగుణీకృత్య దత్తవాన్ ।
ప్రోవాచ చ తతో రాజా గచ్ఛ సాధో నిజాశ్రమమ్ ॥ 50॥ (ప్రోవాచతౌ)
రాజాన-మ్ప్రణిపత్యాహ గన్తవ్య-న్త్వత్ప్రసాదతః ।
ఇత్యుక్త్వా తౌ మహావైశ్యౌ జగ్మతు-స్స్వగృహ-మ్ప్రతి ॥ 51॥ (మహావైశ్యో)
॥ ఇతి శ్రీస్కన్ద పురాణే రేవాఖణ్డే శ్రీసత్యనారాయణ వ్రతకథాయా-న్తృతీయో-ఽధ్యాయః ॥ 3 ॥
అథ చతుర్థో-ఽధ్యాయః
సూత ఉవాచ ।
యాత్రా-న్తు కృతవాన్ సాధుర్మఙ్గలాయనపూర్వికామ్ ।
బ్రాహ్మణేభ్యో ధన-న్దత్త్వా తదా తు నగరం-యఁయౌ ॥ 1॥
కియద్ దూరే గతే సాధో సత్యనారాయణః ప్రభుః ।
జిజ్ఞాసా-ఙ్కృతవాన్ సాధౌ కిమస్తి తవ నౌస్థితమ్ ॥ 2॥
తతో మహాజనౌ మత్తౌ హేలయా చ ప్రహస్య వై । (మతౌ)
కథ-మ్పృచ్ఛసి భో దణ్డి-న్ముద్రా-న్నేతు-ఙ్కిమిచ్ఛసి ॥ 3॥
లతాపత్రాదిక-ఞ్చైవ వర్తతే తరణౌ మమ ।
నిష్ఠుర-ఞ్చ వచ-శ్శ్రుత్వా సత్య-మ్భవతు తే వచః ॥ 4॥
ఏవముక్త్వా గత-శ్శీఘ్ర-న్దణ్డీ తస్య సమీపతః ।
కియద్ దూరే తతో గత్వా స్థిత-స్సిన్ధు సమీపతః ॥ 5॥
గతే దణ్డిని సాధుశ్చ కృతనిత్యక్రియస్తదా ।
ఉత్థితా-న్తరణీ-న్దృష్ట్వా విస్మయ-మ్పరమం-యఁయౌ ॥ 6॥
దృష్ట్వా లతాదిక-ఞ్చైవ మూర్చ్ఛితో న్యపతద్ భువి ।
లబ్ధసఞ్జ్ఞో వణిక్పుత్రస్తతశ్చిన్తాన్వితో-ఽభవత్ ॥ 7॥ (వణిక్పుత్రస్తతశ్చిన్తాన్వితోభవత్)
తదా తు దుహితుః కాన్తో వచన-ఞ్చేదమబ్రవీత్ ।
కిమర్థ-ఙ్క్రియతే శోక-శ్శాపో దత్తశ్చ దణ్డినా ॥ 8॥
శక్యతే తేన సర్వం హి కర్తు-ఞ్చాత్ర న సంశయః । (శక్యతేనే న)
అతస్తచ్ఛరణం-యాఁమో వాఞ్ఛతార్థో భవిష్యతి ॥ 9॥ (వాఞ్ఛితార్థో)
జామాతుర్వచనం శ్రుత్వా తత్సకాశ-ఙ్గతస్తదా ।
దృష్ట్వా చ దణ్డిన-మ్భక్త్యా నత్వా ప్రోవాచ సాదరమ్ ॥ 10॥
క్షమస్వ చాపరాధ-మ్మే యదుక్త-న్తవ సన్నిధౌ ।
ఏవ-మ్పునః పునర్నత్వా మహాశోకాకులో-ఽభవత్ ॥ 11॥ (మహాశోకాకులోభవత్)
ప్రోవాచ వచన-న్దణ్డీ విలపన్తం-విఁలోక్య చ ।
మా రోదీ-శ్శఋణుమద్వాక్య-మ్మమ పూజాబహిర్ముఖః ॥ 12॥
మమాజ్ఞయా చ దుర్బుద్ధే లబ్ధ-న్దుఃఖ-మ్ముహుర్ముహుః ।
తచ్ఛ్రుత్వా భగవద్వాక్యం స్తుతి-ఙ్కర్తుం సముద్యతః ॥ 13॥
సాధురువాచ ।
త్వన్మాయామోహితా-స్సర్వే బ్రహ్మాద్యాస్త్రిదివౌకసః ।
న జానన్తి గుణా-న్రూప-న్తవాశ్చర్యమిద-మ్ప్రభో ॥ 14॥
మూఢో-ఽహ-న్త్వా-ఙ్కథ-ఞ్జానే మోహితస్తవమాయయా । (మూఢోహం)
ప్రసీద పూజయిష్యామి యథావిభవవిస్తరైః ॥ 15॥
పురా విత్త-ఞ్చ త-థ్సర్వ-న్త్రాహి మాం శరణాగతమ్ ।
శ్రుత్వా భక్తియుతం-వాఁక్య-మ్పరితుష్టో జనార్దనః ॥ 16॥
వర-ఞ్చ వాఞ్ఛిత-న్దత్త్వా తత్రైవాన్తర్దధే హరిః ।
తతో నావం సమారూహ్య దృష్ట్వా విత్తప్రపూరితామ్ ॥ 17॥
కృపయా సత్యదేవస్య సఫలం-వాఁఞ్ఛిత-మ్మమ ।
ఇత్యుక్త్వా స్వజనై-స్సార్ధ-మ్పూజా-ఙ్కృత్వా యథావిధి ॥ 18॥
హర్షేణ చాభవ-త్పూర్ణస్సత్యదేవప్రసాదతః ।
నావం సంయోఁజ్య యత్నేన స్వదేశగమన-ఙ్కృతమ్ ॥ 19॥
సాధుర్జామాతర-మ్ప్రాహ పశ్య రత్నపురీ-మ్మమ ।
దూత-ఞ్చ ప్రేషయామాస నిజవిత్తస్య రక్షకమ్ ॥ 20॥
తతో-ఽసౌ నగర-ఙ్గత్వా సాధుభార్యాం-విఁలోక్య చ । (దూతోసౌ)
ప్రోవాచ వాఞ్ఛితం-వాఁక్య-న్నత్వా బద్ధాఞ్జలిస్తదా ॥ 21॥
నికటే నగరస్యైవ జామాత్రా సహితో వణిక్ ।
ఆగతో బన్ధువర్గైశ్చ విత్తైశ్చ బహుభిర్యుతః ॥ 22॥
శ్రుత్వా దూతముఖాద్వాక్య-మ్మహాహర్షవతీ సతీ ।
సత్యపూజా-న్తతః కృత్వా ప్రోవాచ తనుజా-మ్ప్రతి ॥ 23॥
వ్రజామి శీఘ్రమాగచ్ఛ సాధుసన్దర్శనాయ చ ।
ఇతి మాతృవచ-శ్శ్రుత్వా వ్రత-ఙ్కృత్వా సమాప్య చ ॥ 24॥
ప్రసాద-ఞ్చ పరిత్యజ్య గతా సా-ఽపి పతి-మ్ప్రతి । (సాపి)
తేన రుష్టా-స్సత్యదేవో భర్తార-న్తరణి-న్తథా ॥ 25॥ (రుష్టః, తరణీం)
సంహృత్య చ ధనై-స్సార్ధ-ఞ్జలే తస్యావమజ్జయత్ ।
తతః కలావతీ కన్యా న విలోక్య నిజ-మ్పతిమ్ ॥ 26॥
శోకేన మహతా తత్ర రుదన్తీ చాపతద్ భువి । (రుదతీ)
దృష్ట్వా తథావిధా-న్నావ-ఙ్కన్యా-ఞ్చ బహుదుఃఖితామ్ ॥ 27॥
భీతేన మనసా సాధుః కిమాశ్చర్యమిద-మ్భవేత్ ।
చిన్త్యమానాశ్చ తే సర్వే బభూవుస్తరివాహకాః ॥ 28॥
తతో లీలావతీ కన్యా-న్దృష్ట్వా సా విహ్వలా-ఽభవత్ ।
విలలాపాతిదుఃఖేన భర్తార-ఞ్చేదమబ్రవీత ॥ 29॥
ఇదానీ-న్నౌకయా సార్ధ-ఙ్కథం సో-ఽభూదలక్షితః ।
న జానే కస్య దేవస్య హేలయా చైవ సా హృతా ॥ 30॥
సత్యదేవస్య మాహాత్మ్య-ఞ్జ్ఞాతుం-వాఁ కేన శక్యతే ।
ఇత్యుక్త్వా విలలాపైవ తతశ్చ స్వజనై-స్సహ ॥ 31॥
తతో లీలావతీ కన్యా-ఙ్క్రౌడే కృత్వా రురోద హ ।
తతఃకలావతీ కన్యా నష్టే స్వామిని దుఃఖితా ॥ 32॥
గృహీత్వా పాదుకే తస్యానుగతు-ఞ్చ మనోదధే । (పాదుకాం)
కన్యాయాశ్చరిత-న్దృష్ట్వా సభార్య-స్సజ్జనో వణిక్ ॥ 33॥
అతిశోకేన సన్తప్తశ్చిన్తయామాస ధర్మవిత్ ।
హృతం-వాఁ సత్యదేవేన భ్రాన్తో-ఽహం సత్యమాయయా ॥ 34॥
సత్యపూజా-ఙ్కరిష్యామి యథావిభవవిస్తరైః ।
ఇతి సర్వాన్ సమాహూయ కథయిత్వా మనోరథమ్ ॥ 35॥
నత్వా చ దణ్డవద్ భూమౌ సత్యదేవ-మ్పునః పునః ।
తతస్తుష్ట-స్సత్యదేవో దీనానా-మ్పరిపాలకః ॥ 36॥
జగాద వచన-ఞ్చైన-ఙ్కృపయా భక్తవత్సలః ।
త్యక్త్వా ప్రసాద-న్తే కన్యా పతి-న్ద్రష్టుం సమాగతా ॥ 37॥
అతో-ఽదృష్టో-ఽభవత్తస్యాః కన్యకాయాః పతిర్ధ్రువమ్ ।
గృహ-ఙ్గత్వా ప్రసాద-ఞ్చ భుక్త్వా సా-ఽఽయాతి చేత్పునః ॥ 38॥ (సాయాతి)
లబ్ధభర్త్రీ సుతా సాధో భవిష్యతి న సంశయః ।
కన్యకా తాదృశం-వాఁక్యం శ్రుత్వా గగనమణ్డలాత్ ॥ 39॥
క్షిప్ర-న్తదా గృహ-ఙ్గత్వా ప్రసాద-ఞ్చ బుభోజ సా ।
పశ్చా-థ్సా పునరాగత్య దదర్శ స్వజన-మ్పతిమ్ ॥ 40॥ (సాపశ్చాత్పునరాగత్య, సజనం)
తతః కలావతీ కన్యా జగాద పితర-మ్ప్రతి ।
ఇదానీ-ఞ్చ గృహం-యాఁహి విలమ్బ-ఙ్కురుషే కథమ్ ॥ 41॥
తచ్ఛ్రుత్వా కన్యకావాక్యం సన్తుష్టో-ఽభూద్వణిక్సుతః ।
పూజనం సత్యదేవస్య కృత్వా విధివిధానతః ॥ 42॥
ధనైర్బన్ధుగణై-స్సార్ధ-ఞ్జగామ నిజమన్దిరమ్ ।
పౌర్ణమాస్యా-ఞ్చ సఙ్క్రాన్తౌ కృతవాన్ సత్యస్య పూజనమ్ ॥ 43॥ (సత్యపూజనమ్)
ఇహలోకే సుఖ-మ్భుక్త్వా చాన్తే సత్యపురం-యఁయౌ ॥ 44॥
॥ ఇతి శ్రీస్కన్ద పురాణే రేవాఖణ్డే శ్రీసత్యనారాయణ వ్రతకథాయా-ఞ్చతుర్థో-ఽధ్యాయః ॥ 4 ॥
అథ పఞ్చమో-ఽధ్యాయః
సూత ఉవాచ ।
అథాన్యచ్చ ప్రవక్ష్యామి శ్రుణుధ్వ-మ్మునిసత్తమాః ।
ఆసీ-త్తుఙ్గధ్వజో రాజా ప్రజాపాలనతత్పరః ॥ 1॥
ప్రసాదం సత్యదేవస్య త్యక్త్వా దుఃఖమవాప సః ।
ఏకదా స వన-ఙ్గత్వా హత్వా బహువిధా-న్పశూన్ ॥ 2॥
ఆగత్య వటమూల-ఞ్చ దృష్ట్వా సత్యస్య పూజనమ్ । (చాపశ్యత్)
గోపాః కుర్వన్తి సన్తుష్టా భక్తియుక్తా-స్స బాన్ధవాః ॥ 3॥
రాజా దృష్ట్వా తు దర్పేణ న గతో న ననామ సః ।
తతో గోపగణా-స్సర్వే ప్రసాద-న్నృపసన్నిధౌ ॥ 4॥
సంస్థాప్య పునరాగత్య భుక్తత్వా సర్వే యథేప్సితమ్ ।
తతః ప్రసాదం సన్త్యజ్య రాజా దుఃఖమవాప సః ॥ 5॥
తస్య పుత్రశత-న్నష్ట-న్ధనధాన్యాదిక-ఞ్చ యత్ ।
సత్యదేవేన తత్సర్వ-న్నాశిత-మ్మమ నిశ్చితమ్ ॥ 6॥
అతస్తత్రైవ గచ్ఛామి యత్ర దేవస్య పూజనమ్ ।
మనసా తు వినిశ్చిత్య యయౌ గోపాలసన్నిధౌ ॥ 7॥
తతో-ఽసౌ సత్యదేవస్య పూజా-ఙ్గోపగణైస్సహ ।
భక్తిశ్రద్ధాన్వితో భూత్వా చకార విధినా నృపః ॥ 8॥
సత్యదేవప్రసాదేన ధనపుత్రాన్వితో-ఽభవత్ ।
ఇహలోకే సుఖ-మ్భుక్తత్వా చాన్తే సత్యపురం-యఁయౌ ॥ 9॥
య ఇద-ఙ్కురుతే సత్యవ్రత-మ్పరమదుర్లభమ్ ।
శఋణోతి చ కథా-మ్పుణ్యా-మ్భక్తియుక్తః ఫలప్రదామ్ ॥ 10॥
ధనధాన్యాదిక-న్తస్య భవే-థ్సత్యప్రసాదతః ।
దరిద్రో లభతే విత్త-మ్బద్ధో ముచ్యేత బన్ధనాత్ ॥ 11॥
భీతో భయా-త్ప్రముచ్యేత సత్యమేవ న సంశయః ।
ఈప్సిత-ఞ్చ ఫల-మ్భుక్త్వా చాన్తే సత్యపురంవ్రఁజేత్ ॥ 12॥
ఇతి వః కథితం-విఁప్రా-స్సత్యనారాయణవ్రతమ్ ।
య-త్కృత్వా సర్వదుఃఖేభ్యో ముక్తో భవతి మానవః ॥ 13॥
విశేషతః కలియుగే సత్యపూజా ఫలప్రదా ।
కేచి-త్కాలం-వఁదిష్యన్తి సత్యమీశ-న్తమేవ చ ॥ 14॥
సత్యనారాయణ-ఙ్కేచి-థ్సత్యదేవ-న్తథాపరే ।
నానారూపధరో భూత్వా సర్వేషామీప్సితప్రదమ్ ॥ 15॥ (సర్వేషామీప్సితప్రదః)
భవిష్యతి కలౌ సత్యవ్రతరూపీ సనాతనః ।
శ్రీవిష్ణునా ధృతం రూపం సర్వేషామీప్సితప్రదమ్ ॥ 16॥
య ఇద-మ్పఠతే నిత్యం శఋణోతి మునిసత్తమాః ।
తస్య నశ్యన్తి పాపాని సత్యదేవప్రసాదతః ॥ 17॥
వ్రతం-యైఁస్తు కృత-మ్పూర్వం సత్యనారాయణస్య చ ।
తేషా-న్త్వపరజన్మాని కథయామి మునీశ్వరాః ॥ 18॥
శతానన్దోమహాప్రాజ్ఞస్సుదామాబ్రాహ్మణో హ్యభూత్ ।
తస్మిఞ్జన్మని శ్రీకృష్ణ-న్ధ్యాత్వా మోక్షమవాప హ ॥ 19॥
కాష్ఠభారవహో భిల్లో గుహరాజో బభూవ హ ।
తస్మిఞ్జన్మని శ్రీరామం సేవ్య మోక్ష-ఞ్జగామ వై ॥ 20॥
ఉల్కాముఖో మహారాజో నృపో దశరథో-ఽభవత్ ।
శ్రీరఙ్గనాథం సమ్పూజ్య శ్రీవైకుణ్ఠ-న్తదాగమత్ ॥ 21॥ (శ్రీరామచన్ద్రసమ్ప్రాప్య)
ర్ధామిక-స్సత్యసన్ధశ్చ సాధుర్మోరధ్వజో-ఽభవత్ । (సాధుర్మోరధ్వజోభవత్)
దేహార్ధ-ఙ్క్రకచైశ్ఛిత్త్వా దత్వా మోక్షమవాప హ ॥ 22॥
తుఙ్గధ్వజో మహారాజ-స్స్వాయమ్భువో-ఽభవ-త్కిల । (స్వాయమ్భూరభవత్)
సర్వా-న్భాగవతాన్ కృత్వా శ్రీవైకుణ్ఠ-న్తదా-ఽగమత్ ॥ 23॥ (కృత్త్వా, తదాగమత్)
భూత్వా గోపాశ్చ తే సర్వే వ్రజమణ్డలవాసినః ।
నిహత్య రాక్షసాన్ సర్వా-న్గోలోక-న్తు తదా యయుః ॥ 24॥
॥ ఇతి శ్రీస్కన్దపురాణే రేవాఖణ్డే శ్రీసత్యనారాయణ వ్రతకథాయా-మ్పఞ్చమో-ఽధ్యాయః ॥ 5 ॥
(after Katha, offer Mangala Nirajanam, and take Swami Tirtham, Phalam, Prasadam)
అకాల మృత్యుహరణం సర్వవ్యాధి నివారణమ్ ।
సమస్త పాపక్షయకరం శ్రీ సత్యనారాయణ పాదోదక-మ్పావనం శుభమ్ ॥
శ్రీ రమాసహిత సత్యనారాయణ స్వామి ప్రసాదం శిరసా గృహ్ణామి ॥
శ్రీ రమాసహిత సత్యనారాయణ స్వామినే నమః ॥
కలశోద్వాసన
య॒జ్ఞేన॑ య॒జ్ఞమ॑యజన్త దే॒వాః ।
తాని॒ ధర్మా॑ణి ప్రథ॒మాన్యా॑సన్న్ ।
తే హ॒ నాక॑-మ్మహి॒మానః॑ సచన్తే ।
యత్ర॒ పూర్వే॑ సా॒ధ్యా-స్సన్తి॑ దే॒వాః ॥
శ్రీ రమాసహిత సత్యనారాయణ స్వామినే నమః ఆవాహిత సర్వేభ్యో దేవేభ్యో నమ-స్సర్వాభ్యో దేవతాభ్యో నమః యథా స్థాన-మ్ప్రవేశయామి ॥
శోభనార్థే క్షేమాయ పునరాగమనాయ చ ।
సమస్త సన్మఙ్గలాని భవన్తు ॥
సర్వేజనా-స్సుఖినో భవన్తు ॥
ఓం శాన్తి-శ్శాన్తి-శ్శాన్తిః ।
స్వస్తి ॥
Related Scriptures
About This Stotram
Overview
Sri Satyanarayana Puja (Satyanarayana Swami Vratam) is a vrata and puja dedicated to Lord Satyanarayana, a form of Vishnu. The ritual includes 175 verses of prayers, narrative readings, and the recitation of the Satyanarayana Vratakatha from the Skanda Purana. It is one of the most widely performed Vaishnava household rituals in India.
What are the benefits of chanting Sri Satyanarayana Puja?
- The vrata is performed for fulfillment of sincere wishes and desires.
- It is associated with removal of obstacles and misfortune.
- Devotees perform it for wealth, prosperity, and happiness in the home.
- The narrative emphasizes truthfulness and the consequences of breaking vows.
- It is a standard household ritual for auspicious occasions.
When is the best time to recite this?
The Satyanarayana Puja is performed on full moon days (Purnima) and Ekadashi. It is also performed on birthdays, wedding anniversaries, new home entries, and other family milestones. Recitation of the text can be done at any auspicious time.
Historical and traditional background
The Satyanarayana Vratakatha is found in the Skanda Purana, specifically in the Revati-kshetra-mahatmya section, and references also appear in the Narada Purana. The puja gained wide popularity during the medieval period and spread across different regions of India, adapting to local traditions. The ritual text as performed today is a compilation drawing on these Puranic sources. The specific compiler of the current form is not recorded.
Available scripts
This text is available in 14 scripts: Devanagari, Tamil, Telugu, Kannada, Malayalam, Gujarati, Bengali, IAST, Gurmukhi, Oriya, Assamese, Sinhala, ITRANS, HK. Use the script selector to read it in your preferred script.
Related Texts
- Sri Satyanarayana Ashtottara Sata Namavali — the 108-name namavali recited as part of this puja.
- Vishnu Sahasranama Stotram — chanted in the same Vaishnava context and often included in the puja.