Sri Rudram Namakam

ශ්රී රුද්රං නමකම්

ශ්ලොක 1

කෘෂ්ණ යජුර්වේදීය තෛත්තිරීය සංහිතා

චතුර්ථං-වෛँශ්වදේව-ඞ්කාණ්ඩ-ම්පඤ්චමඃ ප්රපාඨකඃ

ඕ-න්නමෝ භගවතේ॑ රුද්රා॒ය ..

නම॑ස්තේ රුද්ර ම॒න්යව॑ උ॒තෝත॒ ඉෂ॑වේ॒ නමඃ॑ .

නම॑ස්තේ අස්තු॒ ධන්ව॑නේ බා॒හුභ්යා॑මු॒ත තේ॒ නමඃ॑ ..

යා ත॒ ඉෂුඃ॑ ශි॒වත॑මා ශි॒ව-ම්බ॒භූව॑ තේ॒ ධනුඃ॑ .

ශි॒වා ශ॑ර॒ව්යා॑ යා තව॒ තයා॑ නෝ රුද්ර මෘඩය .

යා තේ॑ රුද්ර ශි॒වා ත॒නූරඝෝ॒රා-(අ)පා॑පකාශිනී .

තයා॑ නස්ත॒නුවා॒ ශන්ත॑මයා॒ ගිරි॑ශන්තා॒භිචා॑කශීහි ..

යාමිෂු॑-ඞ්ගිරිශන්ත॒ හස්තේ॒ බිභ॒ර්​ෂ්යස්ත॑වේ .

ශි॒වා-ඞ්ගි॑රිත්ර॒ තා-ඞ්කු॑රු॒ මා හිග්ං॑සීඃ॒ පුරු॑ෂ॒-ඤ්ජග॑ත්..

ශි॒වේන॒ වච॑සා ත්වා॒ ගිරි॒ශාච්ඡා॑ වදාමසි .

යථා॑ න॒-ස්සර්ව॒මිජ්ජග॑දය॒ක්ෂ්මග්ං සු॒මනා॒ අස॑ත් ..

අධ්ය॑වෝචදධිව॒ක්තා ප්ර॑ථ॒මෝ දෛව්යෝ॑ භි॒ෂක් .

අහීග්॑ශ්ච॒ සර්වා᳚ඤ්ජ॒ම්භය॒න්-ථ්සර්වා᳚ශ්ච යාතුධා॒න්යඃ॑ ..

අ॒සෞ යස්තා॒ම්රෝ අ॑රු॒ණ උ॒ත බ॒භ්රුස්සු॑ම॒ඞ්ගලඃ॑ .

යේ චේ॒මාග්ං රු॒ද්රා අ॒භිතෝ॑ දි॒ක්ෂු ශ්රි॒තා-ස්ස॑හස්ර॒ශෝ-(අ)වෛ॑ෂා॒ග්ං॒ හේඩ॑ ඊමහේ ..

අ॒සෞ යෝ॑-(අ)ව॒සර්ප॑ති॒ නීල॑ග්රීවෝ॒ විලෝ॑හිතඃ .

උ॒තෛන॑-ඞ්ගෝ॒පා අ॑දෘශ॒න්නදෘ॑ශන්නුදහා॒ර්යඃ॑ .

උ॒තෛනං॒-විँශ්වා॑ භූ॒තානි॒ ස දෘ॒ෂ්ටෝ මෘ॑ඩයාති නඃ ..

නමෝ॑ අස්තු॒ නීල॑ග්රීවාය සහස්රා॒ක්ෂාය॑ මී॒ඪුෂේ᳚ .

අථෝ॒ යේ අ॑ස්ය॒ සත්වා॑නෝ॒-(අ)හ-න්තේභ්යෝ॑-(අ)කර॒න්නමඃ॑ ..

ප්රමු॑ඤ්ච॒ ධන්ව॑න॒ස්ත්වමු॒භයෝ॒රාර්ත්නි॑ යෝ॒ර්ජ්යාම් .

යාශ්ච॑ තේ॒ හස්ත॒ ඉෂ॑වඃ॒ පරා॒ තා භ॑ගවෝ වප ..

අ॒ව॒තත්ය॒ ධනු॒ස්ත්වග්ං සහ॑ස්රාක්ෂ॒ ශතේ॑ෂුධේ .

නි॒ශීර්ය॑ ශ॒ල්යානා॒-ම්මුඛා॑ ශි॒වෝ නඃ॑ සු॒මනා॑ භව ..

විජ්ය॒-න්ධනුඃ॑ කප॒ර්දිනෝ॒ විශ॑ල්යෝ॒ බාණ॑වාග්ං උ॒ත .

අනේ॑ශන්න॒ස්යේෂ॑ව ආ॒භුර॑ස්ය නිෂ॒ඞ්ගථිඃ॑ ..

යා තේ॑ හේ॒තිර්මී॑ඩුෂ්ටම॒ හස්තේ॑ බ॒භූව॑ තේ॒ ධනුඃ॑ .

තයා॒-(අ)ස්මාන්, වි॒ශ්වත॒ස්ත්වම॑ය॒ක්ෂ්මයා॒ පරි॑බ්භුජ ..

නම॑ස්තේ අ॒ස්ත්වායු॑ධා॒යානා॑තතාය ධෘ॒ෂ්ණවේ᳚ .

උ॒භාභ්යා॑මු॒ත තේ॒ නමෝ॑ බා॒හුභ්යා॒-න්තව॒ ධන්ව॑නේ ..

පරි॑ තේ॒ ධන්ව॑නෝ හේ॒තිර॒ස්මාන් වෘ॑ණක්තු වි॒ශ්වතඃ॑ .

අථෝ॒ ය ඉ॑ෂු॒ධිස්තවා॒රේ අ॒ස්මන්නිධේ॑හි॒ තම් .. 1 ..

ශ්රී ශම්භ॑වේ॒ නමඃ॑ ..

නම॑ස්තේ අස්තු භගවන්-විශ්වේශ්ව॒රාය॑ මහාදේ॒වාය॑ ත්ර්යම්බ॒කාය॑ ත්රිපුරාන්ත॒කාය॑ ත්රිකාග්නිකා॒ලාය॑ කාලාග්නිරු॒ද්රාය॑ නීලක॒ණ්ඨාය॑ මෘත්යුඤ්ජ॒යාය॑ සර්වේශ්ව॒රාය॑ සදාශි॒වාය॑ [ශඞ්ක॒රාය॑] ශ්රීම-න්මහාදේ॒වාය॒ නමඃ॑ .

නමෝ॒ හිර॑ණ්ය බාහවේ සේනා॒න්යේ॑ දි॒ශා-ඤ්ච॒ පත॑යේ॒ නමෝ॒

නමෝ॑ වෘ॒ක්ෂේභ්යෝ॒ හරි॑කේශේභ්යඃ පශූ॒නා-ම්පත॑යේ॒ නමෝ॒

නමඃ॑ ස॒ස්පිඤ්ජ॑රාය॒ ත්විෂී॑මතේ පථී॒නා-ම්පත॑යේ॒ නමෝ॒

නමෝ॑ බභ්ලු॒ශාය॑ විව්යා॒ධිනේ-(අ)න්නා॑නා॒-ම්පත॑යේ॒ නමෝ॒

නමෝ॒ හරි॑කේශායෝපවී॒තිනේ॑ පු॒ෂ්ටානා॒-ම්පත॑යේ॒ නමෝ॒

නමෝ॑ භ॒වස්ය॑ හේ॒ත්යෛ ජග॑තා॒-ම්පත॑යේ॒ නමෝ॒

නමෝ॑ රු॒ද්රායා॑තතා॒විනේ॒ ක්ෂේත්රා॑ණා॒-ම්පත॑යේ॒ නමෝ॒

නම॑ස්සූ॒තායාහ॑න්ත්යාය॒ වනා॑නා॒-ම්පත॑යේ॒ නමෝ॒

නමෝ॒ රෝහි॑තාය ස්ථ॒පත॑යේ වෘ॒ක්ෂාණා॒-ම්පත॑යේ॒ නමෝ॒

නමෝ॑ ම॒න්ත්රිණේ॑ වාණි॒ජාය॒ කක්ෂා॑ණා॒-ම්පත॑යේ॒ නමෝ॒

නමෝ॑ භුව॒න්තයේ॑ වාරිවස්කෘ॒තා-යෞෂ॑ධීනා॒-ම්පත॑යේ॒ නමෝ॒

නම॑ උ॒ච්චෛර්ඝෝ॑ෂායාක්ර॒න්දය॑තේ පත්තී॒නා-ම්පත॑යේ॒ නමෝ॒

නමඃ॑ කෘත්ස්නවී॒තාය॒ ධාව॑තේ॒ සත්ත්ව॑නා॒-ම්පත॑යේ॒ නමඃ॑ .. 2 ..

නම॒-ස්සහ॑මානාය නිව්යා॒ධින॑ ආව්යා॒ධිනී॑නා॒-ම්පත॑යේ॒ නමෝ॒

නමඃ॑ කකු॒භාය॑ නිෂ॒ඞ්ගිණේ᳚ ස්තේ॒නානා॒-ම්පත॑යේ॒ නමෝ॒

නමෝ॑ නිෂ॒ඞ්ගිණ॑ ඉෂුධි॒මතේ॒ තස්ක॑රාණා॒-ම්පත॑යේ॒ නමෝ॒

නමෝ॒ වඤ්ච॑තේ පරි॒වඤ්ච॑තේ ස්තායූ॒නා-ම්පත॑යේ॒ නමෝ॒

නමෝ॑ නිචේ॒රවේ॑ පරිච॒රායාර॑ණ්යානා॒-ම්පත॑යේ॒ නමෝ॒

නමඃ॑ සෘකා॒විභ්යෝ॒ ජිඝාග්ං॑සද්භ්යෝ මුෂ්ණ॒තා-ම්පත॑යේ॒ නමෝ॒

නමෝ॑-(අ)සි॒මද්භ්යෝ॒ නක්ත॒ඤ්චර॑ද්භ්යඃ ප්රකෘ॒න්තානා॒-ම්පත॑යේ॒ නමෝ॒

නම॑ උෂ්ණී॒ෂිණේ॑ ගිරිච॒රාය॑ කුලු॒ඤ්චානා॒-ම්පත॑යේ॒ නමෝ॒

නම॒ ඉෂු॑මද්භ්යෝ ධන්වා॒විභ්ය॑ශ්ච වෝ॒ නමෝ॒

නම॑ ආතන්-වා॒නේභ්යඃ॑ ප්රති॒දධා॑නේභ්යශ්ච වෝ॒ නමෝ॒

නම॑ ආ॒යච්ඡ॑ද්භ්යෝ විසෘ॒ජද්භ්ය॑ශ්ච වෝ॒ නමෝ॒

නමෝ-(අ)ස්ය॑ද්භ්යෝ॒ විද්ය॑ද්භ්යශ්ච වෝ॒ නමෝ॒

නම॒ ආසී॑නේභ්ය॒-ශ්ශයා॑නේභ්යශ්ච වෝ॒ නමෝ॒

නමඃ॑ ස්ව॒පද්භ්යෝ॒ ජාග්ර॑ද්භ්යශ්ච වෝ॒ නමෝ॒

නම॒ස්තිෂ්ඨ॑ද්භ්යෝ॒ ධාව॑ද්භ්යශ්ච වෝ॒ නමෝ॒

නමඃ॑ ස॒භාභ්යඃ॑ ස॒භාප॑තිභ්යශ්ච වෝ॒ නමෝ॒

නමෝ॒ අශ්වේ॒භ්යෝ-(අ)ශ්ව॑පතිභ්යශ්ච වෝ॒ නමඃ॑ .. 3 ..

නම॑ ආව්යා॒ධිනී᳚භ්යෝ වි॒විධ්ය॑න්තීභ්යශ්ච වෝ॒ නමෝ॒

නම॒ උග॑ණාභ්යස්තෘග්ං-හ॒තීභ්ය॑ශ්ච වෝ॒ නමෝ॒

නමෝ॑ ගෘ॒ත්සේභ්යෝ॑ ගෘ॒ත්සප॑තිභ්යශ්ච වෝ॒ නමෝ॒

නමෝ॒ ව්රාතේ᳚භ්යෝ॒ ව්රාත॑පතිභ්යශ්ච වෝ॒ නමෝ॒

නමෝ॑ ග॒ණේභ්යෝ॑ ග॒ණප॑තිභ්යශ්ච වෝ॒ නමෝ॒

නමෝ॒ විරූ॑පේභ්යෝ වි॒ශ්වරූ॑පේභ්යශ්ච වෝ॒ නමෝ॒

නමෝ॑ මහ॒ද්භ්යඃ॑, ක්ෂුල්ල॒කේභ්ය॑ශ්ච වෝ॒ නමෝ॒

නමෝ॑ ර॒ථිභ්යෝ॑-(අ)ර॒ථේභ්ය॑ශ්ච වෝ॒ නමෝ॒

නමෝ॒ රථේ᳚භ්යෝ॒ රථ॑පතිභ්යශ්ච වෝ॒ නමෝ॒

නම॒-ස්සේනා᳚භ්ය-ස්සේනා॒නිභ්ය॑ශ්ච වෝ॒ නමෝ॒

නමඃ॑, ක්ෂ॒ත්තෘභ්යඃ॑ සඞ්ග්රහී॒තෘභ්ය॑ශ්ච වෝ॒ නමෝ॒

නම॒ස්තක්ෂ॑භ්යෝ රථකා॒රේභ්ය॑ශ්ච වෝ॒ නමෝ॒

නමඃ॒ කුලා॑ලේභ්යඃ ක॒ර්මාරේ᳚භ්යශ්ච වෝ॒ නමෝ॒

නමඃ॑ පු॒ඤ්ජිෂ්ටේ᳚භ්යෝ නිෂා॒දේභ්ය॑ශ්ච වෝ॒ නමෝ॒

නම॑ ඉෂු॒කෘද්භ්යෝ॑ ධන්ව॒කෘද්භ්ය॑ශ්ච වෝ॒ නමෝ॒

නමෝ॑ මෘග॒යුභ්යඃ॑ ශ්ව॒නිභ්ය॑ශ්ච වෝ॒ නමෝ॒

නම॒-ශ්ශ්වභ්ය॒-ශ්ශ්වප॑තිභ්යශ්ච වෝ॒ නමඃ॑ .. 4 ..

නමෝ॑ භ॒වාය॑ ච රු॒ද්රාය॑ ච॒

නමඃ॑ ශ॒ර්වාය॑ ච පශු॒පත॑යේ ච॒

නමෝ॒ නීල॑ග්රීවාය ච ශිති॒කණ්ඨා॑ය ච॒

නමඃ॑ කප॒ර්දිනේ॑ ච॒ ව්යු॑ප්තකේශාය ච॒

නමඃ॑ සහස්රා॒ක්ෂාය॑ ච ශ॒තධ॑න්වනේ ච॒

නමෝ॑ ගිරි॒ශාය॑ ච ශිපිවි॒ෂ්ටාය॑ ච॒

නමෝ॑ මී॒ඪුෂ්ට॑මාය॒ චේෂු॑මතේ ච॒

නමෝ᳚ හ්ර॒ස්වාය॑ ච වාම॒නාය॑ ච॒

නමෝ॑ බෘහ॒තේ ච॒ වර්​ෂී॑යසේ ච॒

නමෝ॑ වෘ॒ද්ධාය॑ ච සං॒​වෘँධ්ව॑නේ ච॒

නමෝ॒ අග්රි॑යාය ච ප්රථ॒මාය॑ ච॒

නම॑ ආ॒ශවේ॑ චාජි॒රාය॑ ච॒

නම॒-ශ්ශීඝ්රි॑යාය ච॒ ශීභ්යා॑ය ච॒

නම॑ ඌ॒ර්ම්යා॑ය චාවස්ව॒න්යා॑ය ච॒

නමඃ॑ ස්රෝත॒ස්යා॑ය ච॒ ද්වීප්යා॑ය ච .. 5 ..

නමෝ᳚ ජ්යේ॒ෂ්ඨාය॑ ච කනි॒ෂ්ඨාය॑ ච॒

නමඃ॑ පූර්ව॒ජාය॑ චාපර॒ජාය॑ ච॒

නමෝ॑ මධ්ය॒මාය॑ චාපග॒ල්භාය॑ ච॒

නමෝ॑ ජඝ॒න්යා॑ය ච॒ බුධ්නි॑යාය ච॒

නමඃ॑ සෝ॒භ්යා॑ය ච ප්රතිස॒ර්යා॑ය ච॒

නමෝ॒ යාම්යා॑ය ච॒ ක්ෂේම්යා॑ය ච॒

නම॑ උර්ව॒ර්යා॑ය ච॒ ඛල්යා॑ය ච॒

නම॒-ශ්ශ්ලෝක්යා॑ය චා-(අ)වසා॒න්යා॑ය ච॒

නමෝ॒ වන්යා॑ය ච॒ කක්ෂ්යා॑ය ච॒

නමඃ॑ ශ්ර॒වාය॑ ච ප්රතිශ්ර॒වාය॑ ච॒

නම॑ ආ॒ශුෂේ॑ණාය චා॒ශුර॑ථාය ච॒

නම॒-ශ්ශූරා॑ය චාවභින්ද॒තේ ච॒

නමෝ॑ ව॒ර්මිණේ॑ ච වරූ॒ථිනේ॑ ච॒

නමෝ॑ බි॒ල්මිනේ॑ ච කව॒චිනේ॑ ච॒

නමඃ॑ ශ්රු॒තාය॑ ච ශ්රුතසේ॒නාය॑ ච .. 6 ..

නමෝ॑ දුන්දු॒භ්යා॑ය චාහන॒න්යා॑ය ච॒

නමෝ॑ ධෘ॒ෂ්ණවේ॑ ච ප්රමෘ॒ශාය॑ ච॒

නමෝ॑ දූ॒තාය॑ ච॒ ප්රහි॑තාය ච॒

නමෝ॑ නිෂ॒ඞ්ගිණේ॑ චේෂුධි॒මතේ॑ ච॒

නම॑ස්තී॒ක්ෂ්ණේෂ॑වේ චායු॒ධිනේ॑ ච॒

නමඃ॑ ස්වායු॒ධාය॑ ච සු॒ධන්ව॑නේ ච॒

නම॒-ස්ස්රුත්යා॑ය ච॒ පථ්යා॑ය ච॒

නමඃ॑ කා॒ට්යා॑ය ච නී॒ප්යා॑ය ච॒

නම॒-ස්සූද්යා॑ය ච සර॒ස්යා॑ය ච॒

නමෝ॑ නා॒ද්යාය॑ ච වෛශ॒න්තාය॑ ච॒

නමඃ॒ කූප්යා॑ය චාව॒ට්යා॑ය ච॒

නමෝ॒ වර්​ෂ්යා॑ය චාව॒ර්​ෂ්යාය॑ ච॒

නමෝ॑ මේ॒ඝ්යා॑ය ච විද්යු॒ත්යා॑ය ච॒

නම ඊ॒ධ්රියා॑ය චාත॒ප්යා॑ය ච॒

නමෝ॒ වාත්යා॑ය ච॒ රේෂ්මි॑යාය ච॒

නමෝ॑ වාස්ත॒ව්යා॑ය ච වාස්තු॒පාය॑ ච .. 7 ..

නම॒-ස්සෝමා॑ය ච රු॒ද්රාය॑ ච॒

නම॑ස්තා॒ම්රාය॑ චාරු॒ණාය॑ ච॒

නමඃ॑ ශ॒ඞ්ගාය॑ ච පශු॒පත॑යේ ච॒

නම॑ උ॒ග්රාය॑ ච භී॒මාය॑ ච॒

නමෝ॑ අග්රේව॒ධාය॑ ච දූරේව॒ධාය॑ ච॒

නමෝ॑ හ॒න්ත්රේ ච॒ හනී॑යසේ ච॒

නමෝ॑ වෘ॒ක්ෂේභ්යෝ॒ හරි॑කේශේභ්යෝ॒

නම॑ස්තා॒රාය॒

නම॑ශ්ශ॒ම්භවේ॑ ච මයෝ॒භවේ॑ ච॒

නමඃ॑ ශඞ්ක॒රාය॑ ච මයස්ක॒රාය॑ ච॒

නමඃ॑ ශි॒වාය॑ ච ශි॒වත॑රාය ච॒

නම॒ස්තීර්ථ්යා॑ය ච॒ කූල්යා॑ය ච॒

නමඃ॑ පා॒ර්යා॑ය චාවා॒ර්යා॑ය ච॒

නමඃ॑ ප්ර॒තර॑ණාය චෝ॒ත්තර॑ණාය ච॒

නම॑ ආතා॒ර්යා॑ය චාලා॒ද්යා॑ය ච॒

නම॒-ශ්ශෂ්ප්යා॑ය ච॒ ඵේන්යා॑ය ච॒

නමඃ॑ සික॒ත්යා॑ය ච ප්රවා॒හ්යා॑ය ච .. 8 ..

නම॑ ඉරි॒ණ්යා॑ය ච ප්රප॒ථ්යා॑ය ච॒

නමඃ॑ කිග්ංශි॒ලාය॑ ච॒ ක්ෂය॑ණාය ච॒

නමඃ॑ කප॒ර්දිනේ॑ ච පුල॒ස්තයේ॑ ච॒

නමෝ॒ ගෝෂ්ඨ්යා॑ය ච॒ ගෘහ්යා॑ය ච॒

නම॒ස්තල්ප්යා॑ය ච॒ ගේහ්යා॑ය ච॒

නමඃ॑ කා॒ට්යා॑ය ච ගහ්වරේ॒ෂ්ඨාය॑ ච॒

නමෝ᳚ හ්රද॒ය්යා॑ය ච නිවේ॒ෂ්ප්යා॑ය ච॒

නමඃ॑ පාග්ං ස॒ව්යා॑ය ච රජ॒ස්යා॑ය ච॒

නම॒-ශ්ශුෂ්ක්යා॑ය ච හරි॒ත්යා॑ය ච॒

නමෝ॒ ලෝප්යා॑ය චෝල॒ප්යා॑ය ච॒

නම॑ ඌ॒ර්ව්යා॑ය ච සූ॒ර්ම්යා॑ය ච॒

නමඃ॑ ප॒ර්ණ්යා॑ය ච පර්ණශ॒ද්යා॑ය ච॒

නමෝ॑-(අ)පගු॒රමා॑ණාය චාභිඝ්න॒තේ ච॒

නම॑ ආඛ්ඛිද॒තේ ච॑ ප්රඛ්ඛිද॒තේ ච॒

නමෝ॑ වඃ කිරි॒කේභ්යෝ॑ දේ॒වානා॒ග්॒ම්॒ හෘද॑යේභ්යෝ॒

නමෝ॑ වික්ෂීණ॒කේභ්යෝ॒ නමෝ॑ විචින්ව॒ත්කේභ්යෝ॒

නම॑ ආනිර් හ॒තේභ්යෝ॒ නම॑ ආමීව॒ත්කේභ්යඃ॑ .. 9 ..

ද්රාපේ॒ අන්ධ॑සස්පතේ॒ දරි॑ද්ර॒න්නීල॑ලෝහිත .

ඒ॒ෂා-ම්පුරු॑ෂාණාමේ॒ෂා-ම්ප॑ශූ॒නා-ම්මා භේර්මා-(අ)රෝ॒ මෝ ඒ॑ෂා॒-ඞ්කිඤ්ච॒නාම॑මත් .

යා තේ॑ රුද්ර ශි॒වා ත॒නූ-ශ්ශි॒වා වි॒ශ්වාහ॑භේෂජී .

ශි॒වා රු॒ද්රස්ය॑ භේෂ॒ජී තයා॑ නෝ මෘඩ ජී॒වසේ᳚ ..

ඉ॒මාග්ං රු॒ද්රාය॑ ත॒වසේ॑ කප॒ර්දිනේ᳚ ක්ෂ॒යද්වී॑රාය॒ ප්රභ॑රාමහේ ම॒තිම් .

යථා॑ න॒ශ්ශමස॑ද්ද්වි॒පදේ॒ චතු॑ෂ්පදේ॒ විශ්ව॑-ම්පු॒ෂ්ට-ඞ්ග්රාමේ॑ අ॒ස්මින්නනා॑තුරම් .

මෘ॒ඩා නෝ॑ රුද්රෝ॒ත නෝ॒ මය॑ස්කෘධි ක්ෂ॒යද්වී॑රාය॒ නම॑සා විධේම තේ .

යච්ඡ-ඤ්ච॒ යෝශ්ච॒ මනු॑රාය॒ජේ පි॒තා තද॑ශ්යාම॒ තව॑ රුද්ර॒ ප්රණී॑තෞ .

මා නෝ॑ ම॒හාන්ත॑මු॒ත මා නෝ॑ අර්භ॒ක-ම්මා න॒ උක්ෂ॑න්තමු॒ත මා න॑ උක්ෂි॒තම් .

මා නෝ॑-(අ)වධීඃ පි॒තර॒-ම්මෝත මා॒තර॑-ම්ප්රි॒යා මා න॑ස්ත॒නුවෝ॑ රුද්ර රීරිෂඃ .

මා න॑ස්තෝ॒කේ තන॑යේ॒ මා න॒ ආයු॑ෂි॒ මා නෝ॒ ගෝෂු॒ මා නෝ॒ අශ්වේ॑ෂු රීරිෂඃ .

වී॒රාන්මා නෝ॑ රුද්ර භාමි॒තෝ-(අ)ව॑ධීර්​හ॒විෂ්මං॑තෝ॒ නම॑සා විධේම තේ .

ආ॒රාත්තේ॑ ගෝ॒ඝ්න උ॒ත පූ॑රුෂ॒ඝ්නේ ක්ෂ॒යද්වී॑රාය සු॒ම්නම॒ස්මේ තේ॑ අස්තු .

රක්ෂා॑ ච නෝ॒ අධි॑ ච දේව බ්රූ॒හ්යධා॑ ච න॒-ශ්ශර්ම॑ යච්ඡ ද්වි॒බර්​හාඃ᳚ .

ස්තු॒හි ශ්රු॒ත-ඞ්ග॑ර්ත॒සදං॒-යුँවා॑න-ම්මෘ॒ගන්න භී॒මමු॑පහ॒ත්නුමු॒ග්රම් .

මෘ॒ඩා ජ॑රි॒ත්රේ රු॑ද්ර॒ ස්තවා॑නෝ අ॒න්යන්තේ॑ අ॒ස්මන්නිව॑පන්තු॒ සේනාඃ᳚ .

පරි॑ණෝ රු॒ද්රස්ය॑ හේ॒තිර්වෘ॑ණක්තු॒ පරි॑ ත්වේ॒ෂස්ය॑ දුර්ම॒ති ර॑ඝා॒යෝඃ .

අව॑ ස්ථි॒රා ම॒ඝව॑ද්භ්ය-ස්තනුෂ්ව॒ මීඪ්ව॑ස්තෝ॒කාය॒ තන॑යාය මෘඩය .

මීඪු॑ෂ්ටම॒ ශිව॑තම ශි॒වෝ නඃ॑ සු॒මනා॑ භව .

ප॒ර॒මේ වෘ॒ක්ෂ ආයු॑ධන්නි॒ධාය॒ කෘත්තිං॒-වँසා॑න॒ ආච॑ර॒ පිනා॑ක॒-ම්බිභ්ර॒දාග॑හි .

විකි॑රිද॒ විලෝ॑හිත॒ නම॑ස්තේ අස්තු භගවඃ .

යාස්තේ॑ ස॒හස්රග්ං॑ හේ॒තයෝ॒න්යම॒ස්මන්නිව॑පන්තු॒ තාඃ .

ස॒හස්රා॑ණි සහස්ර॒ධා බා॑හු॒වෝස්තව॑ හේ॒තයඃ॑ .

තාසා॒මීශා॑නෝ භගවඃ පරා॒චීනා॒ මුඛා॑ කෘධි .. 10 ..

ස॒හස්රා॑ණි සහස්ර॒ශෝ යේ රු॒ද්රා අධි॒ භූම්යා᳚ම් .

තේෂාග්ං॑ සහස්රයෝජ॒නේ-(අ)ව॒ධන්වා॑නි තන්මසි .

අ॒ස්මින්ම॑හ॒ත්ය॑ර්ණ॒වේ᳚-(අ)න්තරි॑ක්ෂේ භ॒වා අධි॑ .

නීල॑ග්රීවා-ශ්ශිති॒කණ්ඨා᳚-ශ්ශ॒ර්වා අ॒ධඃ, ක්ෂ॑මාච॒රාඃ .

නීල॑ග්රීවා-ශ්ශිති॒කණ්ඨා॒ දිවග්ං॑ රු॒ද්රා උප॑ශ්රිතාඃ .

යේ වෘ॒ක්ෂේෂු॑ ස॒ස්පිඤ්ජ॑රා॒ නීල॑ග්රීවා॒ විලෝ॑හිතාඃ .

යේ භූ॒තානා॒මධි॑පතයෝ විශි॒ඛාසඃ॑ කප॒ර්දිනඃ॑ .

යේ අන්නේ॑ෂු වි॒විධ්ය॑න්ති॒ පාත්රේ॑ෂු॒ පිබ॑තෝ॒ ජනාන්॑ .

යේ ප॒ථා-ම්ප॑ථි॒රක්ෂ॑ය ඓලබෘ॒දා॑ ය॒ව්යුධඃ॑ .

යේ තී॒ර්ථානි॑ ප්ර॒චර॑න්ති සෘ॒කාව॑න්තෝ නිෂ॒ඞ්ගිණඃ॑ .

ය ඒ॒තාව॑න්තශ්ච॒ භූයාග්ං॑සශ්ච॒ දිශෝ॑ රු॒ද්රා වි॑තස්ථි॒රේ .

තේෂාග්ං॑ සහස්රයෝජ॒නේ-(අ)ව॒ධන්වා॑නි තන්මසි .

නමෝ॑ රු॒ධ්රේභ්යෝ॒ යේ පෘ॑ථි॒ව්යාං-යේँ᳚-(අ)න්තරි॑ක්ෂේ॒ යේ දි॒වි යේෂා॒මන්නං॒-වාँතෝ॑ ව॒ර්​ෂ॒මිෂ॑ව॒ස්තේභ්යෝ॒ දශ॒ ප්රාචී॒ර්දශ॑ දක්ෂි॒ණා දශ॑ ප්ර॒තීචී॒-ර්දශෝ-දී॑චී॒-ර්දශෝ॒ර්ධ්වාස්තේභ්යෝ॒ නම॒ස්තේ නෝ॑ මෘඩයන්තු॒ තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වෝँ॒ ජම්භේ॑ දධාමි .. 11 ..

ත්ර්ය॑ම්බකං-යँජාමහේ සුග॒න්ධි-ම්පු॑ෂ්ටි॒වර්ධ॑නම් .

උ॒ර්වා॒රු॒කමි॑ව॒ බන්ධ॑නාන්මෘ॒ත්යෝර්මු॑ක්ෂීය॒ මා-(අ)මෘතා᳚ත් .

යෝ රු॒ද්රෝ අ॒ග්නෞ යෝ අ॒ප්සු ය ඕෂ॑ධීෂු॒ යෝ රු॒ද්රෝ විශ්වා॒ භුව॑නා වි॒වේශ॒ තස්මෛ॑ රු॒ද්රාය॒ නමෝ॑ අස්තු .

තමු॑ ෂ්ටුහි॒ ය-ස්ස්වි॒ෂුස්සු॒ධන්වා॒ යෝ විශ්ව॑ස්ය॒ ක්ෂය॑ති භේෂ॒ජස්ය॑ .

යක්ෂ්වා᳚ම॒හේ සෞ᳚මන॒සාය॑ රු॒ද්ර-න්නමෝ᳚භිර්දේ॒වමසු॑ර-න්දුවස්ය .

අ॒ය-ම්මේ॒ හස්තෝ॒ භග॑වාන॒ය-ම්මේ॒ භග॑වත්තරඃ .

අ॒ය-ම්මේ᳚ වි॒ශ්වභේ᳚ෂජෝ॒-(අ)යග්ං ශි॒වාභි॑මර්​ශනඃ .

යේ තේ॑ ස॒හස්ර॑ම॒යුත॒-ම්පාශා॒ මෘත්යෝ॒ මර්ත්යා॑ය॒ හන්ත॑වේ .

තාන් ය॒ජ්ඤස්ය॑ මා॒යයා॒ සර්වා॒නව॑ යජාමහේ .

මෘ॒ත්යවේ॒ ස්වාහා॑ මෘ॒ත්යවේ॒ ස්වාහා᳚ .

ඕ-න්නමෝ භගවතේ රුද්රාය විෂ්ණවේ මෘත්යු॑ර්මේ පා॒හි ..

ප්රාණානා-ඞ්ග්රන්ථිරසි රුද්රෝ මා॑ විශා॒න්තකඃ .

තේනාන්නේනා᳚ප්යාය॒ස්ව ..

නමෝ රුද්රාය විෂ්ණවේ මෘත්යු॑ර්මේ පා॒හි ..

සදාශි॒වෝම් .

ඕං ශාන්ති॒-ශ්ශාන්ති॒-ශ්ශාන්තිඃ॑ .