Sri Rudram Namakam

shrI rudraM namakam

shloka 1

kRRiShNa yajurvedIya taittirIya saMhitA

chaturthaM-vai.Nshvadeva-NkANDa-mpanchamaH prapAThakaH

o-nnamo bhagavate' rudrA_ya ||

nama'ste rudra ma_nyava' u_tota_ iSha've_ namaH' |

nama'ste astu_ dhanva'ne bA_hubhyA'mu_ta te_ namaH' ||

yA ta_ iShuH' shi_vata'mA shi_va-mba_bhUva' te_ dhanuH' |

shi_vA sha'ra_vyA' yA tava_ tayA' no rudra mRRiDaya |

yA te' rudra shi_vA ta_nUragho_rA-.apA'pakAshinI |

tayA' nasta_nuvA_ shanta'mayA_ giri'shantA_bhichA'kashIhi ||

yAmiShu'-~Ngirishanta_ haste_ bibha_r​Shyasta've |

shi_vA-Ngi'ritra_ tA-Nku'ru_ mA higM'sIH_ puru'Sha_-~njaga't||

shi_vena_ vacha'sA tvA_ giri_shAchChA' vadAmasi |

yathA' na_-ssarva_mijjaga'daya_kShmagM su_manA_ asa't ||

adhya'vochadadhiva_ktA pra'tha_mo daivyo' bhi_Shak |

ahIg'shcha_ sarvA᳚~nja_mbhaya_n-thsarvA᳚shcha yAtudhA_nyaH' ||

a_sau yastA_mro a'ru_Na u_ta ba_bhrussu'ma_~NgalaH' |

ye che_mAgM ru_drA a_bhito' di_kShu shri_tA-ssa'hasra_sho-.avai'ShA_gM_ heDa' Imahe ||

a_sau yo'-.ava_sarpa'ti_ nIla'grIvo_ vilo'hitaH |

u_taina'-~Ngo_pA a'dRRisha_nnadRRi'shannudahA_ryaH' |

u_tainaM_-vi.NshvA' bhU_tAni_ sa dRRi_ShTo mRRi'DayAti naH ||

namo' astu_ nIla'grIvAya sahasrA_kShAya' mI_DhuShe᳚ |

atho_ ye a'sya_ satvA'no_-.aha-ntebhyo'-.akara_nnamaH' ||

pramu'~ncha_ dhanva'na_stvamu_bhayo_rArtni' yo_rjyAm |

yAshcha' te_ hasta_ iSha'vaH_ parA_ tA bha'gavo vapa ||

a_va_tatya_ dhanu_stvagM saha'srAkSha_ shate'Shudhe |

ni_shIrya' sha_lyAnA_-mmukhA' shi_vo naH' su_manA' bhava ||

vijya_-ndhanuH' kapa_rdino_ visha'lyo_ bANa'vAgM u_ta |

ane'shanna_syeSha'va A_bhura'sya niSha_~NgathiH' ||

yA te' he_tirmI'DuShTama_ haste' ba_bhUva' te_ dhanuH' |

tayA_-.asmAn, vi_shvata_stvama'ya_kShmayA_ pari'bbhuja ||

nama'ste a_stvAyu'dhA_yAnA'tatAya dhRRi_ShNave᳚ |

u_bhAbhyA'mu_ta te_ namo' bA_hubhyA_-ntava_ dhanva'ne ||

pari' te_ dhanva'no he_tira_smAn vRRi'Naktu vi_shvataH' |

atho_ ya i'Shu_dhistavA_re a_smannidhe'hi_ tam || 1 ||

shrI shambha've_ namaH' ||

nama'ste astu bhagavan-vishveshva_rAya' mahAde_vAya' tryamba_kAya' tripurAnta_kAya' trikAgnikA_lAya' kAlAgniru_drAya' nIlaka_NThAya' mRRityunja_yAya' sarveshva_rAya' sadAshi_vAya' [shaNka_rAya'] shrIma-nmahAde_vAya_ namaH' |

namo_ hira'Nya bAhave senA_nye' di_shA-~ncha_ pata'ye_ namo_

namo' vRRi_kShebhyo_ hari'keshebhyaH pashU_nA-mpata'ye_ namo_

namaH' sa_spi~nja'rAya_ tviShI'mate pathI_nA-mpata'ye_ namo_

namo' babhlu_shAya' vivyA_dhine-.annA'nA_-mpata'ye_ namo_

namo_ hari'keshAyopavI_tine' pu_ShTAnA_-mpata'ye_ namo_

namo' bha_vasya' he_tyai jaga'tA_-mpata'ye_ namo_

namo' ru_drAyA'tatA_vine_ kShetrA'NA_-mpata'ye_ namo_

nama'ssU_tAyAha'ntyAya_ vanA'nA_-mpata'ye_ namo_

namo_ rohi'tAya stha_pata'ye vRRi_kShANA_-mpata'ye_ namo_

namo' ma_ntriNe' vANi_jAya_ kakShA'NA_-mpata'ye_ namo_

namo' bhuva_ntaye' vArivaskRRi_tA-yauSha'dhInA_-mpata'ye_ namo_

nama' u_chchairgho'ShAyAkra_ndaya'te pattI_nA-mpata'ye_ namo_

namaH' kRRitsnavI_tAya_ dhAva'te_ sattva'nA_-mpata'ye_ namaH' || 2 ||

nama_-ssaha'mAnAya nivyA_dhina' AvyA_dhinI'nA_-mpata'ye_ namo_

namaH' kaku_bhAya' niSha_~NgiNe᳚ ste_nAnA_-mpata'ye_ namo_

namo' niSha_~NgiNa' iShudhi_mate_ taska'rANA_-mpata'ye_ namo_

namo_ vancha'te pari_vancha'te stAyU_nA-mpata'ye_ namo_

namo' niche_rave' paricha_rAyAra'NyAnA_-mpata'ye_ namo_

namaH' sRRikA_vibhyo_ jighAgM'sadbhyo muShNa_tA-mpata'ye_ namo_

namo'-.asi_madbhyo_ nakta_~nchara'dbhyaH prakRRi_ntAnA_-mpata'ye_ namo_

nama' uShNI_ShiNe' giricha_rAya' kulu_~nchAnA_-mpata'ye_ namo_

nama_ iShu'madbhyo dhanvA_vibhya'shcha vo_ namo_

nama' Atan-vA_nebhyaH' prati_dadhA'nebhyashcha vo_ namo_

nama' A_yachCha'dbhyo visRRi_jadbhya'shcha vo_ namo_

namo-.asya'dbhyo_ vidya'dbhyashcha vo_ namo_

nama_ AsI'nebhya_-shshayA'nebhyashcha vo_ namo_

namaH' sva_padbhyo_ jAgra'dbhyashcha vo_ namo_

nama_stiShTha'dbhyo_ dhAva'dbhyashcha vo_ namo_

namaH' sa_bhAbhyaH' sa_bhApa'tibhyashcha vo_ namo_

namo_ ashve_bhyo-.ashva'patibhyashcha vo_ namaH' || 3 ||

nama' AvyA_dhinI᳚bhyo vi_vidhya'ntIbhyashcha vo_ namo_

nama_ uga'NAbhyastRRigM-ha_tIbhya'shcha vo_ namo_

namo' gRRi_tsebhyo' gRRi_tsapa'tibhyashcha vo_ namo_

namo_ vrAte᳚bhyo_ vrAta'patibhyashcha vo_ namo_

namo' ga_Nebhyo' ga_Napa'tibhyashcha vo_ namo_

namo_ virU'pebhyo vi_shvarU'pebhyashcha vo_ namo_

namo' maha_dbhyaH', kShulla_kebhya'shcha vo_ namo_

namo' ra_thibhyo'-.ara_thebhya'shcha vo_ namo_

namo_ rathe᳚bhyo_ ratha'patibhyashcha vo_ namo_

nama_-ssenA᳚bhya-ssenA_nibhya'shcha vo_ namo_

namaH', kSha_ttRRibhyaH' sa~NgrahI_tRRibhya'shcha vo_ namo_

nama_stakSha'bhyo rathakA_rebhya'shcha vo_ namo_

namaH_ kulA'lebhyaH ka_rmAre᳚bhyashcha vo_ namo_

namaH' pu_~njiShTe᳚bhyo niShA_debhya'shcha vo_ namo_

nama' iShu_kRRidbhyo' dhanva_kRRidbhya'shcha vo_ namo_

namo' mRRiga_yubhyaH' shva_nibhya'shcha vo_ namo_

nama_-shshvabhya_-shshvapa'tibhyashcha vo_ namaH' || 4 ||

namo' bha_vAya' cha ru_drAya' cha_

namaH' sha_rvAya' cha pashu_pata'ye cha_

namo_ nIla'grIvAya cha shiti_kaNThA'ya cha_

namaH' kapa_rdine' cha_ vyu'ptakeshAya cha_

namaH' sahasrA_kShAya' cha sha_tadha'nvane cha_

namo' giri_shAya' cha shipivi_ShTAya' cha_

namo' mI_DhuShTa'mAya_ cheShu'mate cha_

namo᳚ hra_svAya' cha vAma_nAya' cha_

namo' bRRiha_te cha_ var​ShI'yase cha_

namo' vRRi_ddhAya' cha saM_​vRRi.Ndhva'ne cha_

namo_ agri'yAya cha pratha_mAya' cha_

nama' A_shave' chAji_rAya' cha_

nama_-shshIghri'yAya cha_ shIbhyA'ya cha_

nama' U_rmyA'ya chAvasva_nyA'ya cha_

namaH' srota_syA'ya cha_ dvIpyA'ya cha || 5 ||

namo᳚ jye_ShThAya' cha kani_ShThAya' cha_

namaH' pUrva_jAya' chApara_jAya' cha_

namo' madhya_mAya' chApaga_lbhAya' cha_

namo' jagha_nyA'ya cha_ budhni'yAya cha_

namaH' so_bhyA'ya cha pratisa_ryA'ya cha_

namo_ yAmyA'ya cha_ kShemyA'ya cha_

nama' urva_ryA'ya cha_ khalyA'ya cha_

nama_-shshlokyA'ya chA-.avasA_nyA'ya cha_

namo_ vanyA'ya cha_ kakShyA'ya cha_

namaH' shra_vAya' cha pratishra_vAya' cha_

nama' A_shuShe'NAya chA_shura'thAya cha_

nama_-shshUrA'ya chAvabhinda_te cha_

namo' va_rmiNe' cha varU_thine' cha_

namo' bi_lmine' cha kava_chine' cha_

namaH' shru_tAya' cha shrutase_nAya' cha || 6 ||

namo' dundu_bhyA'ya chAhana_nyA'ya cha_

namo' dhRRi_ShNave' cha pramRRi_shAya' cha_

namo' dU_tAya' cha_ prahi'tAya cha_

namo' niSha_~NgiNe' cheShudhi_mate' cha_

nama'stI_kShNeSha've chAyu_dhine' cha_

namaH' svAyu_dhAya' cha su_dhanva'ne cha_

nama_-ssrutyA'ya cha_ pathyA'ya cha_

namaH' kA_TyA'ya cha nI_pyA'ya cha_

nama_-ssUdyA'ya cha sara_syA'ya cha_

namo' nA_dyAya' cha vaisha_ntAya' cha_

namaH_ kUpyA'ya chAva_TyA'ya cha_

namo_ var​ShyA'ya chAva_r​ShyAya' cha_

namo' me_ghyA'ya cha vidyu_tyA'ya cha_

nama I_dhriyA'ya chAta_pyA'ya cha_

namo_ vAtyA'ya cha_ reShmi'yAya cha_

namo' vAsta_vyA'ya cha vAstu_pAya' cha || 7 ||

nama_-ssomA'ya cha ru_drAya' cha_

nama'stA_mrAya' chAru_NAya' cha_

namaH' sha_~NgAya' cha pashu_pata'ye cha_

nama' u_grAya' cha bhI_mAya' cha_

namo' agreva_dhAya' cha dUreva_dhAya' cha_

namo' ha_ntre cha_ hanI'yase cha_

namo' vRRi_kShebhyo_ hari'keshebhyo_

nama'stA_rAya_

nama'shsha_mbhave' cha mayo_bhave' cha_

namaH' sha~Nka_rAya' cha mayaska_rAya' cha_

namaH' shi_vAya' cha shi_vata'rAya cha_

nama_stIrthyA'ya cha_ kUlyA'ya cha_

namaH' pA_ryA'ya chAvA_ryA'ya cha_

namaH' pra_tara'NAya cho_ttara'NAya cha_

nama' AtA_ryA'ya chAlA_dyA'ya cha_

nama_-shshaShpyA'ya cha_ phenyA'ya cha_

namaH' sika_tyA'ya cha pravA_hyA'ya cha || 8 ||

nama' iri_NyA'ya cha prapa_thyA'ya cha_

namaH' kigMshi_lAya' cha_ kShaya'NAya cha_

namaH' kapa_rdine' cha pula_staye' cha_

namo_ goShThyA'ya cha_ gRRihyA'ya cha_

nama_stalpyA'ya cha_ gehyA'ya cha_

namaH' kA_TyA'ya cha gahvare_ShThAya' cha_

namo᳚ hrada_yyA'ya cha nive_ShpyA'ya cha_

namaH' pAgM sa_vyA'ya cha raja_syA'ya cha_

nama_-shshuShkyA'ya cha hari_tyA'ya cha_

namo_ lopyA'ya chola_pyA'ya cha_

nama' U_rvyA'ya cha sU_rmyA'ya cha_

namaH' pa_rNyA'ya cha parNasha_dyA'ya cha_

namo'-.apagu_ramA'NAya chAbhighna_te cha_

nama' Akhkhida_te cha' prakhkhida_te cha_

namo' vaH kiri_kebhyo' de_vAnA_g_m_ hRRida'yebhyo_

namo' vikShINa_kebhyo_ namo' vichinva_tkebhyo_

nama' Anir ha_tebhyo_ nama' AmIva_tkebhyaH' || 9 ||

drApe_ andha'saspate_ dari'dra_nnIla'lohita |

e_ShA-mpuru'ShANAme_ShA-mpa'shU_nA-mmA bhermA-.aro_ mo e'ShA_-Nkincha_nAma'mat |

yA te' rudra shi_vA ta_nU-shshi_vA vi_shvAha'bheShajI |

shi_vA ru_drasya' bheSha_jI tayA' no mRRiDa jI_vase᳚ ||

i_mAgM ru_drAya' ta_vase' kapa_rdine᳚ kSha_yadvI'rAya_ prabha'rAmahe ma_tim |

yathA' na_shshamasa'ddvi_pade_ chatu'Shpade_ vishva'-mpu_ShTa-~NgrAme' a_sminnanA'turam |

mRRi_DA no' rudro_ta no_ maya'skRRidhi kSha_yadvI'rAya_ nama'sA vidhema te |

yachCha-~ncha_ yoshcha_ manu'rAya_je pi_tA tada'shyAma_ tava' rudra_ praNI'tau |

mA no' ma_hAnta'mu_ta mA no' arbha_ka-mmA na_ ukSha'ntamu_ta mA na' ukShi_tam |

mA no'-.avadhIH pi_tara_-mmota mA_tara'-mpri_yA mA na'sta_nuvo' rudra rIriShaH |

mA na'sto_ke tana'ye_ mA na_ Ayu'Shi_ mA no_ goShu_ mA no_ ashve'Shu rIriShaH |

vI_rAnmA no' rudra bhAmi_to-.ava'dhIr​ha_viShmaM'to_ nama'sA vidhema te |

A_rAtte' go_ghna u_ta pU'ruSha_ghne kSha_yadvI'rAya su_mnama_sme te' astu |

rakShA' cha no_ adhi' cha deva brU_hyadhA' cha na_-shsharma' yachCha dvi_bar​hAH᳚ |

stu_hi shru_ta-~Nga'rta_sadaM_-yu.NvA'na-mmRRi_ganna bhI_mamu'paha_tnumu_gram |

mRRi_DA ja'ri_tre ru'dra_ stavA'no a_nyante' a_smanniva'pantu_ senAH᳚ |

pari'No ru_drasya' he_tirvRRi'Naktu_ pari' tve_Shasya' durma_ti ra'ghA_yoH |

ava' sthi_rA ma_ghava'dbhya-stanuShva_ mIDhva'sto_kAya_ tana'yAya mRRiDaya |

mIDhu'ShTama_ shiva'tama shi_vo naH' su_manA' bhava |

pa_ra_me vRRi_kSha Ayu'dhanni_dhAya_ kRRittiM_-va.NsA'na_ Acha'ra_ pinA'ka_-mbibhra_dAga'hi |

viki'rida_ vilo'hita_ nama'ste astu bhagavaH |

yAste' sa_hasragM' he_tayo_nyama_smanniva'pantu_ tAH |

sa_hasrA'Ni sahasra_dhA bA'hu_vostava' he_tayaH' |

tAsA_mIshA'no bhagavaH parA_chInA_ mukhA' kRRidhi || 10 ||

sa_hasrA'Ni sahasra_sho ye ru_drA adhi_ bhUmyA᳚m |

teShAgM' sahasrayoja_ne-.ava_dhanvA'ni tanmasi |

a_sminma'ha_tya'rNa_ve᳚-.antari'kShe bha_vA adhi' |

nIla'grIvA-shshiti_kaNThA᳚-shsha_rvA a_dhaH, kSha'mAcha_rAH |

nIla'grIvA-shshiti_kaNThA_ divagM' ru_drA upa'shritAH |

ye vRRi_kSheShu' sa_spi~nja'rA_ nIla'grIvA_ vilo'hitAH |

ye bhU_tAnA_madhi'patayo vishi_khAsaH' kapa_rdinaH' |

ye anne'Shu vi_vidhya'nti_ pAtre'Shu_ piba'to_ janAn' |

ye pa_thA-mpa'thi_rakSha'ya ailabRRi_dA' ya_vyudhaH' |

ye tI_rthAni' pra_chara'nti sRRi_kAva'nto niSha_~NgiNaH' |

ya e_tAva'ntashcha_ bhUyAgM'sashcha_ disho' ru_drA vi'tasthi_re |

teShAgM' sahasrayoja_ne-.ava_dhanvA'ni tanmasi |

namo' ru_dhrebhyo_ ye pRRi'thi_vyAM-ye.N᳚-.antari'kShe_ ye di_vi yeShA_mannaM_-vA.Nto' va_r​Sha_miSha'va_stebhyo_ dasha_ prAchI_rdasha' dakShi_NA dasha' pra_tIchI_-rdasho-dI'chI_-rdasho_rdhvAstebhyo_ nama_ste no' mRRiDayantu_ te ya-ndvi_Shmo yashcha' no_ dveShTi_ taM-vo.N_ jambhe' dadhAmi || 11 ||

trya'mbakaM-ya.NjAmahe suga_ndhi-mpu'ShTi_vardha'nam |

u_rvA_ru_kami'va_ bandha'nAnmRRi_tyormu'kShIya_ mA-.amRRitA᳚t |

yo ru_dro a_gnau yo a_psu ya oSha'dhIShu_ yo ru_dro vishvA_ bhuva'nA vi_vesha_ tasmai' ru_drAya_ namo' astu |

tamu' ShTuhi_ ya-ssvi_Shussu_dhanvA_ yo vishva'sya_ kShaya'ti bheSha_jasya' |

yakShvA᳚ma_he sau᳚mana_sAya' ru_dra-nnamo᳚bhirde_vamasu'ra-nduvasya |

a_ya-mme_ hasto_ bhaga'vAna_ya-mme_ bhaga'vattaraH |

a_ya-mme᳚ vi_shvabhe᳚Shajo_-.ayagM shi_vAbhi'mar​shanaH |

ye te' sa_hasra'ma_yuta_-mpAshA_ mRRityo_ martyA'ya_ hanta've |

tAn ya_j~nasya' mA_yayA_ sarvA_nava' yajAmahe |

mRRi_tyave_ svAhA' mRRi_tyave_ svAhA᳚ |

o-nnamo bhagavate rudrAya viShNave mRRityu'rme pA_hi ||

prANAnA-~Ngranthirasi rudro mA' vishA_ntakaH |

tenAnnenA᳚pyAya_sva ||

namo rudrAya viShNave mRRityu'rme pA_hi ||

sadAshi_vom |

OM shAnti_-shshAnti_-shshAntiH' |