Sri Maha Kali Stotram

ශ්රී මහාකාලී ස්තෝත්රං

ශ්ලොක 1

ධ්යානම්

ශවාරූඪාං මහාභීමාං ඝෝරදංෂ්ට්රාං වරප්රදාං

හාස්යයුක්තාං ත්රිණේත්රාඤ්ච කපාල කර්ත්රිකා කරාම් .

මුක්තකේශීං ලලජ්ජිහ්වාං පිබන්තීං රුධිරං මුහුඃ

චතුර්බාහුයුතාං දේවීං වරාභයකරාං ස්මරේත් ..

ශවාරූඪාං මහාභීමාං ඝෝරදංෂ්ට්රාං හසන්මුඛීං

චතුර්භුජාං ඛඩ්ගමුණ්ඩවරාභයකරාං ශිවාම් .

මුණ්ඩමාලාධරාං දේවීං ලලජ්ජිහ්වාං දිගම්බරාං

ඒවං සඤ්චින්තයේත්කාලීං ශ්මශනාලයවාසිනීම් ..

ස්තෝත්රම්

විශ්වේශ්වරීං ජගද්ධාත්රීං ස්ථිතිසංහාරකාරිණීම් .

නිද්රාං භගවතීං විෂ්ණෝරතුලාං තේජසඃ ප්රභාම් .. 1 ..

ත්වං ස්වාහා ත්වං ස්වධා ත්වං හි වෂට්කාරඃ ස්වරාත්මිකා .

සුධා ත්වමක්ෂරේ නිත්යේ ත්රිධා මාත්රාත්මිකා ස්ථිතා .. 2 ..

අර්ථමාත්රාස්ථිතා නිත්යා යානුච්චාර්යා විශේෂතඃ .

ත්වමේව සන්ධ්යා සාවිත්රී ත්වං දේවී ජනනී පරා .. 3 ..

ත්වයෛතද්ධාර්යතේ විශ්වං ත්වයෛතද්සෘජ්යතේ ජගත් .

ත්වයෛතත්පාල්යතේ දේවි ත්වමත්ස්යන්තේ ච සර්වදා .. 4 ..

විසෘෂ්ටෞ සෘෂ්ටිරූපා ත්වං ස්ථිතිරූපා ච පාලනේ .

තථා සංහෘතිරූපාන්තේ ජගතෝ(අ)ස්ය ජගන්මයේ .. 5 ..

මහාවිද්යා මහාමායා මහාමේධා මහාස්මෘතිඃ .

මහාමෝහා ච භවතී මහාදේවී මහේශ්වරී .. 6 ..

ප්රකෘතිස්ත්වං ච සර්වස්ය ගුණත්රයවිභාවිනී .

කාලරාත්රිර්මහාරාත්රිර්මෝහරාත්රිශ්ච දාරුණා .. 7 ..

ත්වං ශ්රීස්ත්වමීශ්වරී ත්වං හ්රීස්ත්වං බුද්ධිර්බෝධලක්ෂණා .

ලජ්ජා පුෂ්ටිස්තථා තුෂ්ටිස්ත්වං ශාන්තිඃ ක්ෂාන්තිරේව ච .. 8 ..

ඛඩ්ගිනී ශූලිනී ඝෝරා ගදිනී චක්රිණී තථා .

ශඞ්ඛිනී චාපිනී බාණභුශුණ්ඩීපරිඝායුධා .. 9 ..

සෞම්යා සෞම්යතරාශේෂා සෞම්යේභ්යස්ත්වතිසුන්දරී .

පරාපරාණාං පරමා ත්වමේව පරමේශ්වරී .. 10 ..

යච්ච කිඤ්චිත් ක්වචිද්වස්තු සදසද්වාඛිලාත්මිකේ .

තස්ය සර්වස්ය යා ශක්තිඃ සා ත්වං කිං ස්තූයසේ තදා .. 11 ..

යයා ත්වයා ජගත්ස්රෂ්ටා ජගත්පාත්යත්ති යෝ ජගත් .

සෝ(අ)පි නිද්රාවශං නීතඃ කස්ත්වාං ස්තෝතුමිහේශ්වරඃ .. 12 ..

විෂ්ණුඃ ශරීරග්රහණමහමීශාන ඒව ච .

කාරිතාස්තේ යතෝ(අ)තස්ත්වාං කඃ ස්තෝතුං ශක්තිමාන් භවේත් .. 13 ..

සා ත්වමිත්ථං ප්රභාවෛඃ ස්වෛරුදාරෛර්දේවි සංස්තුතා .

මෝහයෛතෞ දුරාධර්ෂාවසුරෞ මධුකෛටභෞ .. 14 ..

ප්රබෝධං ච ජගත්ස්වාමී නීයතාමච්යුතෝ ලඝු .

බෝධශ්ච ක්රියතාමස්ය හන්තුමේතෞ මහාසුරෞ .. 15 ..

ඉති ශ්රී මහාකාලී ස්තෝත්රම් .