Sri Maha Kali Stotram

shrI mahAkAlI stotraM

shloka 1

dhyAnam

shavArUDhAM mahAbhImAM ghoradaMShTrAM varapradAM

hAsyayuktAM triNetrA~ncha kapAla kartrikA karAm |

muktakeshIM lalajjihvAM pibantIM rudhiraM muhuH

chaturbAhuyutAM devIM varAbhayakarAM smaret ||

shavArUDhAM mahAbhImAM ghoradaMShTrAM hasanmukhIM

chaturbhujAM khaDgamuNDavarAbhayakarAM shivAm |

muNDamAlAdharAM devIM lalajjihvAM digambarAM

evaM sa~nchintayetkAlIM shmashanAlayavAsinIm ||

stotram

vishveshvarIM jagaddhAtrIM sthitisaMhArakAriNIm |

nidrAM bhagavatIM viShNoratulAM tejasaH prabhAm || 1 ||

tvaM svAhA tvaM svadhA tvaM hi vaShaTkAraH svarAtmikA |

sudhA tvamakShare nitye tridhA mAtrAtmikA sthitA || 2 ||

arthamAtrAsthitA nityA yAnuchchAryA visheShataH |

tvameva sandhyA sAvitrI tvaM devI jananI parA || 3 ||

tvayaitaddhAryate vishvaM tvayaitadsRRijyate jagat |

tvayaitatpAlyate devi tvamatsyante cha sarvadA || 4 ||

visRRiShTau sRRiShTirUpA tvaM sthitirUpA cha pAlane |

tathA saMhRRitirUpAnte jagato.asya jaganmaye || 5 ||

mahAvidyA mahAmAyA mahAmedhA mahAsmRRitiH |

mahAmohA cha bhavatI mahAdevI maheshvarI || 6 ||

prakRRitistvaM cha sarvasya guNatrayavibhAvinI |

kAlarAtrirmahArAtrirmoharAtrishcha dAruNA || 7 ||

tvaM shrIstvamIshvarI tvaM hrIstvaM buddhirbodhalakShaNA |

lajjA puShTistathA tuShTistvaM shAntiH kShAntireva cha || 8 ||

khaDginI shUlinI ghorA gadinI chakriNI tathA |

sha~NkhinI chApinI bANabhushuNDIparighAyudhA || 9 ||

saumyA saumyatarAsheShA saumyebhyastvatisundarI |

parAparANAM paramA tvameva parameshvarI || 10 ||

yachcha ki~nchit kvachidvastu sadasadvAkhilAtmike |

tasya sarvasya yA shaktiH sA tvaM kiM stUyase tadA || 11 ||

yayA tvayA jagatsraShTA jagatpAtyatti yo jagat |

so.api nidrAvashaM nItaH kastvAM stotumiheshvaraH || 12 ||

viShNuH sharIragrahaNamahamIshAna eva cha |

kAritAste yato.atastvAM kaH stotuM shaktimAn bhavet || 13 ||

sA tvamitthaM prabhAvaiH svairudArairdevi saMstutA |

mohayaitau durAdharShAvasurau madhukaiTabhau || 14 ||

prabodhaM cha jagatsvAmI nIyatAmachyuto laghu |

bodhashcha kriyatAmasya hantumetau mahAsurau || 15 ||

iti shrI mahAkAlI stotram |