Sri Lalitha Trishati Stotram

shrI lalitA trishati stotram

shloka 1

asya shrIlalitA trishatIstotra mahAmantrasya, bhagavAn hayagrIva RRiShiH, anuShTup ChandaH, shrIlalitAmahAtripurasundarI devatA, aiM bIjaM, sauH shaktiH, klIM kIlakaM, mama chaturvidhapuruShArthaphalasiddhyarthe jape viniyogaH |

aimityAdibhira~NganyAsakaranyAsAH kAryAH |

dhyAnam |

atimadhurachApahastA-

-maparimitAmodabANasaubhAgyAm |

aruNAmatishayakaruNA-

-mabhinavakulasundarIM vande |

shrI hayagrIva uvAcha |

kakArarUpA kalyANI kalyANaguNashAlinI |

kalyANashailanilayA kamanIyA kalAvatI || 1 ||

kamalAkShI kalmaShaghnI karuNAmRRitasAgarA |

kadambakAnanAvAsA kadambakusumapriyA || 2 ||

kandarpavidyA kandarpajanakApA~NgavIkShaNA |

karpUravITisaurabhyakallolitakakuptaTA || 3 ||

kalidoShaharA ka~njalochanA kamravigrahA |

karmAdisAkShiNI kArayitrI karmaphalapradA || 4 ||

ekArarUpA chaikAkSharyekAnekAkSharAkRRitiH |

etattadityanirdeshyA chaikAnandachidAkRRitiH || 5 ||

evamityAgamAbodhyA chaikabhaktimadarchitA |

ekAgrachittanirdhyAtA chaiShaNArahitAdRRitA || 6 ||

elAsugandhichikurA chainaHkUTavinAshinI |

ekabhogA chaikarasA chaikaishvaryapradAyinI || 7 ||

ekAtapatrasAmrAjyapradA chaikAntapUjitA |

edhamAnaprabhA chaijadanekajagadIshvarI || 8 ||

ekavIrAdisaMsevyA chaikaprAbhavashAlinI |

IkArarUpA cheshitrI chepsitArthapradAyinI || 9 ||

IdRRigityavinirdeshyA cheshvaratvavidhAyinI |

IshAnAdibrahmamayI cheshitvAdyaShTasiddhidA || 10 ||

IkShitrIkShaNasRRiShTANDakoTirIshvaravallabhA |

IDitA cheshvarArdhA~NgasharIreshAdhidevatA || 11 ||

IshvarapreraNakarI cheshatANDavasAkShiNI |

Ishvarotsa~NganilayA chetibAdhAvinAshinI || 12 ||

IhAvirahitA cheshashaktirIShatsmitAnanA |

lakArarUpA lalitA lakShmIvANIniShevitA || 13 ||

lAkinI lalanArUpA lasaddADimapATalA |

lalantikAlasatphAlA lalATanayanArchitA || 14 ||

lakShaNojjvaladivyA~NgI lakShakoTyaNDanAyikA |

lakShyArthA lakShaNAgamyA labdhakAmA latAtanuH || 15 ||

lalAmarAjadalikA lambimuktAlatA~nchitA |

lambodaraprasUrlabhyA lajjADhyA layavarjitA || 16 ||

hrIM{}kArarUpA hrIM{}kAranilayA hrIM{}padapriyA |

hrIM{}kArabIjA hrIM{}kAramantrA hrIM{}kAralakShaNA || 17 ||

hrIM{}kArajapasuprItA hrIM{}matI hrIM{}vibhUShaNA |

hrIM{}shIlA hrIM{}padArAdhyA hrIM{}garbhA hrIM{}padAbhidhA || 18 ||

hrIM{}kAravAchyA hrIM{}kArapUjyA hrIM{}kArapIThikA |

hrIM{}kAravedyA hrIM{}kArachintyA hrIM hrIM{}sharIriNI || 19 ||

hakArarUpA haladhRRikpUjitA hariNekShaNA |

harapriyA harArAdhyA haribrahmendravanditA || 20 ||

hayArUDhAsevitA~NghrirhayamedhasamarchitA |

haryakShavAhanA haMsavAhanA hatadAnavA || 21 ||

hatyAdipApashamanI haridashvAdisevitA |

hastikumbhottuNgakuchA hastikRRittipriyANganA || 22 ||

haridrAku~NkumAdigdhA haryashvAdyamarArchitA |

harikeshasakhI hAdividyA hAlAmadAlasA || 23 ||

sakArarUpA sarvajnA sarveshI sarvamaNgalA |

sarvakartrI sarvabhartrI sarvahantrI sanAtanA || 24 ||

sarvAnavadyA sarvA~NgasundarI sarvasAkShiNI |

sarvAtmikA sarvasaukhyadAtrI sarvavimohinI || 25 ||

sarvAdhArA sarvagatA sarvAvaguNavarjitA |

sarvAruNA sarvamAtA sarvabhUShaNabhUShitA || 26 ||

kakArArthA kAlahantrI kAmeshI kAmitArthadA |

kAmasa~njIvanI kalyA kaThinastanamaNDalA || 27 ||

karabhorUH kalAnAthamukhI kachajitAmbudA |

kaTAkShasyandikaruNA kapAliprANanAyikA || 28 ||

kAruNyavigrahA kAntA kAntidhUtajapAvaliH |

kalAlApA kambukaNThI karanirjitapallavA || 29 ||

kalpavallIsamabhujA kastUrItilakA~nchitA |

hakArArthA haMsagatirhATakAbharaNojjvalA || 30 ||

hArahArikuchAbhogA hAkinI halyavarjitA |

haritpatisamArAdhyA haThAtkArahatAsurA || 31 ||

harShapradA havirbhoktrI hArdasantamasApahA |

hallIsalAsyasantuShTA haMsamantrArtharUpiNI || 32 ||

hAnopAdAnanirmuktA harShiNI harisodarI |

hAhAhUhUmukhastutyA hAnivRRiddhivivarjitA || 33 ||

hayya~NgavInahRRidayA harigopAruNAMshukA |

lakArAkhyA latApUjyA layasthityudbhaveshvarI || 34 ||

lAsyadarshanasantuShTA lAbhAlAbhavivarjitA |

laNghyetarAjnA lAvaNyashAlinI laghusiddhidA || 35 ||

lAkShArasasavarNAbhA lakShmaNAgrajapUjitA |

labhyetarA labdhabhaktisulabhA lA~NgalAyudhA || 36 ||

lagnachAmarahastashrIshAradAparivIjitA |

lajjApadasamArAdhyA lampaTA lakuleshvarI || 37 ||

labdhamAnA labdharasA labdhasampatsamunnatiH |

hrIM{}kAriNI hrIM{}kArAdyA hrIM{}madhyA hrIM{}shikhAmaNiH || 38 ||

hrIM{}kArakuNDAgnishikhA hrIM{}kArashashichandrikA |

hrIM{}kArabhAskararuchirhrIM{}kArAmbhodacha~nchalA || 39 ||

hrIM{}kArakandA~NkurikA hrIM{}kAraikaparAyaNA |

hrIM{}kAradIrghikAhaMsI hrIM{}kArodyAnakekinI || 40 ||

hrIM{}kArAraNyahariNI hrIM{}kArAvAlavallarI |

hrIM{}kArapanjarashukI hrIM{}kArANgaNadIpikA || 41 ||

hrIM{}kArakandarAsiMhI hrIM{}kArAmbhojabhRRi~NgikA |

hrIM{}kArasumanomAdhvI hrIM{}kArataruma~njarI || 42 ||

sakArAkhyA samarasA sakalAgamasaMstutA |

sarvavedAntatAtparyabhUmiH sadasadAshrayA || 43 ||

sakalA sachchidAnandA sAdhyA sadgatidAyinI |

sanakAdimunidhyeyA sadAshivakuTumbinI || 44 ||

sakAlAdhiShThAnarUpA satyarUpA samAkRRitiH |

sarvaprapa~nchanirmAtrI samanAdhikavarjitA || 45 ||

sarvottuNgA saNgahInA saguNA sakaleShTadA |

kakAriNI kAvyalolA kAmeshvaramanoharA || 46 ||

kAmeshvaraprANanADI kAmeshotsa~NgavAsinI |

kAmeshvarAliNgitANgI kAmeshvarasukhapradA || 47 ||

kAmeshvarapraNayinI kAmeshvaravilAsinI |

kAmeshvaratapaHsiddhiH kAmeshvaramanaHpriyA || 48 ||

kAmeshvaraprANanAthA kAmeshvaravimohinI |

kAmeshvarabrahmavidyA kAmeshvaragRRiheshvarI || 49 ||

kAmeshvarAhlAdakarI kAmeshvaramaheshvarI |

kAmeshvarI kAmakoTinilayA kA~NkShitArthadA || 50 ||

lakAriNI labdharUpA labdhadhIrlabdhavA~nChitA |

labdhapApamanodUrA labdhAha~NkAradurgamA || 51 ||

labdhashaktirlabdhadehA labdhaishvaryasamunnatiH |

labdhavRRiddhirlabdhalIlA labdhayauvanashAlinI || 52 ||

labdhAtishayasarvA~NgasaundaryA labdhavibhramA |

labdharAgA labdhapatirlabdhanAnAgamasthitiH || 53 ||

labdhabhogA labdhasukhA labdhaharShAbhipUritA |

hrIM{}kAramUrtirhrIM{}kArasaudhashRRi~NgakapotikA || 54 ||

hrIM{}kAradugdhAbdhisudhA hrIM{}kArakamalendirA |

hrIM{}kAramaNidIpArchirhrIM{}kAratarushArikA || 55 ||

hrIM{}kArapeTakamaNirhrIM{}kArAdarshabimbitA |

hrIM{}kArakoshAsilatA hrIM{}kArAsthAnanartakI || 56 ||

hrIM{}kArashuktikAmuktAmaNirhrIM{}kArabodhitA |

hrIM{}kAramayasauvarNastambhavidrumaputrikA || 57 ||

hrIM{}kAravedopaniShad hrIM{}kArAdhvaradakShiNA |

hrIM{}kAranandanArAmanavakalpakavallarI || 58 ||

hrIM{}kArahimavadga~NgA hrIM{}kArArNavakaustubhA |

hrIM{}kAramantrasarvasvA hrIM{}kAraparasaukhyadA || 59 ||

uttarapIThikA (phalashRRitiH)

hayagrIva uvAcha |

ityevaM te mayAkhyAtaM devyA nAmashatatrayam |

rahasyAtirahasyatvAdgopanIyaM tvayA mune || 1 ||

shivavarNAni nAmAni shrIdevyA kathitAni hi |

shaktyakSharANi nAmAni kAmeshakathitAni cha || 2 ||

ubhayAkSharanAmAni hyubhAbhyAM kathitAni vai |

tadanyairgrathitaM stotrametasya sadRRishaM kimu || 3 ||

nAnena sadRRishaM stotraM shrIdevIprItidAyakam |

lokatraye.api kalyANaM sambhavennAtra saMshayaH || 4 ||

sUta uvAcha |

iti hayamukhagItaM stotrarAjaM nishamya

pragalitakaluSho.abhUchchittaparyAptimetya |

nijagurumatha natvA kumbhajanmA taduktaM

punaradhikarahasyaM j~nAtumevaM jagAda || 5 ||

agastya uvAcha |

ashvAnana mahAbhAga rahasyamapi me vada |

shivavarNAni kAnyatra shaktivarNAni kAni hi || 6 ||

ubhayorapi varNAni kAni vA vada deshika |

iti pRRiShTaH kumbhajena hayagrIvo.avadatpunaH || 7 ||

hayagrIva uvAcha |

tava gopyaM kimastIha sAkShAdambAnushAsanAt |

idaM tvatirahasyaM te vakShyAmi shRRiNu kumbhaja || 8 ||

etadvij~nAnamAtreNa shrIvidyA siddhidA bhavet |

katrayaM hadvayaM chaiva shaivo bhAgaH prakIrtitaH || 9 ||

shaktyakSharANi sheShANi hrI~NkAra ubhayAtmakaH |

evaM vibhAgamaj~nAtvA ye vidyAjapashAlinaH || 10 ||

na teShAM siddhidA vidyA kalpakoTishatairapi |

chaturbhiH shivachakraishcha shaktichakraishcha pa~nchabhiH || 11 ||

navachakraishcha saMsiddhaM shrIchakraM shivayorvapuH |

trikoNamaShTakoNaM cha dashakoNadvayaM tathA || 12 ||

chaturdashAraM chaitAni shaktichakrANi pa~ncha cha |

bindushchAShTadalaM padmaM padmaM ShoDashapatrakam || 13 ||

chaturashraM cha chatvAri shivachakrANyanukramAt |

trikoNe baindavaM shliShTaM aShTAre.aShTadalAmbujam || 14 ||

dashArayoH ShoDashAraM bhUgRRihaM bhuvanAshrake |

shaivAnAmapi shAktAnAM chakrANAM cha parasparam || 15 ||

avinAbhAvasambandhaM yo jAnAti sa chakravit |

trikoNarUpiNI shaktirbindurUpaparaH shivaH || 16 ||

avinAbhAvasambandhaM tasmAdbindutrikoNayoH |

evaM vibhAgamaj~nAtvA shrIchakraM yaH samarchayet || 17 ||

na tatphalamavApnoti lalitAmbA na tuShyati |

ye cha jAnanti loke.asmin shrIvidyAchakravedinaH || 18 ||

sAmanyavedinaH sarve visheShaj~no.atidurlabhaH |

svayaMvidyAvisheShajno visheShajnaM samarchayet || 19 ||

tasmai deyaM tato grAhyamashaktastasya dApayet |

andhaM tamaH pravishanti ye.avidyAM samupAsate || 20 ||

iti shrutirapAhaitAnavidyopAsakAnpunaH |

vidyAnyopAsakAneva nindatyAruNikI shrutiH || 21 ||

ashrutA sashrutAsashcha yajvAno ye.apyayajvanaH |

svaryanto nApekShante indramagniM cha ye viduH || 22 ||

sikatA iva saMyanti rashmibhiH samudIritAH |

asmAllokAdamuShmAchchetyAha chAraNyakashrutiH || 23 ||

yasya no pashchimaM janma yadi vA sha~NkaraH svayam |

tenaiva labhyate vidyA shrImatpa~nchadashAkSharI || 24 ||

iti mantreShu bahudhA vidyAyA mahimochyate |

mokShaikahetuvidyA tu shrIvidyA nAtra saMshayaH || 25 ||

na shilpAdij~nAnayukte vidvachChabdhaH prayujyate |

mokShaikahetuvidyA sA shrIvidyaiva na saMshayaH || 26 ||

tasmAdvidyAvidevAtra vidvAnvidvAnitIryate |

svayaM vidyAvide dadyAtkhyApayettadguNAnsudhIH || 27 ||

svayaMvidyArahasyaj~no vidyAmAhAtmyavedyapi |

vidyAvidaM nArchayechchetko vA taM pUjayejjanaH || 28 ||

prasa~NgAdidamuktaM te prakRRitaM shRRiNu kumbhaja |

yaH kIrtayetsakRRidbhaktyA divyanAmashatatrayam || 29 ||

tasya puNyamahaM vakShye shRRiNu tvaM kumbhasambhava |

rahasyanAmasAhasrapAThe yatphalamIritam || 30 ||

tatphalaM koTiguNitamekanAmajapAdbhavet |

kAmeshvarIkAmeshAbhyAM kRRitaM nAmashatatrayam || 31 ||

nAnyena tulayedetat stotreNAnyakRRitena cha |

shriyaH paramparA yasya bhAvi vA chottarottaram || 32 ||

tenaiva labhyate chaitatpashchAchChreyaH parIkShayet |

asyA nAmnAM trishatyAstu mahimA kena varNyate || 33 ||

yA svayaM shivayorvaktrapadmAbhyAM pariniHsRRitA |

nityaM ShoDashasa~NkhyAkAnviprAnAdau tu bhojayet || 34 ||

abhyaktAMstilatailena snAtAnuShNena vAriNA |

abhyarchya gandhapuShpAdyaiH kAmeshvaryAdinAmabhiH || 35 ||

sUpApUpaiH sharkarAdyaiH pAyasaiH phalasaMyutaiH |

vidyAvido visheSheNa bhojayetShoDasha dvijAn || 36 ||

evaM nityArchanaM kuryAdAdau brAhmaNabhojanam |

trishatInAmabhiH pashchAdbrAhmaNAnkramasho.archayet || 37 ||

tailAbhya~NgAdikaM datvA vibhave sati bhaktitaH |

shuklapratipadArabhya paurNamAsyavadhi kramAt || 38 ||

divase divase viprA bhojyA viMshatisa~NkhyayA |

dashabhiH pa~nchabhirvApi tribhirekena vA dinaiH || 39 ||

triMshatShaShTiH shataM viprAH sambhojyAstrishataM kramAt |

evaM yaH kurute bhaktyA janmamadhye sakRRinnaraH || 40 ||

tasyaiva saphalaM janma muktistasya kare sthirA |

rahasyanAmasAhasrabhojane.apyevameva hi || 41 ||

Adau nityabaliM kuryAtpashchAdbrAhmaNabhojanam |

rahasyanAmasAhasramahimA yo mayoditaH || 42 ||

sa shIkarANuratnaikanAmno mahimavAridheH |

vAgdevIrachite nAmasAhasre yadyadIritam || 43 ||

tatphalaM koTiguNitaM nAmno.apyekasya kIrtanAt |

etadanyairjapaiH stotrairarchanairyatphalaM bhavet || 44 ||

tatphalaM koTiguNitaM bhavennAmashatatrayAt |

vAgdevIrachite stotre tAdRRisho mahimA yadi || 45 ||

sAkShAtkAmeshakAmeshIkRRite.asmingRRihyatAmiti |

sakRRitsa~NkIrtanAdeva nAmnAmasmin shatatraye || 46 ||

bhavechchittasya paryAptirnyUnamanyAnapekShiNI |

na j~nAtavyamito.apyanyatra japtavyaM cha kumbhaja || 47 ||

yadyatsAdhyatamaM kAryaM tattadarthamidaM japet |

tattatphalamavApnoti pashchAtkAryaM parIkShayet || 48 ||

ye ye prayogAstantreShu taistairyatsAdhyate phalam |

tatsarvaM sidhyati kShipraM nAmatrishatakIrtanAt || 49 ||

AyuShkaraM puShTikaraM putradaM vashyakArakam |

vidyApradaM kIrtikaraM sukavitvapradAyakam || 50 ||

sarvasampatpradaM sarvabhogadaM sarvasaukhyadam |

sarvAbhIShTapradaM chaiva devyA nAmashatatrayam || 51 ||

etajjapaparo bhUyAnnAnyadichChetkadAchana |

etatkIrtanasantuShTA shrIdevI lalitAmbikA || 52 ||

bhaktasya yadyadiShTaM syAttattatpUrayate dhruvam |

tasmAtkumbhodbhava mune kIrtaya tvamidaM sadA || 53 ||

nAparaM ki~nchidapi te boddhavyamavashiShyate |

iti te kathitaM stotraM lalitAprItidAyakam || 54 ||

nAvidyAvedine brUyAnnAbhaktAya kadAchana |

na shaThAya na duShTAya nAvishvAsAya karhichit || 56 ||

yo brUyAttrishatIM nAmnAM tasyAnartho mahAnbhavet |

ityAjnA shANkarI proktA tasmAdgopyamidaM tvayA || 57 ||

lalitApreritenaiva mayoktaM stotramuttamam |

rahasyanAmasAhasrAdapi gopyamidaM mune || 58 ||

sUta uvAcha |

evamuktvA hayagrIvaH kumbhajaM tApasottamam |

stotreNAnena lalitAM stutvA tripurasundarIm |

AnandalaharImagnamAnasaH samavartata || 59 ||

iti brahmANDapurANe uttarakhaNDe hayagrIvAgastyasaMvAde lalitopAkhyAne stotrakhaNDe shrIlalitAtrishatIstotraratnam |