Sri Kamakshi Stotram

ଶ୍ରୀ କାମାକ୍ଷୀ ସ୍ତୋତ୍ରମ୍

ଶ୍ଲୋକ 1

କଲ୍ପାନୋକହପୁଷ୍ପଜାଲଵିଲସନ୍ନୀଲାଲକାଂ ମାତୃକାଂ

କାନ୍ତାଂ କଞ୍ଜଦଲେକ୍ଷଣାଂ କଲିମଲପ୍ରଧ୍ଵଂସିନୀଂ କାଲିକାମ୍ ।

କାଞ୍ଚୀନୂପୁରହାରଦାମସୁଭଗାଂ କାଞ୍ଚୀପୁରୀନାଯିକାଂ

କାମାକ୍ଷୀଂ କରିକୁମ୍ଭସନ୍ନିଭକୁଚାଂ ଵନ୍ଦେ ମହେଶପ୍ରିଯାମ୍

ଶ୍ଲୋକ 2

କାଶାଭାଂ ଶୁକଭାସୁରାଂ ପ୍ରଵିଲସତ୍କୋଶାତକୀ ସନ୍ନିଭାଂ

ଚନ୍ଦ୍ରାର୍କାନଲଲୋଚନାଂ ସୁରୁଚିରାଲଙ୍କାରଭୂଷୋଜ୍ଜ୍ଵଲାମ୍ ।

ବ୍ରହ୍ମଶ୍ରୀପତିଵାସଵାଦିମୁନିଭିଃ ସଂସେଵିତାଙ୍ଘ୍ରିଦ୍ଵଯାଂ

କାମାକ୍ଷୀଂ ଗଜରାଜମନ୍ଦଗମନାଂ ଵନ୍ଦେ ମହେଶପ୍ରିଯାମ୍

॥ 1 ॥

ଶ୍ଲୋକ 3

ଐଂ କ୍ଲୀଂ ସୌରିତି ଯାଂ ଵଦନ୍ତି ମୁନଯସ୍ତତ୍ତ୍ଵାର୍ଥରୂପାଂ ପରାଂ

ଵାଚାମାଦିମକାରଣଂ ହୃଦି ସଦା ଧ୍ଯାଯନ୍ତି ଯାଂ ଯୋଗିନଃ ।

ବାଲାଂ ଫାଲଵିଲୋଚନାଂ ନଵଜପାଵର୍ଣାଂ ସୁଷୁମ୍ନାଶ୍ରିତାଂ

କାମାକ୍ଷୀଂ କଲିତାଵତଂସସୁଭଗାଂ ଵନ୍ଦେ ମହେଶପ୍ରିଯାମ୍

॥ 2 ॥

ଶ୍ଲୋକ 4

ଯତ୍ପାଦାମ୍ବୁଜରେଣୁଲେଶମନିଶଂ ଲବ୍ଧ୍ଵା ଵିଧତ୍ତେ ଵିଧି-

-ର୍ଵିଶ୍ଵଂ ତତ୍ପରିପାତି ଵିଷ୍ଣୁରଖିଲଂ ଯସ୍ଯାଃ ପ୍ରସାଦାଚ୍ଚିରମ୍ ।

ରୁଦ୍ରଃ ସଂହରତି କ୍ଷଣାତ୍ତଦଖିଲଂ ଯନ୍ମାଯଯା ମୋହିତଃ

କାମାକ୍ଷୀମତିଚିତ୍ରଚାରୁଚରିତାଂ ଵନ୍ଦେ ମହେଶପ୍ରିଯାମ୍

॥ 3 ॥

ଶ୍ଲୋକ 5

ସୂକ୍ଷ୍ମାତ୍ସୂକ୍ଷ୍ମତରାଂ ସୁଲକ୍ଷିତତନୁଂ କ୍ଷାନ୍ତାକ୍ଷରୈର୍ଲକ୍ଷିତାଂ

ଵୀକ୍ଷାଶିକ୍ଷିତରାକ୍ଷସାଂ ତ୍ରିଭୁଵନକ୍ଷେମଙ୍କରୀମକ୍ଷଯାମ୍ ।

ସାକ୍ଷାଲ୍ଲକ୍ଷଣଲକ୍ଷିତାକ୍ଷରମଯୀଂ ଦାକ୍ଷାଯଣୀଂ ସାକ୍ଷିଣୀଂ

କାମାକ୍ଷୀଂ ଶୁଭଲକ୍ଷଣୈଃ ସୁଲଲିତାଂ ଵନ୍ଦେ ମହେଶପ୍ରିଯାମ୍

॥ 4 ॥

ଶ୍ଲୋକ 6

ଓଙ୍କାରାଙ୍ଗଣଦୀପିକାମୁପନିଷତ୍ପ୍ରାସାଦପାରାଵତୀଂ

ଆମ୍ନାଯାମ୍ବୁଧିଚନ୍ଦ୍ରିକାମଘତମଃପ୍ରଧ୍ଵଂସହଂସପ୍ରଭାମ୍ ।

କାଞ୍ଚୀପଟ୍ଟଣପଞ୍ଜରାନ୍ତରଶୁକୀଂ କାରୁଣ୍ଯକଲ୍ଲୋଲିନୀଂ

କାମାକ୍ଷୀଂ ଶିଵକାମରାଜମହିଷୀଂ ଵନ୍ଦେ ମହେଶପ୍ରିଯାମ୍

॥ 5 ॥

ଶ୍ଲୋକ 7

ହ୍ରୀଙ୍କାରାତ୍ମକଵର୍ଣମାତ୍ରପଠନାଦୈନ୍ଦ୍ରୀଂ ଶ୍ରିଯଂ ତନ୍ଵତୀଂ

ଚିନ୍ମାତ୍ରାଂ ଭୁଵନେଶ୍ଵରୀମନୁଦିନଂ ଭିକ୍ଷାପ୍ରଦାନକ୍ଷମାମ୍ ।

ଵିଶ୍ଵାଘୌଘନିଵାରିଣୀଂ ଵିମଲିନୀଂ ଵିଶ୍ଵମ୍ଭରାଂ ମାତୃକାଂ

କାମାକ୍ଷୀଂ ପରିପୂର୍ଣଚନ୍ଦ୍ରଵଦନାଂ ଵନ୍ଦେ ମହେଶପ୍ରିଯାମ୍

॥ 6 ॥

ଶ୍ଲୋକ 8

ଵାଗ୍ଦେଵୀତି ଚ ଯାଂ ଵଦନ୍ତି ମୁନଯଃ କ୍ଷୀରାବ୍ଧିକନ୍ଯେତି ଚ

କ୍ଷୋଣୀଭୃତ୍ତନଯେତି ଚ ଶ୍ରୁତିଗିରୋ ଯାଂ ଆମନନ୍ତି ସ୍ଫୁଟମ୍ ।

ଏକାନେକଫଲପ୍ରଦାଂ ବହୁଵିଧାଽଽକାରାସ୍ତନୂସ୍ତନ୍ଵତୀଂ

କାମାକ୍ଷୀଂ ସକଲାର୍ତିଭଞ୍ଜନପରାଂ ଵନ୍ଦେ ମହେଶପ୍ରିଯାମ୍

॥ 7 ॥

ଶ୍ଲୋକ 9

ମାଯାମାଦିମକାରଣଂ ତ୍ରିଜଗତାମାରାଧିତାଙ୍ଘ୍ରିଦ୍ଵଯାଂ

ଆନନ୍ଦାମୃତଵାରିରାଶିନିଲଯାଂ ଵିଦ୍ଯାଂ ଵିପଶ୍ଚିଦ୍ଧିଯାମ୍ ।

ମାଯାମାନୁଷରୂପିଣୀଂ ମଣିଲସନ୍ମଧ୍ଯାଂ ମହାମାତୃକାଂ

କାମାକ୍ଷୀଂ କରିରାଜମନ୍ଦଗମନାଂ ଵନ୍ଦେ ମହେଶପ୍ରିଯାମ୍

॥ 8 ॥

ଶ୍ଲୋକ 10

କାନ୍ତା କାମଦୁଘା କରୀନ୍ଦ୍ରଗମନା କାମାରିଵାମାଙ୍କଗା

କଲ୍ଯାଣୀ କଲିତାଵତାରସୁଭଗା କସ୍ତୂରିକାଚର୍ଚିତା

କମ୍ପାତୀରରସାଲମୂଲନିଲଯା କାରୁଣ୍ଯକଲ୍ଲୋଲିନୀ

କଲ୍ଯାଣାନି କରୋତୁ ମେ ଭଗଵତୀ କାଞ୍ଚୀପୁରୀଦେଵତା

॥ 9 ॥

ଶ୍ଲୋକ 11

ଇତି ଶ୍ରୀ କାମାକ୍ଷୀ ସ୍ତୋତ୍ରମ୍ ।