ଶ୍ରୀ କାଲିକା ସହସ୍ର ନାମ ସ୍ତୋତ୍ରମ୍

ଶ୍ରୀ ଶିଵ ଉଵାଚ ।

କଥିତୋଽଯଂ ମହାମନ୍ତ୍ରଃ ସର୍ଵମନ୍ତ୍ରୋତ୍ତମୋତ୍ତମଃ ।

ଯାମାସାଦ୍ଯ ମଯା ପ୍ରାପ୍ତମୈଶ୍ଵର୍ଯପଦମୁତ୍ତମମ୍ ॥ 1 ॥

ସଂଯୁକ୍ତଃ ପରଯା ଭକ୍ତ୍ଯା ଯଥୋକ୍ତ ଵିଧିନା ଭଵାନ୍ ।

କୁରୁତାମର୍ଚନଂ ଦେଵ୍ଯାସ୍ତ୍ରୈଲୋକ୍ଯଵିଜିଗୀଷଯା ॥ 2 ॥

ଶ୍ରୀପରଶୁରାମ ଉଵାଚ ।

ପ୍ରସନ୍ନୋ ଯଦି ମେ ଦେଵ ପରମେଶ ପୁରାତନ ।

ରହସ୍ଯଂ ପରମଂ ଦେଵ୍ଯାଃ କୃପଯା କଥଯ ପ୍ରଭୋ ॥ 3 ॥

ଵିନାର୍ଚନଂ ଵିନା ହୋମଂ ଵିନା ନ୍ଯାସଂ ଵିନା ବଲିମ୍ ।

ଵିନା ଗନ୍ଧଂ ଵିନା ପୁଷ୍ପଂ ଵିନା ନିତ୍ଯୋଦିତାଂ କ୍ରିଯାମ୍ ॥ 4 ॥

ପ୍ରାଣାଯାମଂ ଵିନା ଧ୍ଯାନଂ ଵିନା ଭୂତଵିଶୋଧନମ୍ ।

ଵିନା ଦାନଂ ଵିନା ଜାପଂ ଯେନ କାଲୀ ପ୍ରସୀଦତି ॥ 5 ॥

ଶ୍ରୀ ଶିଵ ଉଵାଚ ।

ପୃଷ୍ଟଂ ତ୍ଵଯୋତ୍ତମଂ ପ୍ରାଜ୍ଞ ଭୃଗୁଵଂଶ ସମୁଦ୍ଭଵ ।

ଭକ୍ତାନାମପି ଭକ୍ତୋଽସି ତ୍ଵମେଵ ସାଧଯିଷ୍ଯସି ॥ 6 ॥

ଦେଵୀଂ ଦାନଵକୋଟିଘ୍ନୀଂ ଲୀଲଯା ରୁଧିରପ୍ରିଯାମ୍ ।

ସଦା ସ୍ତୋତ୍ରପ୍ରିଯାମୁଗ୍ରାଂ କାମକୌତୁକଲାଲସାମ୍ ॥ 7 ॥

ସର୍ଵଦାଽଽନନ୍ଦହୃଦଯାମାସଵୋତ୍ସଵ ମାନସାମ୍ ।

ମାଧ୍ଵୀକ ମତ୍ସ୍ଯମାଂସାନୁରାଗିଣୀଂ ଵୈଷ୍ଣଵୀଂ ପରାମ୍ ॥ 8 ॥

ଶ୍ମଶାନଵାସିନୀଂ ପ୍ରେତଗଣନୃତ୍ଯମହୋତ୍ସଵାମ୍ ।

ଯୋଗପ୍ରଭାଵାଂ ଯୋଗେଶୀଂ ଯୋଗୀନ୍ଦ୍ରହୃଦଯସ୍ଥିତାମ୍ ॥ 9 ॥

ତାମୁଗ୍ରକାଲିକାଂ ରାମ ପ୍ରସୀଦଯିତୁମର୍ହସି ।

ତସ୍ଯାଃ ସ୍ତୋତ୍ରଂ ପରଂ ପୁଣ୍ଯଂ ସ୍ଵଯଂ କାଲ୍ଯା ପ୍ରକାଶିତମ୍ ॥ 10 ॥

ତଵ ତତ୍ କଥଯିଷ୍ଯାମି ଶ୍ରୁତ୍ଵା ଵତ୍ସାଵଧାରଯ ।

ଗୋପନୀଯଂ ପ୍ରଯତ୍ନେନ ପଠନୀଯଂ ପରାତ୍ପରମ୍ ॥ 11 ॥

ଯସ୍ଯୈକକାଲପଠନାତ୍ ସର୍ଵେ ଵିଘ୍ନାଃ ସମାକୁଲାଃ ।

ନଶ୍ଯନ୍ତି ଦହନେ ଦୀପ୍ତେ ପତଙ୍ଗା ଇଵ ସର୍ଵତଃ ॥ 12 ॥

ଗଦ୍ଯପଦ୍ଯମଯୀ ଵାଣୀ ତସ୍ଯ ଗଙ୍ଗାପ୍ରଵାହଵତ୍ ।

ତସ୍ଯ ଦର୍ଶନମାତ୍ରେଣ ଵାଦିନୋ ନିଷ୍ପ୍ରଭାଂ ଗତାଃ ॥ 13 ॥

ତସ୍ଯ ହସ୍ତେ ସଦୈଵାସ୍ତି ସର୍ଵସିଦ୍ଧିର୍ନ ସଂଶଯଃ ।

ରାଜାନୋଽପି ଚ ଦାସତ୍ଵଂ ଭଜନ୍ତେ କିଂ ପରେ ଜନାଃ ॥ 14 ॥

ନିଶୀଥେ ମୁକ୍ତକେଶସ୍ତୁ ନଗ୍ନଃ ଶକ୍ତିସମାହିତଃ ।

ମନସା ଚିନ୍ତଯେତ୍ କାଲୀଂ ମହାକାଲେନ ଚାଲିତାମ୍ ॥ 15 ॥

ପଠେତ୍ ସହସ୍ରନାମାଖ୍ଯଂ ସ୍ତୋତ୍ରଂ ମୋକ୍ଷସ୍ଯ ସାଧନମ୍ ।

ପ୍ରସନ୍ନା କାଲିକା ତସ୍ଯ ପୁତ୍ରତ୍ଵେନାନୁକମ୍ପତେ ॥ 16 ॥

ଯଥା ବ୍ରହ୍ମମୃତୈର୍ବ୍ରହ୍ମକୁସୁମୈଃ ପୂଜିତା ପରା ।

ପ୍ରସୀଦତି ତଥାନେନ ସ୍ତୁତା କାଲୀ ପ୍ରସୀଦତି ॥ 17 ॥

ଵିନିଯୋଗଃ –

ଅସ୍ଯ ଶ୍ରୀ ଦକ୍ଷିଣକାଲିକା ସହସ୍ରନାମ ସ୍ତୋତ୍ରସ୍ଯ ମହାକାଲଭୈରଵ ଋଷିଃ ଅନୁଷ୍ଟୁପ୍ ଛନ୍ଦଃ ଶ୍ମଶାନକାଲୀ ଦେଵତା ଧର୍ମାର୍ଥକାମମୋକ୍ଷାର୍ଥେ ପାଠେ ଵିନିଯୋଗଃ ।

ଧ୍ଯାନମ୍ –

ଶଵାରୂଢାଂ ମହାଭୀମାଂ ଘୋରଦଂଷ୍ଟ୍ରାଂ ହସନ୍ମୁଖୀଂ

ଚତୁର୍ଭୁଜାଂ ଖଡ୍ଗମୁଣ୍ଡଵରାଭଯକରାଂ ଶିଵାମ୍ ।

ମୁଣ୍ଡମାଲାଧରାଂ ଦେଵୀଂ ଲଲାଜ୍ଜିହ୍ଵାଂ ଦିଗମ୍ବରାଂ

ଏଵଂ ସଞ୍ଚିନ୍ତଯେତ୍କାଲୀଂ ଶ୍ମଶାନାଲଯଵାସିନୀମ୍ ॥

ସ୍ତୋତ୍ରମ୍ –

ଶ୍ମଶାନକାଲିକା କାଲୀ ଭଦ୍ରକାଲୀ କପାଲିନୀ ।

ଗୁହ୍ଯକାଲୀ ମହାକାଲୀ କୁରୁକୁଲ୍ଲା ଵିରୋଧିନୀ ॥ 1 ॥

କାଲିକା କାଲରାତ୍ରିଶ୍ଚ ମହାକାଲନିତମ୍ବିନୀ ।

କାଲଭୈରଵଭାର୍ଯା ଚ କୁଲଵର୍ତ୍ମପ୍ରକାଶିନୀ ॥ 2 ॥

କାମଦା କାମିନୀ କନ୍ଯା କମନୀଯସ୍ଵରୂପିଣୀ ।

କସ୍ତୂରୀରସଲିପ୍ତାଙ୍ଗୀ କୁଞ୍ଜରେଶ୍ଵରଗାମିନୀ ॥ 3 ॥

କକାରଵର୍ଣସର୍ଵାଙ୍ଗୀ କାମିନୀ କାମସୁନ୍ଦରୀ ।

କାମାର୍ତା କାମରୂପା ଚ କାମଧେନୁଃ କଲାଵତୀ ॥ 4 ॥

କାନ୍ତା କାମସ୍ଵରୂପା ଚ କାମାଖ୍ଯା କୁଲକାମିନୀ ।

କୁଲୀନା କୁଲଵତ୍ଯମ୍ବା ଦୁର୍ଗା ଦୁର୍ଗତିନାଶିନୀ ॥ 5 ॥

କୌମାରୀ କଲଜା କୃଷ୍ଣା କୃଷ୍ଣଦେହା କୃଶୋଦରୀ ।

କୃଶାଙ୍ଗୀ କୁଲିଶାଙ୍ଗୀ ଚ କ୍ରୀଙ୍କାରୀ କମଲା କଲା ॥ 6 ॥

କରାଲାସ୍ଯା କରାଲୀ ଚ କୁଲକାନ୍ତାଽପରାଜିତା ।

ଉଗ୍ରା ଉଗ୍ରପ୍ରଭା ଦୀପ୍ତା ଵିପ୍ରଚିତ୍ତା ମହାବଲା ॥ 7 ॥

ନୀଲା ଘନା ମେଘନାଦା ମାତ୍ରା ମୁଦ୍ରା ମିତାମିତା ।

ବ୍ରାହ୍ମୀ ନାରାଯଣୀ ଭଦ୍ରା ସୁଭଦ୍ରା ଭକ୍ତଵତ୍ସଲା ॥ 8 ॥

ମାହେଶ୍ଵରୀ ଚ ଚାମୁଣ୍ଡା ଵାରାହୀ ନାରସିଂହିକା ।

ଵଜ୍ରାଙ୍ଗୀ ଵଜ୍ରକଙ୍କାଲୀ ନୃମୁଣ୍ଡସ୍ରଗ୍ଵିଣୀ ଶିଵା ॥ 9 ॥

ମାଲିନୀ ନରମୁଣ୍ଡାଲୀ ଗଲଦ୍ରକ୍ତଵିଭୂଷଣା ।

ରକ୍ତଚନ୍ଦନସିକ୍ତାଙ୍ଗୀ ସିନ୍ଦୂରାରୁଣମସ୍ତକା ॥ 10 ॥

ଘୋରରୂପା ଘୋରଦଂଷ୍ଟ୍ରା ଘୋରାଘୋରତରା ଶୁଭା ।

ମହାଦଂଷ୍ଟ୍ରା ମହାମାଯା ସୁଦତୀ ଯୁଗଦନ୍ତୁରା ॥ 11 ॥

ସୁଲୋଚନା ଵିରୂପାକ୍ଷୀ ଵିଶାଲାକ୍ଷୀ ତ୍ରିଲୋଚନା ।

ଶାରଦେନ୍ଦୁପ୍ରସନ୍ନାସ୍ଯା ସ୍ଫୁରତ୍ସ୍ମେରାମ୍ବୁଜେକ୍ଷଣା ॥ 12 ॥

ଅଟ୍ଟହାସପ୍ରଫୁଲ୍ଲାସ୍ଯା ସ୍ମେରଵକ୍ତ୍ରା ସୁଭାଷିଣୀ ।

ପ୍ରଫୁଲ୍ଲପଦ୍ମଵଦନା ସ୍ମିତାସ୍ଯା ପ୍ରିଯଭାଷିଣୀ ॥ 13 ॥

କୋଟରାକ୍ଷୀ କୁଲଶ୍ରେଷ୍ଠା ମହତୀ ବହୁଭାଷିଣୀ ।

ସୁମତିଃ କୁମତିଶ୍ଚଣ୍ଡା ଚଣ୍ଡମୁଣ୍ଡାତିଵେଗିନୀ ॥ 14 ॥

ସୁକେଶୀ ମୁକ୍ତକେଶୀ ଚ ଦୀର୍ଘକେଶୀ ମହାକଚା ।

ପ୍ରେତଦେହାକର୍ଣପୂରା ପ୍ରେତପାଣିସୁମେଖଲା ॥ 15 ॥

ପ୍ରେତାସନା ପ୍ରିଯପ୍ରେତା ପୁଣ୍ଯଦା କୁଲପଣ୍ଡିତା ।

ପୁଣ୍ଯାଲଯା ପୁଣ୍ଯଦେହା ପୁଣ୍ଯଶ୍ଲୋକା ଚ ପାଵନୀ ॥ 16 ॥

ପୂତା ପଵିତ୍ରା ପରମା ପରା ପୁଣ୍ଯଵିଭୂଷଣା ।

ପୁଣ୍ଯନାମ୍ନୀ ଭୀତିହରା ଵରଦା ଖଡ୍ଗପାଣିନୀ ॥ 17 ॥

ନୃମୁଣ୍ଡହସ୍ତା ଶାନ୍ତା ଚ ଛିନ୍ନମସ୍ତା ସୁନାସିକା ।

ଦକ୍ଷିଣା ଶ୍ଯାମଲା ଶ୍ଯାମା ଶାନ୍ତା ପୀନୋନ୍ନତସ୍ତନୀ ॥ 18 ॥

ଦିଗମ୍ବରା ଘୋରରାଵା ସୃକ୍କାନ୍ତରକ୍ତଵାହିନୀ ।

ଘୋରରାଵା ଶିଵାସଙ୍ଗା ନିଃସଙ୍ଗା ମଦନାତୁରା ॥ 19 ॥

ମତ୍ତା ପ୍ରମତ୍ତା ମଦନା ସୁଧାସିନ୍ଧୁନିଵାସିନୀ ।

ଅତିମତ୍ତା ମହାମତ୍ତା ସର୍ଵାକର୍ଷଣକାରିଣୀ ॥ 20 ॥

ଗୀତପ୍ରିଯା ଵାଦ୍ଯରତା ପ୍ରେତନୃତ୍ଯପରାଯଣା ।

ଚତୁର୍ଭୁଜା ଦଶଭୁଜା ଅଷ୍ଟାଦଶଭୁଜା ତଥା ॥ 21 ॥

କାତ୍ଯାଯନୀ ଜଗନ୍ମାତା ଜଗତୀ ପରମେଶ୍ଵରୀ ।

ଜଗଦ୍ବନ୍ଧୁର୍ଜଗଦ୍ଧାତ୍ରୀ ଜଗଦାନନ୍ଦକାରିଣୀ ॥ 22 ॥

ଜଗଜ୍ଜୀଵଵତୀ ହୈମଵତୀ ମାଯା ମହାଲଯା ।

ନାଗଯଜ୍ଞୋପଵୀତାଙ୍ଗୀ ନାଗିନୀ ନାଗଶାଯିନୀ ॥ 23 ॥

ନାଗକନ୍ଯା ଦେଵକନ୍ଯା ଗାନ୍ଧାରୀ କିନ୍ନରୀ ସୁରୀ ।

ମୋହରାତ୍ରୀ ମହାରାତ୍ରୀ ଦାରୁଣାମାସୁରାସୁରୀ ॥ 24 ॥

ଵିଦ୍ଯାଧରୀ ଵସୁମତୀ ଯକ୍ଷିଣୀ ଯୋଗିନୀ ଜରା ।

ରାକ୍ଷସୀ ଡାକିନୀ ଵେଦମଯୀ ଵେଦଵିଭୂଷଣା ॥ 25 ॥

ଶ୍ରୁତିସ୍ମୃତିମହାଵିଦ୍ଯା ଗୁହ୍ଯଵିଦ୍ଯା ପୁରାତନୀ ।

ଚିନ୍ତ୍ଯାଽଚିନ୍ତ୍ଯା ସ୍ଵଧା ସ୍ଵାହା ନିଦ୍ରା ତନ୍ଦ୍ରା ଚ ପାର୍ଵତୀ ॥ 26 ॥

ଅପର୍ଣା ନିଶ୍ଚଲା ଲୋଲା ସର୍ଵଵିଦ୍ଯା ତପସ୍ଵିନୀ ।

ଗଙ୍ଗା କାଶୀ ଶଚୀ ସୀତା ସତୀ ସତ୍ଯପରାଯଣା ॥ 27 ॥

ନୀତିଃ ସୁନୀତିଃ ସୁରୁଚିସ୍ତୁଷ୍ଟିଃ ପୁଷ୍ଟିର୍ଧୃତିଃ କ୍ଷମା ।

ଵାଣୀ ବୁଦ୍ଧିର୍ମହାଲକ୍ଷ୍ମୀ ଲକ୍ଷ୍ମୀର୍ନୀଲସରସ୍ଵତୀ ॥ 28 ॥

ସ୍ରୋତସ୍ଵତୀ ସ୍ରୋତଵତୀ ମାତଙ୍ଗୀ ଵିଜଯା ଜଯା ।

ନଦୀ ସିନ୍ଧୁଃ ସର୍ଵମଯୀ ତାରା ଶୂନ୍ଯନିଵାସିନୀ ॥ 29 ॥

ଶୁଦ୍ଧା ତରଙ୍ଗିଣୀ ମେଧା ଲାକିନୀ ବହୁରୂପିଣୀ ।

ସଦାନନ୍ଦମଯୀ ସତ୍ଯା ସର୍ଵାନନ୍ଦସ୍ଵରୂପିଣୀ ॥ 30 ॥

ସୁନନ୍ଦା ନନ୍ଦିନୀ ସ୍ତୁତ୍ଯା ସ୍ତଵନୀଯା ସ୍ଵଭାଵିନୀ ।

ରଙ୍କିଣୀ ଟଙ୍କିଣୀ ଚିତ୍ରା ଵିଚିତ୍ରା ଚିତ୍ରରୂପିଣୀ ॥ 31 ॥

ପଦ୍ମା ପଦ୍ମାଲଯା ପଦ୍ମସୁଖୀ ପଦ୍ମଵିଭୂଷଣା ।

ଶାକିନୀ ହାକିନୀ କ୍ଷାନ୍ତା ରାକିଣୀ ରୁଧିରପ୍ରିଯା ॥ 32 ॥

ଭ୍ରାନ୍ତିର୍ଭଵାନୀ ରୁଦ୍ରାଣୀ ମୃଡାନୀ ଶତ୍ରୁମର୍ଦିନୀ ।

ଉପେନ୍ଦ୍ରାଣୀ ମହେଶାନୀ ଜ୍ଯୋତ୍ସ୍ନା ଚେନ୍ଦ୍ରସ୍ଵରୂପିଣୀ ॥ 33 ॥

ସୂର୍ଯାତ୍ମିକା ରୁଦ୍ରପତ୍ନୀ ରୌଦ୍ରୀ ସ୍ତ୍ରୀ ପ୍ରକୃତିଃ ପୁମାନ୍ ।

ଶକ୍ତିଃ ସୂକ୍ତିର୍ମତିମତୀ ଭୁକ୍ତିର୍ମୁକ୍ତିଃ ପତିଵ୍ରତା ॥ 34 ॥

ସର୍ଵେଶ୍ଵରୀ ସର୍ଵମାତା ଶର୍ଵାଣୀ ହରଵଲ୍ଲଭା ।

ସର୍ଵଜ୍ଞା ସିଦ୍ଧିଦା ସିଦ୍ଧା ଭାଵ୍ଯା ଭଵ୍ଯା ଭଯାପହା ॥ 35 ॥

କର୍ତ୍ରୀ ହର୍ତ୍ରୀ ପାଲଯିତ୍ରୀ ଶର୍ଵରୀ ତାମସୀ ଦଯା ।

ତମିସ୍ରା ଯାମିନୀସ୍ଥା ଚ ସ୍ଥିରା ଧୀରା ତପସ୍ଵିନୀ ॥ 36 ॥

ଚାର୍ଵଙ୍ଗୀ ଚଞ୍ଚଲା ଲୋଲଜିହ୍ଵା ଚାରୁଚରିତ୍ରିଣୀ ।

ତ୍ରପା ତ୍ରପାଵତୀ ଲଜ୍ଜା ନିର୍ଲଜ୍ଜା ହ୍ରୀଂ ରଜୋଵତୀ ॥ 37 ॥

ସତ୍ତ୍ଵଵତୀ ଧର୍ମନିଷ୍ଠା ଶ୍ରେଷ୍ଠା ନିଷ୍ଠୁରଵାଦିନୀ ।

ଗରିଷ୍ଠା ଦୁଷ୍ଟସଂହର୍ତ୍ରୀ ଵିଶିଷ୍ଟା ଶ୍ରେଯସୀ ଘୃଣା ॥ 38 ॥

ଭୀମା ଭଯାନକା ଭୀମନାଦିନୀ ଭୀଃ ପ୍ରଭାଵତୀ ।

ଵାଗୀଶ୍ଵରୀ ଶ୍ରୀର୍ଯମୁନା ଯଜ୍ଞକର୍ତ୍ରୀ ଯଜୁଃପ୍ରିଯା ॥ 39 ॥

ଋକ୍ସାମାଥର୍ଵନିଲଯା ରାଗିଣୀ ଶୋଭନସ୍ଵରା ।

କଲକଣ୍ଠୀ କମ୍ବୁକଣ୍ଠୀ ଵେଣୁଵୀଣାପରାଯଣା ॥ 40 ॥

ଵଂଶିନୀ ଵୈଷ୍ଣଵୀ ସ୍ଵଚ୍ଛା ଧାତ୍ରୀ ତ୍ରିଜଗଦୀଶ୍ଵରୀ ।

ମଧୁମତୀ କୁଣ୍ଡଲିନୀ ଋଦ୍ଧିଃ ସିଦ୍ଧିଃ ଶୁଚିସ୍ମିତା ॥ 41 ॥

ରମ୍ଭୋର୍ଵଶୀ ରତୀ ରାମା ରୋହିଣୀ ରେଵତୀ ରମା ।

ଶଙ୍ଖିନୀ ଚକ୍ରିଣୀ କୃଷ୍ଣା ଗଦିନୀ ପଦ୍ମିନୀ ତଥା ॥ 42 ॥

ଶୂଲିନୀ ପରିଘାସ୍ତ୍ରା ଚ ପାଶିନୀ ଶାର୍ଙ୍ଗପାଣିନୀ ।

ପିନାକଧାରିଣୀ ଧୂମ୍ରା ଶରଭୀ ଵନମାଲିନୀ ॥ 43 ॥

ଵଜ୍ରିଣୀ ସମରପ୍ରୀତା ଵେଗିନୀ ରଣପଣ୍ଡିତା ।

ଜଟିନୀ ବିମ୍ବିନୀ ନୀଲା ଲାଵଣ୍ଯାମ୍ବୁଧିଚନ୍ଦ୍ରିକା ॥ 44 ॥

ବଲିପ୍ରିଯା ସଦାପୂଜ୍ଯା ପୂର୍ଣା ଦୈତ୍ଯେନ୍ଦ୍ରମାଥିନୀ ।

ମହିଷାସୁରସଂହନ୍ତ୍ରୀ ଵାସିନୀ ରକ୍ତଦନ୍ତିକା ॥ 45 ॥

ରକ୍ତପା ରୁଧିରାକ୍ତାଙ୍ଗୀ ରକ୍ତଖର୍ପରହସ୍ତିନୀ ।

ରକ୍ତପ୍ରିଯା ମାଂସରୁଚିର୍ଵାସଵାସକ୍ତମାନସା ॥ 46 ॥

ଗଲଚ୍ଛୋଣିତମୁଣ୍ଡାଲିକଣ୍ଠମାଲାଵିଭୂଷଣା ।

ଶଵାସନା ଚିତାନ୍ତସ୍ଥା ମାହେଶୀ ଵୃଷଵାହିନୀ ॥ 47 ॥

ଵ୍ଯାଘ୍ରତ୍ଵଗମ୍ବରା ଚୀନଚେଲିନୀ ସିଂହଵାହିନୀ ।

ଵାମଦେଵୀ ମହାଦେଵୀ ଗୌରୀ ସର୍ଵଜ୍ଞଭାଵିନୀ ॥ 48 ॥

ବାଲିକା ତରୁଣୀ ଵୃଦ୍ଧା ଵୃଦ୍ଧମାତା ଜରାତୁରା ।

ସୁଭ୍ରୁର୍ଵିଲାସିନୀ ବ୍ରହ୍ମଵାଦିନୀ ବ୍ରାହ୍ମଣୀ ମହୀ ॥ 49 ॥

ସ୍ଵପ୍ନଵତୀ ଚିତ୍ରଲେଖା ଲୋପାମୁଦ୍ରା ସୁରେଶ୍ଵରୀ ।

ଅମୋଘାଽରୁନ୍ଧତୀ ତୀକ୍ଷ୍ଣା ଭୋଗଵତ୍ଯନୁଵାଦିନୀ ॥ 50 ॥

ମନ୍ଦାକିନୀ ମନ୍ଦହାସା ଜ୍ଵାଲାମୁଖ୍ଯସୁରାନ୍ତକା ।

ମାନଦା ମାନିନୀ ମାନ୍ଯା ମାନନୀଯା ମଦୋଦ୍ଧତା ॥ 51 ॥

ମଦିରା ମଦିରାନ୍ମାଦା ମେଧ୍ଯା ନଵ୍ଯା ପ୍ରସାଦିନୀ ।

ସୁମଧ୍ଯାଽନନ୍ତଗୁଣିନୀ ସର୍ଵଲୋକୋତ୍ତମୋତ୍ତମା ॥ 52 ॥

ଜଯଦା ଜିତ୍ଵରା ଜୈତ୍ରୀ ଜଯଶ୍ରୀର୍ଜଯଶାଲିନୀ ।

ସୁଖଦା ଶୁଭଦା ସତ୍ଯା ସଭାସଙ୍କ୍ଷୋଭକାରିଣୀ ॥ 53 ॥

ଶିଵଦୂତୀ ଭୂତିମତୀ ଵିଭୂତିର୍ଭୀଷଣାନନା ।

କୌମାରୀ କୁଲଜା କୁନ୍ତୀ କୁଲସ୍ତ୍ରୀ କୁଲପାଲିକା ॥ 54 ॥

କୀର୍ତିର୍ଯଶସ୍ଵିନୀ ଭୂଷା ଭୂଷ୍ଯା ଭୂତପତିପ୍ରିଯା ।

ସଗୁଣା ନିର୍ଗୁଣା ଧୃଷ୍ଟା ନିଷ୍ଠା କାଷ୍ଠା ପ୍ରତିଷ୍ଠିତା ॥ 55 ॥

ଧନିଷ୍ଠା ଧନଦା ଧନ୍ଯା ଵସୁଧା ସ୍ଵପ୍ରକାଶିନୀ ।

ଉର୍ଵୀ ଗୁର୍ଵୀ ଗୁରୁଶ୍ରେଷ୍ଠା ସଗୁଣା ତ୍ରିଗୁଣାତ୍ମିକା ॥ 56 ॥

ମହାକୁଲୀନା ନିଷ୍କାମା ସକାମା କାମଜୀଵନା ।

କାମଦେଵକଲା ରାମାଽଭିରାମା ଶିଵନର୍ତକୀ ॥ 57 ॥

ଚିନ୍ତାମଣିଃ କଲ୍ପଲତା ଜାଗ୍ରତୀ ଦୀନଵତ୍ସଲା ।

କାର୍ତିକୀ କୀର୍ତିକା କୃତ୍ଯା ଅଯୋଧ୍ଯା ଵିଷମା ସମା ॥ 58 ॥

ସୁମନ୍ତ୍ରା ମନ୍ତ୍ରିଣୀ ଘୂର୍ଣା ହ୍ଲାଦିନୀ କ୍ଲେଶନାଶିନୀ ।

ତ୍ରୈଲୋକ୍ଯଜନନୀ ହୃଷ୍ଟା ନିର୍ମାଂସା ମନୋରୂପିଣୀ ॥ 59 ॥

ତଡାଗନିମ୍ନଜଠରା ଶୁଷ୍କମାଂସାସ୍ଥିମାଲିନୀ ।

ଅଵନ୍ତୀ ମଥୁରା ମାଯା ତ୍ରୈଲୋକ୍ଯପାଵନୀଶ୍ଵରୀ ॥ 60 ॥

ଵ୍ଯକ୍ତାଽଵ୍ଯକ୍ତାଽନେକମୂର୍ତିଃ ଶର୍ଵରୀ ଭୀମନାଦିନୀ ।

କ୍ଷେମଙ୍କରୀ ଶଙ୍କରୀ ଚ ସର୍ଵସମ୍ମୋହକାରିଣୀ ॥ 61 ॥

ଊର୍ଧ୍ଵତେଜସ୍ଵିନୀ କ୍ଲିନ୍ନା ମହାତେଜସ୍ଵିନୀ ତଥା ।

ଅଦ୍ଵୈତା ଭୋଗିନୀ ପୂଜ୍ଯା ଯୁଵତୀ ସର୍ଵମଙ୍ଗଲା ॥ 62 ॥

ସର୍ଵପ୍ରିଯଙ୍କରୀ ଭୋଗ୍ଯା ଧରଣୀ ପିଶିତାଶନା ।

ଭଯଙ୍କରୀ ପାପହରା ନିଷ୍କଲଙ୍କା ଵଶଙ୍କରୀ ॥ 63 ॥

ଆଶା ତୃଷ୍ଣା ଚନ୍ଦ୍ରକଲା ନିଦ୍ରାନ୍ଯା ଵାଯୁଵେଗିନୀ ।

ସହସ୍ରସୂର୍ଯସଙ୍କାଶା ଚନ୍ଦ୍ରକୋଟିସମପ୍ରଭା ॥ 64 ॥

ଵହ୍ନିମଣ୍ଡଲସଂସ୍ଥା ଚ ସର୍ଵତତ୍ତ୍ଵପ୍ରତିଷ୍ଠିତା ।

ସର୍ଵାଚାରଵତୀ ସର୍ଵଦେଵକନ୍ଯାଧିଦେଵତା ॥ 65 ॥

ଦକ୍ଷକନ୍ଯା ଦକ୍ଷଯଜ୍ଞନାଶିନୀ ଦୁର୍ଗତାରିକା ।

ଇଜ୍ଯା ପୂଜ୍ଯା ଵିଭା ଭୂତିଃ ସତ୍କୀର୍ତିର୍ବ୍ରହ୍ମରୂପିଣୀ ॥ 66 ॥

ରମ୍ଭୋରୁଶ୍ଚତୁରା ରାକା ଜଯନ୍ତୀ କରୁଣା କୁହୁଃ ।

ମନସ୍ଵିନୀ ଦେଵମାତା ଯଶସ୍ଯା ବ୍ରହ୍ମଚାରିଣୀ ॥ 67 ॥

ଋଦ୍ଧିଦା ଵୃଦ୍ଧିଦା ଵୃଦ୍ଧିଃ ସର୍ଵାଦ୍ଯା ସର୍ଵଦାଯିନୀ ।

ଆଧାରରୂପିଣୀ ଧ୍ଯେଯା ମୂଲାଧାରନିଵାସିନୀ ॥ 68 ॥

ଅଜ୍ଞା ପ୍ରଜ୍ଞା ପୂର୍ଣମନାଶ୍ଚନ୍ଦ୍ରମୁଖ୍ଯନୁକୂଲିନୀ ।

ଵାଵଦୂକା ନିମ୍ନନାଭିଃ ସତ୍ଯା ସନ୍ଧ୍ଯା ଦୃଢଵ୍ରତା ॥ 69 ॥

ଆନ୍ଵୀକ୍ଷିକୀ ଦଣ୍ଡନୀତିସ୍ତ୍ରଯୀ ତ୍ରିଦିଵସୁନ୍ଦରୀ ।

ଜ୍ଵଲିନୀ ଜ୍ଵାଲିନୀ ଶୈଲତନଯା ଵିନ୍ଧ୍ଯଵାସିନୀ ॥ 70 ॥

ଅମେଯା ଖେଚରୀ ଧୈର୍ଯା ତୁରୀଯା ଵିମଲାଽଽତୁରା ।

ପ୍ରଗଲ୍ଭା ଵାରୁଣୀ ଛାଯା ଶଶିନୀ ଵିସ୍ଫୁଲିଙ୍ଗିନୀ ॥ 71 ॥

ଭୁକ୍ତିଃ ସିଦ୍ଧିଃ ସଦାପ୍ରାପ୍ତିଃ ପ୍ରାକାମ୍ଯା ମହିମାଽଣିମା ।

ଇଚ୍ଛାସିଦ୍ଧିର୍ଵିସିଦ୍ଧା ଚ ଵଶିତ୍ଵୋର୍ଧ୍ଵନିଵାସିନୀ ॥ 72 ॥

ଲଘିମା ଚୈଵ ଗାଯତ୍ରୀ ସାଵିତ୍ରୀ ଭୁଵନେଶ୍ଵରୀ ।

ମନୋହରା ଚିତା ଦିଵ୍ଯା ଦେଵ୍ଯୁଦାରା ମନୋରମା ॥ 73 ॥

ପିଙ୍ଗଲା କପିଲା ଜିହ୍ଵାରସଜ୍ଞା ରସିକା ରସା ।

ସୁଷୁମ୍ନେଡା ଭୋଗଵତୀ ଗାନ୍ଧାରୀ ନରକାନ୍ତକା ॥ 74 ॥

ପାଞ୍ଚାଲୀ ରୁକ୍ମିଣୀ ରାଧାରାଧ୍ଯା ଭୀମାଧିରାଧିକା ।

ଅମୃତା ତୁଲସୀ ଵୃନ୍ଦା କୈଟଭୀ କପଟେଶ୍ଵରୀ ॥ 75 ॥

ଉଗ୍ରଚଣ୍ଡେଶ୍ଵରୀ ଵୀରା ଜନନୀ ଵୀରସୁନ୍ଦରୀ ।

ଉଗ୍ରତାରା ଯଶୋଦାଖ୍ଯା ଦୈଵକୀ ଦେଵମାନିତା ॥ 76 ॥

ନିରଞ୍ଜନା ଚିତ୍ରଦେଵୀ କ୍ରୋଧିନୀ କୁଲଦୀପିକା ।

କୁଲଵାଗୀଶ୍ଵରୀ ଵାଣୀ ମାତୃକା ଦ୍ରାଵିଣୀ ଦ୍ରଵା ॥ 77 ॥

ଯୋଗେଶ୍ଵରୀ ମହାମାରୀ ଭ୍ରାମରୀ ବିନ୍ଦୁରୂପିଣୀ ।

ଦୂତୀ ପ୍ରାଣେଶ୍ଵରୀ ଗୁପ୍ତା ବହୁଲା ଚମରୀ ପ୍ରଭା ॥ 78 ॥

କୁବ୍ଜିକା ଜ୍ଞାନିନୀ ଜ୍ଯେଷ୍ଠା ଭୁଶୁଣ୍ଡୀ ପ୍ରକଟା ତିଥିଃ ।

ଦ୍ରଵିଣୀ ଗୋପନୀ ମାଯା କାମବୀଜେଶ୍ଵରୀ କ୍ରିଯା ॥ 79 ॥

ଶାମ୍ଭଵୀ କେକରା ମେନା ମୂଷଲାସ୍ତ୍ରା ତିଲୋତ୍ତମା ।

ଅମେଯଵିକ୍ରମା କ୍ରୂରା ସମ୍ପତ୍ଶାଲା ତ୍ରିଲୋଚନା ॥ 80 ॥

ସ୍ଵସ୍ତିର୍ହଵ୍ଯଵହା ପ୍ରୀତିରୁଷ୍ମା ଧୂମ୍ରାର୍ଚିରଙ୍ଗଦା ।

ତପିନୀ ତାପିନୀ ଵିଶ୍ଵା ଭୋଗଦା ଧାରିଣୀ ଧରା ॥ 81 ॥

ତ୍ରିଖଣ୍ଡା ବୋଧିନୀ ଵଶ୍ଯା ସକଲା ଶବ୍ଦରୂପିଣୀ ।

ବୀଜରୂପା ମହାମୁଦ୍ରା ଯୋଗିନୀ ଯୋନିରୂପିଣୀ ॥ 82 ॥

ଅନଙ୍ଗକୁସୁମାଽନଙ୍ଗମେଖଲାଽନଙ୍ଗରୂପିଣୀ ।

ଵଜ୍ରେଶ୍ଵରୀ ଚ ଜଯିନୀ ସର୍ଵଦ୍ଵନ୍ଦ୍ଵକ୍ଷଯଙ୍କରୀ ॥ 83 ॥

ଷଡଙ୍ଗଯୁଵତୀ ଯୋଗଯୁକ୍ତା ଜ୍ଵାଲାଂଶୁମାଲିନୀ ।

ଦୁରାଶଯା ଦୁରାଧାରା ଦୁର୍ଜଯା ଦୁର୍ଗରୂପିଣୀ ॥ 84 ॥

ଦୁରନ୍ତା ଦୁଷ୍କୃତିହରା ଦୁର୍ଧ୍ଯେଯା ଦୁରତିକ୍ରମା ।

ହଂସେଶ୍ଵରୀ ତ୍ରିକୋଣସ୍ଥା ଶାକମ୍ଭର୍ଯନୁକମ୍ପିନୀ ॥ 85 ॥

ତ୍ରିକୋଣନିଲଯା ନିତ୍ଯା ପରମାମୃତରଞ୍ଜିତା ।

ମହାଵିଦ୍ଯେଶ୍ଵରୀ ଶ୍ଵେତା ଭେରୁଣ୍ଡା କୁଲସୁନ୍ଦରୀ ॥ 86 ॥

ତ୍ଵରିତା ଭକ୍ତିସଂସକ୍ତା ଭକ୍ତଵଶ୍ଯା ସନାତନୀ ।

ଭକ୍ତାନନ୍ଦମଯୀ ଭକ୍ତଭାଵିକା ଭକ୍ତଶଙ୍କରୀ ॥ 87 ॥

ସର୍ଵସୌନ୍ଦର୍ଯନିଲଯା ସର୍ଵସୌଭାଗ୍ଯଶାଲିନୀ ।

ସର୍ଵସମ୍ଭୋଗଭଵନା ସର୍ଵସୌଖ୍ଯନିରୂପିଣୀ ॥ 88 ॥

କୁମାରୀପୂଜନରତା କୁମାରୀଵ୍ରତଚାରିଣୀ ।

କୁମାରୀଭକ୍ତିସୁଖିନୀ କୁମାରୀରୂପଧାରିଣୀ ॥ 89 ॥

କୁମାରୀପୂଜକପ୍ରୀତା କୁମାରୀପ୍ରୀତିଦା ପ୍ରିଯା ।

କୁମାରୀସେଵକାସଙ୍ଗା କୁମାରୀସେଵକାଲଯା ॥ 90 ॥

ଆନନ୍ଦଭୈରଵୀ ବାଲଭୈରଵୀ ବଟୁଭୈରଵୀ ।

ଶ୍ମଶାନଭୈରଵୀ କାଲଭୈରଵୀ ପୁରଭୈରଵୀ ॥ 91 ॥

ମହାଭୈରଵପତ୍ନୀ ଚ ପରମାନନ୍ଦଭୈରଵୀ ।

ସୁଧାନନ୍ଦଭୈରଵୀ ଚ ଉନ୍ମାଦାନନ୍ଦଭୈରଵୀ ॥ 92 ॥

ମୁକ୍ତାନନ୍ଦଭୈରଵୀ ଚ ତଥା ତରୁଣଭୈରଵୀ ।

ଜ୍ଞାନାନନ୍ଦଭୈରଵୀ ଚ ଅମୃତାନନ୍ଦଭୈରଵୀ ॥ 93 ॥

ମହାଭଯଙ୍କରୀ ତୀଵ୍ରା ତୀଵ୍ରଵେଗା ତପସ୍ଵିନୀ ।

ତ୍ରିପୁରା ପରମେଶାନୀ ସୁନ୍ଦରୀ ପୁରସୁନ୍ଦରୀ ॥ 94 ॥

ତ୍ରିପୁରେଶୀ ପଞ୍ଚଦଶୀ ପଞ୍ଚମୀ ପୁରଵାସିନୀ ।

ମହାସପ୍ତଦଶୀ ଚୈଵ ଷୋଡଶୀ ତ୍ରିପୁରେଶ୍ଵରୀ ॥ 95 ॥

ମହାଙ୍କୁଶସ୍ଵରୂପା ଚ ମହାଚକ୍ରେଶ୍ଵରୀ ତଥା ।

ନଵଚକ୍ରେଶ୍ଵରୀ ଚକ୍ରେଶ୍ଵରୀ ତ୍ରିପୁରମାଲିନୀ ॥ 96 ॥

ରାଜରାଜେଶ୍ଵରୀ ଧୀରା ମହାତ୍ରିପୁରସୁନ୍ଦରୀ ।

ସିନ୍ଦୂରପୂରରୁଚିରା ଶ୍ରୀମତ୍ତ୍ରିପୁରସୁନ୍ଦରୀ ॥ 97 ॥

ସର୍ଵାଙ୍ଗସୁନ୍ଦରୀ ରକ୍ତାରକ୍ତଵସ୍ତ୍ରୋତ୍ତରୀଯିଣୀ ।

ଜଵାଯାଵକସିନ୍ଦୂରରକ୍ତଚନ୍ଦନଧାରିଣୀ ॥ 98 ॥

ଜଵାଯାଵକସିନ୍ଦୂରରକ୍ତଚନ୍ଦନରୂପଧୃକ୍ ।

ଚାମରୀ ବାଲକୁଟିଲନିର୍ମଲା ଶ୍ଯାମକେଶିନୀ ॥ 99 ॥

ଵଜ୍ରମୌକ୍ତିକରତ୍ନାଢ୍ଯା କିରୀଟମୁକୁଟୋଜ୍ଜ୍ଵଲା ।

ରତ୍ନକୁଣ୍ଡଲସଂଯୁକ୍ତସ୍ଫୁରଦ୍ଗଣ୍ଡମନୋରମା ॥ 100 ॥

କୁଞ୍ଜରେଶ୍ଵରକୁମ୍ଭୋତ୍ଥମୁକ୍ତାରଞ୍ଜିତନାସିକା ।

ମୁକ୍ତାଵିଦ୍ରୁମମାଣିକ୍ଯହାରାଢ୍ଯସ୍ତନମଣ୍ଡଲା ॥ 101 ॥

ସୂର୍ଯକାନ୍ତେନ୍ଦୁକାନ୍ତାଢ୍ଯସ୍ପର୍ଶାଶ୍ମକଣ୍ଠଭୂଷଣା ।

ବୀଜପୂରସ୍ଫୁରଦ୍ବୀଜଦନ୍ତପଙ୍କ୍ତିରନୁତ୍ତମା ॥ 102 ॥

କାମକୋଦଣ୍ଡକାଭୁଗ୍ନଭ୍ରୂକଟାକ୍ଷପ୍ରଵର୍ଷିଣୀ ।

ମାତଙ୍ଗକୁମ୍ଭଵକ୍ଷୋଜା ଲସତ୍କୋକନଦେକ୍ଷଣା ॥ 103 ॥

ମନୋଜ୍ଞଶଷ୍କୁଲୀକର୍ଣା ହଂସୀଗତିଵିଡମ୍ବିନୀ ।

ପଦ୍ମରାଗାଙ୍ଗଦଜ୍ଯୋତିର୍ଦୋଶ୍ଚତୁଷ୍କପ୍ରକାଶିନୀ ॥ 104 ॥

ନାନାମଣିପରିସ୍ଫୂର୍ଜଚ୍ଛୁଦ୍ଧକାଞ୍ଚନକଙ୍କଣା ।

ନାଗେନ୍ଦ୍ରଦନ୍ତନିର୍ମାଣଵଲଯାଙ୍କିତପାଣିନୀ ॥ 105 ॥

ଅଙ୍ଗୁରୀଯକଚିତ୍ରାଙ୍ଗୀ ଵିଚିତ୍ରକ୍ଷୁଦ୍ରଘଣ୍ଟିକା ।

ପଟ୍ଟାମ୍ବରପରୀଧାନା କଲମଞ୍ଜୀରଶିଞ୍ଜିନୀ ॥ 106 ॥

କର୍ପୂରାଗରୁକସ୍ତୂରୀକୁଙ୍କୁମଦ୍ରଵଲେପିତା ।

ଵିଚିତ୍ରରତ୍ନପୃଥିଵୀକଲ୍ପଶାଖିତଲସ୍ଥିତା ॥ 107 ॥

ରତ୍ନଦ୍ଵୀପସ୍ଫୁରଦ୍ରତ୍ନସିଂହାସନଵିଲାସିନୀ ।

ଷଟ୍ଚକ୍ରଭେଦନକରୀ ପରମାନନ୍ଦରୂପିଣୀ ॥ 108 ॥

ସହସ୍ରଦଲପଦ୍ମାନ୍ତଶ୍ଚନ୍ଦ୍ରମଣ୍ଡଲଵର୍ତିନୀ ।

ବ୍ରହ୍ମରୂପା ଶିଵକ୍ରୋଡା ନାନାସୁଖଵିଲାସିନୀ ॥ 109 ॥

ହରଵିଷ୍ଣୁଵିରିଞ୍ଚୀନ୍ଦ୍ରଗ୍ରହନାଯକସେଵିତା ।

ଶିଵା ଶୈଵା ଚ ରୁଦ୍ରାଣୀ ତଥୈଵ ଶିଵଵାଦିନୀ ॥ 110 ॥

ମାତଙ୍ଗିନୀ ଶ୍ରୀମତୀ ଚ ତଥୈଵାନଙ୍ଗମେଖଲା ।

ଡାକିନୀ ଯୋଗିନୀ ଚୈଵ ତଥୋପଯୋଗିନୀ ମତା ॥ 111 ॥

ମାହେଶ୍ଵରୀ ଵୈଷ୍ଣଵୀ ଚ ଭ୍ରାମରୀ ଶିଵରୂପିଣୀ ।

ଅଲମ୍ବୁଷା ଵେଗଵତୀ କ୍ରୋଧରୂପା ସୁମେଖଲା ॥ 112 ॥

ଗାନ୍ଧାରୀ ହସ୍ତଜିହ୍ଵା ଚ ଇଡା ଚୈଵ ଶୁଭଙ୍କରୀ ।

ପିଙ୍ଗଲା ବ୍ରହ୍ମଦୂତୀ ଚ ସୁଷୁମ୍ନା ଚୈଵ ଗନ୍ଧିନୀ ॥ 113 ॥

ଆତ୍ମଯୋନିର୍ବ୍ରହ୍ମଯୋନିର୍ଜଗଦ୍ଯୋନିରଯୋନିଜା ।

ଭଗରୂପା ଭଗସ୍ଥାତ୍ରୀ ଭଗିନୀ ଭଗରୂପିଣୀ ॥ 114 ॥

ଭଗାତ୍ମିକା ଭଗାଧାରରୂପିଣୀ ଭଗମାଲିନୀ ।

ଲିଙ୍ଗାଖ୍ଯା ଚୈଵ ଲିଙ୍ଗେଶୀ ତ୍ରିପୁରା ଭୈରଵୀ ତଥା ॥ 115 ॥

ଲିଙ୍ଗଗୀତିଃ ସୁଗୀତିଶ୍ଚ ଲିଙ୍ଗସ୍ଥା ଲିଙ୍ଗରୂପଧୃକ୍ ।

ଲିଙ୍ଗମାନା ଲିଙ୍ଗଭଵା ଲିଙ୍ଗଲିଙ୍ଗା ଚ ପାର୍ଵତୀ ॥ 116 ॥

ଭଗଵତୀ କୌଶିକୀ ଚ ପ୍ରେମା ଚୈଵ ପ୍ରିଯଂଵଦା ।

ଗୃଧ୍ରରୂପା ଶିଵାରୂପା ଚକ୍ରିଣୀ ଚକ୍ରରୂପଧୃକ୍ ॥ 117 ॥

ଲିଙ୍ଗାଭିଧାଯିନୀ ଲିଙ୍ଗପ୍ରିଯା ଲିଙ୍ଗନିଵାସିନୀ ।

ଲିଙ୍ଗସ୍ଥା ଲିଙ୍ଗନୀ ଲିଙ୍ଗରୂପିଣୀ ଲିଙ୍ଗସୁନ୍ଦରୀ ॥ 118 ॥

ଲିଙ୍ଗଗୀତିର୍ମହାପ୍ରୀତା ଭଗଗୀତିର୍ମହାସୁଖା ।

ଲିଙ୍ଗନାମସଦାନନ୍ଦା ଭଗନାମସଦାଗତିଃ ॥ 119 ॥

ଲିଙ୍ଗମାଲାକଣ୍ଠଭୂଷା ଭଗମାଲାଵିଭୂଷଣା ।

ଭଗଲିଙ୍ଗାମୃତପ୍ରୀତା ଭଗଲିଙ୍ଗସ୍ଵରୂପିଣୀ ॥ 120 ॥

ଭଗଲିଙ୍ଗସ୍ଯ ରୂପା ଚ ଭଗଲିଙ୍ଗସୁଖାଵହା ।

ସ୍ଵଯମ୍ଭୂକୁସୁମପ୍ରୀତା ସ୍ଵଯମ୍ଭୂକୁସୁମାର୍ଚିତା ॥ 121 ॥

ସ୍ଵଯମ୍ଭୂକୁସୁମପ୍ରାଣା ସ୍ଵଯମ୍ଭୂପୁଷ୍ପତର୍ପିତା ।

ସ୍ଵଯମ୍ଭୂପୁଷ୍ପଘଟିତା ସ୍ଵଯମ୍ଭୂପୁଷ୍ପଧାରିଣୀ ॥ 122 ॥

ସ୍ଵଯମ୍ଭୂପୁଷ୍ପତିଲକା ସ୍ଵଯମ୍ଭୂପୁଷ୍ପଚର୍ଚିତା ।

ସ୍ଵଯମ୍ଭୂପୁଷ୍ପନିରତା ସ୍ଵଯମ୍ଭୂକୁସୁମଗ୍ରହା ॥ 123 ॥

ସ୍ଵଯମ୍ଭୂପୁଷ୍ପଯଜ୍ଞାଂଶା ସ୍ଵଯମ୍ଭୂକୁସୁମାତ୍ମିକା ।

ସ୍ଵଯମ୍ଭୂପୁଷ୍ପନିଚିତା ସ୍ଵଯମ୍ଭୂକୁସୁମପ୍ରିଯା ॥ 124 ॥

ସ୍ଵଯମ୍ଭୂକୁସୁମାଦାନଲାଲସୋନ୍ମତ୍ତମାନସା ।

ସ୍ଵଯମ୍ଭୂକୁସୁମାନନ୍ଦଲହରୀସ୍ନିଗ୍ଧଦେହିନୀ ॥ 125 ॥

ସ୍ଵଯମ୍ଭୂକୁସୁମାଧାରା ସ୍ଵଯମ୍ଭୂକୁସୁମାକୁଲା ।

ସ୍ଵଯମ୍ଭୂପୁଷ୍ପନିଲଯା ସ୍ଵଯମ୍ଭୂପୁଷ୍ପଵାସିନୀ ॥ 126 ॥

ସ୍ଵଯମ୍ଭୂକୁସୁମସ୍ନିଗ୍ଧା ସ୍ଵଯମ୍ଭୂକୁସୁମାତ୍ମିକା ।

ସ୍ଵଯମ୍ଭୂପୁଷ୍ପକରିଣୀ ସ୍ଵଯମ୍ଭୂପୁଷ୍ପଵାଣିକା ॥ 127 ॥

ସ୍ଵଯମ୍ଭୂକୁସୁମଧ୍ଯାନା ସ୍ଵଯମ୍ଭୂକୁସୁମପ୍ରଭା ।

ସ୍ଵଯମ୍ଭୂକୁସୁମଜ୍ଞାନା ସ୍ଵଯମ୍ଭୂପୁଷ୍ପଭାଗିନୀ ॥ 128 ॥

ସ୍ଵଯମ୍ଭୂକୁସୁମୋଲ୍ଲାସା ସ୍ଵଯମ୍ଭୂପୁଷ୍ପଵର୍ଷିଣୀ ।

ସ୍ଵଯମ୍ଭୂକୁସୁମୋତ୍ସାହା ସ୍ଵଯମ୍ଭୂପୁଷ୍ପରୂପିଣୀ ॥ 129 ॥

ସ୍ଵଯମ୍ଭୂକୁସୁମୋନ୍ମାଦା ସ୍ଵଯମ୍ଭୂପୁଷ୍ପସୁନ୍ଦରୀ ।

ସ୍ଵଯମ୍ଭୂକୁସୁମାରାଧ୍ଯା ସ୍ଵଯମ୍ଭୂକୁସୁମୋଦ୍ଭଵା ॥ 130 ॥

ସ୍ଵଯମ୍ଭୂକୁସୁମାଵ୍ଯଗ୍ରା ସ୍ଵଯମ୍ଭୂପୁଷ୍ପପୂର୍ଣିତା ।

ସ୍ଵଯମ୍ଭୂପୂଜକପ୍ରାଜ୍ଞା ସ୍ଵଯମ୍ଭୂହୋତୃମାତୃକା ॥ 131 ॥

ସ୍ଵଯମ୍ଭୂଦାତୃରକ୍ଷିତ୍ରୀ ସ୍ଵଯମ୍ଭୂରକ୍ତତାରିକା ।

ସ୍ଵଯମ୍ଭୂପୂଜକଗ୍ରସ୍ତା ସ୍ଵଯମ୍ଭୂପୂଜକପ୍ରିଯା ॥ 132 ॥

ସ୍ଵଯମ୍ଭୂଵନ୍ଦକାଧାରା ସ୍ଵଯମ୍ଭୂନିନ୍ଦକାନ୍ତକା ।

ସ୍ଵଯମ୍ଭୂପ୍ରଦସର୍ଵସ୍ଵା ସ୍ଵଯମ୍ଭୂପ୍ରଦପୁତ୍ରିଣୀ ॥ 133 ॥

ସ୍ଵଯମ୍ଭୂପ୍ରଦସସ୍ମେରା ସ୍ଵଯମ୍ଭୂତଶରୀରିଣୀ ।

ସର୍ଵକାଲୋଦ୍ଭଵପ୍ରୀତା ସର୍ଵକାଲୋଦ୍ଭଵାତ୍ମିକା ॥ 134 ॥

ସର୍ଵକାଲୋଦ୍ଭଵୋଦ୍ଭାଵା ସର୍ଵକାଲୋଦ୍ଭଵୋଦ୍ଭଵା ।

କୁଣ୍ଡପୁଷ୍ପସଦାପ୍ରୀତା କୁଣ୍ଡପୁଷ୍ପସଦାରତିଃ ॥ 135 ॥

କୁଣ୍ଡଗୋଲୋଦ୍ଭଵପ୍ରାଣା କୁଣ୍ଡଗୋଲୋଦ୍ଭଵାତ୍ମିକା ।

ସ୍ଵଯମ୍ଭୂର୍ଵା ଶିଵା ଧାତ୍ରୀ ପାଵନୀ ଲୋକପାଵନୀ ॥ 136 ॥

କୀର୍ତିର୍ଯଶସ୍ଵିନୀ ମେଧା ଵିମେଧା ଶୁକ୍ରସୁନ୍ଦରୀ ।

ଅଶ୍ଵିନୀ କୃତ୍ତିକା ପୁଷ୍ଯା ତେଜସ୍କା ଚନ୍ଦ୍ରମଣ୍ଡଲା ॥ 137 ॥

ସୂକ୍ଷ୍ମାଽସୂକ୍ଷ୍ମା ବଲାକା ଚ ଵରଦା ଭଯନାଶିନୀ ।

ଵରଦାଽଭଯଦା ଚୈଵ ମୁକ୍ତିବନ୍ଧଵିନାଶିନୀ ॥ 138 ॥

କାମୁକା କାମଦା କାନ୍ତା କାମାଖ୍ଯା କୁଲସୁନ୍ଦରୀ ।

ଦୁଃଖଦା ସୁଖଦା ମୋକ୍ଷା ମୋକ୍ଷଦାର୍ଥପ୍ରକାଶିନୀ ॥ 139 ॥

ଦୁଷ୍ଟାଦୁଷ୍ଟମତିଶ୍ଚୈଵ ସର୍ଵକାର୍ଯଵିନାଶିନୀ ।

ଶୁକ୍ରାଧାରା ଶୁକ୍ରରୂପା ଶୁକ୍ରସିନ୍ଧୁନିଵାସିନୀ ॥ 140 ॥

ଶୁକ୍ରାଲଯା ଶୁକ୍ରଭୋଗା ଶୁକ୍ରପୂଜାସଦାରତିଃ ।

ଶୁକ୍ରପୂଜ୍ଯା ଶୁକ୍ରହୋମସନ୍ତୁଷ୍ଟା ଶୁକ୍ରଵତ୍ସଲା ॥ 141 ॥

ଶୁକ୍ରମୂର୍ତିଃ ଶୁକ୍ରଦେହା ଶୁକ୍ରପୂଜକପୁତ୍ରିଣୀ ।

ଶୁକ୍ରସ୍ଥା ଶୁକ୍ରିଣୀ ଶୁକ୍ରସଂସ୍ପୃହା ଶୁକ୍ରସୁନ୍ଦରୀ ॥ 142 ॥

ଶୁକ୍ରସ୍ନାତା ଶୁକ୍ରକରୀ ଶୁକ୍ରସେଵ୍ଯାଽତିଶୁକ୍ରିଣୀ ।

ମହାଶୁକ୍ରା ଶୁକ୍ରଭଵା ଶୁକ୍ରଵୃଷ୍ଟିଵିଧାଯିନୀ ॥ 143 ॥

ଶୁକ୍ରାଭିଧେଯା ଶୁକ୍ରାର୍ହା ଶୁକ୍ରଵନ୍ଦକଵନ୍ଦିତା ।

ଶୁକ୍ରାନନ୍ଦକରୀ ଶୁକ୍ରସଦାନନ୍ଦାଭିଧାଯିକା ॥ 144 ॥

ଶୁକ୍ରୋତ୍ସଵା ସଦାଶୁକ୍ରପୂର୍ଣା ଶୁକ୍ରମନୋରମା ।

ଶୁକ୍ରପୂଜକସର୍ଵସ୍ଵା ଶୁକ୍ରନିନ୍ଦକନାଶିନୀ ॥ 145 ॥

ଶୁକ୍ରାତ୍ମିକା ଶୁକ୍ରସଂଵତ୍ ଶୁକ୍ରାକର୍ଷଣକାରିଣୀ ।

ଶାରଦା ସାଧକପ୍ରାଣା ସାଧକାସକ୍ତମାନସା ॥ 146 ॥

ସାଧକୋତ୍ତମସର୍ଵସ୍ଵା ସାଧକାଭକ୍ତରକ୍ତପା ।

ସାଧକାନନ୍ଦସନ୍ତୋଷା ସାଧକାନନ୍ଦକାରିଣୀ ॥ 147 ॥

ଆତ୍ମଵିଦ୍ଯା ବ୍ରହ୍ମଵିଦ୍ଯା ପରବ୍ରହ୍ମସ୍ଵରୂପିଣୀ ।

ତ୍ରିକୂଟସ୍ଥା ପଞ୍ଚକୂଟା ସର୍ଵକୂଟଶରୀରିଣୀ ॥ 148 ॥

ସର୍ଵଵର୍ଣମଯୀ ଵର୍ଣଜପମାଲାଵିଧାଯିନୀ ।

ଇତି ଶ୍ରୀକାଲିକାନାମସହସ୍ରଂ ଶିଵଭାଷିତମ୍ ॥ 149 ॥

ଗୁହ୍ଯାଦ୍ଗୁହ୍ଯତରଂ ସାକ୍ଷାନ୍ମହାପାତକନାଶନମ୍ ।

ପୂଜାକାଲେ ନିଶୀଥେ ଚ ସନ୍ଧ୍ଯଯୋରୁଭଯୋରପି ॥ 150 ॥

ଲଭତେ ଗାଣପତ୍ଯଂ ସ ଯଃ ପଠେତ୍ ସାଧକୋତ୍ତମଃ ।

ଯଃ ପଠେତ୍ ପାଠଯେଦ୍ଵାପି ଶୃଣୋତି ଶ୍ରାଵଯେଦପି ॥ 151 ॥

ସର୍ଵପାପଵିନିର୍ମୁକ୍ତଃ ସ ଯାତି କାଲିକାପୁରମ୍ ।

ଶ୍ରଦ୍ଧଯାଽଶ୍ରଦ୍ଧଯା ଵାପି ଯଃ କଶ୍ଚିନ୍ମାନଵଃ ସ୍ମରେତ୍ ॥ 152 ॥

ଦୁର୍ଗଂ ଦୁର୍ଗଶତଂ ତୀର୍ତ୍ଵା ସ ଯାତି ପରମାଙ୍ଗତିମ୍ ।

ଵନ୍ଧ୍ଯା ଵା କାକଵନ୍ଧ୍ଯା ଵା ମୃତଵତ୍ସା ଚ ଯାଙ୍ଗନା ॥ 153 ॥

ଶ୍ରୁତ୍ଵା ସ୍ତୋତ୍ରମିଦଂ ପୁତ୍ରାନ୍ ଲଭତେ ଚିରଜୀଵିନଃ ।

ଯଂ ଯଂ କାମଯତେ କାମଂ ପଠନ୍ ସ୍ତୋତ୍ରମନୁତ୍ତମମ୍ ।

ଦେଵୀପାଦପ୍ରସାଦେନ ତତ୍ତଦାପ୍ନୋତି ନିଶ୍ଚିତମ୍ ॥ 154 ॥

ଇତି ଶ୍ରୀକାଲିକାକୁଲସର୍ଵସ୍ଵେ ହରପରଶୁରାମସଂଵାଦେ ଶ୍ରୀ କାଲିକା ସହସ୍ରନାମ ସ୍ତୋତ୍ରମ୍ ।