Sri Kalika Sahasra Nama Stotram

shrI kAlikA sahasra nAma stotram

shloka 1

shrI shiva uvAcha |

kathito.ayaM mahAmantraH sarvamantrottamottamaH |

yAmAsAdya mayA prAptamaishvaryapadamuttamam || 1 ||

saMyuktaH parayA bhaktyA yathokta vidhinA bhavAn |

kurutAmarchanaM devyAstrailokyavijigIShayA || 2 ||

shrIparashurAma uvAcha |

prasanno yadi me deva paramesha purAtana |

rahasyaM paramaM devyAH kRRipayA kathaya prabho || 3 ||

vinArchanaM vinA homaM vinA nyAsaM vinA balim |

vinA gandhaM vinA puShpaM vinA nityoditAM kriyAm || 4 ||

prANAyAmaM vinA dhyAnaM vinA bhUtavishodhanam |

vinA dAnaM vinA jApaM yena kAlI prasIdati || 5 ||

shrI shiva uvAcha |

pRRiShTaM tvayottamaM prAj~na bhRRiguvaMsha samudbhava |

bhaktAnAmapi bhakto.asi tvameva sAdhayiShyasi || 6 ||

devIM dAnavakoTighnIM lIlayA rudhirapriyAm |

sadA stotrapriyAmugrAM kAmakautukalAlasAm || 7 ||

sarvadA.a.anandahRRidayAmAsavotsava mAnasAm |

mAdhvIka matsyamAMsAnurAgiNIM vaiShNavIM parAm || 8 ||

shmashAnavAsinIM pretagaNanRRityamahotsavAm |

yogaprabhAvAM yogeshIM yogIndrahRRidayasthitAm || 9 ||

tAmugrakAlikAM rAma prasIdayitumarhasi |

tasyAH stotraM paraM puNyaM svayaM kAlyA prakAshitam || 10 ||

tava tat kathayiShyAmi shrutvA vatsAvadhAraya |

gopanIyaM prayatnena paThanIyaM parAtparam || 11 ||

yasyaikakAlapaThanAt sarve vighnAH samAkulAH |

nashyanti dahane dIpte pata~NgA iva sarvataH || 12 ||

gadyapadyamayI vANI tasya ga~NgApravAhavat |

tasya darshanamAtreNa vAdino niShprabhAM gatAH || 13 ||

tasya haste sadaivAsti sarvasiddhirna saMshayaH |

rAjAno.api cha dAsatvaM bhajante kiM pare janAH || 14 ||

nishIthe muktakeshastu nagnaH shaktisamAhitaH |

manasA chintayet kAlIM mahAkAlena chAlitAm || 15 ||

paThet sahasranAmAkhyaM stotraM mokShasya sAdhanam |

prasannA kAlikA tasya putratvenAnukampate || 16 ||

yathA brahmamRRitairbrahmakusumaiH pUjitA parA |

prasIdati tathAnena stutA kAlI prasIdati || 17 ||

viniyogaH –

asya shrI dakShiNakAlikA sahasranAma stotrasya mahAkAlabhairava RRiShiH anuShTup ChandaH shmashAnakAlI devatA dharmArthakAmamokShArthe pAThe viniyogaH |

dhyAnam –

shavArUDhAM mahAbhImAM ghoradaMShTrAM hasanmukhIM

chaturbhujAM khaDgamuNDavarAbhayakarAM shivAm |

muNDamAlAdharAM devIM lalAjjihvAM digambarAM

evaM sa~nchintayetkAlIM shmashAnAlayavAsinIm ||

stotram –

shmashAnakAlikA kAlI bhadrakAlI kapAlinI |

guhyakAlI mahAkAlI kurukullA virodhinI || 1 ||

kAlikA kAlarAtrishcha mahAkAlanitambinI |

kAlabhairavabhAryA cha kulavartmaprakAshinI || 2 ||

kAmadA kAminI kanyA kamanIyasvarUpiNI |

kastUrIrasaliptANgI kunjareshvaragAminI || 3 ||

kakAravarNasarvA~NgI kAminI kAmasundarI |

kAmArtA kAmarUpA cha kAmadhenuH kalAvatI || 4 ||

kAntA kAmasvarUpA cha kAmAkhyA kulakAminI |

kulInA kulavatyambA durgA durgatinAshinI || 5 ||

kaumArI kalajA kRRiShNA kRRiShNadehA kRRishodarI |

kRRishANgI kulishANgI cha krI~NkArI kamalA kalA || 6 ||

karAlAsyA karAlI cha kulakAntA.aparAjitA |

ugrA ugraprabhA dIptA viprachittA mahAbalA || 7 ||

nIlA ghanA meghanAdA mAtrA mudrA mitAmitA |

brAhmI nArAyaNI bhadrA subhadrA bhaktavatsalA || 8 ||

mAheshvarI cha chAmuNDA vArAhI nArasiMhikA |

vajrANgI vajrakaNkAlI nRRimuNDasragviNI shivA || 9 ||

mAlinI naramuNDAlI galadraktavibhUShaNA |

raktachandanasiktA~NgI sindUrAruNamastakA || 10 ||

ghorarUpA ghoradaMShTrA ghorAghoratarA shubhA |

mahAdaMShTrA mahAmAyA sudatI yugadanturA || 11 ||

sulochanA virUpAkShI vishAlAkShI trilochanA |

shAradenduprasannAsyA sphuratsmerAmbujekShaNA || 12 ||

aTTahAsapraphullAsyA smeravaktrA subhAShiNI |

praphullapadmavadanA smitAsyA priyabhAShiNI || 13 ||

koTarAkShI kulashreShThA mahatI bahubhAShiNI |

sumatiH kumatishchaNDA chaNDamuNDAtiveginI || 14 ||

sukeshI muktakeshI cha dIrghakeshI mahAkachA |

pretadehAkarNapUrA pretapANisumekhalA || 15 ||

pretAsanA priyapretA puNyadA kulapaNDitA |

puNyAlayA puNyadehA puNyashlokA cha pAvanI || 16 ||

pUtA pavitrA paramA parA puNyavibhUShaNA |

puNyanAmnI bhItiharA varadA khaDgapANinI || 17 ||

nRRimuNDahastA shAntA cha ChinnamastA sunAsikA |

dakShiNA shyAmalA shyAmA shAntA pInonnatastanI || 18 ||

digambarA ghorarAvA sRRikkAntaraktavAhinI |

ghorarAvA shivAsaNgA niHsaNgA madanAturA || 19 ||

mattA pramattA madanA sudhAsindhunivAsinI |

atimattA mahAmattA sarvAkarShaNakAriNI || 20 ||

gItapriyA vAdyaratA pretanRRityaparAyaNA |

chaturbhujA dashabhujA aShTAdashabhujA tathA || 21 ||

kAtyAyanI jaganmAtA jagatI parameshvarI |

jagadbandhurjagaddhAtrI jagadAnandakAriNI || 22 ||

jagajjIvavatI haimavatI mAyA mahAlayA |

nAgayajnopavItANgI nAginI nAgashAyinI || 23 ||

nAgakanyA devakanyA gAndhArI kinnarI surI |

moharAtrI mahArAtrI dAruNAmAsurAsurI || 24 ||

vidyAdharI vasumatI yakShiNI yoginI jarA |

rAkShasI DAkinI vedamayI vedavibhUShaNA || 25 ||

shrutismRRitimahAvidyA guhyavidyA purAtanI |

chintyA.achintyA svadhA svAhA nidrA tandrA cha pArvatI || 26 ||

aparNA nishchalA lolA sarvavidyA tapasvinI |

ga~NgA kAshI shachI sItA satI satyaparAyaNA || 27 ||

nItiH sunItiH suruchistuShTiH puShTirdhRRitiH kShamA |

vANI buddhirmahAlakShmI lakShmIrnIlasarasvatI || 28 ||

srotasvatI srotavatI mAta~NgI vijayA jayA |

nadI sindhuH sarvamayI tArA shUnyanivAsinI || 29 ||

shuddhA tara~NgiNI medhA lAkinI bahurUpiNI |

sadAnandamayI satyA sarvAnandasvarUpiNI || 30 ||

sunandA nandinI stutyA stavanIyA svabhAvinI |

raNkiNI TaNkiNI chitrA vichitrA chitrarUpiNI || 31 ||

padmA padmAlayA padmasukhI padmavibhUShaNA |

shAkinI hAkinI kShAntA rAkiNI rudhirapriyA || 32 ||

bhrAntirbhavAnI rudrANI mRRiDAnI shatrumardinI |

upendrANI maheshAnI jyotsnA chendrasvarUpiNI || 33 ||

sUryAtmikA rudrapatnI raudrI strI prakRRitiH pumAn |

shaktiH sUktirmatimatI bhuktirmuktiH pativratA || 34 ||

sarveshvarI sarvamAtA sharvANI haravallabhA |

sarvaj~nA siddhidA siddhA bhAvyA bhavyA bhayApahA || 35 ||

kartrI hartrI pAlayitrI sharvarI tAmasI dayA |

tamisrA yAminIsthA cha sthirA dhIrA tapasvinI || 36 ||

chArvaNgI chanchalA lolajihvA chArucharitriNI |

trapA trapAvatI lajjA nirlajjA hrIM rajovatI || 37 ||

sattvavatI dharmaniShThA shreShThA niShThuravAdinI |

gariShThA duShTasaMhartrI vishiShTA shreyasI ghRRiNA || 38 ||

bhImA bhayAnakA bhImanAdinI bhIH prabhAvatI |

vAgIshvarI shrIryamunA yaj~nakartrI yajuHpriyA || 39 ||

RRiksAmAtharvanilayA rAgiNI shobhanasvarA |

kalakaNThI kambukaNThI veNuvINAparAyaNA || 40 ||

vaMshinI vaiShNavI svachChA dhAtrI trijagadIshvarI |

madhumatI kuNDalinI RRiddhiH siddhiH shuchismitA || 41 ||

rambhorvashI ratI rAmA rohiNI revatI ramA |

sha~NkhinI chakriNI kRRiShNA gadinI padminI tathA || 42 ||

shUlinI parighAstrA cha pAshinI shAr~NgapANinI |

pinAkadhAriNI dhUmrA sharabhI vanamAlinI || 43 ||

vajriNI samaraprItA veginI raNapaNDitA |

jaTinI bimbinI nIlA lAvaNyAmbudhichandrikA || 44 ||

balipriyA sadApUjyA pUrNA daityendramAthinI |

mahiShAsurasaMhantrI vAsinI raktadantikA || 45 ||

raktapA rudhirAktA~NgI raktakharparahastinI |

raktapriyA mAMsaruchirvAsavAsaktamAnasA || 46 ||

galachChoNitamuNDAlikaNThamAlAvibhUShaNA |

shavAsanA chitAntasthA mAheshI vRRiShavAhinI || 47 ||

vyAghratvagambarA chInachelinI siMhavAhinI |

vAmadevI mahAdevI gaurI sarvaj~nabhAvinI || 48 ||

bAlikA taruNI vRRiddhA vRRiddhamAtA jarAturA |

subhrurvilAsinI brahmavAdinI brAhmaNI mahI || 49 ||

svapnavatI chitralekhA lopAmudrA sureshvarI |

amoghA.arundhatI tIkShNA bhogavatyanuvAdinI || 50 ||

mandAkinI mandahAsA jvAlAmukhyasurAntakA |

mAnadA mAninI mAnyA mAnanIyA madoddhatA || 51 ||

madirA madirAnmAdA medhyA navyA prasAdinI |

sumadhyA.anantaguNinI sarvalokottamottamA || 52 ||

jayadA jitvarA jaitrI jayashrIrjayashAlinI |

sukhadA shubhadA satyA sabhAsa~NkShobhakAriNI || 53 ||

shivadUtI bhUtimatI vibhUtirbhIShaNAnanA |

kaumArI kulajA kuntI kulastrI kulapAlikA || 54 ||

kIrtiryashasvinI bhUShA bhUShyA bhUtapatipriyA |

saguNA nirguNA dhRRiShTA niShThA kAShThA pratiShThitA || 55 ||

dhaniShThA dhanadA dhanyA vasudhA svaprakAshinI |

urvI gurvI gurushreShThA saguNA triguNAtmikA || 56 ||

mahAkulInA niShkAmA sakAmA kAmajIvanA |

kAmadevakalA rAmA.abhirAmA shivanartakI || 57 ||

chintAmaNiH kalpalatA jAgratI dInavatsalA |

kArtikI kIrtikA kRRityA ayodhyA viShamA samA || 58 ||

sumantrA mantriNI ghUrNA hlAdinI kleshanAshinI |

trailokyajananI hRRiShTA nirmAMsA manorUpiNI || 59 ||

taDAganimnajaTharA shuShkamAMsAsthimAlinI |

avantI mathurA mAyA trailokyapAvanIshvarI || 60 ||

vyaktA.avyaktA.anekamUrtiH sharvarI bhImanAdinI |

kShemaNkarI shaNkarI cha sarvasammohakAriNI || 61 ||

UrdhvatejasvinI klinnA mahAtejasvinI tathA |

advaitA bhoginI pUjyA yuvatI sarvama~NgalA || 62 ||

sarvapriya~NkarI bhogyA dharaNI pishitAshanA |

bhayaNkarI pApaharA niShkalaNkA vasha~NkarI || 63 ||

AshA tRRiShNA chandrakalA nidrAnyA vAyuveginI |

sahasrasUryasa~NkAshA chandrakoTisamaprabhA || 64 ||

vahnimaNDalasaMsthA cha sarvatattvapratiShThitA |

sarvAchAravatI sarvadevakanyAdhidevatA || 65 ||

dakShakanyA dakShayaj~nanAshinI durgatArikA |

ijyA pUjyA vibhA bhUtiH satkIrtirbrahmarUpiNI || 66 ||

rambhorushchaturA rAkA jayantI karuNA kuhuH |

manasvinI devamAtA yashasyA brahmachAriNI || 67 ||

RRiddhidA vRRiddhidA vRRiddhiH sarvAdyA sarvadAyinI |

AdhArarUpiNI dhyeyA mUlAdhAranivAsinI || 68 ||

ajnA prajnA pUrNamanAshchandramukhyanukUlinI |

vAvadUkA nimnanAbhiH satyA sandhyA dRRiDhavratA || 69 ||

AnvIkShikI daNDanItistrayI tridivasundarI |

jvalinI jvAlinI shailatanayA vindhyavAsinI || 70 ||

ameyA khecharI dhairyA turIyA vimalA.a.aturA |

pragalbhA vAruNI ChAyA shashinI visphuli~NginI || 71 ||

bhuktiH siddhiH sadAprAptiH prAkAmyA mahimA.aNimA |

ichChAsiddhirvisiddhA cha vashitvordhvanivAsinI || 72 ||

laghimA chaiva gAyatrI sAvitrI bhuvaneshvarI |

manoharA chitA divyA devyudArA manoramA || 73 ||

piNgalA kapilA jihvArasajnA rasikA rasA |

suShumneDA bhogavatI gAndhArI narakAntakA || 74 ||

pA~nchAlI rukmiNI rAdhArAdhyA bhImAdhirAdhikA |

amRRitA tulasI vRRindA kaiTabhI kapaTeshvarI || 75 ||

ugrachaNDeshvarI vIrA jananI vIrasundarI |

ugratArA yashodAkhyA daivakI devamAnitA || 76 ||

nira~njanA chitradevI krodhinI kuladIpikA |

kulavAgIshvarI vANI mAtRRikA drAviNI dravA || 77 ||

yogeshvarI mahAmArI bhrAmarI bindurUpiNI |

dUtI prANeshvarI guptA bahulA chamarI prabhA || 78 ||

kubjikA j~nAninI jyeShThA bhushuNDI prakaTA tithiH |

draviNI gopanI mAyA kAmabIjeshvarI kriyA || 79 ||

shAmbhavI kekarA menA mUShalAstrA tilottamA |

ameyavikramA krUrA sampatshAlA trilochanA || 80 ||

svastirhavyavahA prItiruShmA dhUmrArchira~NgadA |

tapinI tApinI vishvA bhogadA dhAriNI dharA || 81 ||

trikhaNDA bodhinI vashyA sakalA shabdarUpiNI |

bIjarUpA mahAmudrA yoginI yonirUpiNI || 82 ||

anaNgakusumA.anaNgamekhalA.ana~NgarUpiNI |

vajreshvarI cha jayinI sarvadvandvakShaya~NkarI || 83 ||

ShaDa~NgayuvatI yogayuktA jvAlAMshumAlinI |

durAshayA durAdhArA durjayA durgarUpiNI || 84 ||

durantA duShkRRitiharA durdhyeyA duratikramA |

haMseshvarI trikoNasthA shAkambharyanukampinI || 85 ||

trikoNanilayA nityA paramAmRRitara~njitA |

mahAvidyeshvarI shvetA bheruNDA kulasundarI || 86 ||

tvaritA bhaktisaMsaktA bhaktavashyA sanAtanI |

bhaktAnandamayI bhaktabhAvikA bhaktasha~NkarI || 87 ||

sarvasaundaryanilayA sarvasaubhAgyashAlinI |

sarvasambhogabhavanA sarvasaukhyanirUpiNI || 88 ||

kumArIpUjanaratA kumArIvratachAriNI |

kumArIbhaktisukhinI kumArIrUpadhAriNI || 89 ||

kumArIpUjakaprItA kumArIprItidA priyA |

kumArIsevakAsa~NgA kumArIsevakAlayA || 90 ||

AnandabhairavI bAlabhairavI baTubhairavI |

shmashAnabhairavI kAlabhairavI purabhairavI || 91 ||

mahAbhairavapatnI cha paramAnandabhairavI |

sudhAnandabhairavI cha unmAdAnandabhairavI || 92 ||

muktAnandabhairavI cha tathA taruNabhairavI |

j~nAnAnandabhairavI cha amRRitAnandabhairavI || 93 ||

mahAbhaya~NkarI tIvrA tIvravegA tapasvinI |

tripurA parameshAnI sundarI purasundarI || 94 ||

tripureshI panchadashI panchamI puravAsinI |

mahAsaptadashI chaiva ShoDashI tripureshvarI || 95 ||

mahA~NkushasvarUpA cha mahAchakreshvarI tathA |

navachakreshvarI chakreshvarI tripuramAlinI || 96 ||

rAjarAjeshvarI dhIrA mahAtripurasundarI |

sindUrapUraruchirA shrImattripurasundarI || 97 ||

sarvA~NgasundarI raktAraktavastrottarIyiNI |

javAyAvakasindUraraktachandanadhAriNI || 98 ||

javAyAvakasindUraraktachandanarUpadhRRik |

chAmarI bAlakuTilanirmalA shyAmakeshinI || 99 ||

vajramauktikaratnADhyA kirITamukuTojjvalA |

ratnakuNDalasaMyuktasphuradgaNDamanoramA || 100 ||

kunjareshvarakumbhotthamuktAranjitanAsikA |

muktAvidrumamANikyahArADhyastanamaNDalA || 101 ||

sUryakAntendukAntADhyasparshAshmakaNThabhUShaNA |

bIjapUrasphuradbIjadantapa~NktiranuttamA || 102 ||

kAmakodaNDakAbhugnabhrUkaTAkShapravarShiNI |

mAta~NgakumbhavakShojA lasatkokanadekShaNA || 103 ||

manoj~nashaShkulIkarNA haMsIgativiDambinI |

padmarAgA~NgadajyotirdoshchatuShkaprakAshinI || 104 ||

nAnAmaNiparisphUrjachChuddhakAnchanakaNkaNA |

nAgendradantanirmANavalayA~NkitapANinI || 105 ||

aNgurIyakachitrANgI vichitrakShudraghaNTikA |

paTTAmbaraparIdhAnA kalamanjIrashinjinI || 106 ||

karpUrAgarukastUrIku~NkumadravalepitA |

vichitraratnapRRithivIkalpashAkhitalasthitA || 107 ||

ratnadvIpasphuradratnasiMhAsanavilAsinI |

ShaTchakrabhedanakarI paramAnandarUpiNI || 108 ||

sahasradalapadmAntashchandramaNDalavartinI |

brahmarUpA shivakroDA nAnAsukhavilAsinI || 109 ||

haraviShNuviri~nchIndragrahanAyakasevitA |

shivA shaivA cha rudrANI tathaiva shivavAdinI || 110 ||

mAtaNginI shrImatI cha tathaivAnaNgamekhalA |

DAkinI yoginI chaiva tathopayoginI matA || 111 ||

mAheshvarI vaiShNavI cha bhrAmarI shivarUpiNI |

alambuShA vegavatI krodharUpA sumekhalA || 112 ||

gAndhArI hastajihvA cha iDA chaiva shubha~NkarI |

pi~NgalA brahmadUtI cha suShumnA chaiva gandhinI || 113 ||

AtmayonirbrahmayonirjagadyonirayonijA |

bhagarUpA bhagasthAtrI bhaginI bhagarUpiNI || 114 ||

bhagAtmikA bhagAdhArarUpiNI bhagamAlinI |

liNgAkhyA chaiva liNgeshI tripurA bhairavI tathA || 115 ||

liNgagItiH sugItishcha liNgasthA li~NgarUpadhRRik |

liNgamAnA liNgabhavA liNgaliNgA cha pArvatI || 116 ||

bhagavatI kaushikI cha premA chaiva priyaMvadA |

gRRidhrarUpA shivArUpA chakriNI chakrarUpadhRRik || 117 ||

liNgAbhidhAyinI liNgapriyA li~NganivAsinI |

liNgasthA liNganI liNgarUpiNI liNgasundarI || 118 ||

li~NgagItirmahAprItA bhagagItirmahAsukhA |

li~NganAmasadAnandA bhaganAmasadAgatiH || 119 ||

li~NgamAlAkaNThabhUShA bhagamAlAvibhUShaNA |

bhagaliNgAmRRitaprItA bhagaliNgasvarUpiNI || 120 ||

bhagaliNgasya rUpA cha bhagaliNgasukhAvahA |

svayambhUkusumaprItA svayambhUkusumArchitA || 121 ||

svayambhUkusumaprANA svayambhUpuShpatarpitA |

svayambhUpuShpaghaTitA svayambhUpuShpadhAriNI || 122 ||

svayambhUpuShpatilakA svayambhUpuShpacharchitA |

svayambhUpuShpaniratA svayambhUkusumagrahA || 123 ||

svayambhUpuShpayaj~nAMshA svayambhUkusumAtmikA |

svayambhUpuShpanichitA svayambhUkusumapriyA || 124 ||

svayambhUkusumAdAnalAlasonmattamAnasA |

svayambhUkusumAnandalaharIsnigdhadehinI || 125 ||

svayambhUkusumAdhArA svayambhUkusumAkulA |

svayambhUpuShpanilayA svayambhUpuShpavAsinI || 126 ||

svayambhUkusumasnigdhA svayambhUkusumAtmikA |

svayambhUpuShpakariNI svayambhUpuShpavANikA || 127 ||

svayambhUkusumadhyAnA svayambhUkusumaprabhA |

svayambhUkusumaj~nAnA svayambhUpuShpabhAginI || 128 ||

svayambhUkusumollAsA svayambhUpuShpavarShiNI |

svayambhUkusumotsAhA svayambhUpuShparUpiNI || 129 ||

svayambhUkusumonmAdA svayambhUpuShpasundarI |

svayambhUkusumArAdhyA svayambhUkusumodbhavA || 130 ||

svayambhUkusumAvyagrA svayambhUpuShpapUrNitA |

svayambhUpUjakaprAj~nA svayambhUhotRRimAtRRikA || 131 ||

svayambhUdAtRRirakShitrI svayambhUraktatArikA |

svayambhUpUjakagrastA svayambhUpUjakapriyA || 132 ||

svayambhUvandakAdhArA svayambhUnindakAntakA |

svayambhUpradasarvasvA svayambhUpradaputriNI || 133 ||

svayambhUpradasasmerA svayambhUtasharIriNI |

sarvakAlodbhavaprItA sarvakAlodbhavAtmikA || 134 ||

sarvakAlodbhavodbhAvA sarvakAlodbhavodbhavA |

kuNDapuShpasadAprItA kuNDapuShpasadAratiH || 135 ||

kuNDagolodbhavaprANA kuNDagolodbhavAtmikA |

svayambhUrvA shivA dhAtrI pAvanI lokapAvanI || 136 ||

kIrtiryashasvinI medhA vimedhA shukrasundarI |

ashvinI kRRittikA puShyA tejaskA chandramaNDalA || 137 ||

sUkShmA.asUkShmA balAkA cha varadA bhayanAshinI |

varadA.abhayadA chaiva muktibandhavinAshinI || 138 ||

kAmukA kAmadA kAntA kAmAkhyA kulasundarI |

duHkhadA sukhadA mokShA mokShadArthaprakAshinI || 139 ||

duShTAduShTamatishchaiva sarvakAryavinAshinI |

shukrAdhArA shukrarUpA shukrasindhunivAsinI || 140 ||

shukrAlayA shukrabhogA shukrapUjAsadAratiH |

shukrapUjyA shukrahomasantuShTA shukravatsalA || 141 ||

shukramUrtiH shukradehA shukrapUjakaputriNI |

shukrasthA shukriNI shukrasaMspRRihA shukrasundarI || 142 ||

shukrasnAtA shukrakarI shukrasevyA.atishukriNI |

mahAshukrA shukrabhavA shukravRRiShTividhAyinI || 143 ||

shukrAbhidheyA shukrArhA shukravandakavanditA |

shukrAnandakarI shukrasadAnandAbhidhAyikA || 144 ||

shukrotsavA sadAshukrapUrNA shukramanoramA |

shukrapUjakasarvasvA shukranindakanAshinI || 145 ||

shukrAtmikA shukrasaMvat shukrAkarShaNakAriNI |

shAradA sAdhakaprANA sAdhakAsaktamAnasA || 146 ||

sAdhakottamasarvasvA sAdhakAbhaktaraktapA |

sAdhakAnandasantoShA sAdhakAnandakAriNI || 147 ||

AtmavidyA brahmavidyA parabrahmasvarUpiNI |

trikUTasthA pa~nchakUTA sarvakUTasharIriNI || 148 ||

sarvavarNamayI varNajapamAlAvidhAyinI |

iti shrIkAlikAnAmasahasraM shivabhAShitam || 149 ||

guhyAdguhyataraM sAkShAnmahApAtakanAshanam |

pUjAkAle nishIthe cha sandhyayorubhayorapi || 150 ||

labhate gANapatyaM sa yaH paThet sAdhakottamaH |

yaH paThet pAThayedvApi shRRiNoti shrAvayedapi || 151 ||

sarvapApavinirmuktaH sa yAti kAlikApuram |

shraddhayA.ashraddhayA vApi yaH kashchinmAnavaH smaret || 152 ||

durgaM durgashataM tIrtvA sa yAti paramA~Ngatim |

vandhyA vA kAkavandhyA vA mRRitavatsA cha yA~NganA || 153 ||

shrutvA stotramidaM putrAn labhate chirajIvinaH |

yaM yaM kAmayate kAmaM paThan stotramanuttamam |

devIpAdaprasAdena tattadApnoti nishchitam || 154 ||

iti shrIkAlikAkulasarvasve haraparashurAmasaMvAde shrI kAlikA sahasranAma stotram |