Sri Hari Vayu Stuti

shrI hari vAyu stuti

shloka 1

atha nakhastutiH

pAntvasmAn puruhUtavairibalavanmAta~NgamAdyadghaTA-

-kumbhochchAdrivipATanAdhikapaTu pratyeka vajrAyitAH |

shrImatkaNThIravAsyapratatasunakharA dAritArAtidUra-

-pradhvastadhvAntashAntapravitatamanasA bhAvitA bhUribhAgaiH || 1 ||

lakShmIkAnta samantato.api kalayan naiveshituste samaM

pashyAmyuttamavastu dUrataratopAstaM raso yo.aShTamaH |

yadroShotkara dakSha netra kuTila prAntotthitAgni sphurat

khadyotopama visphuli~NgabhasitA brahmeshashakrotkarAH || 2 ||

atha vAyustutiH

shrImadviShNva~NghriniShThAtiguNagurutamashrImadAnandatIrtha-

-trailokyAchAryapAdojjvalajalajalasatpAMsavo.asmAn punantu |

vAchAM yatra praNetrI tribhuvanamahitA shAradA shAradendu-

-jyotsnAbhadrasmitashrIdhavalitakakubhA premabhAraM babhAra || 1 ||

utkaNThAkuNThakolAhalajavavijitAjasrasevAnuvRRiddha-

-prAjnAtmajnAnadhUtAndhatamasasumanomauliratnAvalInAm |

bhaktyudrekAvagADhapraghaTanasadhaTAtkArasa~NghRRiShyamANa-

prAntaprAgryANghripIThotthitakanakarajaHpinjarAra~njitAshAH || 2 ||

janmAdhivyAdhyupAdhipratihativirahaprApakANAM guNAnAM

agryANAmarpakANAM chiramuditachidAnandasandohadAnAm |

eteShAmeSha doShapramuShitamanasAM dveShiNAM dUShakANAM

daityAnAmArtimandhe tamasi vidadhatAM saMstave nAsmi shaktaH || 3 ||

asyAviShkartukAmaM kalimalakaluShe.asmin jane j~nAnamArgaM

vandyaM chandrendrarudradyumaNiphaNivayonAyakAdyairihAdya |

madhvAkhyaM mantrasiddhaM kimuta kRRitavato mArutasyAvatAraM

pAtAraM pArameShTyaM padamapavipadaH prApturApannapuMsAm || 4 ||

udyadvidyutprachaNDAM nijaruchinikaravyAptalokAvakAsho

bibhradbhImo bhuje yo.abhyuditadinakarAbhA~NgadADhya prakANDe |

vIryoddhAryAM gadAgryAmayamiha sumatiM vAyudevo vidadhyAt

adhyAtmaj~nAnanetA yativaramahito bhUmibhUShAmaNirme || 5 ||

saMsArottApanityopashamadasadayasnehahAsAmbupUra-

-prodyadvidyAnavadyadyutimaNikiraNashreNisampUritAshaH |

shrIvatsA~NkAdhivAsochitatarasaralashrImadAnandatIrtha-

-kShIrAmbhodhirvibhindyAdbhavadanabhimataM bhUri me bhUtihetuH || 6 ||

mUrdhanyeSho.a~njalirme dRRiDhataramiha te badhyate bandhapAsha-

-chChetre dAtre sukhAnAM bhajati bhuvi bhaviShyadvidhAtre dyubhartre |

atyantaM santataM tvaM pradisha padayuge hanta santApabhAjA-

-masmAkaM bhaktimekAM bhagavata uta te mAdhavasyAtha vAyoH || 7 ||

sAbhroShNAbhIshushubhraprabhamabhaya nabho bhUribhUbhRRidvibhUti-

-bhrAjiShNurbhUrRRibhUNAM bhavanamapi vibho.abhedi babhre babhUve |

yena bhrUvibhramaste bhramayatu subhRRishaM babhruvaddurbhRRitAshAn

bhrAntirbhedAvabhAsastviti bhayamabhibhUrbhokShyato mAyibhikShUn || 8 ||

ye.amuM bhAvaM bhajante suramukhasujanArAdhitaM te tRRitIyaM

bhAsante bhAsuraiste sahacharachalitaishchAmaraishchAruveShAH |

vaikuNThe kaNThalagnasthirashuchivilasatkAntitAruNyalIlA-

lAvaNyApUrNakAntAkuchabharasulabhAshleShasammodasAndrAH || 9 ||

AnandAnmandamandA dadati hi marutaH kundamandAranandyA-

-vartAmodAn dadhAnA mRRidupadamuditodgItakaiH sundarINAm |

vRRindairAvandyamuktendvahimagumadanAhIndradevendrasevye

maukunde mandire.asminnaviratamudayanmodinAM devadeva || 10 ||

uttaptA.atyutkaTatviT prakaTakaTakaTadhvAnasa~NghaTTanodya-

-dvidyudvyUDhasphuliNgaprakaravikiraNotkvAthite bAdhitANgAn |

udgADhaM pAtyamAnA tamasi tata itaH kiNkaraiH paNkile te

pa~NktirgrAvNAM garimNA glapayati hi bhavadveShiNo vidvadAdya || 11 ||

asminnasmadgurUNAM haricharaNachiradhyAnasanma~NgalAnAM

yuShmAkaM pArshvabhUmiM dhRRitaraNaraNikasvargisevyAM prapannaH |

yastUdAste sa Aste.adhibhavamasulabhakleshanirmUkamasta-

-prAyAnandaM kathanchinna vasati satataM panchakaShTe.atikaShTe || 12 ||

kShut kShAmAn rUkSharakShoradakharanakharakShuNNavikShobhitAkShA-

-nAmagnAnAndhakUpe kShuramukhamukharaiH pakShibhirvikShatA~NgAn |

pUyAsRRi~NmUtraviShThAkRRimikulakalile tatkShaNakShiptashaktyA-

-dyastravrAtArditAMstvaddviSha upajihate vajrakalpA jalUkAH || 13 ||

mAtarme mAtarishvan pitaratulaguro bhrAtariShTAptabandho

svAmin sarvAntarAtmannajara jarayitarjanmamRRityAmayAnAm |

govinde dehi bhaktiM bhavati cha bhagavannUrjitAM nirnimittAM

nirvyAjAM nishchalAM sadguNagaNabRRihatIM shAshvatImAshu deva || 14 ||

viShNorattyuttamatvAdakhilaguNagaNaistatra bhaktiM gariShThAM

AshliShTe shrIdharAbhyAmamumatha parivArAtmanA sevakeShu |

yaH sandhatte viri~nchashvasanavihagapAnantarudrendrapUrve-

-ShvAdhyAyaMstAratamyaM sphuTamavati sadA vAyurasmadgurustam || 15 ||

tattvaj~nAn muktibhAjaH sukhayisi hi guro yogyatAtAratamyA-

-dAdhatse mishrabuddhiMstridivanirayabhUgocharAn nityabaddhAn |

tAmisrAndhAdikAkhye tamasi subahulaM duHkhayasyanyathAj~nAn

viShNorAj~nAbhiritthaM shRRitishatamitihAsAdi chAkarNayAmaH || 16 ||

vande.ahaM taM hanUmAniti mahitamahApauruSho bAhushAlI

khyAtaste.agryo.avatAraH sahita iha bahubrahmacharyAdidharmaiH |

sasnehAnAM sahasvAnaharaharahitaM nirdahan dehabhAjAM

aMhomohApaho yaH spRRihayati mahatIM bhaktimadyApi rAme || 17 ||

prAkpa~nchAshatsahasrairvyavahitamahitaM yojanaiH parvataM tvaM

yAvatsanjIvanAdyauShadhanidhimadhikaprANa laNkAmanaiShiH |

adrAkShIdutpatantaM tata uta girimutpATayantaM gRRihItvA

yAntaM khe rAghavA~Nghrau praNatamapi tadaikakShaNe tvAM hi lokaH || 18 ||

kShiptaH pashchAtsatsalIlaM shatamatulamate yojanAnAM sa uchcha-

-stAvadvistAravaMshchApyupalalava iva vyagrabuddhyA tvayA.ataH |

svasvasthAnasthitAtisthirashakalashilAjAlasaMshleShanaShTa-

-ChChedA~NkaH prAgivAbhUt kapivaravapuShaste namaH kaushalAya || 19 ||

dRRiShTvA duShTAdhiporaH sphuTitakanakasadvarma ghRRiShTAsthikUTaM

niShpiShTaM hATakAdriprakaTataTataTAkAtisha~Nko jano.abhUt |

yenA.ajau rAvaNAripriyanaTanapaTurmuShTiriShTaM pradeShTuM

kiM neShTe me sa te.aShTApadakaTakataTitkoTibhAmRRiShTakAShThaH || 20 ||

devyAdeshapraNItidRRihiNaharavarAvadhyarakShovighAtA-

-dyAsevodyaddayArdraH sahabhujamakarodrAmanAmA mukundaH |

duShprApe pArameShThye karatalamatulaM mUrdhivinyasya dhanyaM

tanvanbhUyaH prabhUtapraNayavikasitAbjekShaNastvekShamANaH || 21 ||

jaghne nighnena vighno bahulabalabakadhvaMsanAdyena shocha-

-dviprAnukroshapAshairasuvidhRRitisukhasyaikachakrAjanAnAm |

tasmai te deva kurmaH kurukulapataye karmaNA cha praNAmAn

kirmIraM durmatInAM prathamamatha cha yo narmaNA nirmamAtha || 22 ||

nirmRRidnannatyayatnaM vijaravara jarAsandhakAyAsthisandhIn

yuddhe tvaM svadhvare vA pashumiva damayan viShNupakShadviDIsham |

yAvatpratyakShabhUtaM nikhilamakhabhujaM tarpayAmAsithAsau

tAvatyA.ayoji tRRiptyA kimu vada bhagavan rAjasUyAshvamedhe || 23 ||

kShvelAkShINATTahAsaM tava raNamarihannudgadoddAmabAhoH

bahvakShauhiNyanIkakShapaNasunipuNaM yasya sarvottamasya |

shushrUShArthaM chakartha svayamayamatha saMvaktumAnandatIrtha-

-shrImannAmansamarthastvamapi hi yuvayoH pAdapadmaM prapadye || 24 ||

dRRihyantIM hRRidRRihaM mAM dRRitamanila balAddrAvayantImavidyA-

-nidrAM vidrAvya sadyorachanapaTumathA.apAdya vidyAsamudra |

vAgdevI sA suvidyAdraviNada viditA draupadI rudrapatnyA-

-dudriktA drAgabhadrAdrahayatu dayitA pUrvabhImA.aj~nayA te || 25 ||

yAbhyAM shushrUShurAsIH kurukulajanane kShatraviproditAbhyAM

brahmabhyAM bRRiMhitAbhyAM chitasukhavapuShA kRRiShNanAmAspadAbhyAm |

nirbhedAbhyAM visheShAdvivachanaviShayAbhyAmamUbhyAmubhAbhyAM

tubhyaM cha kShemadebhyaH sarisijavilasallochanebhyo namo.astu || 26 ||

gachChan saugandhikArthaM pathi sa hanumataH puchChamachChasya bhImaH

proddhartuM nAshakatsa tvamumuruvapuShA bhIShayAmAsa cheti |

pUrNaj~nAnaujasoste gurutama vapuShoH shrImadAnandatIrtha

krIDAmAtraM tadetat pramadada sudhiyAM mohaka dveShabhAjAm || 27 ||

bahvIH koTIraTIkaH kuTalakaTumatInutkaTATopakopAn

drAkcha tvaM satvaratvAchcharaNada gadayA pothayAmAsithArIn |

unmathyAtathyamithyAtvavachanavachanAnutpathasthAMstathA.anyAn

prAyachChaH svapriyAyai priyatamakusumaM prANa tasmai namaste || 28 ||

dehAdutkrAmitAnAmadhipatirasatAmakramAdvakrabuddhiH

kruddhaH krodhaikavashyaH krimiriva maNimAn duShkRRitI niShkriyArtham |

chakre bhUchakrametya krakachamiva satAM chetasaH kaShTashAstraM

dustarkaM chakrapANerguNagaNavirahaM jIvatAM chAdhikRRitya || 29 ||

tadduShprekShAnusArAtkatipayakunarairAdRRito.anyairvisRRiShTo

brahmA.ahaM nirguNo.ahaM vitathamidamiti hyeSha pAShaNDavAdaH |

tadyuktyAbhAsajAlaprasaraviShatarUddAhadakShapramANa-

-jvAlAmAlAdharAgniH pavana vijayate te.avatArastRRitIyaH || 30 ||

Akroshanto nirAshA bhayabharavivashasvAshayAshChinnadarpA

vAshanto deshanAshasviti bata kudhiyAM nAshamAshAdashA.ashu |

dhAvanto.ashlIlashIlA vitathashapathashApAshivAH shAntashauryA-

-stvadvyAkhyAsiMhanAde sapadi dadRRishire mAyigomAyavaste || 31 ||

triShvapyevAvatAreShvaribhirapaghRRiNaM hiMsito nirvikAraH

sarvaj~naH sarvashaktiH sakalaguNagaNApUrNarUpapragalbhaH |

svachChaH svachChandamRRityuH sukhayasi sujanaM deva kiM chitramatra

trAtA yasya tridhAmA jagaduta vashagaM kiNkarAH shaNkarAdyAH || 32 ||

udyanmandasmitashrImRRidu madhumadhurAlApapIyUShadhArA-

-pUrAsekopashAntAsukhasujanamanolochanApIyamAnam |

sandrakShye sundaraM sanduhadiha mahadAnandamAnandatIrtha

shrImadvaktrendubimbaM duratanududitaM nityadA.ahaM kadA nu || 33 ||

prAchInAchIrNapuNyochchayachaturatarAchAratashchAruchittA-

-natyuchchAM rochayantIM shrutichitavachanAM shrAvakAMshchodyachu~nchUn |

vyAkhyAmutkhAtaduHkhAM chiramuchitamahAchArya chintAratAMste

chitrAM sachChAstrakartAshcharaNaparicharAnChrAvayAsmAMshcha kinchit || 34 ||

pIThe ratnokapaklRRipte ruchiraruchimaNijyotiShA sanniShaNNaM

brahmANaM bhAvinaM tvAM jvalati nijapade vaidikAdyA hi vidyAH |

sevante mUrtimatyaH sucharita charitaM bhAti gandharva gItaM

pratyekaM devasaMsatsvapi tava bhagavannartitadyovadhUShu || 35 ||

sAnukroshairajasraM janimRRitinirayAdyUrmimAlAvile.asmin

saMsArAbdhau nimagnAn sharaNamasharaNAnichChato vIkShya jantUn |

yuShmAbhiH prArthitaH san jalanidhishayanaH satyavatyAM maharShe-

-rvyaktashchinmAtramUrtirna khalu bhagavataH prAkRRito jAtu dehaH || 36 ||

astavyastaM samastashrutigatamadhamai ratnapUgaM yathA.andhai-

-rarthaM lokopakRRityai guNagaNanilayaH sUtrayAmAsa kRRitsnam |

yo.asau vyAsAbhidhAnastamahamaharaharbhaktitastvatprasAdAt

sadyo vidyopalabdhyai gurutamamaguruM devadevaM namAmi || 37 ||

Aj~nAmanyairadhAryAM shirasi parisaradrashmikoTIrakoTau

kRRiShNasyAkliShTakarmA dadhadanusarANAdarthito devasa~NghaiH |

bhUmAvAgatya bhUmannasukaramakarorbrahmasUtrasya bhAShyaM

durbhAShyaM vyasya dasyormaNimata uditaM vedasadyuktibhistvam || 38 ||

bhUtvA kShetre vishuddhe dvijagaNanilaye raupyapIThAbhidhAne

tatrApi brahmajAtistribhuvanavishade madhyagehAkhyagehe |

pArivrAjyAdhirAjaH punarapi badarIM prApya kRRiShNaM cha natvA

kRRitvA bhAShyANi samyag vyatanuta cha bhavAn bhAratArthaprakAsham || 39 ||

vande taM tvAM supUrNapramatimanudinAsevitaM devavRRindaiH

vande vandArumIshe shriya uta niyataM shrImadAnandatIrtham |

vande mandAkinIsatsaridamalajalAsekasAdhikyasa~NgaM

vande.ahaM deva bhaktyA bhavabhayadahanaM sajjanAnmodayantam || 40 ||

subrahmaNyAkhyasUreH suta iti subhRRishaM keshavAnandatIrtha-

shrImatpAdAbjabhaktaH stutimakRRita harervAyudevasya chAsya |

tatpAdArchAdareNa grathitapadalasanmAlayA tvetayA ye

saMrAdhyAmU namanti pratatamatiguNA muktimete vrajanti || 41 ||

atha shrInakhastutiH

pAntvasmAn puruhUtavairibalavanmAta~NgamAdyadghaTA

kumbhochchAdrivipATanAdhikapaTupratyekavajrAyitAH |

shrImatkaNThIravAsya pratata sunakharA dAritArAtidUra-

pradhvastadhvAntashAntapravitatamanasA bhAvitA nAkivRRindaiH || 1 ||

lakShmIkAnta samantato.avikalayan naiveshituste samaM

pashyAmyuttamavastu dUratarato.apAstaM raso yo.aShTamaH |

yadroShotkaradakShanetrakuTilaprAntotthitAgnisphurat

khadyotopamavisphuli~NgabhasitA brahmeshashakrotkarAH || 2 ||

iti shrItrivikramapaNDitAchArya virachitA vAyustutiH samAptA ||