Sri Hari Vayu Stuti

শ্রী হরি বাযু স্তুতি

শ্লোক 1

অথ নখস্তুতিঃ

পান্ত্বস্মান্ পুরুহূতবৈরিবলবন্মাতঙ্গমাদ্যদ্ঘটা-

-কুম্ভোচ্চাদ্রিবিপাটনাধিকপটু প্রত্যেক বজ্রাযিতাঃ ।

শ্রীমত্কণ্ঠীরবাস্যপ্রততসুনখরা দারিতারাতিদূর-

-প্রধ্বস্তধ্বান্তশান্তপ্রবিততমনসা ভাবিতা ভূরিভাগৈঃ

শ্লোক 2

লক্ষ্মীকান্ত সমন্ততোঽপি কলযন্ নৈবেশিতুস্তে সমং

পশ্যাম্যুত্তমবস্তু দূরতরতোপাস্তং রসো যোঽষ্টমঃ ।

যদ্রোষোত্কর দক্ষ নেত্র কুটিল প্রান্তোত্থিতাগ্নি স্ফুরত্

খদ্যোতোপম বিস্ফুলিঙ্গভসিতা ব্রহ্মেশশক্রোত্করাঃ

॥ 1 ॥

শ্লোক 3

অথ বাযুস্তুতিঃ

শ্রীমদ্বিষ্ণ্বঙ্ঘ্রিনিষ্ঠাতিগুণগুরুতমশ্রীমদানন্দতীর্থ-

-ত্রৈলোক্যাচার্যপাদোজ্জ্বলজলজলসত্পাংসবোঽস্মান্ পুনন্তু ।

বাচাং যত্র প্রণেত্রী ত্রিভুবনমহিতা শারদা শারদেন্দু-

-জ্যোত্স্নাভদ্রস্মিতশ্রীধবলিতককুভা প্রেমভারং বভার

॥ 2 ॥

শ্লোক 4

উত্কণ্ঠাকুণ্ঠকোলাহলজববিজিতাজস্রসেবানুবৃদ্ধ-

-প্রাজ্ঞাত্মজ্ঞানধূতান্ধতমসসুমনোমৌলিরত্নাবলীনাম্ ।

ভক্ত্যুদ্রেকাবগাঢপ্রঘটনসধটাত্কারসঙ্ঘৃষ্যমাণ-

প্রান্তপ্রাগ্র্যাঙ্ঘ্রিপীঠোত্থিতকনকরজঃপিঞ্জরারঞ্জিতাশাঃ

॥ 1 ॥

শ্লোক 5

জন্মাধিব্যাধ্যুপাধিপ্রতিহতিবিরহপ্রাপকাণাং গুণানাং

অগ্র্যাণামর্পকাণাং চিরমুদিতচিদানন্দসন্দোহদানাম্ ।

এতেষামেষ দোষপ্রমুষিতমনসাং দ্বেষিণাং দূষকাণাং

দৈত্যানামার্তিমন্ধে তমসি বিদধতাং সংস্তবে নাস্মি শক্তঃ

॥ 2 ॥

শ্লোক 6

অস্যাবিষ্কর্তুকামং কলিমলকলুষেঽস্মিন্ জনে জ্ঞানমার্গং

বন্দ্যং চন্দ্রেন্দ্ররুদ্রদ্যুমণিফণিবযোনাযকাদ্যৈরিহাদ্য ।

মধ্বাখ্যং মন্ত্রসিদ্ধং কিমুত কৃতবতো মারুতস্যাবতারং

পাতারং পারমেষ্ট্যং পদমপবিপদঃ প্রাপ্তুরাপন্নপুংসাম্

॥ 3 ॥

শ্লোক 7

উদ্যদ্বিদ্যুত্প্রচণ্ডাং নিজরুচিনিকরব্যাপ্তলোকাবকাশো

বিভ্রদ্ভীমো ভুজে যোঽভ্যুদিতদিনকরাভাঙ্গদাঢ্য প্রকাণ্ডে ।

বীর্যোদ্ধার্যাং গদাগ্র্যামযমিহ সুমতিং বাযুদেবো বিদধ্যাত্

অধ্যাত্মজ্ঞাননেতা যতিবরমহিতো ভূমিভূষামণির্মে

॥ 4 ॥

শ্লোক 8

সংসারোত্তাপনিত্যোপশমদসদযস্নেহহাসাম্বুপূর-

-প্রোদ্যদ্বিদ্যানবদ্যদ্যুতিমণিকিরণশ্রেণিসম্পূরিতাশঃ ।

শ্রীবত্সাঙ্কাধিবাসোচিততরসরলশ্রীমদানন্দতীর্থ-

-ক্ষীরাম্ভোধির্বিভিন্দ্যাদ্ভবদনভিমতং ভূরি মে ভূতিহেতুঃ

॥ 5 ॥

শ্লোক 9

মূর্ধন্যেষোঽঞ্জলির্মে দৃঢতরমিহ তে বধ্যতে বন্ধপাশ-

-চ্ছেত্রে দাত্রে সুখানাং ভজতি ভুবি ভবিষ্যদ্বিধাত্রে দ্যুভর্ত্রে ।

অত্যন্তং সন্ততং ত্বং প্রদিশ পদযুগে হন্ত সন্তাপভাজা-

-মস্মাকং ভক্তিমেকাং ভগবত উত তে মাধবস্যাথ বাযোঃ

॥ 6 ॥

শ্লোক 10

সাভ্রোষ্ণাভীশুশুভ্রপ্রভমভয নভো ভূরিভূভৃদ্বিভূতি-

-ভ্রাজিষ্ণুর্ভূরৃভূণাং ভবনমপি বিভোঽভেদি বভ্রে বভূবে ।

যেন ভ্রূবিভ্রমস্তে ভ্রমযতু সুভৃশং বভ্রুবদ্দুর্ভৃতাশান্

ভ্রান্তির্ভেদাবভাসস্ত্বিতি ভযমভিভূর্ভোক্ষ্যতো মাযিভিক্ষূন্

॥ 7 ॥

শ্লোক 11

যেঽমুং ভাবং ভজন্তে সুরমুখসুজনারাধিতং তে তৃতীযং

ভাসন্তে ভাসুরৈস্তে সহচরচলিতৈশ্চামরৈশ্চারুবেষাঃ ।

বৈকুণ্ঠে কণ্ঠলগ্নস্থিরশুচিবিলসত্কান্তিতারুণ্যলীলা-

লাবণ্যাপূর্ণকান্তাকুচভরসুলভাশ্লেষসম্মোদসান্দ্রাঃ

॥ 8 ॥

শ্লোক 12

আনন্দান্মন্দমন্দা দদতি হি মরুতঃ কুন্দমন্দারনন্দ্যা-

-বর্তামোদান্ দধানা মৃদুপদমুদিতোদ্গীতকৈঃ সুন্দরীণাম্ ।

বৃন্দৈরাবন্দ্যমুক্তেন্দ্বহিমগুমদনাহীন্দ্রদেবেন্দ্রসেব্যে

মৌকুন্দে মন্দিরেঽস্মিন্নবিরতমুদযন্মোদিনাং দেবদেব

॥ 9 ॥

শ্লোক 13

উত্তপ্তাঽত্যুত্কটত্বিট্ প্রকটকটকটধ্বানসঙ্ঘট্টনোদ্য-

-দ্বিদ্যুদ্ব্যূঢস্ফুলিঙ্গপ্রকরবিকিরণোত্ক্বাথিতে বাধিতাঙ্গান্ ।

উদ্গাঢং পাত্যমানা তমসি তত ইতঃ কিঙ্করৈঃ পঙ্কিলে তে

পঙ্ক্তির্গ্রাব্ণাং গরিম্ণা গ্লপযতি হি ভবদ্বেষিণো বিদ্বদাদ্য

॥ 10 ॥

শ্লোক 14

অস্মিন্নস্মদ্গুরূণাং হরিচরণচিরধ্যানসন্মঙ্গলানাং

যুষ্মাকং পার্শ্বভূমিং ধৃতরণরণিকস্বর্গিসেব্যাং প্রপন্নঃ ।

যস্তূদাস্তে স আস্তেঽধিভবমসুলভক্লেশনির্মূকমস্ত-

-প্রাযানন্দং কথঞ্চিন্ন বসতি সততং পঞ্চকষ্টেঽতিকষ্টে

॥ 11 ॥

শ্লোক 15

ক্ষুত্ ক্ষামান্ রূক্ষরক্ষোরদখরনখরক্ষুণ্ণবিক্ষোভিতাক্ষা-

-নামগ্নানান্ধকূপে ক্ষুরমুখমুখরৈঃ পক্ষিভির্বিক্ষতাঙ্গান্ ।

পূযাসৃঙ্মূত্রবিষ্ঠাকৃমিকুলকলিলে তত্ক্ষণক্ষিপ্তশক্ত্যা-

-দ্যস্ত্রব্রাতার্দিতাংস্ত্বদ্দ্বিষ উপজিহতে বজ্রকল্পা জলূকাঃ

॥ 12 ॥

শ্লোক 16

মাতর্মে মাতরিশ্বন্ পিতরতুলগুরো ভ্রাতরিষ্টাপ্তবন্ধো

স্বামিন্ সর্বান্তরাত্মন্নজর জরযিতর্জন্মমৃত্যামযানাম্ ।

গোবিন্দে দেহি ভক্তিং ভবতি চ ভগবন্নূর্জিতাং নির্নিমিত্তাং

নির্ব্যাজাং নিশ্চলাং সদ্গুণগণবৃহতীং শাশ্বতীমাশু দেব

॥ 13 ॥

শ্লোক 17

বিষ্ণোরত্ত্যুত্তমত্বাদখিলগুণগণৈস্তত্র ভক্তিং গরিষ্ঠাং

আশ্লিষ্টে শ্রীধরাভ্যামমুমথ পরিবারাত্মনা সেবকেষু ।

যঃ সন্ধত্তে বিরিঞ্চশ্বসনবিহগপানন্তরুদ্রেন্দ্রপূর্বে-

-ষ্বাধ্যাযংস্তারতম্যং স্ফুটমবতি সদা বাযুরস্মদ্গুরুস্তম্

॥ 14 ॥

শ্লোক 18

তত্ত্বজ্ঞান্ মুক্তিভাজঃ সুখযিসি হি গুরো যোগ্যতাতারতম্যা-

-দাধত্সে মিশ্রবুদ্ধিংস্ত্রিদিবনিরযভূগোচরান্ নিত্যবদ্ধান্ ।

তামিস্রান্ধাদিকাখ্যে তমসি সুবহুলং দুঃখযস্যন্যথাজ্ঞান্

বিষ্ণোরাজ্ঞাভিরিত্থং শৃতিশতমিতিহাসাদি চাকর্ণযামঃ

॥ 15 ॥

শ্লোক 19

বন্দেঽহং তং হনূমানিতি মহিতমহাপৌরুষো বাহুশালী

খ্যাতস্তেঽগ্র্যোঽবতারঃ সহিত ইহ বহুব্রহ্মচর্যাদিধর্মৈঃ ।

সস্নেহানাং সহস্বানহরহরহিতং নির্দহন্ দেহভাজাং

অংহোমোহাপহো যঃ স্পৃহযতি মহতীং ভক্তিমদ্যাপি রামে

॥ 16 ॥

শ্লোক 20

প্রাক্পঞ্চাশত্সহস্রৈর্ব্যবহিতমহিতং যোজনৈঃ পর্বতং ত্বং

যাবত্সঞ্জীবনাদ্যৌষধনিধিমধিকপ্রাণ লঙ্কামনৈষিঃ ।

অদ্রাক্ষীদুত্পতন্তং তত উত গিরিমুত্পাটযন্তং গৃহীত্বা

যান্তং খে রাঘবাঙ্ঘ্রৌ প্রণতমপি তদৈকক্ষণে ত্বাং হি লোকঃ

॥ 17 ॥

শ্লোক 21

ক্ষিপ্তঃ পশ্চাত্সত্সলীলং শতমতুলমতে যোজনানাং স উচ্চ-

-স্তাবদ্বিস্তারবংশ্চাপ্যুপললব ইব ব্যগ্রবুদ্ধ্যা ত্বযাঽতঃ ।

স্বস্বস্থানস্থিতাতিস্থিরশকলশিলাজালসংশ্লেষনষ্ট-

-ছ্ছেদাঙ্কঃ প্রাগিবাভূত্ কপিবরবপুষস্তে নমঃ কৌশলায

॥ 18 ॥

শ্লোক 22

দৃষ্ট্বা দুষ্টাধিপোরঃ স্ফুটিতকনকসদ্বর্ম ঘৃষ্টাস্থিকূটং

নিষ্পিষ্টং হাটকাদ্রিপ্রকটতটতটাকাতিশঙ্কো জনোঽভূত্ ।

যেনাঽজৌ রাবণারিপ্রিযনটনপটুর্মুষ্টিরিষ্টং প্রদেষ্টুং

কিং নেষ্টে মে স তেঽষ্টাপদকটকতটিত্কোটিভামৃষ্টকাষ্ঠঃ

॥ 19 ॥

শ্লোক 23

দেব্যাদেশপ্রণীতিদৃহিণহরবরাবধ্যরক্ষোবিঘাতা-

-দ্যাসেবোদ্যদ্দযার্দ্রঃ সহভুজমকরোদ্রামনামা মুকুন্দঃ ।

দুষ্প্রাপে পারমেষ্ঠ্যে করতলমতুলং মূর্ধিবিন্যস্য ধন্যং

তন্বন্ভূযঃ প্রভূতপ্রণযবিকসিতাব্জেক্ষণস্ত্বেক্ষমাণঃ

॥ 20 ॥

শ্লোক 24

জঘ্নে নিঘ্নেন বিঘ্নো বহুলবলবকধ্বংসনাদ্যেন শোচ-

-দ্বিপ্রানুক্রোশপাশৈরসুবিধৃতিসুখস্যৈকচক্রাজনানাম্ ।

তস্মৈ তে দেব কুর্মঃ কুরুকুলপতযে কর্মণা চ প্রণামান্

কির্মীরং দুর্মতীনাং প্রথমমথ চ যো নর্মণা নির্মমাথ

॥ 21 ॥

শ্লোক 25

নির্মৃদ্নন্নত্যযত্নং বিজরবর জরাসন্ধকাযাস্থিসন্ধীন্

যুদ্ধে ত্বং স্বধ্বরে বা পশুমিব দমযন্ বিষ্ণুপক্ষদ্বিডীশম্ ।

যাবত্প্রত্যক্ষভূতং নিখিলমখভুজং তর্পযামাসিথাসৌ

তাবত্যাঽযোজি তৃপ্ত্যা কিমু বদ ভগবন্ রাজসূযাশ্বমেধে

॥ 22 ॥

শ্লোক 26

ক্ষ্বেলাক্ষীণাট্টহাসং তব রণমরিহন্নুদ্গদোদ্দামবাহোঃ

বহ্বক্ষৌহিণ্যনীকক্ষপণসুনিপুণং যস্য সর্বোত্তমস্য ।

শুশ্রূষার্থং চকর্থ স্বযমযমথ সংবক্তুমানন্দতীর্থ-

-শ্রীমন্নামন্সমর্থস্ত্বমপি হি যুবযোঃ পাদপদ্মং প্রপদ্যে

॥ 23 ॥

শ্লোক 27

দৃহ্যন্তীং হৃদৃহং মাং দৃতমনিল বলাদ্দ্রাবযন্তীমবিদ্যা-

-নিদ্রাং বিদ্রাব্য সদ্যোরচনপটুমথাঽপাদ্য বিদ্যাসমুদ্র ।

বাগ্দেবী সা সুবিদ্যাদ্রবিণদ বিদিতা দ্রৌপদী রুদ্রপত্ন্যা-

-দুদ্রিক্তা দ্রাগভদ্রাদ্রহযতু দযিতা পূর্বভীমাঽজ্ঞযা তে

॥ 24 ॥

শ্লোক 28

যাভ্যাং শুশ্রূষুরাসীঃ কুরুকুলজননে ক্ষত্রবিপ্রোদিতাভ্যাং

ব্রহ্মভ্যাং বৃংহিতাভ্যাং চিতসুখবপুষা কৃষ্ণনামাস্পদাভ্যাম্ ।

নির্ভেদাভ্যাং বিশেষাদ্বিবচনবিষযাভ্যামমূভ্যামুভাভ্যাং

তুভ্যং চ ক্ষেমদেভ্যঃ সরিসিজবিলসল্লোচনেভ্যো নমোঽস্তু

॥ 25 ॥

শ্লোক 29

গচ্ছন্ সৌগন্ধিকার্থং পথি স হনুমতঃ পুচ্ছমচ্ছস্য ভীমঃ

প্রোদ্ধর্তুং নাশকত্স ত্বমুমুরুবপুষা ভীষযামাস চেতি ।

পূর্ণজ্ঞানৌজসোস্তে গুরুতম বপুষোঃ শ্রীমদানন্দতীর্থ

ক্রীডামাত্রং তদেতত্ প্রমদদ সুধিযাং মোহক দ্বেষভাজাম্

॥ 26 ॥

শ্লোক 30

বহ্বীঃ কোটীরটীকঃ কুটলকটুমতীনুত্কটাটোপকোপান্

দ্রাক্চ ত্বং সত্বরত্বাচ্চরণদ গদযা পোথযামাসিথারীন্ ।

উন্মথ্যাতথ্যমিথ্যাত্ববচনবচনানুত্পথস্থাংস্তথাঽন্যান্

প্রাযচ্ছঃ স্বপ্রিযাযৈ প্রিযতমকুসুমং প্রাণ তস্মৈ নমস্তে

॥ 27 ॥

শ্লোক 31

দেহাদুত্ক্রামিতানামধিপতিরসতামক্রমাদ্বক্রবুদ্ধিঃ

ক্রুদ্ধঃ ক্রোধৈকবশ্যঃ ক্রিমিরিব মণিমান্ দুষ্কৃতী নিষ্ক্রিযার্থম্ ।

চক্রে ভূচক্রমেত্য ক্রকচমিব সতাং চেতসঃ কষ্টশাস্ত্রং

দুস্তর্কং চক্রপাণের্গুণগণবিরহং জীবতাং চাধিকৃত্য

॥ 28 ॥

শ্লোক 32

তদ্দুষ্প্রেক্ষানুসারাত্কতিপযকুনরৈরাদৃতোঽন্যৈর্বিসৃষ্টো

ব্রহ্মাঽহং নির্গুণোঽহং বিতথমিদমিতি হ্যেষ পাষণ্ডবাদঃ ।

তদ্যুক্ত্যাভাসজালপ্রসরবিষতরূদ্দাহদক্ষপ্রমাণ-

-জ্বালামালাধরাগ্নিঃ পবন বিজযতে তেঽবতারস্তৃতীযঃ

॥ 29 ॥

শ্লোক 33

আক্রোশন্তো নিরাশা ভযভরবিবশস্বাশযাশ্ছিন্নদর্পা

বাশন্তো দেশনাশস্বিতি বত কুধিযাং নাশমাশাদশাঽশু ।

ধাবন্তোঽশ্লীলশীলা বিতথশপথশাপাশিবাঃ শান্তশৌর্যা-

-স্ত্বদ্ব্যাখ্যাসিংহনাদে সপদি দদৃশিরে মাযিগোমাযবস্তে

॥ 30 ॥

শ্লোক 34

ত্রিষ্বপ্যেবাবতারেষ্বরিভিরপঘৃণং হিংসিতো নির্বিকারঃ

সর্বজ্ঞঃ সর্বশক্তিঃ সকলগুণগণাপূর্ণরূপপ্রগল্ভঃ ।

স্বচ্ছঃ স্বচ্ছন্দমৃত্যুঃ সুখযসি সুজনং দেব কিং চিত্রমত্র

ত্রাতা যস্য ত্রিধামা জগদুত বশগং কিঙ্করাঃ শঙ্করাদ্যাঃ

॥ 31 ॥

শ্লোক 35

উদ্যন্মন্দস্মিতশ্রীমৃদু মধুমধুরালাপপীযূষধারা-

-পূরাসেকোপশান্তাসুখসুজনমনোলোচনাপীযমানম্ ।

সন্দ্রক্ষ্যে সুন্দরং সন্দুহদিহ মহদানন্দমানন্দতীর্থ

শ্রীমদ্বক্ত্রেন্দুবিম্বং দুরতনুদুদিতং নিত্যদাঽহং কদা নু

॥ 32 ॥

শ্লোক 36

প্রাচীনাচীর্ণপুণ্যোচ্চযচতুরতরাচারতশ্চারুচিত্তা-

-নত্যুচ্চাং রোচযন্তীং শ্রুতিচিতবচনাং শ্রাবকাংশ্চোদ্যচুঞ্চূন্ ।

ব্যাখ্যামুত্খাতদুঃখাং চিরমুচিতমহাচার্য চিন্তারতাংস্তে

চিত্রাং সচ্ছাস্ত্রকর্তাশ্চরণপরিচরাঞ্ছ্রাবযাস্মাংশ্চ কিঞ্চিত্

॥ 33 ॥

শ্লোক 37

পীঠে রত্নোকপক্লৃপ্তে রুচিররুচিমণিজ্যোতিষা সন্নিষণ্ণং

ব্রহ্মাণং ভাবিনং ত্বাং জ্বলতি নিজপদে বৈদিকাদ্যা হি বিদ্যাঃ ।

সেবন্তে মূর্তিমত্যঃ সুচরিত চরিতং ভাতি গন্ধর্ব গীতং

প্রত্যেকং দেবসংসত্স্বপি তব ভগবন্নর্তিতদ্যোবধূষু

॥ 34 ॥

শ্লোক 38

সানুক্রোশৈরজস্রং জনিমৃতিনিরযাদ্যূর্মিমালাবিলেঽস্মিন্

সংসারাব্ধৌ নিমগ্নান্ শরণমশরণানিচ্ছতো বীক্ষ্য জন্তূন্ ।

যুষ্মাভিঃ প্রার্থিতঃ সন্ জলনিধিশযনঃ সত্যবত্যাং মহর্ষে-

-র্ব্যক্তশ্চিন্মাত্রমূর্তির্ন খলু ভগবতঃ প্রাকৃতো জাতু দেহঃ

॥ 35 ॥

শ্লোক 39

অস্তব্যস্তং সমস্তশ্রুতিগতমধমৈ রত্নপূগং যথাঽন্ধৈ-

-রর্থং লোকোপকৃত্যৈ গুণগণনিলযঃ সূত্রযামাস কৃত্স্নম্ ।

যোঽসৌ ব্যাসাভিধানস্তমহমহরহর্ভক্তিতস্ত্বত্প্রসাদাত্

সদ্যো বিদ্যোপলব্ধ্যৈ গুরুতমমগুরুং দেবদেবং নমামি

॥ 36 ॥

শ্লোক 40

আজ্ঞামন্যৈরধার্যাং শিরসি পরিসরদ্রশ্মিকোটীরকোটৌ

কৃষ্ণস্যাক্লিষ্টকর্মা দধদনুসরাণাদর্থিতো দেবসঙ্ঘৈঃ ।

ভূমাবাগত্য ভূমন্নসুকরমকরোর্ব্রহ্মসূত্রস্য ভাষ্যং

দুর্ভাষ্যং ব্যস্য দস্যোর্মণিমত উদিতং বেদসদ্যুক্তিভিস্ত্বম্

॥ 37 ॥

শ্লোক 41

ভূত্বা ক্ষেত্রে বিশুদ্ধে দ্বিজগণনিলযে রৌপ্যপীঠাভিধানে

তত্রাপি ব্রহ্মজাতিস্ত্রিভুবনবিশদে মধ্যগেহাখ্যগেহে ।

পারিব্রাজ্যাধিরাজঃ পুনরপি বদরীং প্রাপ্য কৃষ্ণং চ নত্বা

কৃত্বা ভাষ্যাণি সম্যগ্ ব্যতনুত চ ভবান্ ভারতার্থপ্রকাশম্

॥ 38 ॥

শ্লোক 42

বন্দে তং ত্বাং সুপূর্ণপ্রমতিমনুদিনাসেবিতং দেববৃন্দৈঃ

বন্দে বন্দারুমীশে শ্রিয উত নিযতং শ্রীমদানন্দতীর্থম্ ।

বন্দে মন্দাকিনীসত্সরিদমলজলাসেকসাধিক্যসঙ্গং

বন্দেঽহং দেব ভক্ত্যা ভবভযদহনং সজ্জনান্মোদযন্তম্

॥ 39 ॥

শ্লোক 43

সুব্রহ্মণ্যাখ্যসূরেঃ সুত ইতি সুভৃশং কেশবানন্দতীর্থ-

শ্রীমত্পাদাব্জভক্তঃ স্তুতিমকৃত হরের্বাযুদেবস্য চাস্য ।

তত্পাদার্চাদরেণ গ্রথিতপদলসন্মালযা ত্বেতযা যে

সংরাধ্যামূ নমন্তি প্রততমতিগুণা মুক্তিমেতে ব্রজন্তি

॥ 40 ॥

শ্লোক 44

অথ শ্রীনখস্তুতিঃ

পান্ত্বস্মান্ পুরুহূতবৈরিবলবন্মাতঙ্গমাদ্যদ্ঘটা

কুম্ভোচ্চাদ্রিবিপাটনাধিকপটুপ্রত্যেকবজ্রাযিতাঃ ।

শ্রীমত্কণ্ঠীরবাস্য প্রতত সুনখরা দারিতারাতিদূর-

প্রধ্বস্তধ্বান্তশান্তপ্রবিততমনসা ভাবিতা নাকিবৃন্দৈঃ

॥ 41 ॥

শ্লোক 45

লক্ষ্মীকান্ত সমন্ততোঽবিকলযন্ নৈবেশিতুস্তে সমং

পশ্যাম্যুত্তমবস্তু দূরতরতোঽপাস্তং রসো যোঽষ্টমঃ ।

যদ্রোষোত্করদক্ষনেত্রকুটিলপ্রান্তোত্থিতাগ্নিস্ফুরত্

খদ্যোতোপমবিস্ফুলিঙ্গভসিতা ব্রহ্মেশশক্রোত্করাঃ

॥ 1 ॥

শ্লোক 46

ইতি শ্রীত্রিবিক্রমপণ্ডিতাচার্য বিরচিতা বাযুস্তুতিঃ সমাপ্তা ॥