Sri Devi Khadgamala Stotram

zrI devI khaDgamAlA stotram

zloka 1

zrI devI prArthana

hrIGkArAsanagarbhitAnalazikhAM sauH klIM kalAM bibhratIM

sauvarNAmbaradhAriNIM varasudhAdhautAM trinetrojjvalAm |

vande pustakapAzamaGkuzadharAM sragbhUSitAmujjvalAM

tvAM gaurIM tripurAM parAtparakalAM zrIcakrasaJcAriNIm ||

asya zrI zuddhazaktimAlAmahAmantrasya,

upasthendriyAdhiSThAyI

varuNAditya RSayaH

devI gAyatrI chandaH

sAtvika kakArabhaTTArakapIThasthita kAmezvarAGkanilayA mahAkAmezvarI zrI lalitA bhaTTArikA devatA,

aiM bIjaM

klIM zaktiH

sauH kIlakaM

mama khaDgasiddhyarthe sarvAbhISTasiddhyarthe jape viniyogaH

mUlamantreNa SaDaGganyAsaM kuryAt |

dhyAnam

tAdRzaM khaDgamApnoti yena hastasthitenavai |

aSTAdaza mahAdvIpa samrAT bhotkA bhaviSyati ||

AraktAbhAM triNetrAmaruNimavasanAM ratnatATaGkaramyAM

hastAmbhojaissapAzAGkuza madana dhanussAyakairvisphurantIm |

ApInottuGga vakSoruha kalazaluThattAra hArojjvalAGgIM

dhyAyedambhoruhasthA-maruNimavasanA-mIzvarImIzvarANAm ||

lamityAdipaJca pUjAM kuryAt, yathAzakti mUlamantraM japet |

laM - pRthivItattvAtmikAyai zrI lalitAtripurasundarI parAbhaTTArikAyai gandhaM parikalpayAmi - namaH

haM - AkAzatattvAtmikAyai zrI lalitAtripurasundarI parAbhaTTArikAyai puSpaM parikalpayAmi - namaH

yaM - vAyutattvAtmikAyai zrI lalitAtripurasundarI parAbhaTTArikAyai dhUpaM parikalpayAmi - namaH

raM - tejastattvAtmikAyai zrI lalitAtripurasundarI parAbhaTTArikAyai dIpaM parikalpayAmi - namaH

vaM - amRtatattvAtmikAyai zrI lalitAtripurasundarI parAbhaTTArikAyai amRtanaivedyaM parikalpayAmi - namaH

saM - sarvatattvAtmikAyai zrI lalitAtripurasundarI parAbhaTTArikAyai tAmbUlAdisarvopacArAn parikalpayAmi - namaH

zrI devI sambodhanaM (1)

OM aiM hrIM zrIM aiM klIM sauH OM namastripurasundarI,

nyAsAGgadevatAH (6)

hRdayadevI, zirodevI, zikhAdevI, kavacadevI, netradevI, astradevI,

tithinityAdevatAH (16)

kAmezvarI, bhagamAlinI, nityaklinne, bheruNDe, vahnivAsinI, mahAvajrezvarI, zivadUtI, tvarite, kulasundarI, nitye, nIlapatAke, vijaye, sarvamaGgale, jvAlAmAlinI, citre, mahAnitye,

divyaughaguravaH (7)

paramezvara, paramezvarI, mitrezamayI, SaSThIzamayI, caryAnAthamayI, lopAmudramayI, agastyamayI,

siddhaughaguravaH (4)

kAlatApazamayI, dharmAcAryamayI, muktakezIzvaramayI, dIpakalAnAthamayI,

mAnavaughaguravaH (8)

viSNudevamayI, prabhAkaradevamayI, tejodevamayI, manojadevamayi, kalyANadevamayI, vAsudevamayI, ratnadevamayI, zrIrAmAnandamayI,

zrIcakra prathamAvaraNadevatAH

aNimAsiddhe, laghimAsiddhe, garimAsiddhe, mahimAsiddhe, Izitvasiddhe, vazitvasiddhe, prAkAmyasiddhe, bhuktisiddhe, icchAsiddhe, prAptisiddhe, sarvakAmasiddhe, brAhmI, mAhezvarI, kaumAri, vaiSNavI, vArAhI, mAhendrI, cAmuNDe, mahAlakSmI, sarvasaGkSobhiNI, sarvavidrAviNI, sarvAkarSiNI, sarvavazaGkarI, sarvonmAdinI, sarvamahAGkuze, sarvakhecarI, sarvabIje, sarvayone, sarvatrikhaNDe, trailokyamohana cakrasvAminI, prakaTayoginI,

zrIcakra dvitIyAvaraNadevatAH

kAmAkarSiNI, buddhyAkarSiNI, ahaGkArAkarSiNI, zabdAkarSiNI, sparzAkarSiNI, rUpAkarSiNI, rasAkarSiNI, gandhAkarSiNI, cittAkarSiNI, dhairyAkarSiNI, smRtyAkarSiNI, nAmAkarSiNI, bIjAkarSiNI, AtmAkarSiNI, amRtAkarSiNI, zarIrAkarSiNI, sarvAzAparipUraka cakrasvAminI, guptayoginI,

zrIcakra tRtIyAvaraNadevatAH

anaGgakusume, anaGgamekhale, anaGgamadane, anaGgamadanAture, anaGgarekhe, anaGgaveginI, anaGgAGkuze, anaGgamAlinI, sarvasaGkSobhaNacakrasvAminI, guptatarayoginI,

zrIcakra caturthAvaraNadevatAH

sarvasaGkSobhiNI, sarvavidrAvinI, sarvAkarSiNI, sarvahlAdinI, sarvasammohinI, sarvastambhinI, sarvajRmbhiNI, sarvavazaGkarI, sarvaraJjanI, sarvonmAdinI, sarvArthasAdhike, sarvasampattipUriNI, sarvamantramayI, sarvadvandvakSayaGkarI, sarvasaubhAgyadAyaka cakrasvAminI, sampradAyayoginI,

zrIcakra paJcamAvaraNadevatAH

sarvasiddhiprade, sarvasampatprade, sarvapriyaGkarI, sarvamaGgalakAriNI, sarvakAmaprade, sarvaduHkhavimocanI, sarvamRtyuprazamani, sarvavighnanivAriNI, sarvAGgasundarI, sarvasaubhAgyadAyinI, sarvArthasAdhaka cakrasvAminI, kulottIrNayoginI,

zrIcakra SaSTAvaraNadevatAH

sarvajJe, sarvazakte, sarvaizvaryapradAyinI, sarvajJAnamayI, sarvavyAdhivinAzinI, sarvAdhArasvarUpe, sarvapApahare, sarvAnandamayI, sarvarakSAsvarUpiNI, sarvepsitaphalaprade, sarvarakSAkaracakrasvAminI, nigarbhayoginI,

zrIcakra saptamAvaraNadevatAH

vazinI, kAmezvarI, modinI, vimale, aruNe, jayinI, sarvezvarI, kaulini, sarvarogaharacakrasvAminI, rahasyayoginI,

zrIcakra aSTamAvaraNadevatAH

bANinI, cApinI, pAzinI, aGkuzinI, mahAkAmezvarI, mahAvajrezvarI, mahAbhagamAlinI, sarvasiddhipradacakrasvAminI, atirahasyayoginI,

zrIcakra navamAvaraNadevatAH

zrI zrI mahAbhaTTArike, sarvAnandamayacakrasvAminI, parApararahasyayoginI,

navacakrezvarI nAmAni

tripure, tripurezI, tripurasundarI, tripuravAsinI, tripurAzrIH, tripuramAlinI, tripurasiddhe, tripurAmbA, mahAtripurasundarI,

zrIdevI vizeSaNAni - namaskAranavAkSarIca

mahAmahezvarI, mahAmahArAjJI, mahAmahAzakte, mahAmahAgupte, mahAmahAjJapte, mahAmahAnande, mahAmahAskandhe, mahAmahAzaye, mahAmahA zrIcakranagarasAmrAjJI, namaste namaste namaste namaH |

phalazrutiH

eSA vidyA mahAsiddhidAyinI smRtimAtrataH |

agnivAtamahAkSobhe rAjArASTrasyaviplave ||

luNThane taskarabhaye saGgrAme salilaplave |

samudrayAnavikSobhe bhUtapretAdike bhaye ||

apasmArajvaravyAdhimRtyukSAmAdijebhaye |

zAkinI pUtanAyakSarakSaHkUSmANDaje bhaye ||

mitrabhede grahabhaye vyasaneSvAbhicArike |

anyeSvapi ca doSeSu mAlAmantraM smarennaraH ||

tAdRzaM khaDgamApnoti yena hastasthitenavai |

aSTAdazamahAdvIpasamrADbhoktAbhaviSyati ||

sarvopadravanirmuktassAkSAcchivamayobhavet |

ApatkAle nityapUjAM vistArAtkartumArabhet ||

ekavAraM japadhyAnaM sarvapUjAphalaM labhet |

navAvaraNadevInAM lalitAyA mahaujanaH ||

ekatra gaNanArUpo vedavedAGgagocaraH |

sarvAgamarahasyArthaH smaraNAtpApanAzinI ||

lalitAyAmahezAnyA mAlA vidyA mahIyasI |

naravazyaM narendrANAM vazyaM nArIvazaGkaram ||

aNimAdiguNaizvaryaM raJjanaM pApabhaJjanam |

tattadAvaraNasthAyi devatAbRndamantrakam ||

mAlAmantraM paraM guhyaM paraM dhAma prakIrtitam |

zaktimAlA paJcadhAsyAcchivamAlA ca tAdRzI ||

tasmAdgopyatarAdgopyaM rahasyaM bhuktimuktidam ||

|| iti zrI vAmakezvaratantre umAmahezvarasaMvAde devIkhaDgamAlAstotraratnaM samAptam ||