Sri Bhadrakali Ashtottara Satanama Stotram

ශ්රී භද්රකාලී අෂ්ටෝත්තර ශත නාමා ස්තෝත්රං

ශ්ලොක 1

ශ්රීනන්දිකේශ්වර උවාච

භද්රකාලීමහං වන්දේ වීරභද්රසතීං ශිවාම් .

සුතාම්රාර්චිතපාදාබ්ජං සුඛසෞභාග්යදායිනීම් .. 1 ..

අථ ස්තෝත්රම්

භද්රකාලී කාමරූපා මහාවිද්යා යශස්විනී .

මහාශ්රයා මහාභාගා දක්ෂයාගවිභේදිනී .. 2 ..

රුද්රකෝපසමුද්භූතා භද්රා මුද්රා ශිවඞ්කරී .

චන්ද්රිකා චන්ද්රවදනා රෝෂතාම්රාක්ෂශෝභිනී .. 3 ..

ඉන්ද්රාදිදමනී ශාන්තා චන්ද්රලේඛාවිභූෂිතා .

භක්තාර්තිහාරිණී මුක්තා චණ්ඩිකානන්දදායිනී .. 4 ..

සෞදාමිනී සුධාමූර්තිඃ දිව්යාලඞ්කාරභූෂිතා .

සුවාසිනී සුනාසා ච ත්රිකාලජ්ඤා ධුරන්ධරා .. 5 ..

සර්වජ්ඤා සර්වලෝකේශී දේවයෝනිරයෝනිජා .

නිර්ගුණා නිරහඞ්කාරා ලෝකකල්යාණකාරිණී .. 6 ..

සර්වලෝකප්රියා ගෞරී සර්වගර්වවිමර්දිනී .

තේජෝවතී මහාමාතා කෝටිසූර්යසමප්රභා .. 7 ..

වීරභද්රකෘතානන්දභෝගිනී වීරසේවිතා .

නාරදාදිමුනිස්තුත්යා නිත්යා සත්යා තපස්විනී .. 8 ..

ජ්ඤානරූපා කලාතීතා භක්තාභීෂ්ටඵලප්රදා .

කෛලාසනිලයා ශුභ්රා ක්ෂමා ශ්රීඃ සර්වමඞ්ගලා .. 9 ..

සිද්ධවිද්යා මහාශක්තිඃ කාමිනී පද්මලෝචනා .

දේවප්රියා දෛත්යහන්ත්රී දක්ෂගර්වාපහාරිණී .. 10 ..

ශිවශාසනකර්ත්රී ච ශෛවානන්දවිධායිනී .

භවපාශනිහන්ත්රී ච සවනාඞ්ගසුකාරිණී .. 11 ..

ලම්බෝදරී මහාකාලී භීෂණාස්යා සුරේශ්වරී .

මහානිද්රා යෝගනිද්රා ප්රජ්ඤා වාර්තා ක්රියාවතී .. 12 ..

පුත්රපෞත්රප්රදා සාධ්වී සේනායුද්ධසුකාඞ්ක්ෂිණී .

ඉච්ඡා ශම්භෝඃ කෘපාසින්ධුඃ චණ්ඩී චණ්ඩපරාක්රමා .. 13 ..

ශෝභා භගවතී මායා දුර්ගා නීලා මනෝගතිඃ .

ඛේචරී ඛඩ්ගිනී චක්රහස්තා ශූලවිධාරිණී .. 14 ..

සුබාණා ශක්තිහස්තා ච පාදසඤ්චාරිණී පරා .

තපඃසිද්ධිප්රදා දේවී වීරභද්රසහායිනී .. 15 ..

ධනධාන්යකරී විශ්වා මනෝමාලින්යහාරිණී .

සුනක්ෂත්රෝද්භවකරී වංශවෘද්ධිප්රදායිනී .. 16 ..

බ්රහ්මාදිසුරසංසේව්යා ශාඞ්කරී ප්රියභාෂිණී .

භූතප්රේතපිශාචාදිහාරිණී සුමනස්විනී .. 17 ..

පුණ්යක්ෂේත්රකෘතාවාසා ප්රත්යක්ෂපරමේශ්වරී .

ඒවං නාම්නාං භද්රකාල්යාඃ ශතමෂ්ටෝත්තරං විදුඃ .. 18 ..

පුණ්යං යශෝ දීර්ඝමායුඃ පුත්රපෞත්රං ධනං බහු .

දදාති දේවී තස්යාශු යඃ පඨේත් ස්තෝත්රමුත්තමම් .. 19 ..

භෞමවාරේ භෘගෞ චෛව පෞර්ණමාස්යාං විශේෂතඃ .

ප්රාතඃ ස්නාත්වා නිත්යකර්ම විධාය ච සුභක්තිමාන් .. 20 ..

වීරභද්රාලයේ භද්රාං සම්පූජ්ය සුරසේවිතාම් .

පඨේත් ස්තෝත්රමිදං දිව්යං නානා භෝගප්රදං ශුභම් .. 21 ..

අභීෂ්ටසිද්ධිං ප්රාප්නෝති ශීඝ්රං විද්වාන් පරන්තප .

අථවා ස්වගෘහේ වීරභද්රපත්නීං සමර්චයේත් .. 22 ..

ස්තෝත්රේණානේන විධිවත් සර්වාන් කාමානවාප්නුයාත් .

රෝගා නශ්යන්ති තස්යාශු යෝගසිද්ධිං ච වින්දති .. 23 ..

සනත්කුමාරභක්තානාමිදං ස්තෝත්රං ප්රබෝධය .

රහස්යං සාරභූතං ච සර්වජ්ඤඃ සම්භවිෂ්යසි .. 24 ..

ඉති ශ්රීභද්රකාල්යෂ්ටෝත්තරශතනාම ස්තෝත්රම් .