Sri Bhadrakali Ashtottara Satanama Stotram

ଶ୍ରୀ ଭଦ୍ରକାଲୀ ଅଷ୍ଟୋତ୍ତର ଶତ ନାମା ସ୍ତୋତ୍ରଂ

ଶ୍ଲୋକ 1

ଶ୍ରୀନନ୍ଦିକେଶ୍ଵର ଉଵାଚ

ଭଦ୍ରକାଲୀମହଂ ଵନ୍ଦେ ଵୀରଭଦ୍ରସତୀଂ ଶିଵାମ୍ ।

ସୁତାମ୍ରାର୍ଚିତପାଦାବ୍ଜଂ ସୁଖସୌଭାଗ୍ଯଦାଯିନୀମ୍

ଶ୍ଲୋକ 2

ଅଥ ସ୍ତୋତ୍ରମ୍

ଭଦ୍ରକାଲୀ କାମରୂପା ମହାଵିଦ୍ଯା ଯଶସ୍ଵିନୀ ।

ମହାଶ୍ରଯା ମହାଭାଗା ଦକ୍ଷଯାଗଵିଭେଦିନୀ

॥ 1 ॥

ଶ୍ଲୋକ 3

ରୁଦ୍ରକୋପସମୁଦ୍ଭୂତା ଭଦ୍ରା ମୁଦ୍ରା ଶିଵଙ୍କରୀ ।

ଚନ୍ଦ୍ରିକା ଚନ୍ଦ୍ରଵଦନା ରୋଷତାମ୍ରାକ୍ଷଶୋଭିନୀ

॥ 2 ॥

ଶ୍ଲୋକ 4

ଇନ୍ଦ୍ରାଦିଦମନୀ ଶାନ୍ତା ଚନ୍ଦ୍ରଲେଖାଵିଭୂଷିତା ।

ଭକ୍ତାର୍ତିହାରିଣୀ ମୁକ୍ତା ଚଣ୍ଡିକାନନ୍ଦଦାଯିନୀ

॥ 3 ॥

ଶ୍ଲୋକ 5

ସୌଦାମିନୀ ସୁଧାମୂର୍ତିଃ ଦିଵ୍ଯାଲଙ୍କାରଭୂଷିତା ।

ସୁଵାସିନୀ ସୁନାସା ଚ ତ୍ରିକାଲଜ୍ଞା ଧୁରନ୍ଧରା

॥ 4 ॥

ଶ୍ଲୋକ 6

ସର୍ଵଜ୍ଞା ସର୍ଵଲୋକେଶୀ ଦେଵଯୋନିରଯୋନିଜା ।

ନିର୍ଗୁଣା ନିରହଙ୍କାରା ଲୋକକଲ୍ଯାଣକାରିଣୀ

॥ 5 ॥

ଶ୍ଲୋକ 7

ସର୍ଵଲୋକପ୍ରିଯା ଗୌରୀ ସର୍ଵଗର୍ଵଵିମର୍ଦିନୀ ।

ତେଜୋଵତୀ ମହାମାତା କୋଟିସୂର୍ଯସମପ୍ରଭା

॥ 6 ॥

ଶ୍ଲୋକ 8

ଵୀରଭଦ୍ରକୃତାନନ୍ଦଭୋଗିନୀ ଵୀରସେଵିତା ।

ନାରଦାଦିମୁନିସ୍ତୁତ୍ଯା ନିତ୍ଯା ସତ୍ଯା ତପସ୍ଵିନୀ

॥ 7 ॥

ଶ୍ଲୋକ 9

ଜ୍ଞାନରୂପା କଲାତୀତା ଭକ୍ତାଭୀଷ୍ଟଫଲପ୍ରଦା ।

କୈଲାସନିଲଯା ଶୁଭ୍ରା କ୍ଷମା ଶ୍ରୀଃ ସର୍ଵମଙ୍ଗଲା

॥ 8 ॥

ଶ୍ଲୋକ 10

ସିଦ୍ଧଵିଦ୍ଯା ମହାଶକ୍ତିଃ କାମିନୀ ପଦ୍ମଲୋଚନା ।

ଦେଵପ୍ରିଯା ଦୈତ୍ଯହନ୍ତ୍ରୀ ଦକ୍ଷଗର୍ଵାପହାରିଣୀ

॥ 9 ॥

ଶ୍ଲୋକ 11

ଶିଵଶାସନକର୍ତ୍ରୀ ଚ ଶୈଵାନନ୍ଦଵିଧାଯିନୀ ।

ଭଵପାଶନିହନ୍ତ୍ରୀ ଚ ସଵନାଙ୍ଗସୁକାରିଣୀ

॥ 10 ॥

ଶ୍ଲୋକ 12

ଲମ୍ବୋଦରୀ ମହାକାଲୀ ଭୀଷଣାସ୍ଯା ସୁରେଶ୍ଵରୀ ।

ମହାନିଦ୍ରା ଯୋଗନିଦ୍ରା ପ୍ରଜ୍ଞା ଵାର୍ତା କ୍ରିଯାଵତୀ

॥ 11 ॥

ଶ୍ଲୋକ 13

ପୁତ୍ରପୌତ୍ରପ୍ରଦା ସାଧ୍ଵୀ ସେନାଯୁଦ୍ଧସୁକାଙ୍କ୍ଷିଣୀ ।

ଇଚ୍ଛା ଶମ୍ଭୋଃ କୃପାସିନ୍ଧୁଃ ଚଣ୍ଡୀ ଚଣ୍ଡପରାକ୍ରମା

॥ 12 ॥

ଶ୍ଲୋକ 14

ଶୋଭା ଭଗଵତୀ ମାଯା ଦୁର୍ଗା ନୀଲା ମନୋଗତିଃ ।

ଖେଚରୀ ଖଡ୍ଗିନୀ ଚକ୍ରହସ୍ତା ଶୂଲଵିଧାରିଣୀ

॥ 13 ॥

ଶ୍ଲୋକ 15

ସୁବାଣା ଶକ୍ତିହସ୍ତା ଚ ପାଦସଞ୍ଚାରିଣୀ ପରା ।

ତପଃସିଦ୍ଧିପ୍ରଦା ଦେଵୀ ଵୀରଭଦ୍ରସହାଯିନୀ

॥ 14 ॥

ଶ୍ଲୋକ 16

ଧନଧାନ୍ଯକରୀ ଵିଶ୍ଵା ମନୋମାଲିନ୍ଯହାରିଣୀ ।

ସୁନକ୍ଷତ୍ରୋଦ୍ଭଵକରୀ ଵଂଶଵୃଦ୍ଧିପ୍ରଦାଯିନୀ

॥ 15 ॥

ଶ୍ଲୋକ 17

ବ୍ରହ୍ମାଦିସୁରସଂସେଵ୍ଯା ଶାଙ୍କରୀ ପ୍ରିଯଭାଷିଣୀ ।

ଭୂତପ୍ରେତପିଶାଚାଦିହାରିଣୀ ସୁମନସ୍ଵିନୀ

॥ 16 ॥

ଶ୍ଲୋକ 18

ପୁଣ୍ଯକ୍ଷେତ୍ରକୃତାଵାସା ପ୍ରତ୍ଯକ୍ଷପରମେଶ୍ଵରୀ ।

ଏଵଂ ନାମ୍ନାଂ ଭଦ୍ରକାଲ୍ଯାଃ ଶତମଷ୍ଟୋତ୍ତରଂ ଵିଦୁଃ

॥ 17 ॥

ଶ୍ଲୋକ 19

ପୁଣ୍ଯଂ ଯଶୋ ଦୀର୍ଘମାଯୁଃ ପୁତ୍ରପୌତ୍ରଂ ଧନଂ ବହୁ ।

ଦଦାତି ଦେଵୀ ତସ୍ଯାଶୁ ଯଃ ପଠେତ୍ ସ୍ତୋତ୍ରମୁତ୍ତମମ୍

॥ 18 ॥

ଶ୍ଲୋକ 20

ଭୌମଵାରେ ଭୃଗୌ ଚୈଵ ପୌର୍ଣମାସ୍ଯାଂ ଵିଶେଷତଃ ।

ପ୍ରାତଃ ସ୍ନାତ୍ଵା ନିତ୍ଯକର୍ମ ଵିଧାଯ ଚ ସୁଭକ୍ତିମାନ୍

॥ 19 ॥

ଶ୍ଲୋକ 21

ଵୀରଭଦ୍ରାଲଯେ ଭଦ୍ରାଂ ସମ୍ପୂଜ୍ଯ ସୁରସେଵିତାମ୍ ।

ପଠେତ୍ ସ୍ତୋତ୍ରମିଦଂ ଦିଵ୍ଯଂ ନାନା ଭୋଗପ୍ରଦଂ ଶୁଭମ୍

॥ 20 ॥

ଶ୍ଲୋକ 22

ଅଭୀଷ୍ଟସିଦ୍ଧିଂ ପ୍ରାପ୍ନୋତି ଶୀଘ୍ରଂ ଵିଦ୍ଵାନ୍ ପରନ୍ତପ ।

ଅଥଵା ସ୍ଵଗୃହେ ଵୀରଭଦ୍ରପତ୍ନୀଂ ସମର୍ଚଯେତ୍

॥ 21 ॥

ଶ୍ଲୋକ 23

ସ୍ତୋତ୍ରେଣାନେନ ଵିଧିଵତ୍ ସର୍ଵାନ୍ କାମାନଵାପ୍ନୁଯାତ୍ ।

ରୋଗା ନଶ୍ଯନ୍ତି ତସ୍ଯାଶୁ ଯୋଗସିଦ୍ଧିଂ ଚ ଵିନ୍ଦତି

॥ 22 ॥

ଶ୍ଲୋକ 24

ସନତ୍କୁମାରଭକ୍ତାନାମିଦଂ ସ୍ତୋତ୍ରଂ ପ୍ରବୋଧଯ ।

ରହସ୍ଯଂ ସାରଭୂତଂ ଚ ସର୍ଵଜ୍ଞଃ ସମ୍ଭଵିଷ୍ଯସି

॥ 23 ॥

ଶ୍ଲୋକ 25

ଇତି ଶ୍ରୀଭଦ୍ରକାଲ୍ଯଷ୍ଟୋତ୍ତରଶତନାମ ସ୍ତୋତ୍ରମ୍ ।