Sri Bhadrakali Ashtottara Satanama Stotram

zrI bhadrakAlI aSTottara zata nAmA stotraM

zloka 1

zrInandikezvara uvAca

bhadrakAlImahaM vande vIrabhadrasatIM zivAm |

sutAmrArcitapAdAbjaM sukhasaubhAgyadAyinIm || 1 ||

atha stotram

bhadrakAlI kAmarUpA mahAvidyA yazasvinI |

mahAzrayA mahAbhAgA dakSayAgavibhedinI || 2 ||

rudrakopasamudbhUtA bhadrA mudrA zivaGkarI |

candrikA candravadanA roSatAmrAkSazobhinI || 3 ||

indrAdidamanI zAntA candralekhAvibhUSitA |

bhaktArtihAriNI muktA caNDikAnandadAyinI || 4 ||

saudAminI sudhAmUrtiH divyAlaGkArabhUSitA |

suvAsinI sunAsA ca trikAlajJA dhurandharA || 5 ||

sarvajJA sarvalokezI devayonirayonijA |

nirguNA nirahaGkArA lokakalyANakAriNI || 6 ||

sarvalokapriyA gaurI sarvagarvavimardinI |

tejovatI mahAmAtA koTisUryasamaprabhA || 7 ||

vIrabhadrakRtAnandabhoginI vIrasevitA |

nAradAdimunistutyA nityA satyA tapasvinI || 8 ||

jJAnarUpA kalAtItA bhaktAbhISTaphalapradA |

kailAsanilayA zubhrA kSamA zrIH sarvamaGgalA || 9 ||

siddhavidyA mahAzaktiH kAminI padmalocanA |

devapriyA daityahantrI dakSagarvApahAriNI || 10 ||

zivazAsanakartrI ca zaivAnandavidhAyinI |

bhavapAzanihantrI ca savanAGgasukAriNI || 11 ||

lambodarI mahAkAlI bhISaNAsyA surezvarI |

mahAnidrA yoganidrA prajJA vArtA kriyAvatI || 12 ||

putrapautrapradA sAdhvI senAyuddhasukAGkSiNI |

icchA zambhoH kRpAsindhuH caNDI caNDaparAkramA || 13 ||

zobhA bhagavatI mAyA durgA nIlA manogatiH |

khecarI khaDginI cakrahastA zUlavidhAriNI || 14 ||

subANA zaktihastA ca pAdasaJcAriNI parA |

tapaHsiddhipradA devI vIrabhadrasahAyinI || 15 ||

dhanadhAnyakarI vizvA manomAlinyahAriNI |

sunakSatrodbhavakarI vaMzavRddhipradAyinI || 16 ||

brahmAdisurasaMsevyA zAGkarI priyabhASiNI |

bhUtapretapizAcAdihAriNI sumanasvinI || 17 ||

puNyakSetrakRtAvAsA pratyakSaparamezvarI |

evaM nAmnAM bhadrakAlyAH zatamaSTottaraM viduH || 18 ||

puNyaM yazo dIrghamAyuH putrapautraM dhanaM bahu |

dadAti devI tasyAzu yaH paThet stotramuttamam || 19 ||

bhaumavAre bhRgau caiva paurNamAsyAM vizeSataH |

prAtaH snAtvA nityakarma vidhAya ca subhaktimAn || 20 ||

vIrabhadrAlaye bhadrAM sampUjya surasevitAm |

paThet stotramidaM divyaM nAnA bhogapradaM zubham || 21 ||

abhISTasiddhiM prApnoti zIghraM vidvAn parantapa |

athavA svagRhe vIrabhadrapatnIM samarcayet || 22 ||

stotreNAnena vidhivat sarvAn kAmAnavApnuyAt |

rogA nazyanti tasyAzu yogasiddhiM ca vindati || 23 ||

sanatkumArabhaktAnAmidaM stotraM prabodhaya |

rahasyaM sArabhUtaM ca sarvajJaH sambhaviSyasi || 24 ||

iti zrIbhadrakAlyaSTottarazatanAma stotram |