Sri Bagalamukhi Ashtottara Satanama Stotram

shrI bagalAmukhI aShTottara shata nAmA stotraM

shloka 1

nArada uvAcha

bhagavan devadevesha sRRiShTisthitilayeshvara |

shatamaShTottaraM nAmnAM bagalAyA vadAdhunA || 1 ||

shrI bhagavAnuvAcha

shRRiNu vatsa pravakShyAmi nAmnAmaShTottaraM shatam |

pItAmbaryA mahAdevyAH stotraM pApapraNAshanam || 2 ||

yasya prapaThanAtsadyo vAdI mUkobhavet kShaNAt |

ripavasstambhanaM yAnti satyaM satyaM vadAmyaham || 3 ||

OM asya shrIpItAmbaryaShTottarashatanAmastotrasya sadAshiva RRiShiH anuShTupChandaH shrIpItAmbarI devatA shrIpItAmbarI prItaye jape viniyogaH |

OM bagalA viShNuvanitA viShNusha~NkarabhAminI |

bahulA devamAtA cha mahAviShNuprasUrapi || 4 ||

mahAmatsyA mahAkUrmA mahAvArAharUpiNI |

nArasiMhapriyA ramyA vAmanA paTurUpiNI || 5 ||

jAmadagnyasvarUpA cha rAmA rAmaprapUjitA |

kRRiShNA kapardinI kRRityA kalahA cha vikAriNI || 6 ||

buddhirUpA buddhabhAryA bauddhapAShaNDakhaNDinI |

kalkirUpA kaliharA kalidurgatinAshinI || 7 ||

koTisUryapratIkAshA koTikandarpamohinI |

kevalA kaThinA kAlI kalA kaivalyadAyinI || 8 ||

keshavI keshavArAdhyA kishorI keshavastutA |

rudrarUpA rudramUrtI rudrANI rudradevatA || 9 ||

nakShatrarUpA nakShatrA nakShatreshaprapUjitA |

nakShatreshapriyA nityA nakShatrapativanditA || 10 ||

nAginI nAgajananI nAgarAjapravanditA |

nAgeshvarI nAgakanyA nAgarI cha nagAtmajA || 11 ||

nagAdhirAjatanayA nagarAjaprapUjitA |

navInA nIradA pItA shyAmA saundaryakAriNI || 12 ||

raktA nIlA ghanA shubhrA shvetA saubhAgyadAyinI |

sundarI saubhagA saumyA svarNAbhA svargatipradA || 13 ||

riputrAsakarI rekhA shatrusaMhArakAriNI |

bhAminI cha tathA mAyA stambhinI mohinI shubhA || 14 ||

rAgadveShakarI rAtrI rauravadhvaMsakAriNI |

yakShiNI siddhanivahA siddheshA siddhirUpiNI || 15 ||

laNkApatidhvaMsakarI laNkesharipuvanditA |

la~NkAnAthakulaharA mahArAvaNahAriNI || 16 ||

devadAnavasiddhaughapUjitAparameshvarI |

parANurUpA paramA paratantravinAshinI || 17 ||

varadA varadArAdhyA varadAnaparAyaNA |

varadeshapriyA vIrA vIrabhUShaNabhUShitA || 18 ||

vasudA bahudA vANI brahmarUpA varAnanA |

baladA pItavasanA pItabhUShaNabhUShitA || 19 ||

pItapuShpapriyA pItahArA pItasvarUpiNI |

iti te kathitaM vipra nAmnAmaShTottaraM shatam || 20 ||

yaH paThetpAThayedvApi shRRiNuyAdvA samAhitaH |

tasya shatruH kShayaM sadyo yAti naivAtra saMshayaH || 21 ||

prabhAtakAle prayato manuShyaH

paThetsubhaktyA parichintya pItAm |

dhruvaM bhavettasya samastavRRiddhiH

vinAshamAyAti cha tasya shatruH || 22 ||

iti shrIviShNuyAmale nAradaviShNusaMvAde shrIbagalAShTottarashatanAmastotram |