Sri Bagalamukhi Ashtottara Satanama Stotram

zrI bagalAmukhI aSTottara zata nAmA stotraM

zloka 1

nArada uvAca

bhagavan devadeveza sRSTisthitilayezvara |

zatamaSTottaraM nAmnAM bagalAyA vadAdhunA || 1 ||

zrI bhagavAnuvAca

zRNu vatsa pravakSyAmi nAmnAmaSTottaraM zatam |

pItAmbaryA mahAdevyAH stotraM pApapraNAzanam || 2 ||

yasya prapaThanAtsadyo vAdI mUkobhavet kSaNAt |

ripavasstambhanaM yAnti satyaM satyaM vadAmyaham || 3 ||

OM asya zrIpItAmbaryaSTottarazatanAmastotrasya sadAziva RSiH anuSTupchandaH zrIpItAmbarI devatA zrIpItAmbarI prItaye jape viniyogaH |

OM bagalA viSNuvanitA viSNuzaGkarabhAminI |

bahulA devamAtA ca mahAviSNuprasUrapi || 4 ||

mahAmatsyA mahAkUrmA mahAvArAharUpiNI |

nArasiMhapriyA ramyA vAmanA paTurUpiNI || 5 ||

jAmadagnyasvarUpA ca rAmA rAmaprapUjitA |

kRSNA kapardinI kRtyA kalahA ca vikAriNI || 6 ||

buddhirUpA buddhabhAryA bauddhapASaNDakhaNDinI |

kalkirUpA kaliharA kalidurgatinAzinI || 7 ||

koTisUryapratIkAzA koTikandarpamohinI |

kevalA kaThinA kAlI kalA kaivalyadAyinI || 8 ||

kezavI kezavArAdhyA kizorI kezavastutA |

rudrarUpA rudramUrtI rudrANI rudradevatA || 9 ||

nakSatrarUpA nakSatrA nakSatrezaprapUjitA |

nakSatrezapriyA nityA nakSatrapativanditA || 10 ||

nAginI nAgajananI nAgarAjapravanditA |

nAgezvarI nAgakanyA nAgarI ca nagAtmajA || 11 ||

nagAdhirAjatanayA nagarAjaprapUjitA |

navInA nIradA pItA zyAmA saundaryakAriNI || 12 ||

raktA nIlA ghanA zubhrA zvetA saubhAgyadAyinI |

sundarI saubhagA saumyA svarNAbhA svargatipradA || 13 ||

riputrAsakarI rekhA zatrusaMhArakAriNI |

bhAminI ca tathA mAyA stambhinI mohinI zubhA || 14 ||

rAgadveSakarI rAtrI rauravadhvaMsakAriNI |

yakSiNI siddhanivahA siddhezA siddhirUpiNI || 15 ||

laGkApatidhvaMsakarI laGkezaripuvanditA |

laGkAnAthakulaharA mahArAvaNahAriNI || 16 ||

devadAnavasiddhaughapUjitAparamezvarI |

parANurUpA paramA paratantravinAzinI || 17 ||

varadA varadArAdhyA varadAnaparAyaNA |

varadezapriyA vIrA vIrabhUSaNabhUSitA || 18 ||

vasudA bahudA vANI brahmarUpA varAnanA |

baladA pItavasanA pItabhUSaNabhUSitA || 19 ||

pItapuSpapriyA pItahArA pItasvarUpiNI |

iti te kathitaM vipra nAmnAmaSTottaraM zatam || 20 ||

yaH paThetpAThayedvApi zRNuyAdvA samAhitaH |

tasya zatruH kSayaM sadyo yAti naivAtra saMzayaH || 21 ||

prabhAtakAle prayato manuSyaH

paThetsubhaktyA paricintya pItAm |

dhruvaM bhavettasya samastavRddhiH

vinAzamAyAti ca tasya zatruH || 22 ||

iti zrIviSNuyAmale nAradaviSNusaMvAde zrIbagalASTottarazatanAmastotram |