Sri Adiya (Surya) Dwadasha Nama Stotram

śrī āditya (sūrya) dvādaśa nāma stotram

Śloka 1

ādityaḥ prathamaṃ nāmaṃ dvitīyaṃ tu divākaraḥ |

tṛtīyaṃ bhāskaraḥ proktaṃ caturthaṃ tu prabhākaraḥ || 1 ||

pañcamaṃ tu sahasrāṃśuḥ ṣaṣṭhaṃ caiva trilocanaḥ |

saptamaṃ haridaśvaśca aṣṭamaṃ tu vibhāvasuḥ || 2 ||

navamaṃ dinakṛt proktaṃ daśamaṃ dvādaśātmakaḥ |

ekādaśaṃ trayīmūrtirdvādaśaṃ sūrya eva ca || 3 ||

dvādaśādityanāmāni prātaḥ kāle paṭhennaraḥ |

duḥsvapno naśyate tasya sarvaduḥkhaṃ ca naśyati || 4 ||

dadrukuṣṭhaharaṃ caiva dāridryaṃ harate dhruvam |

sarvatīrthakaraṃ caiva sarvakāmaphalapradam || 5 ||

yaḥ paṭhet prātarutthāya bhaktyā stotramidaṃ naraḥ |

saukhyamāyustathārogyaṃ labhate mokṣameva ca || 6 ||

iti śrī āditya dvādaśanāma stotram |