Sri Aadya Kali Stotram

ශ්රී ආද්ය කාලී ස්තෝත්රං

ශ්ලොක 1

බ්රහ්මෝවාච

ශෘණු වත්ස ප්රවක්ෂ්යාමි ආද්යාස්තෝත්රං මහාඵලම් .

යඃ පඨේත් සතතං භක්ත්යා ස ඒව විෂ්ණුවල්ලභඃ .. 1 ..

මෘත්යුර්ව්යාධිභයං තස්ය නාස්ති කිඤ්චිත් කලෞ යුගේ .

අපුත්රා ලභතේ පුත්රං ත්රිපක්ෂං ශ්රවණං යදි .. 2 ..

ද්වෞ මාසෞ බන්ධනාන්මුක්ති විප්රවක්ත්රාත් ශ්රුතං යදි .

මෘතවත්සා ජීවවත්සා ෂණ්මාසං ශ්රවණං යදි .. 3 ..

නෞකායාං සඞ්කටේ යුද්ධේ පඨනාජ්ජයමාප්නුයාත් .

ලිඛිත්වා ස්ථාපයේද්ගේහේ නාග්නිචෞරභයං ක්වචිත් .. 4 ..

රාජස්ථානේ ජයී නිත්යං ප්රසන්නාඃ සර්වදේවතා .

ඕං හ්රීම් .

බ්රහ්මාණී බ්රහ්මලෝකේ ච වෛකුණ්ඨේ සර්වමඞ්ගලා .. 5 ..

ඉන්ද්රාණී අමරාවත්යාමම්බිකා වරුණාලයේ .

යමාලයේ කාලරූපා කුබේරභවනේ ශුභා .. 6 ..

මහානන්දාග්නිකෝණේ ච වායව්යාං මෘගවාහිනී .

නෛරෘත්යාං රක්තදන්තා ච ඓශාන්යාං ශූලධාරිණී .. 7 ..

පාතාලේ වෛෂ්ණවීරූපා සිංහලේ දේවමෝහිනී .

සුරසා ච මණිද්විපේ ලඞ්කායාං භද්රකාලිකා .. 8 ..

රාමේශ්වරී සේතුබන්ධේ විමලා පුරුෂෝත්තමේ .

විරජා ඖඩ්රදේශේ ච කාමාක්ෂ්යා නීලපර්වතේ .. 9 ..

කාලිකා වඞ්ගදේශේ ච අයෝධ්යායාං මහේශ්වරී .

වාරාණස්යාමන්නපූර්ණා ගයාක්ෂේත්රේ ගයේශ්වරී .. 10 ..

කුරුක්ෂේත්රේ භද්රකාලී ව්රජේ කාත්යායනී පරා .

ද්වාරකායාං මහාමායා මථුරායාං මහේශ්වරී .. 11 ..

ක්ෂුධා ත්වං සර්වභූතානාං වේලා ත්වං සාගරස්ය ච .

නවමී ශුක්ලපක්ෂස්ය කෘෂ්ණස්යෛකාදශී පරා .. 12 ..

දක්ෂසා දුහිතා දේවී දක්ෂයජ්ඤවිනාශිනී .

රාමස්ය ජානකී ත්වං හි රාවණධ්වංසකාරිණී .. 13 ..

චණ්ඩමුණ්ඩවධේ දේවී රක්තබීජවිනාශිනී .

නිශුම්භශුම්භමථිනී මධුකෛටභඝාතිනී .. 14 ..

විෂ්ණුභක්තිප්රදා දුර්ගා සුඛදා මෝක්ෂදා සදා .

ආද්යාස්තවමිමං පුණ්යං යඃ පඨේත් සතතං නරඃ .. 15 ..

සර්වජ්වරභයං න ස්යාත් සර්වව්යාධිවිනාශනම් .

කෝටිතීර්ථඵලං තස්ය ලභතේ නාත්ර සංශයඃ .. 16 ..

ජයා මේ චාග්රතඃ පාතු විජයා පාතු පෘෂ්ඨතඃ .

නාරායණී ශීර්ෂදේශේ සර්වාඞ්ගේ සිංහවාහිනී .. 17 ..

ශිවදූතී උග්රචණ්ඩා ප්රත්යඞ්ගේ පරමේශ්වරී .

විශාලාක්ෂී මහාමායා කෞමාරී ශඞ්ඛිනී ශිවා .. 18 ..

චක්රිණී ජයදාත්රී ච රණමත්තා රණප්රියා .

දුර්ගා ජයන්තී කාලී ච භද්රකාලී මහෝදරී .. 19 ..

නාරසිංහී ච වාරාහී සිද්ධිදාත්රී සුඛප්රදා .

භයඞ්කරී මහාරෞද්රී මහාභයවිනාශිනී .. 20 ..

ඉති ශ්රීබ්රහ්මයාමලේ බ්රහ්මනාරදසංවාදේ ශ්රී ආද්යා ස්තෝත්රම් ..