Sri Aadya Kali Stotram

ଶ୍ରୀ ଆଦ୍ଯ କାଲୀ ସ୍ତୋତ୍ରଂ

ଶ୍ଲୋକ 1

ବ୍ରହ୍ମୋଵାଚ

ଶୃଣୁ ଵତ୍ସ ପ୍ରଵକ୍ଷ୍ଯାମି ଆଦ୍ଯାସ୍ତୋତ୍ରଂ ମହାଫଲମ୍ ।

ଯଃ ପଠେତ୍ ସତତଂ ଭକ୍ତ୍ଯା ସ ଏଵ ଵିଷ୍ଣୁଵଲ୍ଲଭଃ

ଶ୍ଲୋକ 2

ମୃତ୍ଯୁର୍ଵ୍ଯାଧିଭଯଂ ତସ୍ଯ ନାସ୍ତି କିଞ୍ଚିତ୍ କଲୌ ଯୁଗେ ।

ଅପୁତ୍ରା ଲଭତେ ପୁତ୍ରଂ ତ୍ରିପକ୍ଷଂ ଶ୍ରଵଣଂ ଯଦି

॥ 1 ॥

ଶ୍ଲୋକ 3

ଦ୍ଵୌ ମାସୌ ବନ୍ଧନାନ୍ମୁକ୍ତି ଵିପ୍ରଵକ୍ତ୍ରାତ୍ ଶ୍ରୁତଂ ଯଦି ।

ମୃତଵତ୍ସା ଜୀଵଵତ୍ସା ଷଣ୍ମାସଂ ଶ୍ରଵଣଂ ଯଦି

॥ 2 ॥

ଶ୍ଲୋକ 4

ନୌକାଯାଂ ସଙ୍କଟେ ଯୁଦ୍ଧେ ପଠନାଜ୍ଜଯମାପ୍ନୁଯାତ୍ ।

ଲିଖିତ୍ଵା ସ୍ଥାପଯେଦ୍ଗେହେ ନାଗ୍ନିଚୌରଭଯଂ କ୍ଵଚିତ୍

॥ 3 ॥

ଶ୍ଲୋକ 5

ରାଜସ୍ଥାନେ ଜଯୀ ନିତ୍ଯଂ ପ୍ରସନ୍ନାଃ ସର୍ଵଦେଵତା ।

ଓଁ ହ୍ରୀମ୍ ।

ବ୍ରହ୍ମାଣୀ ବ୍ରହ୍ମଲୋକେ ଚ ଵୈକୁଣ୍ଠେ ସର୍ଵମଙ୍ଗଲା

॥ 4 ॥

ଶ୍ଲୋକ 6

ଇନ୍ଦ୍ରାଣୀ ଅମରାଵତ୍ଯାମମ୍ବିକା ଵରୁଣାଲଯେ ।

ଯମାଲଯେ କାଲରୂପା କୁବେରଭଵନେ ଶୁଭା

॥ 5 ॥

ଶ୍ଲୋକ 7

ମହାନନ୍ଦାଗ୍ନିକୋଣେ ଚ ଵାଯଵ୍ଯାଂ ମୃଗଵାହିନୀ ।

ନୈରୃତ୍ଯାଂ ରକ୍ତଦନ୍ତା ଚ ଐଶାନ୍ଯାଂ ଶୂଲଧାରିଣୀ

॥ 6 ॥

ଶ୍ଲୋକ 8

ପାତାଲେ ଵୈଷ୍ଣଵୀରୂପା ସିଂହଲେ ଦେଵମୋହିନୀ ।

ସୁରସା ଚ ମଣିଦ୍ଵିପେ ଲଙ୍କାଯାଂ ଭଦ୍ରକାଲିକା

॥ 7 ॥

ଶ୍ଲୋକ 9

ରାମେଶ୍ଵରୀ ସେତୁବନ୍ଧେ ଵିମଲା ପୁରୁଷୋତ୍ତମେ ।

ଵିରଜା ଔଡ୍ରଦେଶେ ଚ କାମାକ୍ଷ୍ଯା ନୀଲପର୍ଵତେ

॥ 8 ॥

ଶ୍ଲୋକ 10

କାଲିକା ଵଙ୍ଗଦେଶେ ଚ ଅଯୋଧ୍ଯାଯାଂ ମହେଶ୍ଵରୀ ।

ଵାରାଣସ୍ଯାମନ୍ନପୂର୍ଣା ଗଯାକ୍ଷେତ୍ରେ ଗଯେଶ୍ଵରୀ

॥ 9 ॥

ଶ୍ଲୋକ 11

କୁରୁକ୍ଷେତ୍ରେ ଭଦ୍ରକାଲୀ ଵ୍ରଜେ କାତ୍ଯାଯନୀ ପରା ।

ଦ୍ଵାରକାଯାଂ ମହାମାଯା ମଥୁରାଯାଂ ମହେଶ୍ଵରୀ

॥ 10 ॥

ଶ୍ଲୋକ 12

କ୍ଷୁଧା ତ୍ଵଂ ସର୍ଵଭୂତାନାଂ ଵେଲା ତ୍ଵଂ ସାଗରସ୍ଯ ଚ ।

ନଵମୀ ଶୁକ୍ଲପକ୍ଷସ୍ଯ କୃଷ୍ଣସ୍ଯୈକାଦଶୀ ପରା

॥ 11 ॥

ଶ୍ଲୋକ 13

ଦକ୍ଷସା ଦୁହିତା ଦେଵୀ ଦକ୍ଷଯଜ୍ଞଵିନାଶିନୀ ।

ରାମସ୍ଯ ଜାନକୀ ତ୍ଵଂ ହି ରାଵଣଧ୍ଵଂସକାରିଣୀ

॥ 12 ॥

ଶ୍ଲୋକ 14

ଚଣ୍ଡମୁଣ୍ଡଵଧେ ଦେଵୀ ରକ୍ତବୀଜଵିନାଶିନୀ ।

ନିଶୁମ୍ଭଶୁମ୍ଭମଥିନୀ ମଧୁକୈଟଭଘାତିନୀ

॥ 13 ॥

ଶ୍ଲୋକ 15

ଵିଷ୍ଣୁଭକ୍ତିପ୍ରଦା ଦୁର୍ଗା ସୁଖଦା ମୋକ୍ଷଦା ସଦା ।

ଆଦ୍ଯାସ୍ତଵମିମଂ ପୁଣ୍ଯଂ ଯଃ ପଠେତ୍ ସତତଂ ନରଃ

॥ 14 ॥

ଶ୍ଲୋକ 16

ସର୍ଵଜ୍ଵରଭଯଂ ନ ସ୍ଯାତ୍ ସର୍ଵଵ୍ଯାଧିଵିନାଶନମ୍ ।

କୋଟିତୀର୍ଥଫଲଂ ତସ୍ଯ ଲଭତେ ନାତ୍ର ସଂଶଯଃ

॥ 15 ॥

ଶ୍ଲୋକ 17

ଜଯା ମେ ଚାଗ୍ରତଃ ପାତୁ ଵିଜଯା ପାତୁ ପୃଷ୍ଠତଃ ।

ନାରାଯଣୀ ଶୀର୍ଷଦେଶେ ସର୍ଵାଙ୍ଗେ ସିଂହଵାହିନୀ

॥ 16 ॥

ଶ୍ଲୋକ 18

ଶିଵଦୂତୀ ଉଗ୍ରଚଣ୍ଡା ପ୍ରତ୍ଯଙ୍ଗେ ପରମେଶ୍ଵରୀ ।

ଵିଶାଲାକ୍ଷୀ ମହାମାଯା କୌମାରୀ ଶଙ୍ଖିନୀ ଶିଵା

॥ 17 ॥

ଶ୍ଲୋକ 19

ଚକ୍ରିଣୀ ଜଯଦାତ୍ରୀ ଚ ରଣମତ୍ତା ରଣପ୍ରିଯା ।

ଦୁର୍ଗା ଜଯନ୍ତୀ କାଲୀ ଚ ଭଦ୍ରକାଲୀ ମହୋଦରୀ

॥ 18 ॥

ଶ୍ଲୋକ 20

ନାରସିଂହୀ ଚ ଵାରାହୀ ସିଦ୍ଧିଦାତ୍ରୀ ସୁଖପ୍ରଦା ।

ଭଯଙ୍କରୀ ମହାରୌଦ୍ରୀ ମହାଭଯଵିନାଶିନୀ

॥ 19 ॥

ଶ୍ଲୋକ 21

ଇତି ଶ୍ରୀବ୍ରହ୍ମଯାମଲେ ବ୍ରହ୍ମନାରଦସଂଵାଦେ ଶ୍ରୀ ଆଦ୍ଯା ସ୍ତୋତ୍ରମ୍ ॥