Sri Aadya Kali Stotram

shrI Adya kAlI stotraM

shloka 1

brahmovAcha

shRRiNu vatsa pravakShyAmi AdyAstotraM mahAphalam |

yaH paThet satataM bhaktyA sa eva viShNuvallabhaH || 1 ||

mRRityurvyAdhibhayaM tasya nAsti ki~nchit kalau yuge |

aputrA labhate putraM tripakShaM shravaNaM yadi || 2 ||

dvau mAsau bandhanAnmukti vipravaktrAt shrutaM yadi |

mRRitavatsA jIvavatsA ShaNmAsaM shravaNaM yadi || 3 ||

naukAyAM sa~NkaTe yuddhe paThanAjjayamApnuyAt |

likhitvA sthApayedgehe nAgnichaurabhayaM kvachit || 4 ||

rAjasthAne jayI nityaM prasannAH sarvadevatA |

OM hrIm |

brahmANI brahmaloke cha vaikuNThe sarvama~NgalA || 5 ||

indrANI amarAvatyAmambikA varuNAlaye |

yamAlaye kAlarUpA kuberabhavane shubhA || 6 ||

mahAnandAgnikoNe cha vAyavyAM mRRigavAhinI |

nairRRityAM raktadantA cha aishAnyAM shUladhAriNI || 7 ||

pAtAle vaiShNavIrUpA siMhale devamohinI |

surasA cha maNidvipe la~NkAyAM bhadrakAlikA || 8 ||

rAmeshvarI setubandhe vimalA puruShottame |

virajA auDradeshe cha kAmAkShyA nIlaparvate || 9 ||

kAlikA va~Ngadeshe cha ayodhyAyAM maheshvarI |

vArANasyAmannapUrNA gayAkShetre gayeshvarI || 10 ||

kurukShetre bhadrakAlI vraje kAtyAyanI parA |

dvArakAyAM mahAmAyA mathurAyAM maheshvarI || 11 ||

kShudhA tvaM sarvabhUtAnAM velA tvaM sAgarasya cha |

navamI shuklapakShasya kRRiShNasyaikAdashI parA || 12 ||

dakShasA duhitA devI dakShayaj~navinAshinI |

rAmasya jAnakI tvaM hi rAvaNadhvaMsakAriNI || 13 ||

chaNDamuNDavadhe devI raktabIjavinAshinI |

nishumbhashumbhamathinI madhukaiTabhaghAtinI || 14 ||

viShNubhaktipradA durgA sukhadA mokShadA sadA |

AdyAstavamimaM puNyaM yaH paThet satataM naraH || 15 ||

sarvajvarabhayaM na syAt sarvavyAdhivinAshanam |

koTitIrthaphalaM tasya labhate nAtra saMshayaH || 16 ||

jayA me chAgrataH pAtu vijayA pAtu pRRiShThataH |

nArAyaNI shIrShadeshe sarvA~Nge siMhavAhinI || 17 ||

shivadUtI ugrachaNDA pratya~Nge parameshvarI |

vishAlAkShI mahAmAyA kaumArI sha~NkhinI shivA || 18 ||

chakriNI jayadAtrI cha raNamattA raNapriyA |

durgA jayantI kAlI cha bhadrakAlI mahodarI || 19 ||

nArasiMhI cha vArAhI siddhidAtrI sukhapradA |

bhaya~NkarI mahAraudrI mahAbhayavinAshinI || 20 ||

iti shrIbrahmayAmale brahmanAradasaMvAde shrI AdyA stotram ||