Sri Aadya Kali Stotram

শ্রী আদ্য কালী স্তোত্রং

শ্লোক 1

ব্রহ্মোবাচ

শৃণু বত্স প্রবক্ষ্যামি আদ্যাস্তোত্রং মহাফলম্ ।

যঃ পঠেত্ সততং ভক্ত্যা স এব বিষ্ণুবল্লভঃ

শ্লোক 2

মৃত্যুর্ব্যাধিভযং তস্য নাস্তি কিঞ্চিত্ কলৌ যুগে ।

অপুত্রা লভতে পুত্রং ত্রিপক্ষং শ্রবণং যদি

॥ 1 ॥

শ্লোক 3

দ্বৌ মাসৌ বন্ধনান্মুক্তি বিপ্রবক্ত্রাত্ শ্রুতং যদি ।

মৃতবত্সা জীববত্সা ষণ্মাসং শ্রবণং যদি

॥ 2 ॥

শ্লোক 4

নৌকাযাং সঙ্কটে যুদ্ধে পঠনাজ্জযমাপ্নুযাত্ ।

লিখিত্বা স্থাপযেদ্গেহে নাগ্নিচৌরভযং ক্বচিত্

॥ 3 ॥

শ্লোক 5

রাজস্থানে জযী নিত্যং প্রসন্নাঃ সর্বদেবতা ।

ওঁ হ্রীম্ ।

ব্রহ্মাণী ব্রহ্মলোকে চ বৈকুণ্ঠে সর্বমঙ্গলা

॥ 4 ॥

শ্লোক 6

ইন্দ্রাণী অমরাবত্যামম্বিকা বরুণালযে ।

যমালযে কালরূপা কুবেরভবনে শুভা

॥ 5 ॥

শ্লোক 7

মহানন্দাগ্নিকোণে চ বাযব্যাং মৃগবাহিনী ।

নৈরৃত্যাং রক্তদন্তা চ ঐশান্যাং শূলধারিণী

॥ 6 ॥

শ্লোক 8

পাতালে বৈষ্ণবীরূপা সিংহলে দেবমোহিনী ।

সুরসা চ মণিদ্বিপে লঙ্কাযাং ভদ্রকালিকা

॥ 7 ॥

শ্লোক 9

রামেশ্বরী সেতুবন্ধে বিমলা পুরুষোত্তমে ।

বিরজা ঔড্রদেশে চ কামাক্ষ্যা নীলপর্বতে

॥ 8 ॥

শ্লোক 10

কালিকা বঙ্গদেশে চ অযোধ্যাযাং মহেশ্বরী ।

বারাণস্যামন্নপূর্ণা গযাক্ষেত্রে গযেশ্বরী

॥ 9 ॥

শ্লোক 11

কুরুক্ষেত্রে ভদ্রকালী ব্রজে কাত্যাযনী পরা ।

দ্বারকাযাং মহামাযা মথুরাযাং মহেশ্বরী

॥ 10 ॥

শ্লোক 12

ক্ষুধা ত্বং সর্বভূতানাং বেলা ত্বং সাগরস্য চ ।

নবমী শুক্লপক্ষস্য কৃষ্ণস্যৈকাদশী পরা

॥ 11 ॥

শ্লোক 13

দক্ষসা দুহিতা দেবী দক্ষযজ্ঞবিনাশিনী ।

রামস্য জানকী ত্বং হি রাবণধ্বংসকারিণী

॥ 12 ॥

শ্লোক 14

চণ্ডমুণ্ডবধে দেবী রক্তবীজবিনাশিনী ।

নিশুম্ভশুম্ভমথিনী মধুকৈটভঘাতিনী

॥ 13 ॥

শ্লোক 15

বিষ্ণুভক্তিপ্রদা দুর্গা সুখদা মোক্ষদা সদা ।

আদ্যাস্তবমিমং পুণ্যং যঃ পঠেত্ সততং নরঃ

॥ 14 ॥

শ্লোক 16

সর্বজ্বরভযং ন স্যাত্ সর্বব্যাধিবিনাশনম্ ।

কোটিতীর্থফলং তস্য লভতে নাত্র সংশযঃ

॥ 15 ॥

শ্লোক 17

জযা মে চাগ্রতঃ পাতু বিজযা পাতু পৃষ্ঠতঃ ।

নারাযণী শীর্ষদেশে সর্বাঙ্গে সিংহবাহিনী

॥ 16 ॥

শ্লোক 18

শিবদূতী উগ্রচণ্ডা প্রত্যঙ্গে পরমেশ্বরী ।

বিশালাক্ষী মহামাযা কৌমারী শঙ্খিনী শিবা

॥ 17 ॥

শ্লোক 19

চক্রিণী জযদাত্রী চ রণমত্তা রণপ্রিযা ।

দুর্গা জযন্তী কালী চ ভদ্রকালী মহোদরী

॥ 18 ॥

শ্লোক 20

নারসিংহী চ বারাহী সিদ্ধিদাত্রী সুখপ্রদা ।

ভযঙ্করী মহারৌদ্রী মহাভযবিনাশিনী

॥ 19 ॥

শ্লোক 21

ইতি শ্রীব্রহ্মযামলে ব্রহ্মনারদসংবাদে শ্রী আদ্যা স্তোত্রম্ ॥