శ్రీ ఆద్య కాలీ స్తోత్రం

శ్రీ ఆద్య కాలీ స్తోత్రం

శ్లోక 1

బ్రహ్మోవాచ

శృణు వత్స ప్రవక్ష్యామి ఆద్యాస్తోత్రం మహాఫలమ్ ।

యః పఠేత్ సతతం భక్త్యా స ఏవ విష్ణువల్లభః

శ్లోక 2

మృత్యుర్వ్యాధిభయం తస్య నాస్తి కిఞ్చిత్ కలౌ యుగే ।

అపుత్రా లభతే పుత్రం త్రిపక్షం శ్రవణం యది

॥ 1 ॥

శ్లోక 3

ద్వౌ మాసౌ బన్ధనాన్ముక్తి విప్రవక్త్రాత్ శ్రుతం యది ।

మృతవత్సా జీవవత్సా షణ్మాసం శ్రవణం యది

॥ 2 ॥

శ్లోక 4

నౌకాయాం సఙ్కటే యుద్ధే పఠనాజ్జయమాప్నుయాత్ ।

లిఖిత్వా స్థాపయేద్గేహే నాగ్నిచౌరభయం క్వచిత్

॥ 3 ॥

శ్లోక 5

రాజస్థానే జయీ నిత్యం ప్రసన్నాః సర్వదేవతా ।

ఓం హ్రీమ్ ।

బ్రహ్మాణీ బ్రహ్మలోకే చ వైకుణ్ఠే సర్వమఙ్గలా

॥ 4 ॥

శ్లోక 6

ఇన్ద్రాణీ అమరావత్యామమ్బికా వరుణాలయే ।

యమాలయే కాలరూపా కుబేరభవనే శుభా

॥ 5 ॥

శ్లోక 7

మహానన్దాగ్నికోణే చ వాయవ్యాం మృగవాహినీ ।

నైరృత్యాం రక్తదన్తా చ ఐశాన్యాం శూలధారిణీ

॥ 6 ॥

శ్లోక 8

పాతాలే వైష్ణవీరూపా సింహలే దేవమోహినీ ।

సురసా చ మణిద్విపే లఙ్కాయాం భద్రకాలికా

॥ 7 ॥

శ్లోక 9

రామేశ్వరీ సేతుబన్ధే విమలా పురుషోత్తమే ।

విరజా ఔడ్రదేశే చ కామాక్ష్యా నీలపర్వతే

॥ 8 ॥

శ్లోక 10

కాలికా వఙ్గదేశే చ అయోధ్యాయాం మహేశ్వరీ ।

వారాణస్యామన్నపూర్ణా గయాక్షేత్రే గయేశ్వరీ

॥ 9 ॥

శ్లోక 11

కురుక్షేత్రే భద్రకాలీ వ్రజే కాత్యాయనీ పరా ।

ద్వారకాయాం మహామాయా మథురాయాం మహేశ్వరీ

॥ 10 ॥

శ్లోక 12

క్షుధా త్వం సర్వభూతానాం వేలా త్వం సాగరస్య చ ।

నవమీ శుక్లపక్షస్య కృష్ణస్యైకాదశీ పరా

॥ 11 ॥

శ్లోక 13

దక్షసా దుహితా దేవీ దక్షయజ్ఞవినాశినీ ।

రామస్య జానకీ త్వం హి రావణధ్వంసకారిణీ

॥ 12 ॥

శ్లోక 14

చణ్డముణ్డవధే దేవీ రక్తబీజవినాశినీ ।

నిశుమ్భశుమ్భమథినీ మధుకైటభఘాతినీ

॥ 13 ॥

శ్లోక 15

విష్ణుభక్తిప్రదా దుర్గా సుఖదా మోక్షదా సదా ।

ఆద్యాస్తవమిమం పుణ్యం యః పఠేత్ సతతం నరః

॥ 14 ॥

శ్లోక 16

సర్వజ్వరభయం న స్యాత్ సర్వవ్యాధివినాశనమ్ ।

కోటితీర్థఫలం తస్య లభతే నాత్ర సంశయః

॥ 15 ॥

శ్లోక 17

జయా మే చాగ్రతః పాతు విజయా పాతు పృష్ఠతః ।

నారాయణీ శీర్షదేశే సర్వాఙ్గే సింహవాహినీ

॥ 16 ॥

శ్లోక 18

శివదూతీ ఉగ్రచణ్డా ప్రత్యఙ్గే పరమేశ్వరీ ।

విశాలాక్షీ మహామాయా కౌమారీ శఙ్ఖినీ శివా

॥ 17 ॥

శ్లోక 19

చక్రిణీ జయదాత్రీ చ రణమత్తా రణప్రియా ।

దుర్గా జయన్తీ కాలీ చ భద్రకాలీ మహోదరీ

॥ 18 ॥

శ్లోక 20

నారసింహీ చ వారాహీ సిద్ధిదాత్రీ సుఖప్రదా ।

భయఙ్కరీ మహారౌద్రీ మహాభయవినాశినీ

॥ 19 ॥

శ్లోక 21

ఇతి శ్రీబ్రహ్మయామలే బ్రహ్మనారదసంవాదే శ్రీ ఆద్యా స్తోత్రమ్ ॥