ಶ್ರೀ ಆದ್ಯ ಕಾಲೀ ಸ್ತೋತ್ರಂ

ಶ್ರೀ ಆದ್ಯ ಕಾಲೀ ಸ್ತೋತ್ರಂ

ಶ್ಲೋಕ 1

ಬ್ರಹ್ಮೋವಾಚ

ಶೃಣು ವತ್ಸ ಪ್ರವಕ್ಷ್ಯಾಮಿ ಆದ್ಯಾಸ್ತೋತ್ರಂ ಮಹಾಫಲಮ್ ।

ಯಃ ಪಠೇತ್ ಸತತಂ ಭಕ್ತ್ಯಾ ಸ ಏವ ವಿಷ್ಣುವಲ್ಲಭಃ

ಶ್ಲೋಕ 2

ಮೃತ್ಯುರ್ವ್ಯಾಧಿಭಯಂ ತಸ್ಯ ನಾಸ್ತಿ ಕಿಞ್ಚಿತ್ ಕಲೌ ಯುಗೇ ।

ಅಪುತ್ರಾ ಲಭತೇ ಪುತ್ರಂ ತ್ರಿಪಕ್ಷಂ ಶ್ರವಣಂ ಯದಿ

॥ 1 ॥

ಶ್ಲೋಕ 3

ದ್ವೌ ಮಾಸೌ ಬನ್ಧನಾನ್ಮುಕ್ತಿ ವಿಪ್ರವಕ್ತ್ರಾತ್ ಶ್ರುತಂ ಯದಿ ।

ಮೃತವತ್ಸಾ ಜೀವವತ್ಸಾ ಷಣ್ಮಾಸಂ ಶ್ರವಣಂ ಯದಿ

॥ 2 ॥

ಶ್ಲೋಕ 4

ನೌಕಾಯಾಂ ಸಙ್ಕಟೇ ಯುದ್ಧೇ ಪಠನಾಜ್ಜಯಮಾಪ್ನುಯಾತ್ ।

ಲಿಖಿತ್ವಾ ಸ್ಥಾಪಯೇದ್ಗೇಹೇ ನಾಗ್ನಿಚೌರಭಯಂ ಕ್ವಚಿತ್

॥ 3 ॥

ಶ್ಲೋಕ 5

ರಾಜಸ್ಥಾನೇ ಜಯೀ ನಿತ್ಯಂ ಪ್ರಸನ್ನಾಃ ಸರ್ವದೇವತಾ ।

ಓಂ ಹ್ರೀಮ್ ।

ಬ್ರಹ್ಮಾಣೀ ಬ್ರಹ್ಮಲೋಕೇ ಚ ವೈಕುಣ್ಠೇ ಸರ್ವಮಙ್ಗಲಾ

॥ 4 ॥

ಶ್ಲೋಕ 6

ಇನ್ದ್ರಾಣೀ ಅಮರಾವತ್ಯಾಮಮ್ಬಿಕಾ ವರುಣಾಲಯೇ ।

ಯಮಾಲಯೇ ಕಾಲರೂಪಾ ಕುಬೇರಭವನೇ ಶುಭಾ

॥ 5 ॥

ಶ್ಲೋಕ 7

ಮಹಾನನ್ದಾಗ್ನಿಕೋಣೇ ಚ ವಾಯವ್ಯಾಂ ಮೃಗವಾಹಿನೀ ।

ನೈರೃತ್ಯಾಂ ರಕ್ತದನ್ತಾ ಚ ಐಶಾನ್ಯಾಂ ಶೂಲಧಾರಿಣೀ

॥ 6 ॥

ಶ್ಲೋಕ 8

ಪಾತಾಲೇ ವೈಷ್ಣವೀರೂಪಾ ಸಿಂಹಲೇ ದೇವಮೋಹಿನೀ ।

ಸುರಸಾ ಚ ಮಣಿದ್ವಿಪೇ ಲಙ್ಕಾಯಾಂ ಭದ್ರಕಾಲಿಕಾ

॥ 7 ॥

ಶ್ಲೋಕ 9

ರಾಮೇಶ್ವರೀ ಸೇತುಬನ್ಧೇ ವಿಮಲಾ ಪುರುಷೋತ್ತಮೇ ।

ವಿರಜಾ ಔಡ್ರದೇಶೇ ಚ ಕಾಮಾಕ್ಷ್ಯಾ ನೀಲಪರ್ವತೇ

॥ 8 ॥

ಶ್ಲೋಕ 10

ಕಾಲಿಕಾ ವಙ್ಗದೇಶೇ ಚ ಅಯೋಧ್ಯಾಯಾಂ ಮಹೇಶ್ವರೀ ।

ವಾರಾಣಸ್ಯಾಮನ್ನಪೂರ್ಣಾ ಗಯಾಕ್ಷೇತ್ರೇ ಗಯೇಶ್ವರೀ

॥ 9 ॥

ಶ್ಲೋಕ 11

ಕುರುಕ್ಷೇತ್ರೇ ಭದ್ರಕಾಲೀ ವ್ರಜೇ ಕಾತ್ಯಾಯನೀ ಪರಾ ।

ದ್ವಾರಕಾಯಾಂ ಮಹಾಮಾಯಾ ಮಥುರಾಯಾಂ ಮಹೇಶ್ವರೀ

॥ 10 ॥

ಶ್ಲೋಕ 12

ಕ್ಷುಧಾ ತ್ವಂ ಸರ್ವಭೂತಾನಾಂ ವೇಲಾ ತ್ವಂ ಸಾಗರಸ್ಯ ಚ ।

ನವಮೀ ಶುಕ್ಲಪಕ್ಷಸ್ಯ ಕೃಷ್ಣಸ್ಯೈಕಾದಶೀ ಪರಾ

॥ 11 ॥

ಶ್ಲೋಕ 13

ದಕ್ಷಸಾ ದುಹಿತಾ ದೇವೀ ದಕ್ಷಯಜ್ಞವಿನಾಶಿನೀ ।

ರಾಮಸ್ಯ ಜಾನಕೀ ತ್ವಂ ಹಿ ರಾವಣಧ್ವಂಸಕಾರಿಣೀ

॥ 12 ॥

ಶ್ಲೋಕ 14

ಚಣ್ಡಮುಣ್ಡವಧೇ ದೇವೀ ರಕ್ತಬೀಜವಿನಾಶಿನೀ ।

ನಿಶುಮ್ಭಶುಮ್ಭಮಥಿನೀ ಮಧುಕೈಟಭಘಾತಿನೀ

॥ 13 ॥

ಶ್ಲೋಕ 15

ವಿಷ್ಣುಭಕ್ತಿಪ್ರದಾ ದುರ್ಗಾ ಸುಖದಾ ಮೋಕ್ಷದಾ ಸದಾ ।

ಆದ್ಯಾಸ್ತವಮಿಮಂ ಪುಣ್ಯಂ ಯಃ ಪಠೇತ್ ಸತತಂ ನರಃ

॥ 14 ॥

ಶ್ಲೋಕ 16

ಸರ್ವಜ್ವರಭಯಂ ನ ಸ್ಯಾತ್ ಸರ್ವವ್ಯಾಧಿವಿನಾಶನಮ್ ।

ಕೋಟಿತೀರ್ಥಫಲಂ ತಸ್ಯ ಲಭತೇ ನಾತ್ರ ಸಂಶಯಃ

॥ 15 ॥

ಶ್ಲೋಕ 17

ಜಯಾ ಮೇ ಚಾಗ್ರತಃ ಪಾತು ವಿಜಯಾ ಪಾತು ಪೃಷ್ಠತಃ ।

ನಾರಾಯಣೀ ಶೀರ್ಷದೇಶೇ ಸರ್ವಾಙ್ಗೇ ಸಿಂಹವಾಹಿನೀ

॥ 16 ॥

ಶ್ಲೋಕ 18

ಶಿವದೂತೀ ಉಗ್ರಚಣ್ಡಾ ಪ್ರತ್ಯಙ್ಗೇ ಪರಮೇಶ್ವರೀ ।

ವಿಶಾಲಾಕ್ಷೀ ಮಹಾಮಾಯಾ ಕೌಮಾರೀ ಶಙ್ಖಿನೀ ಶಿವಾ

॥ 17 ॥

ಶ್ಲೋಕ 19

ಚಕ್ರಿಣೀ ಜಯದಾತ್ರೀ ಚ ರಣಮತ್ತಾ ರಣಪ್ರಿಯಾ ।

ದುರ್ಗಾ ಜಯನ್ತೀ ಕಾಲೀ ಚ ಭದ್ರಕಾಲೀ ಮಹೋದರೀ

॥ 18 ॥

ಶ್ಲೋಕ 20

ನಾರಸಿಂಹೀ ಚ ವಾರಾಹೀ ಸಿದ್ಧಿದಾತ್ರೀ ಸುಖಪ್ರದಾ ।

ಭಯಙ್ಕರೀ ಮಹಾರೌದ್ರೀ ಮಹಾಭಯವಿನಾಶಿನೀ

॥ 19 ॥

ಶ್ಲೋಕ 21

ಇತಿ ಶ್ರೀಬ್ರಹ್ಮಯಾಮಲೇ ಬ್ರಹ್ಮನಾರದಸಂವಾದೇ ಶ್ರೀ ಆದ್ಯಾ ಸ್ತೋತ್ರಮ್ ॥