shrI viShNu sahasra nAma stotram

OM shuklAmbaradharaM viShNuM shashivarNaM chaturbhujam |

prasannavadanaM dhyAyet sarvavighnopashAntaye || 1 ||

yasyadviradavaktrAdyAH pAriShadyAH paraH shatam |

vighnaM nighnanti satataM viShvaksenaM tamAshraye || 2 ||

pUrva pIThikA

vyAsaM vasiShTha naptAraM shakteH pautramakalmaSham |

parAsharAtmajaM vande shukatAtaM taponidhim || 3 ||

vyAsAya viShNu rUpAya vyAsarUpAya viShNave |

namo vai brahmanidhaye vAsiShThAya namo namaH || 4 ||

avikArAya shuddhAya nityAya paramAtmane |

sadaika rUpa rUpAya viShNave sarvajiShNave || 5 ||

yasya smaraNamAtreNa janmasaMsArabandhanAt |

vimuchyate namastasmai viShNave prabhaviShNave || 6 ||

OM namo viShNave prabhaviShNave |

shrI vaishampAyana uvAcha

shrutvA dharmA nasheSheNa pAvanAni cha sarvashaH |

yudhiShThiraH shAntanavaM punarevAbhya bhAShata || 7 ||

yudhiShThira uvAcha

kimekaM daivataM loke kiM vA.apyekaM parAyaNaM

stuvantaH kaM kamarchantaH prApnuyurmAnavAH shubham || 8 ||

ko dharmaH sarvadharmANAM bhavataH paramo mataH |

kiM japanmuchyate janturjanmasaMsAra bandhanAt || 9 ||

shrI bhIShma uvAcha

jagatprabhuM devadeva manantaM puruShottamam |

stuvannAma sahasreNa puruShaH satatotthitaH || 10 ||

tameva chArchayannityaM bhaktyA puruShamavyayam |

dhyAyan stuvannamasyaMshcha yajamAnastameva cha || 11 ||

anAdi nidhanaM viShNuM sarvaloka maheshvaram |

lokAdhyakShaM stuvannityaM sarva duHkhAtigo bhavet || 12 ||

brahmaNyaM sarva dharmaj~naM lokAnAM kIrti vardhanam |

lokanAthaM mahadbhUtaM sarvabhUta bhavodbhavam|| 13 ||

eSha me sarva dharmANAM dharmo.adhika tamomataH |

yadbhaktyA puNDarIkAkShaM stavairarchennaraH sadA || 14 ||

paramaM yo mahattejaH paramaM yo mahattapaH |

paramaM yo mahadbrahma paramaM yaH parAyaNam | 15 ||

pavitrANAM pavitraM yo maNgalAnAM cha maNgalam |

daivataM devatAnAM cha bhUtAnAM yo.avyayaH pitA || 16 ||

yataH sarvANi bhUtAni bhavantyAdi yugAgame |

yasmiMshcha pralayaM yAnti punareva yugakShaye || 17 ||

tasya loka pradhAnasya jagannAthasya bhUpate |

viShNornAma sahasraM me shruNu pApa bhayApaham || 18 ||

yAni nAmAni gauNAni vikhyAtAni mahAtmanaH |

RRiShibhiH parigItAni tAni vakShyAmi bhUtaye || 19 ||

RRiShirnAmnAM sahasrasya vedavyAso mahAmuniH ||

Chando.anuShTup tathA devo bhagavAn devakIsutaH || 20 ||

amRRitAM shUdbhavo bIjaM shaktirdevakinandanaH |

trisAmA hRRidayaM tasya shAntyarthe viniyujyate || 21 ||

viShNuM jiShNuM mahAviShNuM prabhaviShNuM maheshvaram ||

anekarUpa daityAntaM namAmi puruShottamam || 22 ||

pUrvanyAsaH

asya shrI viShNordivya sahasranAma stotra mahAmantrasya ||

shrI vedavyAso bhagavAn RRiShiH |

anuShTup ChandaH |

shrImahAviShNuH paramAtmA shrImannArAyaNo devatA |

amRRitAMshUdbhavo bhAnuriti bIjam |

devakInandanaH sraShTeti shaktiH |

udbhavaH, kShobhaNo deva iti paramomantraH |

sha~NkhabhRRinnandakI chakrIti kIlakam |

shAr​~NgadhanvA gadAdhara ityastram |

rathA~NgapANi rakShobhya iti netram |

trisAmAsAmagaH sAmeti kavacham |

AnandaM parabrahmeti yoniH |

RRitussudarshanaH kAla iti digbandhaH ||

shrIvishvarUpa iti dhyAnam |

shrI mahAviShNu prItyarthe sahasranAma jape pArAyaNe viniyogaH |

karanyAsaH

vishvaM viShNurvaShaTkAra itya~NguShThAbhyAM namaH

amRRitAM shUdbhavo bhAnuriti tarjanIbhyAM namaH

brahmaNyo brahmakRRit brahmeti madhyamAbhyAM namaH

suvarNabindu rakShobhya iti anAmikAbhyAM namaH

nimiSho.animiShaH sragvIti kaniShThikAbhyAM namaH

rathA~NgapANi rakShobhya iti karatala karapRRiShThAbhyAM namaH

a~NganyAsaH

suvrataH sumukhaH sUkShma iti j~nAnAya hRRidayAya namaH

sahasramUrtiH vishvAtmA iti aishvaryAya shirase svAhA

sahasrArchiH saptajihva iti shaktyai shikhAyai vaShaT

trisAmA sAmagassAmeti balAya kavachAya huM

rathA~NgapANi rakShobhya iti netrAbhyAM vauShaT

shA~NgadhanvA gadAdhara iti vIryAya astrAyaphaT

RRituH sudarshanaH kAla iti digbhandhaH

dhyAnam

kShIrodhanvatpradeshe shuchimaNi-vilasa-tsaikate-mauktikAnAM

mAlA-kLLiptAsanasthaH sphaTika-maNinibhai-rmauktikai-rmaNDitA~NgaH |

shubhrai-rabhrai-radabhrai-ruparivirachitai-rmukta pIyUSha varShaiH

AnandI naH punIyA-darinalinagadA sha~NkhapANi-rmukundaH || 1 ||

bhUH pAdau yasya nAbhirviya-dasura nilashchandra sUryau cha netre

karNAvAshAH shirodyaurmukhamapi dahano yasya vAsteyamabdhiH |

antaHsthaM yasya vishvaM sura narakhagagobhogi gandharvadaityaiH

chitraM raM ramyate taM tribhuvana vapushaM viShNumIshaM namAmi || 2 ||

OM namo bhagavate vAsudevAya !

shAntAkAraM bhujagashayanaM padmanAbhaM sureshaM

vishvAdhAraM gaganasadRRishaM meghavarNaM shubhA~Ngam |

lakShmIkAntaM kamalanayanaM yogihRRirdhyAnagamyam

vande viShNuM bhavabhayaharaM sarvalokaikanAtham || 3 ||

meghashyAmaM pItakausheyavAsaM

shrIvatsAkaM kaustubhodbhAsitA~Ngam |

puNyopetaM puNDarIkAyatAkShaM

viShNuM vande sarvalokaikanAtham || 4 ||

namaH samasta bhUtAnAM Adi bhUtAya bhUbhRRite |

anekarUpa rUpAya viShNave prabhaviShNave || 5||

sasha~NkhachakraM sakirITakuNDalaM

sapItavastraM sarasIruhekShaNam |

sahAra vakShaHsthala shobhi kaustubhaM

namAmi viShNuM shirasA chaturbhujam | 6||

ChAyAyAM pArijAtasya hemasiMhAsanopari

AsInamambudashyAmamAyatAkShamala~NkRRitam || 7 ||

chandrAnanaM chaturbAhuM shrIvatsA~Nkita vakShasam

rukmiNI satyabhAmAbhyAM sahitaM kRRiShNamAshraye || 8 ||

pa~nchapUja

laM - pRRithivyAtmane ganthaM samarpayAmi

haM - AkAshAtmane puShpaiH pUjayAmi

yaM - vAyvAtmane dhUpamAghrApayAmi

raM - agnyAtmane dIpaM darshayAmi

vaM - amRRitAtmane naivedyaM nivedayAmi

saM - sarvAtmane sarvopachAra pUjA namaskArAn samarpayAmi

stotram

hariH om

vishvaM viShNurvaShaTkAro bhUtabhavyabhavatprabhuH |

bhUtakRRidbhUtabhRRidbhAvo bhUtAtmA bhUtabhAvanaH || 1 ||

pUtAtmA paramAtmA cha muktAnAM paramAgatiH |

avyayaH puruShaH sAkShI kShetraj~no.akShara eva cha || 2 ||

yogo yogavidAM netA pradhAna puruSheshvaraH |

nArasiMhavapuH shrImAn keshavaH puruShottamaH || 3 ||

sarvaH sharvaH shivaH sthANurbhUtAdirnidhiravyayaH |

sambhavo bhAvano bhartA prabhavaH prabhurIshvaraH || 4 ||

svayambhUH shambhurAdityaH puShkarAkSho mahAsvanaH |

anAdinidhano dhAtA vidhAtA dhAturuttamaH || 5 ||

aprameyo hRRiShIkeshaH padmanAbho.amaraprabhuH |

vishvakarmA manustvaShTA sthaviShThaH sthaviro dhruvaH || 6 ||

agrAhyaH shAshvato kRRiShNo lohitAkShaH pratardanaH |

prabhUtastrikakubdhAma pavitraM ma~NgalaM param || 7 ||

IshAnaH prANadaH prANo jyeShThaH shreShThaH prajApatiH |

hiraNyagarbho bhUgarbho mAdhavo madhusUdanaH || 8 ||

Ishvaro vikramIdhanvI medhAvI vikramaH kramaH |

anuttamo durAdharShaH kRRitaj~naH kRRitirAtmavAn|| 9 ||

sureshaH sharaNaM sharma vishvaretAH prajAbhavaH |

ahassaMvatsaro vyAlaH pratyayaH sarvadarshanaH || 10 ||

ajassarveshvaraH siddhaH siddhiH sarvAdirachyutaH |

vRRiShAkapirameyAtmA sarvayogavinissRRitaH || 11 ||

vasurvasumanAH satyaH samAtmA sammitassamaH |

amoghaH puNDarIkAkSho vRRiShakarmA vRRiShAkRRitiH || 12 ||

rudro bahushirA babhrurvishvayoniH shuchishravAH |

amRRitaH shAshvatasthANurvarAroho mahAtapAH || 13 ||

sarvagaH sarva vidbhAnurviShvakseno janArdanaH |

vedo vedavidavyaNgo vedANgo vedavitkaviH || 14 ||

lokAdhyakShaH surAdhyakSho dharmAdhyakShaH kRRitAkRRitaH |

chaturAtmA chaturvyUhashchaturdaMShTrashchaturbhujaH || 15 ||

bhrAjiShNurbhojanaM bhoktA sahiShNurjagadAdijaH |

anagho vijayo jetA vishvayoniH punarvasuH || 16 ||

upendro vAmanaH prAMshuramoghaH shuchirUrjitaH |

atIndraH sa~NgrahaH sargo dhRRitAtmA niyamo yamaH || 17 ||

vedyo vaidyaH sadAyogI vIrahA mAdhavo madhuH |

atIndriyo mahAmAyo mahotsAho mahAbalaH || 18 ||

mahAbuddhirmahAvIryo mahAshaktirmahAdyutiH |

anirdeshyavapuH shrImAnameyAtmA mahAdridhRRik || 19 ||

maheshvAso mahIbhartA shrInivAsaH satA~NgatiH |

aniruddhaH surAnando govindo govidAM patiH || 20 ||

marIchirdamano haMsaH suparNo bhujagottamaH |

hiraNyanAbhaH sutapAH padmanAbhaH prajApatiH || 21 ||

amRRityuH sarvadRRik siMhaH sandhAtA sandhimAn sthiraH |

ajo durmarShaNaH shAstA vishrutAtmA surArihA || 22 ||

gururgurutamo dhAma satyaH satyaparAkramaH |

nimiSho.animiShaH sragvI vAchaspatirudAradhIH || 23 ||

agraNIgrAmaNIH shrImAn nyAyo netA samIraNaH

sahasramUrdhA vishvAtmA sahasrAkShaH sahasrapAt || 24 ||

Avartano nivRRittAtmA saMvRRitaH sampramardanaH |

ahaH saMvartako vahniranilo dharaNIdharaH || 25 ||

suprasAdaH prasannAtmA vishvadhRRigvishvabhugvibhuH |

satkartA satkRRitaH sAdhurjahnurnArAyaNo naraH || 26 ||

asa~Nkhyeyo.aprameyAtmA vishiShTaH shiShTakRRichChuchiH |

siddhArthaH siddhasa~NkalpaH siddhidaH siddhi sAdhanaH || 27 ||

vRRiShAhI vRRiShabho viShNurvRRiShaparvA vRRiShodaraH |

vardhano vardhamAnashcha viviktaH shrutisAgaraH || 28 ||

subhujo durdharo vAgmI mahendro vasudo vasuH |

naikarUpo bRRihadrUpaH shipiviShTaH prakAshanaH || 29 ||

ojastejodyutidharaH prakAshAtmA pratApanaH |

RRiddaH spaShTAkSharo mantrashchandrAMshurbhAskaradyutiH || 30 ||

amRRitAMshUdbhavo bhAnuH shashabinduH sureshvaraH |

auShadhaM jagataH setuH satyadharmaparAkramaH || 31 ||

bhUtabhavyabhavannAthaH pavanaH pAvano.analaH |

kAmahA kAmakRRitkAntaH kAmaH kAmapradaH prabhuH || 32 ||

yugAdi kRRidyugAvarto naikamAyo mahAshanaH |

adRRishyo vyaktarUpashcha sahasrajidanantajit || 33 ||

iShTo.avishiShTaH shiShTeShTaH shikhaNDI nahuSho vRRiShaH |

krodhahA krodhakRRitkartA vishvabAhurmahIdharaH || 34 ||

achyutaH prathitaH prANaH prANado vAsavAnujaH |

apAnnidhiradhiShThAnamapramattaH pratiShThitaH || 35 ||

skandaH skandadharo dhuryo varado vAyuvAhanaH |

vAsudevo bRRihadbhAnurAdidevaH purandharaH || 36 ||

ashokastAraNastAraH shUraH shaurirjaneshvaraH |

anukUlaH shatAvartaH padmI padmanibhekShaNaH || 37 ||

padmanAbho.aravindAkShaH padmagarbhaH sharIrabhRRit |

mahardhirRRiddho vRRiddhAtmA mahAkSho garuDadhvajaH || 38 ||

atulaH sharabho bhImaH samayaj~no havirhariH |

sarvalakShaNalakShaNyo lakShmIvAn samiti~njayaH || 39 ||

vikSharo rohito mArgo heturdAmodaraH sahaH |

mahIdharo mahAbhAgo vegavAnamitAshanaH || 40 ||

udbhavaH, kShobhaNo devaH shrIgarbhaH parameshvaraH |

karaNaM kAraNaM kartA vikartA gahano guhaH || 41 ||

vyavasAyo vyavasthAnaH saMsthAnaH sthAnado dhruvaH |

parardhiH paramaspaShTaH tuShTaH puShTaH shubhekShaNaH || 42 ||

rAmo virAmo virajo mArgoneyo nayo.anayaH |

vIraH shaktimatAM shreShTho dharmodharma viduttamaH || 43 ||

vaikuNThaH puruShaH prANaH prANadaH praNavaH pRRithuH |

hiraNyagarbhaH shatrughno vyApto vAyuradhokShajaH || 44 ||

RRituH sudarshanaH kAlaH parameShThI parigrahaH |

ugraH saMvatsaro dakSho vishrAmo vishvadakShiNaH || 45 ||

vistAraH sthAvara sthANuH pramANaM bIjamavyayam |

artho.anartho mahAkosho mahAbhogo mahAdhanaH || 46 ||

anirviNNaH sthaviShTho bhUrdharmayUpo mahAmakhaH |

nakShatranemirnakShatrI kShamaH, kShAmaH samIhanaH || 47 ||

yajna ijyo mahejyashcha kratuH satraM satANgatiH |

sarvadarshI vimuktAtmA sarvajno jnAnamuttamam || 48 ||

suvrataH sumukhaH sUkShmaH sughoShaH sukhadaH suhRRit |

manoharo jitakrodho vIra bAhurvidAraNaH || 49 ||

svApanaH svavasho vyApI naikAtmA naikakarmakRRit| |

vatsaro vatsalo vatsI ratnagarbho dhaneshvaraH || 50 ||

dharmagubdharmakRRiddharmI sadasatkSharamakSharam||

avij~nAtA sahastrAMshurvidhAtA kRRitalakShaNaH || 51 ||

gabhastinemiH sattvasthaH siMho bhUta maheshvaraH |

Adidevo mahAdevo devesho devabhRRidguruH || 52 ||

uttaro gopatirgoptA j~nAnagamyaH purAtanaH |

sharIra bhUtabhRRid bhoktA kapIndro bhUridakShiNaH || 53 ||

somapo.amRRitapaH somaH purujit purusattamaH |

vinayo jayaH satyasandho dAshArhaH sAtvatAM patiH || 54 ||

jIvo vinayitA sAkShI mukundo.amita vikramaH |

ambhonidhiranantAtmA mahodadhi shayontakaH || 55 ||

ajo mahArhaH svAbhAvyo jitAmitraH pramodanaH |

Anando.anandanonandaH satyadharmA trivikramaH || 56 ||

maharShiH kapilAchAryaH kRRitaj~no medinIpatiH |

tripadastridashAdhyakSho mahAshRRi~NgaH kRRitAntakRRit || 57 ||

mahAvarAho govindaH suSheNaH kanakA~NgadI |

guhyo gabhIro gahano guptashchakra gadAdharaH || 58 ||

vedhAH svANgo.ajitaH kRRiShNo dRRiDhaH saNkarShaNo.achyutaH |

varuNo vAruNo vRRikShaH puShkarAkSho mahAmanAH || 59 ||

bhagavAn bhagahA.a.anandI vanamAlI halAyudhaH |

Adityo jyotirAdityaH sahiShNurgatisattamaH || 60 ||

sudhanvA khaNDaparashurdAruNo draviNapradaH |

divaHspRRik sarvadRRigvyAso vAchaspatirayonijaH || 61 ||

trisAmA sAmagaH sAma nirvANaM bheShajaM bhiShak |

sanyAsakRRichChamaH shAnto niShThA shAntiH parAyaNam| 62 ||

shubhA~NgaH shAntidaH sraShTA kumudaH kuvaleshayaH |

gohito gopatirgoptA vRRiShabhAkSho vRRiShapriyaH || 63 ||

anivartI nivRRittAtmA sa~NkSheptA kShemakRRichChivaH |

shrIvatsavakShAH shrIvAsaH shrIpatiH shrImatAMvaraH || 64 ||

shrIdaH shrIshaH shrInivAsaH shrInidhiH shrIvibhAvanaH |

shrIdharaH shrIkaraH shreyaH shrImA.NllokatrayAshrayaH || 65 ||

svakShaH sva~NgaH shatAnando nandirjyotirgaNeshvaraH |

vijitAtmA.avidheyAtmA satkIrtichChinnasaMshayaH || 66 ||

udIrNaH sarvatashchakShuranIshaH shAshvatasthiraH |

bhUshayo bhUShaNo bhUtirvishokaH shokanAshanaH || 67 ||

archiShmAnarchitaH kumbho vishuddhAtmA vishodhanaH |

aniruddho.apratirathaH pradyumno.amitavikramaH || 68 ||

kAlaneminihA vIraH shauriH shUrajaneshvaraH |

trilokAtmA trilokeshaH keshavaH keshihA hariH || 69 ||

kAmadevaH kAmapAlaH kAmI kAntaH kRRitAgamaH |

anirdeshyavapurviShNurvIro.ananto dhana~njayaH || 70 ||

brahmaNyo brahmakRRid brahmA brahma brahmavivardhanaH |

brahmavid brAhmaNo brahmI brahmaj~no brAhmaNapriyaH || 71 ||

mahAkramo mahAkarmA mahAtejA mahoragaH |

mahAkraturmahAyajvA mahAyaj~no mahAhaviH || 72 ||

stavyaH stavapriyaH stotraM stutiH stotA raNapriyaH |

pUrNaH pUrayitA puNyaH puNyakIrtiranAmayaH || 73 ||

manojavastIrthakaro vasuretA vasupradaH |

vasuprado vAsudevo vasurvasumanA haviH || 74 ||

sadgatiH satkRRitiH sattA sadbhUtiH satparAyaNaH |

shUraseno yadushreShThaH sannivAsaH suyAmunaH || 75 ||

bhUtAvAso vAsudevaH sarvAsunilayo.analaH |

darpahA darpado dRRipto durdharo.athAparAjitaH || 76 ||

vishvamUrtirmahAmUrtirdIptamUrtiramUrtimAn |

anekamUrtiravyaktaH shatamUrtiH shatAnanaH || 77 ||

eko naikaH stavaH kaH kiM yattat padamanuttamam |

lokabandhurlokanAtho mAdhavo bhaktavatsalaH || 78 ||

suvarNavarNo hemANgo varANgashchandanA~NgadI |

vIrahA viShamaH shUnyo ghRRitAshIrachalashchalaH || 79 ||

amAnI mAnado mAnyo lokasvAmI trilokadhRRit |

sumedhA medhajo dhanyaH satyamedhA dharAdharaH || 80 ||

tejo.avRRiSho dyutidharaH sarvashastrabhRRitAMvaraH |

pragraho nigraho vyagro naikashRRi~Ngo gadAgrajaH || 81 ||

chaturmUrti shchaturbAhu shchaturvyUha shchaturgatiH |

chaturAtmA chaturbhAvashchaturvedavidekapAt || 82 ||

samAvarto.anivRRittAtmA durjayo duratikramaH |

durlabho durgamo durgo durAvAso durArihA || 83 ||

shubhANgo lokasAraNgaH sutantustantuvardhanaH |

indrakarmA mahAkarmA kRRitakarmA kRRitAgamaH || 84 ||

udbhavaH sundaraH sundo ratnanAbhaH sulochanaH |

arko vAjasanaH shRRi~NgI jayantaH sarvavijjayI || 85 ||

suvarNabindurakShobhyaH sarvavAgIshvareshvaraH |

mahAhRRido mahAgarto mahAbhUto mahAnidhiH || 86 ||

kumudaH kundaraH kundaH parjanyaH pAvano.anilaH |

amRRitAsho.amRRitavapuH sarvaj~naH sarvatomukhaH || 87 ||

sulabhaH suvrataH siddhaH shatrujichChatrutApanaH |

nyagrodho.adumbaro.ashvatthashchANUrAndhra niShUdanaH || 88 ||

sahasrArchiH saptajihvaH saptaidhAH saptavAhanaH |

amUrtiranagho.achintyo bhayakRRidbhayanAshanaH || 89 ||

aNurbRRihatkRRishaH sthUlo guNabhRRinnirguNo mahAn |

adhRRitaH svadhRRitaH svAsyaH prAgvaMsho vaMshavardhanaH || 90 ||

bhArabhRRit kathito yogI yogIshaH sarvakAmadaH |

AshramaH shramaNaH, kShAmaH suparNo vAyuvAhanaH || 91 ||

dhanurdharo dhanurvedo daNDo damayitA damaH |

aparAjitaH sarvasaho niyantA.aniyamo.ayamaH || 92 ||

sattvavAn sAttvikaH satyaH satyadharmaparAyaNaH |

abhiprAyaH priyArho.arhaH priyakRRit prItivardhanaH || 93 ||

vihAyasagatirjyotiH suruchirhutabhugvibhuH |

ravirvirochanaH sUryaH savitA ravilochanaH || 94 ||

ananto hutabhugbhoktA sukhado naikajo.agrajaH |

anirviNNaH sadAmarShI lokadhiShThAnamadbhutaH || 95 ||

sanAtsanAtanatamaH kapilaH kapiravyayaH |

svastidaH svastikRRitsvastiH svastibhuk svastidakShiNaH || 96 ||

araudraH kuNDalI chakrI vikramyUrjitashAsanaH |

shabdAtigaH shabdasahaH shishiraH sharvarIkaraH || 97 ||

akrUraH peshalo dakSho dakShiNaH, kShamiNAMvaraH |

vidvattamo vItabhayaH puNyashravaNakIrtanaH || 98 ||

uttAraNo duShkRRitihA puNyo duHsvapnanAshanaH |

vIrahA rakShaNaH santo jIvanaH paryavasthitaH || 99 ||

anantarUpo.ananta shrIrjitamanyurbhayApahaH |

chaturashro gabhIrAtmA vidisho vyAdisho dishaH || 100 ||

anAdirbhUrbhuvo lakShmIH suvIro ruchirA~NgadaH |

janano janajanmAdirbhImo bhImaparAkramaH || 101 ||

AdhAranilayo.adhAtA puShpahAsaH prajAgaraH |

UrdhvagaH satpathAchAraH prANadaH praNavaH paNaH || 102 ||

pramANaM prANanilayaH prANabhRRit prANajIvanaH |

tattvaM tattvavidekAtmA janmamRRityujarAtigaH || 103 ||

bhUrbhuvaH svastarustAraH savitA prapitAmahaH |

yajno yajnapatiryajvA yajnANgo yaj~navAhanaH || 104 ||

yajnabhRRid yajnakRRid yajnI yajnabhuk yaj~nasAdhanaH |

yajnAntakRRid yajnaguhyamannamannAda eva cha || 105 ||

AtmayoniH svaya~njAto vaikhAnaH sAmagAyanaH |

devakInandanaH sraShTA kShitIshaH pApanAshanaH || 106 ||

shaNkhabhRRinnandakI chakrI shAr​NgadhanvA gadAdharaH |

rathA~NgapANirakShobhyaH sarvapraharaNAyudhaH || 107 ||

shrI sarvapraharaNAyudha OM nama iti |

vanamAlI gadI shAr​NgI shaNkhI chakrI cha nandakI |

shrImAnnArAyaNo viShNurvAsudevo.abhirakShatu || 108 ||

shrI vAsudevo.abhirakShatu OM nama iti |

uttara pIThikA

phalashrutiH

itIdaM kIrtanIyasya keshavasya mahAtmanaH |

nAmnAM sahasraM divyAnAmasheSheNa prakIrtitam| || 1 ||

ya idaM shRRiNuyAnnityaM yashchApi parikIrtayet||

nAshubhaM prApnuyAt ki~nchitso.amutreha cha mAnavaH || 2 ||

vedAntago brAhmaNaH syAt kShatriyo vijayI bhavet |

vaishyo dhanasamRRiddhaH syAt shUdraH sukhamavApnuyAt || 3 ||

dharmArthI prApnuyAddharmamarthArthI chArthamApnuyAt |

kAmAnavApnuyAt kAmI prajArthI chApnuyAtprajAm || 4 || [prApnuyAtprajAm]

bhaktimAn yaH sadotthAya shuchistadgatamAnasaH |

sahasraM vAsudevasya nAmnAmetat prakIrtayet || 5 ||

yashaH prApnoti vipulaM yAtiprAdhAnyameva cha |

achalAM shriyamApnoti shreyaH prApnotyanuttamam| || 6 ||

na bhayaM kvachidApnoti vIryaM tejashcha vindati |

bhavatyarogo dyutimAn balarUpa guNAnvitaH || 7 ||

rogArto muchyate rogAdbaddho muchyeta bandhanAt |

bhayAnmuchyeta bhItastu muchyetApanna ApadaH || 8 ||

durgANyatitaratyAshu puruShaH puruShottamam |

stuvannAmasahasreNa nityaM bhaktisamanvitaH || 9 ||

vAsudevAshrayo martyo vAsudevaparAyaNaH |

sarvapApavishuddhAtmA yAti brahma sanAtanam| || 10 ||

na vAsudeva bhaktAnAmashubhaM vidyate kvachit |

janmamRRityujarAvyAdhibhayaM naivopajAyate || 11 ||

imaM stavamadhIyAnaH shraddhAbhaktisamanvitaH |

yujyetAtma sukhakShAnti shrIdhRRiti smRRiti kIrtibhiH || 12 ||

na krodho na cha mAtsaryaM na lobho nAshubhAmatiH |

bhavanti kRRitapuNyAnAM bhaktAnAM puruShottame || 13 ||

dyauH sa-chandrArka nakShatrA khaM disho bhUrmahodadhiH |

vAsudevasya vIryeNa vidhRRitAni mahAtmanaH || 14 ||

sasurAsuragandharvaM sayakShoragarAkShasam |

jagadvashe vartatedaM kRRiShNasya sa charAcharam| || 15 ||

indriyANi manobuddhiH sattvaM tejo balaM dhRRitiH |

vAsudevAtmakAnyAhuH, kShetraM kShetraj~na eva cha || 16 ||

sarvAgamAnAmAchAraH prathamaM parikalpate |

AchAraprabhavo dharmo dharmasya prabhurachyutaH || 17 ||

RRiShayaH pitaro devA mahAbhUtAni dhAtavaH |

jaNgamAjaNgamaM chedaM jagannArAyaNodbhavam || 18 ||

yogojnAnaM tathA sANkhyaM vidyAH shilpAdikarma cha |

vedAH shAstrANi vij~nAnametatsarvaM janArdanAt || 19 ||

eko viShNurmahadbhUtaM pRRithagbhUtAnyanekashaH |

trIMlokAnvyApya bhUtAtmA bhu~Nkte vishvabhugavyayaH || 20 ||

imaM stavaM bhagavato viShNorvyAsena kIrtitam |

paThedya ichchetpuruShaH shreyaH prAptuM sukhAni cha || 21 ||

vishveshvaramajaM devaM jagataH prabhumavyayam|

bhajanti ye puShkarAkShaM na te yAnti parAbhavam || 22 ||

na te yAnti parAbhavaM OM nama iti |

arjuna uvAcha

padmapatra vishAlAkSha padmanAbha surottama |

bhaktAnA manuraktAnAM trAtA bhava janArdana || 23 ||

shrIbhagavAnuvAcha

yo mAM nAmasahasreNa stotumichChati pANDava |

so.ahamekena shlokena stuta eva na saMshayaH || 24 ||

stuta eva na saMshaya OM nama iti |

vyAsa uvAcha

vAsanAdvAsudevasya vAsitaM bhuvanatrayam |

sarvabhUtanivAso.asi vAsudeva namo.astu te || 25 ||

shrIvAsudeva namostuta OM nama iti |

pArvatyuvAcha

kenopAyena laghunA viShNornAmasahasrakam |

paThyate paNDitairnityaM shrotumichChAmyahaM prabho || 26 ||

Ishvara uvAcha

shrIrAma rAma rAmeti rame rAme manorame |

sahasranAma tattulyaM rAmanAma varAnane || 27 ||

shrIrAma nAma varAnana OM nama iti |

brahmovAcha

namo.astvanantAya sahasramUrtaye sahasrapAdAkShishirorubAhave |

sahasranAmne puruShAya shAshvate sahasrakoTI yugadhAriNe namaH || 28 ||

shrI sahasrakoTI yugadhAriNe nama OM nama iti |

sa~njaya uvAcha

yatra yogeshvaraH kRRiShNo yatra pArtho dhanurdharaH |

tatra shrIrvijayo bhUtirdhruvA nItirmatirmama || 29 ||

shrI bhagavAn uvAcha

ananyAshchintayanto mAM ye janAH paryupAsate |

teShAM nityAbhiyuktAnAM yogakShemaM vahAmyaham| || 30 ||

paritrANAya sAdhUnAM vinAshAya cha duShkRRitAm| |

dharmasaMsthApanArthAya sambhavAmi yuge yuge || 31 ||

ArtAH viShaNNAH shithilAshcha bhItAH ghoreShu cha vyAdhiShu vartamAnAH |

sa~NkIrtya nArAyaNashabdamAtraM vimuktaduHkhAH sukhino bhavanti || 32 ||

kAyena vAchA manasendriyairvA buddhyAtmanA vA prakRRiteH svabhAvAt |

karomi yadyatsakalaM parasmai nArAyaNAyeti samarpayAmi || 33 ||

yadakShara padabhraShTaM mAtrAhInaM tu yadbhavet

tathsarvaM kShamyatAM deva nArAyaNa namo.astu te |

visarga bindu mAtrANi padapAdAkSharANi cha

nyUnAni chAtiriktAni kShamasva puruShottamaH ||

iti shrI mahAbhArate shatasAhasrikAyAM saMhitAyAM vaiyAsikyAmanushAsana parvAntargata AnushAsanika parvaNi, mokShadharme bhIShma yudhiShThira saMvAde shrI viShNordivya sahasranAma stotraM nAmaikona pa~ncha shatAdhika shatatamodhyAyaH ||

shrI viShNu sahasranAma stotraM samAptam ||

OM tatsat sarvaM shrI kRRiShNArpaNamastu ||