శ్రీ విష్ణు సహస్ర నామ స్తోత్రమ్

శ్రీ విష్ణు సహస్ర నామ స్తోత్రమ్

శ్లోక 1

ఓం శుక్లామ్బరధరం విష్ణుం శశివర్ణం చతుర్భుజమ్ ।

ప్రసన్నవదనం ధ్యాయేత్ సర్వవిఘ్నోపశాన్తయే

శ్లోక 2

యస్యద్విరదవక్త్రాద్యాః పారిషద్యాః పరః శతమ్ ।

విఘ్నం నిఘ్నన్తి సతతం విష్వక్సేనం తమాశ్రయే

॥ 1 ॥

శ్లోక 3

పూర్వ పీఠికా

వ్యాసం వసిష్ఠ నప్తారం శక్తేః పౌత్రమకల్మషమ్ ।

పరాశరాత్మజం వన్దే శుకతాతం తపోనిధిమ్

॥ 2 ॥

శ్లోక 4

వ్యాసాయ విష్ణు రూపాయ వ్యాసరూపాయ విష్ణవే ।

నమో వై బ్రహ్మనిధయే వాసిష్ఠాయ నమో నమః

॥ 3 ॥

శ్లోక 5

అవికారాయ శుద్ధాయ నిత్యాయ పరమాత్మనే ।

సదైక రూప రూపాయ విష్ణవే సర్వజిష్ణవే

॥ 4 ॥

శ్లోక 6

యస్య స్మరణమాత్రేణ జన్మసంసారబన్ధనాత్ ।

విముచ్యతే నమస్తస్మై విష్ణవే ప్రభవిష్ణవే

॥ 5 ॥

శ్లోక 7

ఓం నమో విష్ణవే ప్రభవిష్ణవే ।

శ్రీ వైశమ్పాయన ఉవాచ

శ్రుత్వా ధర్మా నశేషేణ పావనాని చ సర్వశః ।

యుధిష్ఠిరః శాన్తనవం పునరేవాభ్య భాషత

॥ 6 ॥

శ్లోక 8

యుధిష్ఠిర ఉవాచ

కిమేకం దైవతం లోకే కిం వాఽప్యేకం పరాయణం

స్తువన్తః కం కమర్చన్తః ప్రాప్నుయుర్మానవాః శుభమ్

॥ 7 ॥

శ్లోక 9

కో ధర్మః సర్వధర్మాణాం భవతః పరమో మతః ।

కిం జపన్ముచ్యతే జన్తుర్జన్మసంసార బన్ధనాత్

॥ 8 ॥

శ్లోక 10

శ్రీ భీష్మ ఉవాచ

జగత్ప్రభుం దేవదేవ మనన్తం పురుషోత్తమమ్ ।

స్తువన్నామ సహస్రేణ పురుషః సతతోత్థితః

॥ 9 ॥

శ్లోక 11

తమేవ చార్చయన్నిత్యం భక్త్యా పురుషమవ్యయమ్ ।

ధ్యాయన్ స్తువన్నమస్యంశ్చ యజమానస్తమేవ చ

॥ 10 ॥

శ్లోక 12

అనాది నిధనం విష్ణుం సర్వలోక మహేశ్వరమ్ ।

లోకాధ్యక్షం స్తువన్నిత్యం సర్వ దుఃఖాతిగో భవేత్

॥ 11 ॥

శ్లోక 13

బ్రహ్మణ్యం సర్వ ధర్మజ్ఞం లోకానాం కీర్తి వర్ధనమ్ ।

లోకనాథం మహద్భూతం సర్వభూత భవోద్భవమ్

॥ 12 ॥

శ్లోక 14

ఏష మే సర్వ ధర్మాణాం ధర్మోఽధిక తమోమతః ।

యద్భక్త్యా పుణ్డరీకాక్షం స్తవైరర్చేన్నరః సదా

॥ 13 ॥

శ్లోక 15

పరమం యో మహత్తేజః పరమం యో మహత్తపః ।

పరమం యో మహద్బ్రహ్మ పరమం యః పరాయణమ్ । 15 ॥

పవిత్రాణాం పవిత్రం యో మఙ్గలానాం చ మఙ్గలమ్ ।

దైవతం దేవతానాం చ భూతానాం యోఽవ్యయః పితా

॥ 14 ॥

శ్లోక 16

యతః సర్వాణి భూతాని భవన్త్యాది యుగాగమే ।

యస్మింశ్చ ప్రలయం యాన్తి పునరేవ యుగక్షయే

॥ 16 ॥

శ్లోక 17

తస్య లోక ప్రధానస్య జగన్నాథస్య భూపతే ।

విష్ణోర్నామ సహస్రం మే శ్రుణు పాప భయాపహమ్

॥ 17 ॥

శ్లోక 18

యాని నామాని గౌణాని విఖ్యాతాని మహాత్మనః ।

ఋషిభిః పరిగీతాని తాని వక్ష్యామి భూతయే

॥ 18 ॥

శ్లోక 19

ఋషిర్నామ్నాం సహస్రస్య వేదవ్యాసో మహామునిః ॥

ఛన్దోఽనుష్టుప్ తథా దేవో భగవాన్ దేవకీసుతః

॥ 19 ॥

శ్లోక 20

అమృతాం శూద్భవో బీజం శక్తిర్దేవకినన్దనః ।

త్రిసామా హృదయం తస్య శాన్త్యర్థే వినియుజ్యతే

॥ 20 ॥

శ్లోక 21

విష్ణుం జిష్ణుం మహావిష్ణుం ప్రభవిష్ణుం మహేశ్వరమ్ ॥

అనేకరూప దైత్యాన్తం నమామి పురుషోత్తమమ్

॥ 21 ॥

శ్లోక 22

పూర్వన్యాసః

అస్య శ్రీ విష్ణోర్దివ్య సహస్రనామ స్తోత్ర మహామన్త్రస్య ॥

శ్రీ వేదవ్యాసో భగవాన్ ఋషిః ।

అనుష్టుప్ ఛన్దః ।

శ్రీమహావిష్ణుః పరమాత్మా శ్రీమన్నారాయణో దేవతా ।

అమృతాంశూద్భవో భానురితి బీజమ్ ।

దేవకీనన్దనః స్రష్టేతి శక్తిః ।

ఉద్భవః, క్షోభణో దేవ ఇతి పరమోమన్త్రః ।

శఙ్ఖభృన్నన్దకీ చక్రీతి కీలకమ్ ।

శార్​ఙ్గధన్వా గదాధర ఇత్యస్త్రమ్ ।

రథాఙ్గపాణి రక్షోభ్య ఇతి నేత్రమ్ ।

త్రిసామాసామగః సామేతి కవచమ్ ।

ఆనన్దం పరబ్రహ్మేతి యోనిః ।

ఋతుస్సుదర్శనః కాల ఇతి దిగ్బన్ధః ॥

శ్రీవిశ్వరూప ఇతి ధ్యానమ్ ।

శ్రీ మహావిష్ణు ప్రీత్యర్థే సహస్రనామ జపే పారాయణే వినియోగః ।

కరన్యాసః

విశ్వం విష్ణుర్వషట్కార ఇత్యఙ్గుష్ఠాభ్యాం నమః

అమృతాం శూద్భవో భానురితి తర్జనీభ్యాం నమః

బ్రహ్మణ్యో బ్రహ్మకృత్ బ్రహ్మేతి మధ్యమాభ్యాం నమః

సువర్ణబిన్దు రక్షోభ్య ఇతి అనామికాభ్యాం నమః

నిమిషోఽనిమిషః స్రగ్వీతి కనిష్ఠికాభ్యాం నమః

రథాఙ్గపాణి రక్షోభ్య ఇతి కరతల కరపృష్ఠాభ్యాం నమః

అఙ్గన్యాసః

సువ్రతః సుముఖః సూక్ష్మ ఇతి జ్ఞానాయ హృదయాయ నమః

సహస్రమూర్తిః విశ్వాత్మా ఇతి ఐశ్వర్యాయ శిరసే స్వాహా

సహస్రార్చిః సప్తజిహ్వ ఇతి శక్త్యై శిఖాయై వషట్

త్రిసామా సామగస్సామేతి బలాయ కవచాయ హుం

రథాఙ్గపాణి రక్షోభ్య ఇతి నేత్రాభ్యాం వౌషట్

శాఙ్గధన్వా గదాధర ఇతి వీర్యాయ అస్త్రాయఫట్

ఋతుః సుదర్శనః కాల ఇతి దిగ్భన్ధః

ధ్యానమ్

క్షీరోధన్వత్ప్రదేశే శుచిమణి-విలస-త్సైకతే-మౌక్తికానాం

మాలా-కౢప్తాసనస్థః స్ఫటిక-మణినిభై-ర్మౌక్తికై-ర్మణ్డితాఙ్గః ।

శుభ్రై-రభ్రై-రదభ్రై-రుపరివిరచితై-ర్ముక్త పీయూష వర్షైః

ఆనన్దీ నః పునీయా-దరినలినగదా శఙ్ఖపాణి-ర్ముకున్దః

॥ 22 ॥

శ్లోక 23

భూః పాదౌ యస్య నాభిర్వియ-దసుర నిలశ్చన్ద్ర సూర్యౌ చ నేత్రే

కర్ణావాశాః శిరోద్యౌర్ముఖమపి దహనో యస్య వాస్తేయమబ్ధిః ।

అన్తఃస్థం యస్య విశ్వం సుర నరఖగగోభోగి గన్ధర్వదైత్యైః

చిత్రం రం రమ్యతే తం త్రిభువన వపుశం విష్ణుమీశం నమామి

॥ 1 ॥

శ్లోక 24

ఓం నమో భగవతే వాసుదేవాయ !

శాన్తాకారం భుజగశయనం పద్మనాభం సురేశం

విశ్వాధారం గగనసదృశం మేఘవర్ణం శుభాఙ్గమ్ ।

లక్ష్మీకాన్తం కమలనయనం యోగిహృర్ధ్యానగమ్యమ్

వన్దే విష్ణుం భవభయహరం సర్వలోకైకనాథమ్

॥ 2 ॥

శ్లోక 25

మేఘశ్యామం పీతకౌశేయవాసం

శ్రీవత్సాకం కౌస్తుభోద్భాసితాఙ్గమ్ ।

పుణ్యోపేతం పుణ్డరీకాయతాక్షం

విష్ణుం వన్దే సర్వలోకైకనాథమ్

॥ 3 ॥

శ్లోక 26

నమః సమస్త భూతానాం ఆది భూతాయ భూభృతే ।

అనేకరూప రూపాయ విష్ణవే ప్రభవిష్ణవే

॥ 4 ॥

శ్లోక 27

సశఙ్ఖచక్రం సకిరీటకుణ్డలం

సపీతవస్త్రం సరసీరుహేక్షణమ్ ।

సహార వక్షఃస్థల శోభి కౌస్తుభం

నమామి విష్ణుం శిరసా చతుర్భుజమ్ । 6॥

ఛాయాయాం పారిజాతస్య హేమసింహాసనోపరి

ఆసీనమమ్బుదశ్యామమాయతాక్షమలఙ్కృతమ్

॥ 5॥

శ్లోక 28

చన్ద్రాననం చతుర్బాహుం శ్రీవత్సాఙ్కిత వక్షసమ్

రుక్మిణీ సత్యభామాభ్యాం సహితం కృష్ణమాశ్రయే

॥ 7 ॥

శ్లోక 29

పఞ్చపూజ

లం - పృథివ్యాత్మనే గన్థం సమర్పయామి

హం - ఆకాశాత్మనే పుష్పైః పూజయామి

యం - వాయ్వాత్మనే ధూపమాఘ్రాపయామి

రం - అగ్న్యాత్మనే దీపం దర్శయామి

వం - అమృతాత్మనే నైవేద్యం నివేదయామి

సం - సర్వాత్మనే సర్వోపచార పూజా నమస్కారాన్ సమర్పయామి

స్తోత్రమ్

హరిః ఓమ్

విశ్వం విష్ణుర్వషట్కారో భూతభవ్యభవత్ప్రభుః ।

భూతకృద్భూతభృద్భావో భూతాత్మా భూతభావనః

॥ 8 ॥

శ్లోక 30

పూతాత్మా పరమాత్మా చ ముక్తానాం పరమాగతిః ।

అవ్యయః పురుషః సాక్షీ క్షేత్రజ్ఞోఽక్షర ఏవ చ

॥ 1 ॥

శ్లోక 31

యోగో యోగవిదాం నేతా ప్రధాన పురుషేశ్వరః ।

నారసింహవపుః శ్రీమాన్ కేశవః పురుషోత్తమః

॥ 2 ॥

శ్లోక 32

సర్వః శర్వః శివః స్థాణుర్భూతాదిర్నిధిరవ్యయః ।

సమ్భవో భావనో భర్తా ప్రభవః ప్రభురీశ్వరః

॥ 3 ॥

శ్లోక 33

స్వయమ్భూః శమ్భురాదిత్యః పుష్కరాక్షో మహాస్వనః ।

అనాదినిధనో ధాతా విధాతా ధాతురుత్తమః

॥ 4 ॥

శ్లోక 34

అప్రమేయో హృషీకేశః పద్మనాభోఽమరప్రభుః ।

విశ్వకర్మా మనుస్త్వష్టా స్థవిష్ఠః స్థవిరో ధ్రువః

॥ 5 ॥

శ్లోక 35

అగ్రాహ్యః శాశ్వతో కృష్ణో లోహితాక్షః ప్రతర్దనః ।

ప్రభూతస్త్రికకుబ్ధామ పవిత్రం మఙ్గలం పరమ్

॥ 6 ॥

శ్లోక 36

ఈశానః ప్రాణదః ప్రాణో జ్యేష్ఠః శ్రేష్ఠః ప్రజాపతిః ।

హిరణ్యగర్భో భూగర్భో మాధవో మధుసూదనః

॥ 7 ॥

శ్లోక 37

ఈశ్వరో విక్రమీధన్వీ మేధావీ విక్రమః క్రమః ।

అనుత్తమో దురాధర్షః కృతజ్ఞః కృతిరాత్మవాన్

॥ 8 ॥

శ్లోక 38

సురేశః శరణం శర్మ విశ్వరేతాః ప్రజాభవః ।

అహస్సంవత్సరో వ్యాలః ప్రత్యయః సర్వదర్శనః

॥ 9 ॥

శ్లోక 39

అజస్సర్వేశ్వరః సిద్ధః సిద్ధిః సర్వాదిరచ్యుతః ।

వృషాకపిరమేయాత్మా సర్వయోగవినిస్సృతః

॥ 10 ॥

శ్లోక 40

వసుర్వసుమనాః సత్యః సమాత్మా సమ్మితస్సమః ।

అమోఘః పుణ్డరీకాక్షో వృషకర్మా వృషాకృతిః

॥ 11 ॥

శ్లోక 41

రుద్రో బహుశిరా బభ్రుర్విశ్వయోనిః శుచిశ్రవాః ।

అమృతః శాశ్వతస్థాణుర్వరారోహో మహాతపాః

॥ 12 ॥

శ్లోక 42

సర్వగః సర్వ విద్భానుర్విష్వక్సేనో జనార్దనః ।

వేదో వేదవిదవ్యఙ్గో వేదాఙ్గో వేదవిత్కవిః

॥ 13 ॥

శ్లోక 43

లోకాధ్యక్షః సురాధ్యక్షో ధర్మాధ్యక్షః కృతాకృతః ।

చతురాత్మా చతుర్వ్యూహశ్చతుర్దంష్ట్రశ్చతుర్భుజః

॥ 14 ॥

శ్లోక 44

భ్రాజిష్ణుర్భోజనం భోక్తా సహిష్ణుర్జగదాదిజః ।

అనఘో విజయో జేతా విశ్వయోనిః పునర్వసుః

॥ 15 ॥

శ్లోక 45

ఉపేన్ద్రో వామనః ప్రాంశురమోఘః శుచిరూర్జితః ।

అతీన్ద్రః సఙ్గ్రహః సర్గో ధృతాత్మా నియమో యమః

॥ 16 ॥

శ్లోక 46

వేద్యో వైద్యః సదాయోగీ వీరహా మాధవో మధుః ।

అతీన్ద్రియో మహామాయో మహోత్సాహో మహాబలః

॥ 17 ॥

శ్లోక 47

మహాబుద్ధిర్మహావీర్యో మహాశక్తిర్మహాద్యుతిః ।

అనిర్దేశ్యవపుః శ్రీమానమేయాత్మా మహాద్రిధృక్

॥ 18 ॥

శ్లోక 48

మహేశ్వాసో మహీభర్తా శ్రీనివాసః సతాఙ్గతిః ।

అనిరుద్ధః సురానన్దో గోవిన్దో గోవిదాం పతిః

॥ 19 ॥

శ్లోక 49

మరీచిర్దమనో హంసః సుపర్ణో భుజగోత్తమః ।

హిరణ్యనాభః సుతపాః పద్మనాభః ప్రజాపతిః

॥ 20 ॥

శ్లోక 50

అమృత్యుః సర్వదృక్ సింహః సన్ధాతా సన్ధిమాన్ స్థిరః ।

అజో దుర్మర్షణః శాస్తా విశ్రుతాత్మా సురారిహా

॥ 21 ॥

శ్లోక 51

గురుర్గురుతమో ధామ సత్యః సత్యపరాక్రమః ।

నిమిషోఽనిమిషః స్రగ్వీ వాచస్పతిరుదారధీః

॥ 22 ॥

శ్లోక 52

అగ్రణీగ్రామణీః శ్రీమాన్ న్యాయో నేతా సమీరణః

సహస్రమూర్ధా విశ్వాత్మా సహస్రాక్షః సహస్రపాత్

॥ 23 ॥

శ్లోక 53

ఆవర్తనో నివృత్తాత్మా సంవృతః సమ్ప్రమర్దనః ।

అహః సంవర్తకో వహ్నిరనిలో ధరణీధరః

॥ 24 ॥

శ్లోక 54

సుప్రసాదః ప్రసన్నాత్మా విశ్వధృగ్విశ్వభుగ్విభుః ।

సత్కర్తా సత్కృతః సాధుర్జహ్నుర్నారాయణో నరః

॥ 25 ॥

శ్లోక 55

అసఙ్ఖ్యేయోఽప్రమేయాత్మా విశిష్టః శిష్టకృచ్ఛుచిః ।

సిద్ధార్థః సిద్ధసఙ్కల్పః సిద్ధిదః సిద్ధి సాధనః

॥ 26 ॥

శ్లోక 56

వృషాహీ వృషభో విష్ణుర్వృషపర్వా వృషోదరః ।

వర్ధనో వర్ధమానశ్చ వివిక్తః శ్రుతిసాగరః

॥ 27 ॥

శ్లోక 57

సుభుజో దుర్ధరో వాగ్మీ మహేన్ద్రో వసుదో వసుః ।

నైకరూపో బృహద్రూపః శిపివిష్టః ప్రకాశనః

॥ 28 ॥

శ్లోక 58

ఓజస్తేజోద్యుతిధరః ప్రకాశాత్మా ప్రతాపనః ।

ఋద్దః స్పష్టాక్షరో మన్త్రశ్చన్ద్రాంశుర్భాస్కరద్యుతిః

॥ 29 ॥

శ్లోక 59

అమృతాంశూద్భవో భానుః శశబిన్దుః సురేశ్వరః ।

ఔషధం జగతః సేతుః సత్యధర్మపరాక్రమః

॥ 30 ॥

శ్లోక 60

భూతభవ్యభవన్నాథః పవనః పావనోఽనలః ।

కామహా కామకృత్కాన్తః కామః కామప్రదః ప్రభుః

॥ 31 ॥

శ్లోక 61

యుగాది కృద్యుగావర్తో నైకమాయో మహాశనః ।

అదృశ్యో వ్యక్తరూపశ్చ సహస్రజిదనన్తజిత్

॥ 32 ॥

శ్లోక 62

ఇష్టోఽవిశిష్టః శిష్టేష్టః శిఖణ్డీ నహుషో వృషః ।

క్రోధహా క్రోధకృత్కర్తా విశ్వబాహుర్మహీధరః

॥ 33 ॥

శ్లోక 63

అచ్యుతః ప్రథితః ప్రాణః ప్రాణదో వాసవానుజః ।

అపాన్నిధిరధిష్ఠానమప్రమత్తః ప్రతిష్ఠితః

॥ 34 ॥

శ్లోక 64

స్కన్దః స్కన్దధరో ధుర్యో వరదో వాయువాహనః ।

వాసుదేవో బృహద్భానురాదిదేవః పురన్ధరః

॥ 35 ॥

శ్లోక 65

అశోకస్తారణస్తారః శూరః శౌరిర్జనేశ్వరః ।

అనుకూలః శతావర్తః పద్మీ పద్మనిభేక్షణః

॥ 36 ॥

శ్లోక 66

పద్మనాభోఽరవిన్దాక్షః పద్మగర్భః శరీరభృత్ ।

మహర్ధిరృద్ధో వృద్ధాత్మా మహాక్షో గరుడధ్వజః

॥ 37 ॥

శ్లోక 67

అతులః శరభో భీమః సమయజ్ఞో హవిర్హరిః ।

సర్వలక్షణలక్షణ్యో లక్ష్మీవాన్ సమితిఞ్జయః

॥ 38 ॥

శ్లోక 68

విక్షరో రోహితో మార్గో హేతుర్దామోదరః సహః ।

మహీధరో మహాభాగో వేగవానమితాశనః

॥ 39 ॥

శ్లోక 69

ఉద్భవః, క్షోభణో దేవః శ్రీగర్భః పరమేశ్వరః ।

కరణం కారణం కర్తా వికర్తా గహనో గుహః

॥ 40 ॥

శ్లోక 70

వ్యవసాయో వ్యవస్థానః సంస్థానః స్థానదో ధ్రువః ।

పరర్ధిః పరమస్పష్టః తుష్టః పుష్టః శుభేక్షణః

॥ 41 ॥

శ్లోక 71

రామో విరామో విరజో మార్గోనేయో నయోఽనయః ।

వీరః శక్తిమతాం శ్రేష్ఠో ధర్మోధర్మ విదుత్తమః

॥ 42 ॥

శ్లోక 72

వైకుణ్ఠః పురుషః ప్రాణః ప్రాణదః ప్రణవః పృథుః ।

హిరణ్యగర్భః శత్రుఘ్నో వ్యాప్తో వాయురధోక్షజః

॥ 43 ॥

శ్లోక 73

ఋతుః సుదర్శనః కాలః పరమేష్ఠీ పరిగ్రహః ।

ఉగ్రః సంవత్సరో దక్షో విశ్రామో విశ్వదక్షిణః

॥ 44 ॥

శ్లోక 74

విస్తారః స్థావర స్థాణుః ప్రమాణం బీజమవ్యయమ్ ।

అర్థోఽనర్థో మహాకోశో మహాభోగో మహాధనః

॥ 45 ॥

శ్లోక 75

అనిర్విణ్ణః స్థవిష్ఠో భూర్ధర్మయూపో మహామఖః ।

నక్షత్రనేమిర్నక్షత్రీ క్షమః, క్షామః సమీహనః

॥ 46 ॥

శ్లోక 76

యజ్ఞ ఇజ్యో మహేజ్యశ్చ క్రతుః సత్రం సతాఙ్గతిః ।

సర్వదర్శీ విముక్తాత్మా సర్వజ్ఞో జ్ఞానముత్తమమ్

॥ 47 ॥

శ్లోక 77

సువ్రతః సుముఖః సూక్ష్మః సుఘోషః సుఖదః సుహృత్ ।

మనోహరో జితక్రోధో వీర బాహుర్విదారణః

॥ 48 ॥

శ్లోక 78

స్వాపనః స్వవశో వ్యాపీ నైకాత్మా నైకకర్మకృత్। ।

వత్సరో వత్సలో వత్సీ రత్నగర్భో ధనేశ్వరః

॥ 49 ॥

శ్లోక 79

ధర్మగుబ్ధర్మకృద్ధర్మీ సదసత్క్షరమక్షరమ్॥

అవిజ్ఞాతా సహస్త్రాంశుర్విధాతా కృతలక్షణః

॥ 50 ॥

శ్లోక 80

గభస్తినేమిః సత్త్వస్థః సింహో భూత మహేశ్వరః ।

ఆదిదేవో మహాదేవో దేవేశో దేవభృద్గురుః

॥ 51 ॥

శ్లోక 81

ఉత్తరో గోపతిర్గోప్తా జ్ఞానగమ్యః పురాతనః ।

శరీర భూతభృద్ భోక్తా కపీన్ద్రో భూరిదక్షిణః

॥ 52 ॥

శ్లోక 82

సోమపోఽమృతపః సోమః పురుజిత్ పురుసత్తమః ।

వినయో జయః సత్యసన్ధో దాశార్హః సాత్వతాం పతిః

॥ 53 ॥

శ్లోక 83

జీవో వినయితా సాక్షీ ముకున్దోఽమిత విక్రమః ।

అమ్భోనిధిరనన్తాత్మా మహోదధి శయోన్తకః

॥ 54 ॥

శ్లోక 84

అజో మహార్హః స్వాభావ్యో జితామిత్రః ప్రమోదనః ।

ఆనన్దోఽనన్దనోనన్దః సత్యధర్మా త్రివిక్రమః

॥ 55 ॥

శ్లోక 85

మహర్షిః కపిలాచార్యః కృతజ్ఞో మేదినీపతిః ।

త్రిపదస్త్రిదశాధ్యక్షో మహాశృఙ్గః కృతాన్తకృత్

॥ 56 ॥

శ్లోక 86

మహావరాహో గోవిన్దః సుషేణః కనకాఙ్గదీ ।

గుహ్యో గభీరో గహనో గుప్తశ్చక్ర గదాధరః

॥ 57 ॥

శ్లోక 87

వేధాః స్వాఙ్గోఽజితః కృష్ణో దృఢః సఙ్కర్షణోఽచ్యుతః ।

వరుణో వారుణో వృక్షః పుష్కరాక్షో మహామనాః

॥ 58 ॥

శ్లోక 88

భగవాన్ భగహాఽఽనన్దీ వనమాలీ హలాయుధః ।

ఆదిత్యో జ్యోతిరాదిత్యః సహిష్ణుర్గతిసత్తమః

॥ 59 ॥

శ్లోక 89

సుధన్వా ఖణ్డపరశుర్దారుణో ద్రవిణప్రదః ।

దివఃస్పృక్ సర్వదృగ్వ్యాసో వాచస్పతిరయోనిజః

॥ 60 ॥

శ్లోక 90

త్రిసామా సామగః సామ నిర్వాణం భేషజం భిషక్ ।

సన్యాసకృచ్ఛమః శాన్తో నిష్ఠా శాన్తిః పరాయణమ్। 62 ॥

శుభాఙ్గః శాన్తిదః స్రష్టా కుముదః కువలేశయః ।

గోహితో గోపతిర్గోప్తా వృషభాక్షో వృషప్రియః

॥ 61 ॥

శ్లోక 91

అనివర్తీ నివృత్తాత్మా సఙ్క్షేప్తా క్షేమకృచ్ఛివః ।

శ్రీవత్సవక్షాః శ్రీవాసః శ్రీపతిః శ్రీమతాంవరః

॥ 63 ॥

శ్లోక 92

శ్రీదః శ్రీశః శ్రీనివాసః శ్రీనిధిః శ్రీవిభావనః ।

శ్రీధరః శ్రీకరః శ్రేయః శ్రీమాఁల్లోకత్రయాశ్రయః

॥ 64 ॥

శ్లోక 93

స్వక్షః స్వఙ్గః శతానన్దో నన్దిర్జ్యోతిర్గణేశ్వరః ।

విజితాత్మాఽవిధేయాత్మా సత్కీర్తిచ్ఛిన్నసంశయః

॥ 65 ॥

శ్లోక 94

ఉదీర్ణః సర్వతశ్చక్షురనీశః శాశ్వతస్థిరః ।

భూశయో భూషణో భూతిర్విశోకః శోకనాశనః

॥ 66 ॥

శ్లోక 95

అర్చిష్మానర్చితః కుమ్భో విశుద్ధాత్మా విశోధనః ।

అనిరుద్ధోఽప్రతిరథః ప్రద్యుమ్నోఽమితవిక్రమః

॥ 67 ॥

శ్లోక 96

కాలనేమినిహా వీరః శౌరిః శూరజనేశ్వరః ।

త్రిలోకాత్మా త్రిలోకేశః కేశవః కేశిహా హరిః

॥ 68 ॥

శ్లోక 97

కామదేవః కామపాలః కామీ కాన్తః కృతాగమః ।

అనిర్దేశ్యవపుర్విష్ణుర్వీరోఽనన్తో ధనఞ్జయః

॥ 69 ॥

శ్లోక 98

బ్రహ్మణ్యో బ్రహ్మకృద్ బ్రహ్మా బ్రహ్మ బ్రహ్మవివర్ధనః ।

బ్రహ్మవిద్ బ్రాహ్మణో బ్రహ్మీ బ్రహ్మజ్ఞో బ్రాహ్మణప్రియః

॥ 70 ॥

శ్లోక 99

మహాక్రమో మహాకర్మా మహాతేజా మహోరగః ।

మహాక్రతుర్మహాయజ్వా మహాయజ్ఞో మహాహవిః

॥ 71 ॥

శ్లోక 100

స్తవ్యః స్తవప్రియః స్తోత్రం స్తుతిః స్తోతా రణప్రియః ।

పూర్ణః పూరయితా పుణ్యః పుణ్యకీర్తిరనామయః

॥ 72 ॥

శ్లోక 101

మనోజవస్తీర్థకరో వసురేతా వసుప్రదః ।

వసుప్రదో వాసుదేవో వసుర్వసుమనా హవిః

॥ 73 ॥

శ్లోక 102

సద్గతిః సత్కృతిః సత్తా సద్భూతిః సత్పరాయణః ।

శూరసేనో యదుశ్రేష్ఠః సన్నివాసః సుయామునః

॥ 74 ॥

శ్లోక 103

భూతావాసో వాసుదేవః సర్వాసునిలయోఽనలః ।

దర్పహా దర్పదో దృప్తో దుర్ధరోఽథాపరాజితః

॥ 75 ॥

శ్లోక 104

విశ్వమూర్తిర్మహామూర్తిర్దీప్తమూర్తిరమూర్తిమాన్ ।

అనేకమూర్తిరవ్యక్తః శతమూర్తిః శతాననః

॥ 76 ॥

శ్లోక 105

ఏకో నైకః స్తవః కః కిం యత్తత్ పదమనుత్తమమ్ ।

లోకబన్ధుర్లోకనాథో మాధవో భక్తవత్సలః

॥ 77 ॥

శ్లోక 106

సువర్ణవర్ణో హేమాఙ్గో వరాఙ్గశ్చన్దనాఙ్గదీ ।

వీరహా విషమః శూన్యో ఘృతాశీరచలశ్చలః

॥ 78 ॥

శ్లోక 107

అమానీ మానదో మాన్యో లోకస్వామీ త్రిలోకధృత్ ।

సుమేధా మేధజో ధన్యః సత్యమేధా ధరాధరః

॥ 79 ॥

శ్లోక 108

తేజోఽవృషో ద్యుతిధరః సర్వశస్త్రభృతాంవరః ।

ప్రగ్రహో నిగ్రహో వ్యగ్రో నైకశృఙ్గో గదాగ్రజః

॥ 80 ॥

శ్లోక 109

చతుర్మూర్తి శ్చతుర్బాహు శ్చతుర్వ్యూహ శ్చతుర్గతిః ।

చతురాత్మా చతుర్భావశ్చతుర్వేదవిదేకపాత్

॥ 81 ॥

శ్లోక 110

సమావర్తోఽనివృత్తాత్మా దుర్జయో దురతిక్రమః ।

దుర్లభో దుర్గమో దుర్గో దురావాసో దురారిహా

॥ 82 ॥

శ్లోక 111

శుభాఙ్గో లోకసారఙ్గః సుతన్తుస్తన్తువర్ధనః ।

ఇన్ద్రకర్మా మహాకర్మా కృతకర్మా కృతాగమః

॥ 83 ॥

శ్లోక 112

ఉద్భవః సున్దరః సున్దో రత్ననాభః సులోచనః ।

అర్కో వాజసనః శృఙ్గీ జయన్తః సర్వవిజ్జయీ

॥ 84 ॥

శ్లోక 113

సువర్ణబిన్దురక్షోభ్యః సర్వవాగీశ్వరేశ్వరః ।

మహాహృదో మహాగర్తో మహాభూతో మహానిధిః

॥ 85 ॥

శ్లోక 114

కుముదః కున్దరః కున్దః పర్జన్యః పావనోఽనిలః ।

అమృతాశోఽమృతవపుః సర్వజ్ఞః సర్వతోముఖః

॥ 86 ॥

శ్లోక 115

సులభః సువ్రతః సిద్ధః శత్రుజిచ్ఛత్రుతాపనః ।

న్యగ్రోధోఽదుమ్బరోఽశ్వత్థశ్చాణూరాన్ధ్ర నిషూదనః

॥ 87 ॥

శ్లోక 116

సహస్రార్చిః సప్తజిహ్వః సప్తైధాః సప్తవాహనః ।

అమూర్తిరనఘోఽచిన్త్యో భయకృద్భయనాశనః

॥ 88 ॥

శ్లోక 117

అణుర్బృహత్కృశః స్థూలో గుణభృన్నిర్గుణో మహాన్ ।

అధృతః స్వధృతః స్వాస్యః ప్రాగ్వంశో వంశవర్ధనః

॥ 89 ॥

శ్లోక 118

భారభృత్ కథితో యోగీ యోగీశః సర్వకామదః ।

ఆశ్రమః శ్రమణః, క్షామః సుపర్ణో వాయువాహనః

॥ 90 ॥

శ్లోక 119

ధనుర్ధరో ధనుర్వేదో దణ్డో దమయితా దమః ।

అపరాజితః సర్వసహో నియన్తాఽనియమోఽయమః

॥ 91 ॥

శ్లోక 120

సత్త్వవాన్ సాత్త్వికః సత్యః సత్యధర్మపరాయణః ।

అభిప్రాయః ప్రియార్హోఽర్హః ప్రియకృత్ ప్రీతివర్ధనః

॥ 92 ॥

శ్లోక 121

విహాయసగతిర్జ్యోతిః సురుచిర్హుతభుగ్విభుః ।

రవిర్విరోచనః సూర్యః సవితా రవిలోచనః

॥ 93 ॥

శ్లోక 122

అనన్తో హుతభుగ్భోక్తా సుఖదో నైకజోఽగ్రజః ।

అనిర్విణ్ణః సదామర్షీ లోకధిష్ఠానమద్భుతః

॥ 94 ॥

శ్లోక 123

సనాత్సనాతనతమః కపిలః కపిరవ్యయః ।

స్వస్తిదః స్వస్తికృత్స్వస్తిః స్వస్తిభుక్ స్వస్తిదక్షిణః

॥ 95 ॥

శ్లోక 124

అరౌద్రః కుణ్డలీ చక్రీ విక్రమ్యూర్జితశాసనః ।

శబ్దాతిగః శబ్దసహః శిశిరః శర్వరీకరః

॥ 96 ॥

శ్లోక 125

అక్రూరః పేశలో దక్షో దక్షిణః, క్షమిణాంవరః ।

విద్వత్తమో వీతభయః పుణ్యశ్రవణకీర్తనః

॥ 97 ॥

శ్లోక 126

ఉత్తారణో దుష్కృతిహా పుణ్యో దుఃస్వప్ననాశనః ।

వీరహా రక్షణః సన్తో జీవనః పర్యవస్థితః

॥ 98 ॥

శ్లోక 127

అనన్తరూపోఽనన్త శ్రీర్జితమన్యుర్భయాపహః ।

చతురశ్రో గభీరాత్మా విదిశో వ్యాదిశో దిశః

॥ 99 ॥

శ్లోక 128

అనాదిర్భూర్భువో లక్ష్మీః సువీరో రుచిరాఙ్గదః ।

జననో జనజన్మాదిర్భీమో భీమపరాక్రమః

॥ 100 ॥

శ్లోక 129

ఆధారనిలయోఽధాతా పుష్పహాసః ప్రజాగరః ।

ఊర్ధ్వగః సత్పథాచారః ప్రాణదః ప్రణవః పణః

॥ 101 ॥

శ్లోక 130

ప్రమాణం ప్రాణనిలయః ప్రాణభృత్ ప్రాణజీవనః ।

తత్త్వం తత్త్వవిదేకాత్మా జన్మమృత్యుజరాతిగః

॥ 102 ॥

శ్లోక 131

భూర్భువః స్వస్తరుస్తారః సవితా ప్రపితామహః ।

యజ్ఞో యజ్ఞపతిర్యజ్వా యజ్ఞాఙ్గో యజ్ఞవాహనః

॥ 103 ॥

శ్లోక 132

యజ్ఞభృద్ యజ్ఞకృద్ యజ్ఞీ యజ్ఞభుక్ యజ్ఞసాధనః ।

యజ్ఞాన్తకృద్ యజ్ఞగుహ్యమన్నమన్నాద ఏవ చ

॥ 104 ॥

శ్లోక 133

ఆత్మయోనిః స్వయఞ్జాతో వైఖానః సామగాయనః ।

దేవకీనన్దనః స్రష్టా క్షితీశః పాపనాశనః

॥ 105 ॥

శ్లోక 134

శఙ్ఖభృన్నన్దకీ చక్రీ శార్​ఙ్గధన్వా గదాధరః ।

రథాఙ్గపాణిరక్షోభ్యః సర్వప్రహరణాయుధః

॥ 106 ॥

శ్లోక 135

శ్రీ సర్వప్రహరణాయుధ ఓం నమ ఇతి ।

వనమాలీ గదీ శార్​ఙ్గీ శఙ్ఖీ చక్రీ చ నన్దకీ ।

శ్రీమాన్నారాయణో విష్ణుర్వాసుదేవోఽభిరక్షతు

॥ 107 ॥

శ్లోక 136

శ్రీ వాసుదేవోఽభిరక్షతు ఓం నమ ఇతి ।

ఉత్తర పీఠికా

ఫలశ్రుతిః

ఇతీదం కీర్తనీయస్య కేశవస్య మహాత్మనః ।

నామ్నాం సహస్రం దివ్యానామశేషేణ ప్రకీర్తితమ్।

॥ 108 ॥

శ్లోక 137

య ఇదం శృణుయాన్నిత్యం యశ్చాపి పరికీర్తయేత్॥

నాశుభం ప్రాప్నుయాత్ కిఞ్చిత్సోఽముత్రేహ చ మానవః

॥ 1 ॥

శ్లోక 138

వేదాన్తగో బ్రాహ్మణః స్యాత్ క్షత్రియో విజయీ భవేత్ ।

వైశ్యో ధనసమృద్ధః స్యాత్ శూద్రః సుఖమవాప్నుయాత్

॥ 2 ॥

శ్లోక 139

ధర్మార్థీ ప్రాప్నుయాద్ధర్మమర్థార్థీ చార్థమాప్నుయాత్ ।

కామానవాప్నుయాత్ కామీ ప్రజార్థీ చాప్నుయాత్ప్రజామ్

॥ 3 ॥

శ్లోక 140

॥ 4 ॥ [ప్రాప్నుయాత్ప్రజామ్]

భక్తిమాన్ యః సదోత్థాయ శుచిస్తద్గతమానసః ।

సహస్రం వాసుదేవస్య నామ్నామేతత్ ప్రకీర్తయేత్

శ్లోక 141

యశః ప్రాప్నోతి విపులం యాతిప్రాధాన్యమేవ చ ।

అచలాం శ్రియమాప్నోతి శ్రేయః ప్రాప్నోత్యనుత్తమమ్।

॥ 5 ॥

శ్లోక 142

న భయం క్వచిదాప్నోతి వీర్యం తేజశ్చ విన్దతి ।

భవత్యరోగో ద్యుతిమాన్ బలరూప గుణాన్వితః

॥ 6 ॥

శ్లోక 143

రోగార్తో ముచ్యతే రోగాద్బద్ధో ముచ్యేత బన్ధనాత్ ।

భయాన్ముచ్యేత భీతస్తు ముచ్యేతాపన్న ఆపదః

॥ 7 ॥

శ్లోక 144

దుర్గాణ్యతితరత్యాశు పురుషః పురుషోత్తమమ్ ।

స్తువన్నామసహస్రేణ నిత్యం భక్తిసమన్వితః

॥ 8 ॥

శ్లోక 145

వాసుదేవాశ్రయో మర్త్యో వాసుదేవపరాయణః ।

సర్వపాపవిశుద్ధాత్మా యాతి బ్రహ్మ సనాతనమ్।

॥ 9 ॥

శ్లోక 146

న వాసుదేవ భక్తానామశుభం విద్యతే క్వచిత్ ।

జన్మమృత్యుజరావ్యాధిభయం నైవోపజాయతే

॥ 10 ॥

శ్లోక 147

ఇమం స్తవమధీయానః శ్రద్ధాభక్తిసమన్వితః ।

యుజ్యేతాత్మ సుఖక్షాన్తి శ్రీధృతి స్మృతి కీర్తిభిః

॥ 11 ॥

శ్లోక 148

న క్రోధో న చ మాత్సర్యం న లోభో నాశుభామతిః ।

భవన్తి కృతపుణ్యానాం భక్తానాం పురుషోత్తమే

॥ 12 ॥

శ్లోక 149

ద్యౌః స-చన్ద్రార్క నక్షత్రా ఖం దిశో భూర్మహోదధిః ।

వాసుదేవస్య వీర్యేణ విధృతాని మహాత్మనః

॥ 13 ॥

శ్లోక 150

ససురాసురగన్ధర్వం సయక్షోరగరాక్షసమ్ ।

జగద్వశే వర్తతేదం కృష్ణస్య స చరాచరమ్।

॥ 14 ॥

శ్లోక 151

ఇన్ద్రియాణి మనోబుద్ధిః సత్త్వం తేజో బలం ధృతిః ।

వాసుదేవాత్మకాన్యాహుః, క్షేత్రం క్షేత్రజ్ఞ ఏవ చ

॥ 15 ॥

శ్లోక 152

సర్వాగమానామాచారః ప్రథమం పరికల్పతే ।

ఆచారప్రభవో ధర్మో ధర్మస్య ప్రభురచ్యుతః

॥ 16 ॥

శ్లోక 153

ఋషయః పితరో దేవా మహాభూతాని ధాతవః ।

జఙ్గమాజఙ్గమం చేదం జగన్నారాయణోద్భవమ్

॥ 17 ॥

శ్లోక 154

యోగోజ్ఞానం తథా సాఙ్ఖ్యం విద్యాః శిల్పాదికర్మ చ ।

వేదాః శాస్త్రాణి విజ్ఞానమేతత్సర్వం జనార్దనాత్

॥ 18 ॥

శ్లోక 155

ఏకో విష్ణుర్మహద్భూతం పృథగ్భూతాన్యనేకశః ।

త్రీంలోకాన్వ్యాప్య భూతాత్మా భుఙ్క్తే విశ్వభుగవ్యయః

॥ 19 ॥

శ్లోక 156

ఇమం స్తవం భగవతో విష్ణోర్వ్యాసేన కీర్తితమ్ ।

పఠేద్య ఇచ్చేత్పురుషః శ్రేయః ప్రాప్తుం సుఖాని చ

॥ 20 ॥

శ్లోక 157

విశ్వేశ్వరమజం దేవం జగతః ప్రభుమవ్యయమ్।

భజన్తి యే పుష్కరాక్షం న తే యాన్తి పరాభవమ్

॥ 21 ॥

శ్లోక 158

న తే యాన్తి పరాభవం ఓం నమ ఇతి ।

అర్జున ఉవాచ

పద్మపత్ర విశాలాక్ష పద్మనాభ సురోత్తమ ।

భక్తానా మనురక్తానాం త్రాతా భవ జనార్దన

॥ 22 ॥

శ్లోక 159

శ్రీభగవానువాచ

యో మాం నామసహస్రేణ స్తోతుమిచ్ఛతి పాణ్డవ ।

సోఽహమేకేన శ్లోకేన స్తుత ఏవ న సంశయః

॥ 23 ॥

శ్లోక 160

స్తుత ఏవ న సంశయ ఓం నమ ఇతి ।

వ్యాస ఉవాచ

వాసనాద్వాసుదేవస్య వాసితం భువనత్రయమ్ ।

సర్వభూతనివాసోఽసి వాసుదేవ నమోఽస్తు తే

॥ 24 ॥

శ్లోక 161

శ్రీవాసుదేవ నమోస్తుత ఓం నమ ఇతి ।

పార్వత్యువాచ

కేనోపాయేన లఘునా విష్ణోర్నామసహస్రకమ్ ।

పఠ్యతే పణ్డితైర్నిత్యం శ్రోతుమిచ్ఛామ్యహం ప్రభో

॥ 25 ॥

శ్లోక 162

ఈశ్వర ఉవాచ

శ్రీరామ రామ రామేతి రమే రామే మనోరమే ।

సహస్రనామ తత్తుల్యం రామనామ వరాననే

॥ 26 ॥

శ్లోక 163

శ్రీరామ నామ వరానన ఓం నమ ఇతి ।

బ్రహ్మోవాచ

నమోఽస్త్వనన్తాయ సహస్రమూర్తయే సహస్రపాదాక్షిశిరోరుబాహవే ।

సహస్రనామ్నే పురుషాయ శాశ్వతే సహస్రకోటీ యుగధారిణే నమః

॥ 27 ॥

శ్లోక 164

శ్రీ సహస్రకోటీ యుగధారిణే నమ ఓం నమ ఇతి ।

సఞ్జయ ఉవాచ

యత్ర యోగేశ్వరః కృష్ణో యత్ర పార్థో ధనుర్ధరః ।

తత్ర శ్రీర్విజయో భూతిర్ధ్రువా నీతిర్మతిర్మమ

॥ 28 ॥

శ్లోక 165

శ్రీ భగవాన్ ఉవాచ

అనన్యాశ్చిన్తయన్తో మాం యే జనాః పర్యుపాసతే ।

తేషాం నిత్యాభియుక్తానాం యోగక్షేమం వహామ్యహమ్।

॥ 29 ॥

శ్లోక 166

పరిత్రాణాయ సాధూనాం వినాశాయ చ దుష్కృతామ్। ।

ధర్మసంస్థాపనార్థాయ సమ్భవామి యుగే యుగే

॥ 30 ॥

శ్లోక 167

ఆర్తాః విషణ్ణాః శిథిలాశ్చ భీతాః ఘోరేషు చ వ్యాధిషు వర్తమానాః ।

సఙ్కీర్త్య నారాయణశబ్దమాత్రం విముక్తదుఃఖాః సుఖినో భవన్తి

॥ 31 ॥

శ్లోక 168

కాయేన వాచా మనసేన్ద్రియైర్వా బుద్ధ్యాత్మనా వా ప్రకృతేః స్వభావాత్ ।

కరోమి యద్యత్సకలం పరస్మై నారాయణాయేతి సమర్పయామి

॥ 32 ॥

శ్లోక 169

యదక్షర పదభ్రష్టం మాత్రాహీనం తు యద్భవేత్

తథ్సర్వం క్షమ్యతాం దేవ నారాయణ నమోఽస్తు తే ।

విసర్గ బిన్దు మాత్రాణి పదపాదాక్షరాణి చ

న్యూనాని చాతిరిక్తాని క్షమస్వ పురుషోత్తమః ॥

ఇతి శ్రీ మహాభారతే శతసాహస్రికాయాం సంహితాయాం వైయాసిక్యామనుశాసన పర్వాన్తర్గత ఆనుశాసనిక పర్వణి, మోక్షధర్మే భీష్మ యుధిష్ఠిర సంవాదే శ్రీ విష్ణోర్దివ్య సహస్రనామ స్తోత్రం నామైకోన పఞ్చ శతాధిక శతతమోధ్యాయః ॥

శ్రీ విష్ణు సహస్రనామ స్తోత్రం సమాప్తమ్ ॥

ఓం తత్సత్ సర్వం శ్రీ కృష్ణార్పణమస్తు ॥