ശ്രീ വിഷ്ണു സഹസ്ര നാമ സ്തോത്രമ്

ശ്രീ വിഷ്ണു സഹസ്ര നാമ സ്തോത്രമ്

ശ്ലോക 1

ഓം ശുക്ലാമ്ബരധരം വിഷ്ണും ശശിവര്ണം ചതുര്ഭുജമ് ।

പ്രസന്നവദനം ധ്യായേത് സര്വവിഘ്നോപശാന്തയേ

ശ്ലോക 2

യസ്യദ്വിരദവക്ത്രാദ്യാഃ പാരിഷദ്യാഃ പരഃ ശതമ് ।

വിഘ്നം നിഘ്നന്തി സതതം വിഷ്വക്സേനം തമാശ്രയേ

॥ 1 ॥

ശ്ലോക 3

പൂര്വ പീഠികാ

വ്യാസം വസിഷ്ഠ നപ്താരം ശക്തേഃ പൌത്രമകല്മഷമ് ।

പരാശരാത്മജം വന്ദേ ശുകതാതം തപോനിധിമ്

॥ 2 ॥

ശ്ലോക 4

വ്യാസായ വിഷ്ണു രൂപായ വ്യാസരൂപായ വിഷ്ണവേ ।

നമോ വൈ ബ്രഹ്മനിധയേ വാസിഷ്ഠായ നമോ നമഃ

॥ 3 ॥

ശ്ലോക 5

അവികാരായ ശുദ്ധായ നിത്യായ പരമാത്മനേ ।

സദൈക രൂപ രൂപായ വിഷ്ണവേ സര്വജിഷ്ണവേ

॥ 4 ॥

ശ്ലോക 6

യസ്യ സ്മരണമാത്രേണ ജന്മസംസാരബന്ധനാത് ।

വിമുച്യതേ നമസ്തസ്മൈ വിഷ്ണവേ പ്രഭവിഷ്ണവേ

॥ 5 ॥

ശ്ലോക 7

ഓം നമോ വിഷ്ണവേ പ്രഭവിഷ്ണവേ ।

ശ്രീ വൈശമ്പായന ഉവാച

ശ്രുത്വാ ധര്മാ നശേഷേണ പാവനാനി ച സര്വശഃ ।

യുധിഷ്ഠിരഃ ശാന്തനവം പുനരേവാഭ്യ ഭാഷത

॥ 6 ॥

ശ്ലോക 8

യുധിഷ്ഠിര ഉവാച

കിമേകം ദൈവതം ലോകേ കിം വാഽപ്യേകം പരായണം

സ്തുവന്തഃ കം കമര്ചന്തഃ പ്രാപ്നുയുര്മാനവാഃ ശുഭമ്

॥ 7 ॥

ശ്ലോക 9

കോ ധര്മഃ സര്വധര്മാണാം ഭവതഃ പരമോ മതഃ ।

കിം ജപന്മുച്യതേ ജന്തുര്ജന്മസംസാര ബന്ധനാത്

॥ 8 ॥

ശ്ലോക 10

ശ്രീ ഭീഷ്മ ഉവാച

ജഗത്പ്രഭും ദേവദേവ മനന്തം പുരുഷോത്തമമ് ।

സ്തുവന്നാമ സഹസ്രേണ പുരുഷഃ സതതോത്ഥിതഃ

॥ 9 ॥

ശ്ലോക 11

തമേവ ചാര്ചയന്നിത്യം ഭക്ത്യാ പുരുഷമവ്യയമ് ।

ധ്യായന് സ്തുവന്നമസ്യംശ്ച യജമാനസ്തമേവ ച

॥ 10 ॥

ശ്ലോക 12

അനാദി നിധനം വിഷ്ണും സര്വലോക മഹേശ്വരമ് ।

ലോകാധ്യക്ഷം സ്തുവന്നിത്യം സര്വ ദുഃഖാതിഗോ ഭവേത്

॥ 11 ॥

ശ്ലോക 13

ബ്രഹ്മണ്യം സര്വ ധര്മജ്ഞം ലോകാനാം കീര്തി വര്ധനമ് ।

ലോകനാഥം മഹദ്ഭൂതം സര്വഭൂത ഭവോദ്ഭവമ്

॥ 12 ॥

ശ്ലോക 14

ഏഷ മേ സര്വ ധര്മാണാം ധര്മോഽധിക തമോമതഃ ।

യദ്ഭക്ത്യാ പുണ്ഡരീകാക്ഷം സ്തവൈരര്ചേന്നരഃ സദാ

॥ 13 ॥

ശ്ലോക 15

പരമം യോ മഹത്തേജഃ പരമം യോ മഹത്തപഃ ।

പരമം യോ മഹദ്ബ്രഹ്മ പരമം യഃ പരായണമ് । 15 ॥

പവിത്രാണാം പവിത്രം യോ മങ്ഗലാനാം ച മങ്ഗലമ് ।

ദൈവതം ദേവതാനാം ച ഭൂതാനാം യോഽവ്യയഃ പിതാ

॥ 14 ॥

ശ്ലോക 16

യതഃ സര്വാണി ഭൂതാനി ഭവന്ത്യാദി യുഗാഗമേ ।

യസ്മിംശ്ച പ്രലയം യാന്തി പുനരേവ യുഗക്ഷയേ

॥ 16 ॥

ശ്ലോക 17

തസ്യ ലോക പ്രധാനസ്യ ജഗന്നാഥസ്യ ഭൂപതേ ।

വിഷ്ണോര്നാമ സഹസ്രം മേ ശ്രുണു പാപ ഭയാപഹമ്

॥ 17 ॥

ശ്ലോക 18

യാനി നാമാനി ഗൌണാനി വിഖ്യാതാനി മഹാത്മനഃ ।

ഋഷിഭിഃ പരിഗീതാനി താനി വക്ഷ്യാമി ഭൂതയേ

॥ 18 ॥

ശ്ലോക 19

ഋഷിര്നാമ്നാം സഹസ്രസ്യ വേദവ്യാസോ മഹാമുനിഃ ॥

ഛന്ദോഽനുഷ്ടുപ് തഥാ ദേവോ ഭഗവാന് ദേവകീസുതഃ

॥ 19 ॥

ശ്ലോക 20

അമൃതാം ശൂദ്ഭവോ ബീജം ശക്തിര്ദേവകിനന്ദനഃ ।

ത്രിസാമാ ഹൃദയം തസ്യ ശാന്ത്യര്ഥേ വിനിയുജ്യതേ

॥ 20 ॥

ശ്ലോക 21

വിഷ്ണും ജിഷ്ണും മഹാവിഷ്ണും പ്രഭവിഷ്ണും മഹേശ്വരമ് ॥

അനേകരൂപ ദൈത്യാന്തം നമാമി പുരുഷോത്തമമ്

॥ 21 ॥

ശ്ലോക 22

പൂര്വന്യാസഃ

അസ്യ ശ്രീ വിഷ്ണോര്ദിവ്യ സഹസ്രനാമ സ്തോത്ര മഹാമന്ത്രസ്യ ॥

ശ്രീ വേദവ്യാസോ ഭഗവാന് ഋഷിഃ ।

അനുഷ്ടുപ് ഛന്ദഃ ।

ശ്രീമഹാവിഷ്ണുഃ പരമാത്മാ ശ്രീമന്നാരായണോ ദേവതാ ।

അമൃതാംശൂദ്ഭവോ ഭാനുരിതി ബീജമ് ।

ദേവകീനന്ദനഃ സ്രഷ്ടേതി ശക്തിഃ ।

ഉദ്ഭവഃ, ക്ഷോഭണോ ദേവ ഇതി പരമോമന്ത്രഃ ।

ശങ്ഖഭൃന്നന്ദകീ ചക്രീതി കീലകമ് ।

ശാര്​ങ്ഗധന്വാ ഗദാധര ഇത്യസ്ത്രമ് ।

രഥാങ്ഗപാണി രക്ഷോഭ്യ ഇതി നേത്രമ് ।

ത്രിസാമാസാമഗഃ സാമേതി കവചമ് ।

ആനന്ദം പരബ്രഹ്മേതി യോനിഃ ।

ഋതുസ്സുദര്ശനഃ കാല ഇതി ദിഗ്ബന്ധഃ ॥

ശ്രീവിശ്വരൂപ ഇതി ധ്യാനമ് ।

ശ്രീ മഹാവിഷ്ണു പ്രീത്യര്ഥേ സഹസ്രനാമ ജപേ പാരായണേ വിനിയോഗഃ ।

കരന്യാസഃ

വിശ്വം വിഷ്ണുര്വഷട്കാര ഇത്യങ്ഗുഷ്ഠാഭ്യാം നമഃ

അമൃതാം ശൂദ്ഭവോ ഭാനുരിതി തര്ജനീഭ്യാം നമഃ

ബ്രഹ്മണ്യോ ബ്രഹ്മകൃത് ബ്രഹ്മേതി മധ്യമാഭ്യാം നമഃ

സുവര്ണബിന്ദു രക്ഷോഭ്യ ഇതി അനാമികാഭ്യാം നമഃ

നിമിഷോഽനിമിഷഃ സ്രഗ്വീതി കനിഷ്ഠികാഭ്യാം നമഃ

രഥാങ്ഗപാണി രക്ഷോഭ്യ ഇതി കരതല കരപൃഷ്ഠാഭ്യാം നമഃ

അങ്ഗന്യാസഃ

സുവ്രതഃ സുമുഖഃ സൂക്ഷ്മ ഇതി ജ്ഞാനായ ഹൃദയായ നമഃ

സഹസ്രമൂര്തിഃ വിശ്വാത്മാ ഇതി ഐശ്വര്യായ ശിരസേ സ്വാഹാ

സഹസ്രാര്ചിഃ സപ്തജിഹ്വ ഇതി ശക്ത്യൈ ശിഖായൈ വഷട്

ത്രിസാമാ സാമഗസ്സാമേതി ബലായ കവചായ ഹും

രഥാങ്ഗപാണി രക്ഷോഭ്യ ഇതി നേത്രാഭ്യാം വൌഷട്

ശാങ്ഗധന്വാ ഗദാധര ഇതി വീര്യായ അസ്ത്രായഫട്

ഋതുഃ സുദര്ശനഃ കാല ഇതി ദിഗ്ഭന്ധഃ

ധ്യാനമ്

ക്ഷീരോധന്വത്പ്രദേശേ ശുചിമണി-വിലസ-ത്സൈകതേ-മൌക്തികാനാം

മാലാ-കൢപ്താസനസ്ഥഃ സ്ഫടിക-മണിനിഭൈ-ര്മൌക്തികൈ-ര്മണ്ഡിതാങ്ഗഃ ।

ശുഭ്രൈ-രഭ്രൈ-രദഭ്രൈ-രുപരിവിരചിതൈ-ര്മുക്ത പീയൂഷ വര്ഷൈഃ

ആനന്ദീ നഃ പുനീയാ-ദരിനലിനഗദാ ശങ്ഖപാണി-ര്മുകുന്ദഃ

॥ 22 ॥

ശ്ലോക 23

ഭൂഃ പാദൌ യസ്യ നാഭിര്വിയ-ദസുര നിലശ്ചന്ദ്ര സൂര്യൌ ച നേത്രേ

കര്ണാവാശാഃ ശിരോദ്യൌര്മുഖമപി ദഹനോ യസ്യ വാസ്തേയമബ്ധിഃ ।

അന്തഃസ്ഥം യസ്യ വിശ്വം സുര നരഖഗഗോഭോഗി ഗന്ധര്വദൈത്യൈഃ

ചിത്രം രം രമ്യതേ തം ത്രിഭുവന വപുശം വിഷ്ണുമീശം നമാമി

॥ 1 ॥

ശ്ലോക 24

ഓം നമോ ഭഗവതേ വാസുദേവായ !

ശാന്താകാരം ഭുജഗശയനം പദ്മനാഭം സുരേശം

വിശ്വാധാരം ഗഗനസദൃശം മേഘവര്ണം ശുഭാങ്ഗമ് ।

ലക്ഷ്മീകാന്തം കമലനയനം യോഗിഹൃര്ധ്യാനഗമ്യമ്

വന്ദേ വിഷ്ണും ഭവഭയഹരം സര്വലോകൈകനാഥമ്

॥ 2 ॥

ശ്ലോക 25

മേഘശ്യാമം പീതകൌശേയവാസം

ശ്രീവത്സാകം കൌസ്തുഭോദ്ഭാസിതാങ്ഗമ് ।

പുണ്യോപേതം പുണ്ഡരീകായതാക്ഷം

വിഷ്ണും വന്ദേ സര്വലോകൈകനാഥമ്

॥ 3 ॥

ശ്ലോക 26

നമഃ സമസ്ത ഭൂതാനാം ആദി ഭൂതായ ഭൂഭൃതേ ।

അനേകരൂപ രൂപായ വിഷ്ണവേ പ്രഭവിഷ്ണവേ

॥ 4 ॥

ശ്ലോക 27

സശങ്ഖചക്രം സകിരീടകുണ്ഡലം

സപീതവസ്ത്രം സരസീരുഹേക്ഷണമ് ।

സഹാര വക്ഷഃസ്ഥല ശോഭി കൌസ്തുഭം

നമാമി വിഷ്ണും ശിരസാ ചതുര്ഭുജമ് । 6॥

ഛായായാം പാരിജാതസ്യ ഹേമസിംഹാസനോപരി

ആസീനമമ്ബുദശ്യാമമായതാക്ഷമലങ്കൃതമ്

॥ 5॥

ശ്ലോക 28

ചന്ദ്രാനനം ചതുര്ബാഹും ശ്രീവത്സാങ്കിത വക്ഷസമ്

രുക്മിണീ സത്യഭാമാഭ്യാം സഹിതം കൃഷ്ണമാശ്രയേ

॥ 7 ॥

ശ്ലോക 29

പഞ്ചപൂജ

ലം - പൃഥിവ്യാത്മനേ ഗന്ഥം സമര്പയാമി

ഹം - ആകാശാത്മനേ പുഷ്പൈഃ പൂജയാമി

യം - വായ്വാത്മനേ ധൂപമാഘ്രാപയാമി

രം - അഗ്ന്യാത്മനേ ദീപം ദര്ശയാമി

വം - അമൃതാത്മനേ നൈവേദ്യം നിവേദയാമി

സം - സര്വാത്മനേ സര്വോപചാര പൂജാ നമസ്കാരാന് സമര്പയാമി

സ്തോത്രമ്

ഹരിഃ ഓമ്

വിശ്വം വിഷ്ണുര്വഷട്കാരോ ഭൂതഭവ്യഭവത്പ്രഭുഃ ।

ഭൂതകൃദ്ഭൂതഭൃദ്ഭാവോ ഭൂതാത്മാ ഭൂതഭാവനഃ

॥ 8 ॥

ശ്ലോക 30

പൂതാത്മാ പരമാത്മാ ച മുക്താനാം പരമാഗതിഃ ।

അവ്യയഃ പുരുഷഃ സാക്ഷീ ക്ഷേത്രജ്ഞോഽക്ഷര ഏവ ച

॥ 1 ॥

ശ്ലോക 31

യോഗോ യോഗവിദാം നേതാ പ്രധാന പുരുഷേശ്വരഃ ।

നാരസിംഹവപുഃ ശ്രീമാന് കേശവഃ പുരുഷോത്തമഃ

॥ 2 ॥

ശ്ലോക 32

സര്വഃ ശര്വഃ ശിവഃ സ്ഥാണുര്ഭൂതാദിര്നിധിരവ്യയഃ ।

സമ്ഭവോ ഭാവനോ ഭര്താ പ്രഭവഃ പ്രഭുരീശ്വരഃ

॥ 3 ॥

ശ്ലോക 33

സ്വയമ്ഭൂഃ ശമ്ഭുരാദിത്യഃ പുഷ്കരാക്ഷോ മഹാസ്വനഃ ।

അനാദിനിധനോ ധാതാ വിധാതാ ധാതുരുത്തമഃ

॥ 4 ॥

ശ്ലോക 34

അപ്രമേയോ ഹൃഷീകേശഃ പദ്മനാഭോഽമരപ്രഭുഃ ।

വിശ്വകര്മാ മനുസ്ത്വഷ്ടാ സ്ഥവിഷ്ഠഃ സ്ഥവിരോ ധ്രുവഃ

॥ 5 ॥

ശ്ലോക 35

അഗ്രാഹ്യഃ ശാശ്വതോ കൃഷ്ണോ ലോഹിതാക്ഷഃ പ്രതര്ദനഃ ।

പ്രഭൂതസ്ത്രികകുബ്ധാമ പവിത്രം മങ്ഗലം പരമ്

॥ 6 ॥

ശ്ലോക 36

ഈശാനഃ പ്രാണദഃ പ്രാണോ ജ്യേഷ്ഠഃ ശ്രേഷ്ഠഃ പ്രജാപതിഃ ।

ഹിരണ്യഗര്ഭോ ഭൂഗര്ഭോ മാധവോ മധുസൂദനഃ

॥ 7 ॥

ശ്ലോക 37

ഈശ്വരോ വിക്രമീധന്വീ മേധാവീ വിക്രമഃ ക്രമഃ ।

അനുത്തമോ ദുരാധര്ഷഃ കൃതജ്ഞഃ കൃതിരാത്മവാന്

॥ 8 ॥

ശ്ലോക 38

സുരേശഃ ശരണം ശര്മ വിശ്വരേതാഃ പ്രജാഭവഃ ।

അഹസ്സംവത്സരോ വ്യാലഃ പ്രത്യയഃ സര്വദര്ശനഃ

॥ 9 ॥

ശ്ലോക 39

അജസ്സര്വേശ്വരഃ സിദ്ധഃ സിദ്ധിഃ സര്വാദിരച്യുതഃ ।

വൃഷാകപിരമേയാത്മാ സര്വയോഗവിനിസ്സൃതഃ

॥ 10 ॥

ശ്ലോക 40

വസുര്വസുമനാഃ സത്യഃ സമാത്മാ സമ്മിതസ്സമഃ ।

അമോഘഃ പുണ്ഡരീകാക്ഷോ വൃഷകര്മാ വൃഷാകൃതിഃ

॥ 11 ॥

ശ്ലോക 41

രുദ്രോ ബഹുശിരാ ബഭ്രുര്വിശ്വയോനിഃ ശുചിശ്രവാഃ ।

അമൃതഃ ശാശ്വതസ്ഥാണുര്വരാരോഹോ മഹാതപാഃ

॥ 12 ॥

ശ്ലോക 42

സര്വഗഃ സര്വ വിദ്ഭാനുര്വിഷ്വക്സേനോ ജനാര്ദനഃ ।

വേദോ വേദവിദവ്യങ്ഗോ വേദാങ്ഗോ വേദവിത്കവിഃ

॥ 13 ॥

ശ്ലോക 43

ലോകാധ്യക്ഷഃ സുരാധ്യക്ഷോ ധര്മാധ്യക്ഷഃ കൃതാകൃതഃ ।

ചതുരാത്മാ ചതുര്വ്യൂഹശ്ചതുര്ദംഷ്ട്രശ്ചതുര്ഭുജഃ

॥ 14 ॥

ശ്ലോക 44

ഭ്രാജിഷ്ണുര്ഭോജനം ഭോക്താ സഹിഷ്ണുര്ജഗദാദിജഃ ।

അനഘോ വിജയോ ജേതാ വിശ്വയോനിഃ പുനര്വസുഃ

॥ 15 ॥

ശ്ലോക 45

ഉപേന്ദ്രോ വാമനഃ പ്രാംശുരമോഘഃ ശുചിരൂര്ജിതഃ ।

അതീന്ദ്രഃ സങ്ഗ്രഹഃ സര്ഗോ ധൃതാത്മാ നിയമോ യമഃ

॥ 16 ॥

ശ്ലോക 46

വേദ്യോ വൈദ്യഃ സദായോഗീ വീരഹാ മാധവോ മധുഃ ।

അതീന്ദ്രിയോ മഹാമായോ മഹോത്സാഹോ മഹാബലഃ

॥ 17 ॥

ശ്ലോക 47

മഹാബുദ്ധിര്മഹാവീര്യോ മഹാശക്തിര്മഹാദ്യുതിഃ ।

അനിര്ദേശ്യവപുഃ ശ്രീമാനമേയാത്മാ മഹാദ്രിധൃക്

॥ 18 ॥

ശ്ലോക 48

മഹേശ്വാസോ മഹീഭര്താ ശ്രീനിവാസഃ സതാങ്ഗതിഃ ।

അനിരുദ്ധഃ സുരാനന്ദോ ഗോവിന്ദോ ഗോവിദാം പതിഃ

॥ 19 ॥

ശ്ലോക 49

മരീചിര്ദമനോ ഹംസഃ സുപര്ണോ ഭുജഗോത്തമഃ ।

ഹിരണ്യനാഭഃ സുതപാഃ പദ്മനാഭഃ പ്രജാപതിഃ

॥ 20 ॥

ശ്ലോക 50

അമൃത്യുഃ സര്വദൃക് സിംഹഃ സന്ധാതാ സന്ധിമാന് സ്ഥിരഃ ।

അജോ ദുര്മര്ഷണഃ ശാസ്താ വിശ്രുതാത്മാ സുരാരിഹാ

॥ 21 ॥

ശ്ലോക 51

ഗുരുര്ഗുരുതമോ ധാമ സത്യഃ സത്യപരാക്രമഃ ।

നിമിഷോഽനിമിഷഃ സ്രഗ്വീ വാചസ്പതിരുദാരധീഃ

॥ 22 ॥

ശ്ലോക 52

അഗ്രണീഗ്രാമണീഃ ശ്രീമാന് ന്യായോ നേതാ സമീരണഃ

സഹസ്രമൂര്ധാ വിശ്വാത്മാ സഹസ്രാക്ഷഃ സഹസ്രപാത്

॥ 23 ॥

ശ്ലോക 53

ആവര്തനോ നിവൃത്താത്മാ സംവൃതഃ സമ്പ്രമര്ദനഃ ।

അഹഃ സംവര്തകോ വഹ്നിരനിലോ ധരണീധരഃ

॥ 24 ॥

ശ്ലോക 54

സുപ്രസാദഃ പ്രസന്നാത്മാ വിശ്വധൃഗ്വിശ്വഭുഗ്വിഭുഃ ।

സത്കര്താ സത്കൃതഃ സാധുര്ജഹ്നുര്നാരായണോ നരഃ

॥ 25 ॥

ശ്ലോക 55

അസങ്ഖ്യേയോഽപ്രമേയാത്മാ വിശിഷ്ടഃ ശിഷ്ടകൃച്ഛുചിഃ ।

സിദ്ധാര്ഥഃ സിദ്ധസങ്കല്പഃ സിദ്ധിദഃ സിദ്ധി സാധനഃ

॥ 26 ॥

ശ്ലോക 56

വൃഷാഹീ വൃഷഭോ വിഷ്ണുര്വൃഷപര്വാ വൃഷോദരഃ ।

വര്ധനോ വര്ധമാനശ്ച വിവിക്തഃ ശ്രുതിസാഗരഃ

॥ 27 ॥

ശ്ലോക 57

സുഭുജോ ദുര്ധരോ വാഗ്മീ മഹേന്ദ്രോ വസുദോ വസുഃ ।

നൈകരൂപോ ബൃഹദ്രൂപഃ ശിപിവിഷ്ടഃ പ്രകാശനഃ

॥ 28 ॥

ശ്ലോക 58

ഓജസ്തേജോദ്യുതിധരഃ പ്രകാശാത്മാ പ്രതാപനഃ ।

ഋദ്ദഃ സ്പഷ്ടാക്ഷരോ മന്ത്രശ്ചന്ദ്രാംശുര്ഭാസ്കരദ്യുതിഃ

॥ 29 ॥

ശ്ലോക 59

അമൃതാംശൂദ്ഭവോ ഭാനുഃ ശശബിന്ദുഃ സുരേശ്വരഃ ।

ഔഷധം ജഗതഃ സേതുഃ സത്യധര്മപരാക്രമഃ

॥ 30 ॥

ശ്ലോക 60

ഭൂതഭവ്യഭവന്നാഥഃ പവനഃ പാവനോഽനലഃ ।

കാമഹാ കാമകൃത്കാന്തഃ കാമഃ കാമപ്രദഃ പ്രഭുഃ

॥ 31 ॥

ശ്ലോക 61

യുഗാദി കൃദ്യുഗാവര്തോ നൈകമായോ മഹാശനഃ ।

അദൃശ്യോ വ്യക്തരൂപശ്ച സഹസ്രജിദനന്തജിത്

॥ 32 ॥

ശ്ലോക 62

ഇഷ്ടോഽവിശിഷ്ടഃ ശിഷ്ടേഷ്ടഃ ശിഖണ്ഡീ നഹുഷോ വൃഷഃ ।

ക്രോധഹാ ക്രോധകൃത്കര്താ വിശ്വബാഹുര്മഹീധരഃ

॥ 33 ॥

ശ്ലോക 63

അച്യുതഃ പ്രഥിതഃ പ്രാണഃ പ്രാണദോ വാസവാനുജഃ ।

അപാന്നിധിരധിഷ്ഠാനമപ്രമത്തഃ പ്രതിഷ്ഠിതഃ

॥ 34 ॥

ശ്ലോക 64

സ്കന്ദഃ സ്കന്ദധരോ ധുര്യോ വരദോ വായുവാഹനഃ ।

വാസുദേവോ ബൃഹദ്ഭാനുരാദിദേവഃ പുരന്ധരഃ

॥ 35 ॥

ശ്ലോക 65

അശോകസ്താരണസ്താരഃ ശൂരഃ ശൌരിര്ജനേശ്വരഃ ।

അനുകൂലഃ ശതാവര്തഃ പദ്മീ പദ്മനിഭേക്ഷണഃ

॥ 36 ॥

ശ്ലോക 66

പദ്മനാഭോഽരവിന്ദാക്ഷഃ പദ്മഗര്ഭഃ ശരീരഭൃത് ।

മഹര്ധിരൃദ്ധോ വൃദ്ധാത്മാ മഹാക്ഷോ ഗരുഡധ്വജഃ

॥ 37 ॥

ശ്ലോക 67

അതുലഃ ശരഭോ ഭീമഃ സമയജ്ഞോ ഹവിര്ഹരിഃ ।

സര്വലക്ഷണലക്ഷണ്യോ ലക്ഷ്മീവാന് സമിതിഞ്ജയഃ

॥ 38 ॥

ശ്ലോക 68

വിക്ഷരോ രോഹിതോ മാര്ഗോ ഹേതുര്ദാമോദരഃ സഹഃ ।

മഹീധരോ മഹാഭാഗോ വേഗവാനമിതാശനഃ

॥ 39 ॥

ശ്ലോക 69

ഉദ്ഭവഃ, ക്ഷോഭണോ ദേവഃ ശ്രീഗര്ഭഃ പരമേശ്വരഃ ।

കരണം കാരണം കര്താ വികര്താ ഗഹനോ ഗുഹഃ

॥ 40 ॥

ശ്ലോക 70

വ്യവസായോ വ്യവസ്ഥാനഃ സംസ്ഥാനഃ സ്ഥാനദോ ധ്രുവഃ ।

പരര്ധിഃ പരമസ്പഷ്ടഃ തുഷ്ടഃ പുഷ്ടഃ ശുഭേക്ഷണഃ

॥ 41 ॥

ശ്ലോക 71

രാമോ വിരാമോ വിരജോ മാര്ഗോനേയോ നയോഽനയഃ ।

വീരഃ ശക്തിമതാം ശ്രേഷ്ഠോ ധര്മോധര്മ വിദുത്തമഃ

॥ 42 ॥

ശ്ലോക 72

വൈകുണ്ഠഃ പുരുഷഃ പ്രാണഃ പ്രാണദഃ പ്രണവഃ പൃഥുഃ ।

ഹിരണ്യഗര്ഭഃ ശത്രുഘ്നോ വ്യാപ്തോ വായുരധോക്ഷജഃ

॥ 43 ॥

ശ്ലോക 73

ഋതുഃ സുദര്ശനഃ കാലഃ പരമേഷ്ഠീ പരിഗ്രഹഃ ।

ഉഗ്രഃ സംവത്സരോ ദക്ഷോ വിശ്രാമോ വിശ്വദക്ഷിണഃ

॥ 44 ॥

ശ്ലോക 74

വിസ്താരഃ സ്ഥാവര സ്ഥാണുഃ പ്രമാണം ബീജമവ്യയമ് ।

അര്ഥോഽനര്ഥോ മഹാകോശോ മഹാഭോഗോ മഹാധനഃ

॥ 45 ॥

ശ്ലോക 75

അനിര്വിണ്ണഃ സ്ഥവിഷ്ഠോ ഭൂര്ധര്മയൂപോ മഹാമഖഃ ।

നക്ഷത്രനേമിര്നക്ഷത്രീ ക്ഷമഃ, ക്ഷാമഃ സമീഹനഃ

॥ 46 ॥

ശ്ലോക 76

യജ്ഞ ഇജ്യോ മഹേജ്യശ്ച ക്രതുഃ സത്രം സതാങ്ഗതിഃ ।

സര്വദര്ശീ വിമുക്താത്മാ സര്വജ്ഞോ ജ്ഞാനമുത്തമമ്

॥ 47 ॥

ശ്ലോക 77

സുവ്രതഃ സുമുഖഃ സൂക്ഷ്മഃ സുഘോഷഃ സുഖദഃ സുഹൃത് ।

മനോഹരോ ജിതക്രോധോ വീര ബാഹുര്വിദാരണഃ

॥ 48 ॥

ശ്ലോക 78

സ്വാപനഃ സ്വവശോ വ്യാപീ നൈകാത്മാ നൈകകര്മകൃത്। ।

വത്സരോ വത്സലോ വത്സീ രത്നഗര്ഭോ ധനേശ്വരഃ

॥ 49 ॥

ശ്ലോക 79

ധര്മഗുബ്ധര്മകൃദ്ധര്മീ സദസത്ക്ഷരമക്ഷരമ്॥

അവിജ്ഞാതാ സഹസ്ത്രാംശുര്വിധാതാ കൃതലക്ഷണഃ

॥ 50 ॥

ശ്ലോക 80

ഗഭസ്തിനേമിഃ സത്ത്വസ്ഥഃ സിംഹോ ഭൂത മഹേശ്വരഃ ।

ആദിദേവോ മഹാദേവോ ദേവേശോ ദേവഭൃദ്ഗുരുഃ

॥ 51 ॥

ശ്ലോക 81

ഉത്തരോ ഗോപതിര്ഗോപ്താ ജ്ഞാനഗമ്യഃ പുരാതനഃ ।

ശരീര ഭൂതഭൃദ് ഭോക്താ കപീന്ദ്രോ ഭൂരിദക്ഷിണഃ

॥ 52 ॥

ശ്ലോക 82

സോമപോഽമൃതപഃ സോമഃ പുരുജിത് പുരുസത്തമഃ ।

വിനയോ ജയഃ സത്യസന്ധോ ദാശാര്ഹഃ സാത്വതാം പതിഃ

॥ 53 ॥

ശ്ലോക 83

ജീവോ വിനയിതാ സാക്ഷീ മുകുന്ദോഽമിത വിക്രമഃ ।

അമ്ഭോനിധിരനന്താത്മാ മഹോദധി ശയോന്തകഃ

॥ 54 ॥

ശ്ലോക 84

അജോ മഹാര്ഹഃ സ്വാഭാവ്യോ ജിതാമിത്രഃ പ്രമോദനഃ ।

ആനന്ദോഽനന്ദനോനന്ദഃ സത്യധര്മാ ത്രിവിക്രമഃ

॥ 55 ॥

ശ്ലോക 85

മഹര്ഷിഃ കപിലാചാര്യഃ കൃതജ്ഞോ മേദിനീപതിഃ ।

ത്രിപദസ്ത്രിദശാധ്യക്ഷോ മഹാശൃങ്ഗഃ കൃതാന്തകൃത്

॥ 56 ॥

ശ്ലോക 86

മഹാവരാഹോ ഗോവിന്ദഃ സുഷേണഃ കനകാങ്ഗദീ ।

ഗുഹ്യോ ഗഭീരോ ഗഹനോ ഗുപ്തശ്ചക്ര ഗദാധരഃ

॥ 57 ॥

ശ്ലോക 87

വേധാഃ സ്വാങ്ഗോഽജിതഃ കൃഷ്ണോ ദൃഢഃ സങ്കര്ഷണോഽച്യുതഃ ।

വരുണോ വാരുണോ വൃക്ഷഃ പുഷ്കരാക്ഷോ മഹാമനാഃ

॥ 58 ॥

ശ്ലോക 88

ഭഗവാന് ഭഗഹാഽഽനന്ദീ വനമാലീ ഹലായുധഃ ।

ആദിത്യോ ജ്യോതിരാദിത്യഃ സഹിഷ്ണുര്ഗതിസത്തമഃ

॥ 59 ॥

ശ്ലോക 89

സുധന്വാ ഖണ്ഡപരശുര്ദാരുണോ ദ്രവിണപ്രദഃ ।

ദിവഃസ്പൃക് സര്വദൃഗ്വ്യാസോ വാചസ്പതിരയോനിജഃ

॥ 60 ॥

ശ്ലോക 90

ത്രിസാമാ സാമഗഃ സാമ നിര്വാണം ഭേഷജം ഭിഷക് ।

സന്യാസകൃച്ഛമഃ ശാന്തോ നിഷ്ഠാ ശാന്തിഃ പരായണമ്। 62 ॥

ശുഭാങ്ഗഃ ശാന്തിദഃ സ്രഷ്ടാ കുമുദഃ കുവലേശയഃ ।

ഗോഹിതോ ഗോപതിര്ഗോപ്താ വൃഷഭാക്ഷോ വൃഷപ്രിയഃ

॥ 61 ॥

ശ്ലോക 91

അനിവര്തീ നിവൃത്താത്മാ സങ്ക്ഷേപ്താ ക്ഷേമകൃച്ഛിവഃ ।

ശ്രീവത്സവക്ഷാഃ ശ്രീവാസഃ ശ്രീപതിഃ ശ്രീമതാംവരഃ

॥ 63 ॥

ശ്ലോക 92

ശ്രീദഃ ശ്രീശഃ ശ്രീനിവാസഃ ശ്രീനിധിഃ ശ്രീവിഭാവനഃ ।

ശ്രീധരഃ ശ്രീകരഃ ശ്രേയഃ ശ്രീമാഁല്ലോകത്രയാശ്രയഃ

॥ 64 ॥

ശ്ലോക 93

സ്വക്ഷഃ സ്വങ്ഗഃ ശതാനന്ദോ നന്ദിര്ജ്യോതിര്ഗണേശ്വരഃ ।

വിജിതാത്മാഽവിധേയാത്മാ സത്കീര്തിച്ഛിന്നസംശയഃ

॥ 65 ॥

ശ്ലോക 94

ഉദീര്ണഃ സര്വതശ്ചക്ഷുരനീശഃ ശാശ്വതസ്ഥിരഃ ।

ഭൂശയോ ഭൂഷണോ ഭൂതിര്വിശോകഃ ശോകനാശനഃ

॥ 66 ॥

ശ്ലോക 95

അര്ചിഷ്മാനര്ചിതഃ കുമ്ഭോ വിശുദ്ധാത്മാ വിശോധനഃ ।

അനിരുദ്ധോഽപ്രതിരഥഃ പ്രദ്യുമ്നോഽമിതവിക്രമഃ

॥ 67 ॥

ശ്ലോക 96

കാലനേമിനിഹാ വീരഃ ശൌരിഃ ശൂരജനേശ്വരഃ ।

ത്രിലോകാത്മാ ത്രിലോകേശഃ കേശവഃ കേശിഹാ ഹരിഃ

॥ 68 ॥

ശ്ലോക 97

കാമദേവഃ കാമപാലഃ കാമീ കാന്തഃ കൃതാഗമഃ ।

അനിര്ദേശ്യവപുര്വിഷ്ണുര്വീരോഽനന്തോ ധനഞ്ജയഃ

॥ 69 ॥

ശ്ലോക 98

ബ്രഹ്മണ്യോ ബ്രഹ്മകൃദ് ബ്രഹ്മാ ബ്രഹ്മ ബ്രഹ്മവിവര്ധനഃ ।

ബ്രഹ്മവിദ് ബ്രാഹ്മണോ ബ്രഹ്മീ ബ്രഹ്മജ്ഞോ ബ്രാഹ്മണപ്രിയഃ

॥ 70 ॥

ശ്ലോക 99

മഹാക്രമോ മഹാകര്മാ മഹാതേജാ മഹോരഗഃ ।

മഹാക്രതുര്മഹായജ്വാ മഹായജ്ഞോ മഹാഹവിഃ

॥ 71 ॥

ശ്ലോക 100

സ്തവ്യഃ സ്തവപ്രിയഃ സ്തോത്രം സ്തുതിഃ സ്തോതാ രണപ്രിയഃ ।

പൂര്ണഃ പൂരയിതാ പുണ്യഃ പുണ്യകീര്തിരനാമയഃ

॥ 72 ॥

ശ്ലോക 101

മനോജവസ്തീര്ഥകരോ വസുരേതാ വസുപ്രദഃ ।

വസുപ്രദോ വാസുദേവോ വസുര്വസുമനാ ഹവിഃ

॥ 73 ॥

ശ്ലോക 102

സദ്ഗതിഃ സത്കൃതിഃ സത്താ സദ്ഭൂതിഃ സത്പരായണഃ ।

ശൂരസേനോ യദുശ്രേഷ്ഠഃ സന്നിവാസഃ സുയാമുനഃ

॥ 74 ॥

ശ്ലോക 103

ഭൂതാവാസോ വാസുദേവഃ സര്വാസുനിലയോഽനലഃ ।

ദര്പഹാ ദര്പദോ ദൃപ്തോ ദുര്ധരോഽഥാപരാജിതഃ

॥ 75 ॥

ശ്ലോക 104

വിശ്വമൂര്തിര്മഹാമൂര്തിര്ദീപ്തമൂര്തിരമൂര്തിമാന് ।

അനേകമൂര്തിരവ്യക്തഃ ശതമൂര്തിഃ ശതാനനഃ

॥ 76 ॥

ശ്ലോക 105

ഏകോ നൈകഃ സ്തവഃ കഃ കിം യത്തത് പദമനുത്തമമ് ।

ലോകബന്ധുര്ലോകനാഥോ മാധവോ ഭക്തവത്സലഃ

॥ 77 ॥

ശ്ലോക 106

സുവര്ണവര്ണോ ഹേമാങ്ഗോ വരാങ്ഗശ്ചന്ദനാങ്ഗദീ ।

വീരഹാ വിഷമഃ ശൂന്യോ ഘൃതാശീരചലശ്ചലഃ

॥ 78 ॥

ശ്ലോക 107

അമാനീ മാനദോ മാന്യോ ലോകസ്വാമീ ത്രിലോകധൃത് ।

സുമേധാ മേധജോ ധന്യഃ സത്യമേധാ ധരാധരഃ

॥ 79 ॥

ശ്ലോക 108

തേജോഽവൃഷോ ദ്യുതിധരഃ സര്വശസ്ത്രഭൃതാംവരഃ ।

പ്രഗ്രഹോ നിഗ്രഹോ വ്യഗ്രോ നൈകശൃങ്ഗോ ഗദാഗ്രജഃ

॥ 80 ॥

ശ്ലോക 109

ചതുര്മൂര്തി ശ്ചതുര്ബാഹു ശ്ചതുര്വ്യൂഹ ശ്ചതുര്ഗതിഃ ।

ചതുരാത്മാ ചതുര്ഭാവശ്ചതുര്വേദവിദേകപാത്

॥ 81 ॥

ശ്ലോക 110

സമാവര്തോഽനിവൃത്താത്മാ ദുര്ജയോ ദുരതിക്രമഃ ।

ദുര്ലഭോ ദുര്ഗമോ ദുര്ഗോ ദുരാവാസോ ദുരാരിഹാ

॥ 82 ॥

ശ്ലോക 111

ശുഭാങ്ഗോ ലോകസാരങ്ഗഃ സുതന്തുസ്തന്തുവര്ധനഃ ।

ഇന്ദ്രകര്മാ മഹാകര്മാ കൃതകര്മാ കൃതാഗമഃ

॥ 83 ॥

ശ്ലോക 112

ഉദ്ഭവഃ സുന്ദരഃ സുന്ദോ രത്നനാഭഃ സുലോചനഃ ।

അര്കോ വാജസനഃ ശൃങ്ഗീ ജയന്തഃ സര്വവിജ്ജയീ

॥ 84 ॥

ശ്ലോക 113

സുവര്ണബിന്ദുരക്ഷോഭ്യഃ സര്വവാഗീശ്വരേശ്വരഃ ।

മഹാഹൃദോ മഹാഗര്തോ മഹാഭൂതോ മഹാനിധിഃ

॥ 85 ॥

ശ്ലോക 114

കുമുദഃ കുന്ദരഃ കുന്ദഃ പര്ജന്യഃ പാവനോഽനിലഃ ।

അമൃതാശോഽമൃതവപുഃ സര്വജ്ഞഃ സര്വതോമുഖഃ

॥ 86 ॥

ശ്ലോക 115

സുലഭഃ സുവ്രതഃ സിദ്ധഃ ശത്രുജിച്ഛത്രുതാപനഃ ।

ന്യഗ്രോധോഽദുമ്ബരോഽശ്വത്ഥശ്ചാണൂരാന്ധ്ര നിഷൂദനഃ

॥ 87 ॥

ശ്ലോക 116

സഹസ്രാര്ചിഃ സപ്തജിഹ്വഃ സപ്തൈധാഃ സപ്തവാഹനഃ ।

അമൂര്തിരനഘോഽചിന്ത്യോ ഭയകൃദ്ഭയനാശനഃ

॥ 88 ॥

ശ്ലോക 117

അണുര്ബൃഹത്കൃശഃ സ്ഥൂലോ ഗുണഭൃന്നിര്ഗുണോ മഹാന് ।

അധൃതഃ സ്വധൃതഃ സ്വാസ്യഃ പ്രാഗ്വംശോ വംശവര്ധനഃ

॥ 89 ॥

ശ്ലോക 118

ഭാരഭൃത് കഥിതോ യോഗീ യോഗീശഃ സര്വകാമദഃ ।

ആശ്രമഃ ശ്രമണഃ, ക്ഷാമഃ സുപര്ണോ വായുവാഹനഃ

॥ 90 ॥

ശ്ലോക 119

ധനുര്ധരോ ധനുര്വേദോ ദണ്ഡോ ദമയിതാ ദമഃ ।

അപരാജിതഃ സര്വസഹോ നിയന്താഽനിയമോഽയമഃ

॥ 91 ॥

ശ്ലോക 120

സത്ത്വവാന് സാത്ത്വികഃ സത്യഃ സത്യധര്മപരായണഃ ।

അഭിപ്രായഃ പ്രിയാര്ഹോഽര്ഹഃ പ്രിയകൃത് പ്രീതിവര്ധനഃ

॥ 92 ॥

ശ്ലോക 121

വിഹായസഗതിര്ജ്യോതിഃ സുരുചിര്ഹുതഭുഗ്വിഭുഃ ।

രവിര്വിരോചനഃ സൂര്യഃ സവിതാ രവിലോചനഃ

॥ 93 ॥

ശ്ലോക 122

അനന്തോ ഹുതഭുഗ്ഭോക്താ സുഖദോ നൈകജോഽഗ്രജഃ ।

അനിര്വിണ്ണഃ സദാമര്ഷീ ലോകധിഷ്ഠാനമദ്ഭുതഃ

॥ 94 ॥

ശ്ലോക 123

സനാത്സനാതനതമഃ കപിലഃ കപിരവ്യയഃ ।

സ്വസ്തിദഃ സ്വസ്തികൃത്സ്വസ്തിഃ സ്വസ്തിഭുക് സ്വസ്തിദക്ഷിണഃ

॥ 95 ॥

ശ്ലോക 124

അരൌദ്രഃ കുണ്ഡലീ ചക്രീ വിക്രമ്യൂര്ജിതശാസനഃ ।

ശബ്ദാതിഗഃ ശബ്ദസഹഃ ശിശിരഃ ശര്വരീകരഃ

॥ 96 ॥

ശ്ലോക 125

അക്രൂരഃ പേശലോ ദക്ഷോ ദക്ഷിണഃ, ക്ഷമിണാംവരഃ ।

വിദ്വത്തമോ വീതഭയഃ പുണ്യശ്രവണകീര്തനഃ

॥ 97 ॥

ശ്ലോക 126

ഉത്താരണോ ദുഷ്കൃതിഹാ പുണ്യോ ദുഃസ്വപ്നനാശനഃ ।

വീരഹാ രക്ഷണഃ സന്തോ ജീവനഃ പര്യവസ്ഥിതഃ

॥ 98 ॥

ശ്ലോക 127

അനന്തരൂപോഽനന്ത ശ്രീര്ജിതമന്യുര്ഭയാപഹഃ ।

ചതുരശ്രോ ഗഭീരാത്മാ വിദിശോ വ്യാദിശോ ദിശഃ

॥ 99 ॥

ശ്ലോക 128

അനാദിര്ഭൂര്ഭുവോ ലക്ഷ്മീഃ സുവീരോ രുചിരാങ്ഗദഃ ।

ജനനോ ജനജന്മാദിര്ഭീമോ ഭീമപരാക്രമഃ

॥ 100 ॥

ശ്ലോക 129

ആധാരനിലയോഽധാതാ പുഷ്പഹാസഃ പ്രജാഗരഃ ।

ഊര്ധ്വഗഃ സത്പഥാചാരഃ പ്രാണദഃ പ്രണവഃ പണഃ

॥ 101 ॥

ശ്ലോക 130

പ്രമാണം പ്രാണനിലയഃ പ്രാണഭൃത് പ്രാണജീവനഃ ।

തത്ത്വം തത്ത്വവിദേകാത്മാ ജന്മമൃത്യുജരാതിഗഃ

॥ 102 ॥

ശ്ലോക 131

ഭൂര്ഭുവഃ സ്വസ്തരുസ്താരഃ സവിതാ പ്രപിതാമഹഃ ।

യജ്ഞോ യജ്ഞപതിര്യജ്വാ യജ്ഞാങ്ഗോ യജ്ഞവാഹനഃ

॥ 103 ॥

ശ്ലോക 132

യജ്ഞഭൃദ് യജ്ഞകൃദ് യജ്ഞീ യജ്ഞഭുക് യജ്ഞസാധനഃ ।

യജ്ഞാന്തകൃദ് യജ്ഞഗുഹ്യമന്നമന്നാദ ഏവ ച

॥ 104 ॥

ശ്ലോക 133

ആത്മയോനിഃ സ്വയഞ്ജാതോ വൈഖാനഃ സാമഗായനഃ ।

ദേവകീനന്ദനഃ സ്രഷ്ടാ ക്ഷിതീശഃ പാപനാശനഃ

॥ 105 ॥

ശ്ലോക 134

ശങ്ഖഭൃന്നന്ദകീ ചക്രീ ശാര്​ങ്ഗധന്വാ ഗദാധരഃ ।

രഥാങ്ഗപാണിരക്ഷോഭ്യഃ സര്വപ്രഹരണായുധഃ

॥ 106 ॥

ശ്ലോക 135

ശ്രീ സര്വപ്രഹരണായുധ ഓം നമ ഇതി ।

വനമാലീ ഗദീ ശാര്​ങ്ഗീ ശങ്ഖീ ചക്രീ ച നന്ദകീ ।

ശ്രീമാന്നാരായണോ വിഷ്ണുര്വാസുദേവോഽഭിരക്ഷതു

॥ 107 ॥

ശ്ലോക 136

ശ്രീ വാസുദേവോഽഭിരക്ഷതു ഓം നമ ഇതി ।

ഉത്തര പീഠികാ

ഫലശ്രുതിഃ

ഇതീദം കീര്തനീയസ്യ കേശവസ്യ മഹാത്മനഃ ।

നാമ്നാം സഹസ്രം ദിവ്യാനാമശേഷേണ പ്രകീര്തിതമ്।

॥ 108 ॥

ശ്ലോക 137

യ ഇദം ശൃണുയാന്നിത്യം യശ്ചാപി പരികീര്തയേത്॥

നാശുഭം പ്രാപ്നുയാത് കിഞ്ചിത്സോഽമുത്രേഹ ച മാനവഃ

॥ 1 ॥

ശ്ലോക 138

വേദാന്തഗോ ബ്രാഹ്മണഃ സ്യാത് ക്ഷത്രിയോ വിജയീ ഭവേത് ।

വൈശ്യോ ധനസമൃദ്ധഃ സ്യാത് ശൂദ്രഃ സുഖമവാപ്നുയാത്

॥ 2 ॥

ശ്ലോക 139

ധര്മാര്ഥീ പ്രാപ്നുയാദ്ധര്മമര്ഥാര്ഥീ ചാര്ഥമാപ്നുയാത് ।

കാമാനവാപ്നുയാത് കാമീ പ്രജാര്ഥീ ചാപ്നുയാത്പ്രജാമ്

॥ 3 ॥

ശ്ലോക 140

॥ 4 ॥ [പ്രാപ്നുയാത്പ്രജാമ്]

ഭക്തിമാന് യഃ സദോത്ഥായ ശുചിസ്തദ്ഗതമാനസഃ ।

സഹസ്രം വാസുദേവസ്യ നാമ്നാമേതത് പ്രകീര്തയേത്

ശ്ലോക 141

യശഃ പ്രാപ്നോതി വിപുലം യാതിപ്രാധാന്യമേവ ച ।

അചലാം ശ്രിയമാപ്നോതി ശ്രേയഃ പ്രാപ്നോത്യനുത്തമമ്।

॥ 5 ॥

ശ്ലോക 142

ന ഭയം ക്വചിദാപ്നോതി വീര്യം തേജശ്ച വിന്ദതി ।

ഭവത്യരോഗോ ദ്യുതിമാന് ബലരൂപ ഗുണാന്വിതഃ

॥ 6 ॥

ശ്ലോക 143

രോഗാര്തോ മുച്യതേ രോഗാദ്ബദ്ധോ മുച്യേത ബന്ധനാത് ।

ഭയാന്മുച്യേത ഭീതസ്തു മുച്യേതാപന്ന ആപദഃ

॥ 7 ॥

ശ്ലോക 144

ദുര്ഗാണ്യതിതരത്യാശു പുരുഷഃ പുരുഷോത്തമമ് ।

സ്തുവന്നാമസഹസ്രേണ നിത്യം ഭക്തിസമന്വിതഃ

॥ 8 ॥

ശ്ലോക 145

വാസുദേവാശ്രയോ മര്ത്യോ വാസുദേവപരായണഃ ।

സര്വപാപവിശുദ്ധാത്മാ യാതി ബ്രഹ്മ സനാതനമ്।

॥ 9 ॥

ശ്ലോക 146

ന വാസുദേവ ഭക്താനാമശുഭം വിദ്യതേ ക്വചിത് ।

ജന്മമൃത്യുജരാവ്യാധിഭയം നൈവോപജായതേ

॥ 10 ॥

ശ്ലോക 147

ഇമം സ്തവമധീയാനഃ ശ്രദ്ധാഭക്തിസമന്വിതഃ ।

യുജ്യേതാത്മ സുഖക്ഷാന്തി ശ്രീധൃതി സ്മൃതി കീര്തിഭിഃ

॥ 11 ॥

ശ്ലോക 148

ന ക്രോധോ ന ച മാത്സര്യം ന ലോഭോ നാശുഭാമതിഃ ।

ഭവന്തി കൃതപുണ്യാനാം ഭക്താനാം പുരുഷോത്തമേ

॥ 12 ॥

ശ്ലോക 149

ദ്യൌഃ സ-ചന്ദ്രാര്ക നക്ഷത്രാ ഖം ദിശോ ഭൂര്മഹോദധിഃ ।

വാസുദേവസ്യ വീര്യേണ വിധൃതാനി മഹാത്മനഃ

॥ 13 ॥

ശ്ലോക 150

സസുരാസുരഗന്ധര്വം സയക്ഷോരഗരാക്ഷസമ് ।

ജഗദ്വശേ വര്തതേദം കൃഷ്ണസ്യ സ ചരാചരമ്।

॥ 14 ॥

ശ്ലോക 151

ഇന്ദ്രിയാണി മനോബുദ്ധിഃ സത്ത്വം തേജോ ബലം ധൃതിഃ ।

വാസുദേവാത്മകാന്യാഹുഃ, ക്ഷേത്രം ക്ഷേത്രജ്ഞ ഏവ ച

॥ 15 ॥

ശ്ലോക 152

സര്വാഗമാനാമാചാരഃ പ്രഥമം പരികല്പതേ ।

ആചാരപ്രഭവോ ധര്മോ ധര്മസ്യ പ്രഭുരച്യുതഃ

॥ 16 ॥

ശ്ലോക 153

ഋഷയഃ പിതരോ ദേവാ മഹാഭൂതാനി ധാതവഃ ।

ജങ്ഗമാജങ്ഗമം ചേദം ജഗന്നാരായണോദ്ഭവമ്

॥ 17 ॥

ശ്ലോക 154

യോഗോജ്ഞാനം തഥാ സാങ്ഖ്യം വിദ്യാഃ ശില്പാദികര്മ ച ।

വേദാഃ ശാസ്ത്രാണി വിജ്ഞാനമേതത്സര്വം ജനാര്ദനാത്

॥ 18 ॥

ശ്ലോക 155

ഏകോ വിഷ്ണുര്മഹദ്ഭൂതം പൃഥഗ്ഭൂതാന്യനേകശഃ ।

ത്രീംലോകാന്വ്യാപ്യ ഭൂതാത്മാ ഭുങ്ക്തേ വിശ്വഭുഗവ്യയഃ

॥ 19 ॥

ശ്ലോക 156

ഇമം സ്തവം ഭഗവതോ വിഷ്ണോര്വ്യാസേന കീര്തിതമ് ।

പഠേദ്യ ഇച്ചേത്പുരുഷഃ ശ്രേയഃ പ്രാപ്തും സുഖാനി ച

॥ 20 ॥

ശ്ലോക 157

വിശ്വേശ്വരമജം ദേവം ജഗതഃ പ്രഭുമവ്യയമ്।

ഭജന്തി യേ പുഷ്കരാക്ഷം ന തേ യാന്തി പരാഭവമ്

॥ 21 ॥

ശ്ലോക 158

ന തേ യാന്തി പരാഭവം ഓം നമ ഇതി ।

അര്ജുന ഉവാച

പദ്മപത്ര വിശാലാക്ഷ പദ്മനാഭ സുരോത്തമ ।

ഭക്താനാ മനുരക്താനാം ത്രാതാ ഭവ ജനാര്ദന

॥ 22 ॥

ശ്ലോക 159

ശ്രീഭഗവാനുവാച

യോ മാം നാമസഹസ്രേണ സ്തോതുമിച്ഛതി പാണ്ഡവ ।

സോഽഹമേകേന ശ്ലോകേന സ്തുത ഏവ ന സംശയഃ

॥ 23 ॥

ശ്ലോക 160

സ്തുത ഏവ ന സംശയ ഓം നമ ഇതി ।

വ്യാസ ഉവാച

വാസനാദ്വാസുദേവസ്യ വാസിതം ഭുവനത്രയമ് ।

സര്വഭൂതനിവാസോഽസി വാസുദേവ നമോഽസ്തു തേ

॥ 24 ॥

ശ്ലോക 161

ശ്രീവാസുദേവ നമോസ്തുത ഓം നമ ഇതി ।

പാര്വത്യുവാച

കേനോപായേന ലഘുനാ വിഷ്ണോര്നാമസഹസ്രകമ് ।

പഠ്യതേ പണ്ഡിതൈര്നിത്യം ശ്രോതുമിച്ഛാമ്യഹം പ്രഭോ

॥ 25 ॥

ശ്ലോക 162

ഈശ്വര ഉവാച

ശ്രീരാമ രാമ രാമേതി രമേ രാമേ മനോരമേ ।

സഹസ്രനാമ തത്തുല്യം രാമനാമ വരാനനേ

॥ 26 ॥

ശ്ലോക 163

ശ്രീരാമ നാമ വരാനന ഓം നമ ഇതി ।

ബ്രഹ്മോവാച

നമോഽസ്ത്വനന്തായ സഹസ്രമൂര്തയേ സഹസ്രപാദാക്ഷിശിരോരുബാഹവേ ।

സഹസ്രനാമ്നേ പുരുഷായ ശാശ്വതേ സഹസ്രകോടീ യുഗധാരിണേ നമഃ

॥ 27 ॥

ശ്ലോക 164

ശ്രീ സഹസ്രകോടീ യുഗധാരിണേ നമ ഓം നമ ഇതി ।

സഞ്ജയ ഉവാച

യത്ര യോഗേശ്വരഃ കൃഷ്ണോ യത്ര പാര്ഥോ ധനുര്ധരഃ ।

തത്ര ശ്രീര്വിജയോ ഭൂതിര്ധ്രുവാ നീതിര്മതിര്മമ

॥ 28 ॥

ശ്ലോക 165

ശ്രീ ഭഗവാന് ഉവാച

അനന്യാശ്ചിന്തയന്തോ മാം യേ ജനാഃ പര്യുപാസതേ ।

തേഷാം നിത്യാഭിയുക്താനാം യോഗക്ഷേമം വഹാമ്യഹമ്।

॥ 29 ॥

ശ്ലോക 166

പരിത്രാണായ സാധൂനാം വിനാശായ ച ദുഷ്കൃതാമ്। ।

ധര്മസംസ്ഥാപനാര്ഥായ സമ്ഭവാമി യുഗേ യുഗേ

॥ 30 ॥

ശ്ലോക 167

ആര്താഃ വിഷണ്ണാഃ ശിഥിലാശ്ച ഭീതാഃ ഘോരേഷു ച വ്യാധിഷു വര്തമാനാഃ ।

സങ്കീര്ത്യ നാരായണശബ്ദമാത്രം വിമുക്തദുഃഖാഃ സുഖിനോ ഭവന്തി

॥ 31 ॥

ശ്ലോക 168

കായേന വാചാ മനസേന്ദ്രിയൈര്വാ ബുദ്ധ്യാത്മനാ വാ പ്രകൃതേഃ സ്വഭാവാത് ।

കരോമി യദ്യത്സകലം പരസ്മൈ നാരായണായേതി സമര്പയാമി

॥ 32 ॥

ശ്ലോക 169

യദക്ഷര പദഭ്രഷ്ടം മാത്രാഹീനം തു യദ്ഭവേത്

തഥ്സര്വം ക്ഷമ്യതാം ദേവ നാരായണ നമോഽസ്തു തേ ।

വിസര്ഗ ബിന്ദു മാത്രാണി പദപാദാക്ഷരാണി ച

ന്യൂനാനി ചാതിരിക്താനി ക്ഷമസ്വ പുരുഷോത്തമഃ ॥

ഇതി ശ്രീ മഹാഭാരതേ ശതസാഹസ്രികായാം സംഹിതായാം വൈയാസിക്യാമനുശാസന പര്വാന്തര്ഗത ആനുശാസനിക പര്വണി, മോക്ഷധര്മേ ഭീഷ്മ യുധിഷ്ഠിര സംവാദേ ശ്രീ വിഷ്ണോര്ദിവ്യ സഹസ്രനാമ സ്തോത്രം നാമൈകോന പഞ്ച ശതാധിക ശതതമോധ്യായഃ ॥

ശ്രീ വിഷ്ണു സഹസ്രനാമ സ്തോത്രം സമാപ്തമ് ॥

ഓം തത്സത് സര്വം ശ്രീ കൃഷ്ണാര്പണമസ്തു ॥