Sree Purushottama Sahasra Nama Stotram

shrI puruShottama sahasra nAma stotram

shloka 1

viniyogaH

purANapuruSho viShNuH puruShottama uchyate |

nAmnAM sahasraM vakShyAmi tasya bhAgavatoddhRRitam || 1||

yasya prasAdAdvAgIshAH prajeshA vibhavonnatAH |

kShudrA api bhavantyAshu shrIkRRiShNaM taM nato.asmyaham || 2||

anantA eva kRRiShNasya lIlA nAmapravartikAH |

uktA bhAgavate gUhAH prakaTA api kutrachit || 3||

atastAni pravakShyAmi nAmAni muravairiNaH |

sahasraM yaistu paThitaiH paThitaM syAchChukAmRRitam || 4||

kRRiShNanAmasahasrasya RRiShiragnirnirUpitaH |

gAyatrI cha tathA Chando devatA puruShottamaH || 5||

viniyogaH samasteShu puruShArtheShu vai mataH |

bIjaM bhaktapriyaH shaktiH satyavAguchyate hariH || 6||

bhaktoddharaNayatnastu mantro.atra paramo mataH |

avatAritabhaktAMshaH kIlakaM parikIrtitam || 7||

astraM sarvasamarthashcha govindaH kavachaM matam |

puruSho dhyAnamatroktaH siddhiH sharaNasaMsmRRitiH || 8||

adhikAralIlA

shrIkRRiShNaH sachchidAnando nityalIlAvinodakRRit |

sarvAgamavinodI cha lakShmIshaH puruShottamaH || 9||

AdikAlaH sarvakAlaH kAlAtmA mAyayAvRRitaH |

bhaktoddhAraprayatnAtmA jagatkartA jaganmayaH || 10||

nAmalIlAparo viShNurvyAsAtmA shukamokShadaH |

vyApivaikuNThadAtA cha shrImadbhAgavatAgamaH || 11||

shukavAgamRRitAbdhInduH shaunakAdyakhileShTadaH |

bhaktipravartakastrAtA vyAsachintAvinAshakaH || 12||

sarvasiddhAntavAgAtmA nAradAdyakhileShTadaH |

antarAtmA dhyAnagamyo bhaktiratnapradAyakaH || 13||

muktopasRRipyaH pUrNAtmA muktAnAM rativardhanaH |

bhaktakAryaikanirato drauNyastravinivArakaH || 14||

bhaktasmayapraNetA cha bhaktavAkparipAlakaH |

brahmaNyadevo dharmAtmA bhaktAnAM cha parIkShakaH || 15||

AsannahitakartA cha mAyAhitakaraH prabhuH |

uttarAprANadAtA cha brahmAstravinivArakaH || 16||

sarvataH pANavapatiH parIkShichChuddhikAraNam |

gUhAtmA sarvavedeShu bhaktaikahRRidaya~NgamaH || 17||

kuntIstutyaH prasannAtmA paramAdbhutakAryakRRit |

bhIShmamuktipradaH svAmI bhaktamohanivArakaH || 18||

sarvAvasthAsu saMsevyaH samaH sukhahitapradaH |

kRRitakRRityaH sarvasAkShI bhaktastrIrativardhanaH || 19||

sarvasaubhAgyanilayaH paramAshcharyarUpadhRRik |

ananyapuruShasvAmI dvArakAbhAgyabhAjanam || 20||

bIjasaMskArakartA cha parIkShijjAnapoShakaH |

sarvatrapUrNaguNakaH sarvabhUShaNabhUShitaH || 21||

sarvalakShaNadAtA cha dhRRitarAShTravimuktidaH |

sanmArgarakShako nityaM viduraprItipUrakaH || 22||

lIlAvyAmohakartA cha kAladharmapravartakaH |

pANavAnAM mokShadAtA parIkShidbhAgyavardhanaH || 23||

kalinigrahakartA cha dharmAdInAM cha poShakaH |

satsa~NgajAnahetushcha shrIbhAgavatakAraNam || 24||

prAkRRitAdRRiShTamArgashcha|||||||||||| chontinued

j~nAna-sAdhana-lIlA

|||||||||||||||||||||||| shrotavyaH sakalAgamaiH |

kIrtitavyaH shuddhabhAvaiH smartavyashchAtmavittamaiH || 25||

anekamArgakartA cha nAnAvidhagatipradaH |

puruShaH sakalAdhAraH sattvaikanilayAtmabhUH || 26||

sarvadhyeyo yogagamyo bhaktyA grAhyaH surapriyaH |

janmAdisArthakakRRitirlIlAkartA patiH satAm || 27||

AdikartA tattvakartA sarvakartA vishAradaH |

nAnAvatArakartA cha brahmAvirbhAvakAraNam || 28||

dashalIlAvinodI cha nAnAsRRiShTipravartakaH |

anekakalpakartA cha sarvadoShavivarjitaH || 29||

sargalIlA

vairAgyahetustIrthAtmA sarvatIrthaphalapradaH |

tIrthashuddhaikanilayaH svamArgaparipoShakaH || 30||

tIrthakIrtirbhaktagamyo bhaktAnushayakAryakRRit |

bhaktatulyaH sarvatulyaH svechChAsarvapravartakaH || 31||

guNAtIto.anavadyAtmA sargalIlApravartakaH |

sAkShAtsarvajagatkartA mahadAdipravartakaH || 32||

mAyApravartakaH sAkShI mAyArativivardhanaH |

AkAshAtmA chaturmUrtishchaturdhA bhUtabhAvanaH || 33||

rajaHpravartako brahmA marIchyAdipitAmahaH |

vedakartA yaj~nakartA sarvakartA.amitAtmakaH || 34||

anekasRRiShTikartA cha dashadhAsRRiShTikArakaH |

yajnANgo yaj~navArAho bhUdharo bhUmipAlakaH || 35||

seturvidharaNo jaitro hiraNyAkShAntakaH suraH |

ditikashyapakAmaikahetusRRiShTipravartakaH || 36||

devAbhayapradAtA cha vaikuNThAdhipatirmahAn |

sarvagarvaprahArI cha sanakAdyakhilArthadaH || 37||

sarvAshvAsanakartA cha bhaktatulyAhavapradaH |

kAlalakShaNahetushcha sarvArthaj~nApakaH paraH || 38||

bhaktonnatikaraH sarvaprakArasukhadAyakaH |

nAnAyuddhapraharaNo brahmashApavimochakaH || 39||

puShTisargapraNetA cha guNasRRiShTipravartakaH |

kardameShTapradAtA cha devahUtyakhilArthadaH || 40||

shuklanArAyaNaH satyakAladharmapravartakaH |

j~nAnAvatAraH shAntAtmA kapilaH kAlanAshakaH || 41||

triguNAdhipatiH sA~NkhyashAstrakartA vishAradaH |

sargadUShaNahArI cha puShTimokShapravartakaH || 42||

laukikAnandadAtA cha brahmAnandapravartakaH |

bhaktisiddhAntavaktA cha saguNaj~nAnadIpakaH || 43||

AtmapradaH pUrNakAmo yogAtmA yogabhAvitaH |

jIvanmuktipradaH shrImAnanyabhaktipravartakaH || 44||

kAlasAmarthyadAtA cha kAladoShanivArakaH |

garbhottamaj~nAnadAtA karmamArganiyAmakaH || 45||

sarvamArganirAkartA bhaktimArgaikapoShakaH |

siddhihetuH sarvahetuH sarvAshcharyaikakAraNam || 46||

chetanAchetanapatiH samudraparipUjitaH |

sA~NkhyAchAryastutaH siddhapUjitaH sarvapUjitaH || 47||

visargalIlA

visargakartA sarveshaH koTisUryasamaprabhaH |

anantaguNagambhIro mahApuruShapUjitaH || 48||

anantasukhadAtA cha brahmakoTiprajApatiH |

sudhAkoTisvAsthyahetuH kAmadhukkoTikAmadaH || 49||

samudrakoTigambhIrastIrthakoTisamAhvayaH |

sumerukoTiniShkampaH koTibrahmANDavigrahaH || 50||

koTyashvamedhapApaghno vAyukoTimahAbalaH |

koTIndujagadAnandI shivakoTiprasAdakRRit || 51||

sarvasadguNamAhAtmyaH sarvasadguNabhAjanam |

manvAdiprerako dharmo yaj~nanArAyaNaH paraH || 52||

AkUtisUnurdevendro ruchijanmA.abhayapradaH |

dakShiNApatirojasvI kriyAshaktiH parAyaNaH || 53||

dattAtreyo yogapatiryogamArgapravartakaH |

anasUyAgarbharatnamRRiShivaMshavivardhanaH || 54||

guNatrayavibhAgaj~nashchaturvargavishAradaH |

nArAyaNo dharmasUnurmUrtipuNyayashaskaraH || 55||

sahasrakavachachChedI tapaHsAro narapriyaH |

vishvAnandapradaH karmasAkShI bhAratapUjitaH || 56||

anantAdbhutamAhAtmyo badarIsthAnabhUShaNam |

jitakAmo jitakrodho jitasa~Ngo jitendriyaH || 57||

urvashIprabhavaH svargasukhadAyI sthitipradaH |

amAnI mAnado goptA bhagavachChAstrabodhakaH || 58||

brahmAdivandyo haMsashrIrmAyAvaibhavakAraNam |

vividhAnantasargAtmA vishvapUraNatatparaH || 59||

yajnajIvanahetushcha yajnasvAmIShTabodhakaH |

nAnAsiddhAntagamyashcha saptatantushcha ShaDguNaH || 60||

pratisargajagatkartA nAnAlIlAvishAradaH |

dhruvapriyo dhruvasvAmI chintitAdhikadAyakaH || 61||

durlabhAnantaphalado dayAnidhiramitrahA |

a~NgasvAmI kRRipAsAro vainyo bhUminiyAmakaH || 62||

bhUmidogdhA prajAprANapAlanaikaparAyaNaH |

yashodAtA j~nAnadAtA sarvadharmapradarshakaH || 63||

pura~njano jaganmitraM visargAntapradarshakaH |

prachetasAM patishchitrabhaktiheturjanArdanaH || 64||

smRRitihetubrahmabhAvasAyujyAdipradaH shubhaH |

vijayI |||||||||||||||||||| chontinued

sthAnalIlA

|||| sthitilIlAbdhirachyuto vijayapradaH || 65||

svasAmarthyaprado bhaktakIrtiheturadhokShajaH |

priyavratapriyasvAmI svechChAvAdavishAradaH || 66||

saNgyagamyaH svaprakAshaH sarvasaNgavivarjitaH |

ichChAyAM cha samaryAdastyAgamAtropalambhanaH || 67||

achintyakAryakartA cha tarkAgocharakAryakRRit |

sha{}RRi~NgArarasamaryAdA AgnIdhrarasabhAjanam || 68||

nAbhIShTapUrakaH karmamaryAdAdarshanotsukaH |

sarvarUpo.adbhutatamo maryAdApuruShottamaH || 69||

sarvarUpeShu satyAtmA kAlasAkShI shashiprabhaH |

merudevIvrataphalamRRiShabho bhagalakShaNaH || 70||

jagatsantarpako megharUpI devendradarpahA |

jayantIpatiratyantapramANAsheShalaukikaH || 71||

shatadhAnyastabhUtAtmA shatAnando guNaprasUH |

vaiShNavotpAdanaparaH sarvadharmopadeshakaH || 72||

parahaMsakriyAgoptA yogacharyApradarshakaH |

chaturthAshramanirNetA sadAnandasharIravAn || 73||

pradarshitAnyadharmashcha bharatasvAmyapArakRRit |

yathAvatkarmakartA cha sa~NgAniShTapradarshakaH || 74||

AvashyakapunarjanmakarmamArgapradarshakaH |

yaj~narUpamRRigaH shAntaH sahiShNuH satparAkramaH || 75||

rahUgaNagatij~nashcha rahUgaNavimochakaH |

bhavATavItattvavaktA bahirmukhahite rataH || 76||

gayasvAmI sthAnavaMshakartA sthAnavibhedakRRit |

puruShAvayavo bhUmivisheShavinirUpakaH || 77||

jambUdvIpapatirmerunAbhipadmaruhAshrayaH |

nAnAvibhUtilIlADhyo ga~NgotpattinidAnakRRit || 78||

gaNgAmAhAtmyahetushcha gaNgArUpo.atigUDhakRRit |

vaikuNThadehahetvambujanmakRRit sarvapAvanaH || 79||

shivasvAmI shivopAsyo gUDhaH sa~NkarShaNAtmakaH |

sthAnarakShArthamatsyAdirUpaH sarvaikapUjitaH || 80||

upAsyanAnArUpAtmA jyotIrUpo gatipradaH |

sUryanArAyaNo vedakAntirujjvalaveShadhRRik || 81||

haMso.antarikShagamanaH sarvaprasavakAraNam |

AnandakartA vasudo budho vAkpatirujjvalaH || 82||

kAlAtmA kAlakAlashcha kAlachChedakRRiduttamaH |

shishumAraH sarvamUrtirAdhidaivikarUpadhRRik || 83||

anantasukhabhogADhyo vivaraishvaryabhAjanam |

sa~NkarShaNo daityapatiH sarvAdhAro bRRihadvapuH || 84||

anantanarakachChedI smRRitimAtrArtinAshanaH |

sarvAnugrahakartA cha |||||||||||||||||||| chontinued

poShaNa-puShTi-lIlA

|||||||||||||||| maryAdAbhinnashAstrakRRit || 85 ||

kAlAntakabhayachChedI nAmasAmarthyarUpadhRRik |

uddhArAnarhagoptrAtmA nAmAdiprerakottamaH || 86||

ajAmilamahAduShTamochako.aghavimochakaH |

dharmavaktA.akliShTavaktA viShNudharmasvarUpadhRRik || 87||

sanmArgaprerako dhartA tyAgaheturadhokShajaH |

vaikuNThapuranetA cha dAsasaMvRRiddhikArakaH || 88||

dakShaprasAdakRRiddhaMsaguhyastutivibhAvanaH |

svAbhiprAyapravaktA cha muktajIvaprasUtikRRit || 89||

nAradapreraNAtmA cha haryashvabrahmabhAvanaH |

shabalAshvahito gUDhavAkyArthaj~nApanakShamaH || 90||

gUDhArthaj~nApanaH sarvamokShAnandapratiShThitaH |

puShTiprarohahetushcha dAsaikaj~nAtahRRidgataH || 91||

shAntikartA suhitakRRit strIprasUH sarvakAmadhuk |

puShTivaMshapraNetA cha vishvarUpeShTadevatA || 92||

kavachAtmA pAlanAtmA varmopachitikAraNam |

vishvarUpashirashChedI tvAShTrayaj~navinAshakaH || 93||

vRRitrasvAmI vRRitragamyo vRRitravrataparAyaNaH |

vRRitrakIrtirvRRitramokSho maghavatprANarakShakaH || 94||

ashvamedhahavirbhoktA devendrAmIvanAshakaH |

saMsAramochakashchitraketubodhanatatparaH || 95||

mantrasiddhiH siddhihetuH susiddhiphaladAyakaH |

mahAdevatiraskartA bhaktyai pUrvArthanAshakaH || 96||

devabrAhmaNavidveShavaimukhyaj~nApakaH shivaH |

Adityo daityarAjashcha mahatpatirachintyakRRit || 97||

marutAM bhedakastrAtA vratAtmA pumprasUtikRRit |

UtilIlA

karmAtmA vAsanAtmA cha UtilIlAparAyaNaH || 98||

samadaityasuraH svAtmA vaiShamyaj~nAnasaMshrayaH |

dehAdyupAdhirahitaH sarvaj~naH sarvahetuvid || 99||

brahmavAksthApanaparaH svajanmAvadhikAryakRRit |

sadasadvAsanAhetustrisatyo bhaktamochakaH || 100||

hiraNyakashipudveShI praviShTAtmA.atibhIShaNaH |

shAntij~nAnAdihetushcha prahlAdotpattikAraNam || 101||

daityasiddhAntasadvaktA tapaHsAra udAradhIH |

daityahetuprakaTano bhaktichihnaprakAshakaH || 102||

saddveShahetuH saddveShavAsanAtmA nirantaraH |

naiShThuryasImA prahlAdavatsalaH sa~NgadoShahA || 103||

mahAnubhAvaH sAkAraH sarvAkAraH pramANabhUH |

stambhaprasUtirnRRiharirnRRisiMho bhImavikramaH || 104||

vikaTAsyo lalajjihvo nakhashastro javotkaTaH |

hiraNyakashipuchChedI krUradaityanivArakaH || 105||

siMhAsanasthaH krodhAtmA lakShmIbhayavivardhanaH |

brahmAdyatyantabhayabhUrapUrvAchintyarUpadhRRik || 106||

bhaktaikashAntahRRidayo bhaktastutyaH stutipriyaH |

bhaktANgalehanoddhUtakrodhapuNjaH prashAntadhIH || 107||

smRRitimAtrabhayatrAtA brahmabuddhipradAyakaH |

gorUpadhAryamRRitapAH shivakIrtivivardhanaH || 108||

dharmAtmA sarvakarmAtmA visheShAtmA.a.ashramaprabhuH |

saMsAramagnasvoddhartA sanmArgAkhilatattvavAk || 109||

AchArAtmA sadAchAraH |||||||||||||||||| chontinued

manvantaralIlA

||||||||||||||||||||manvantaravibhAvanaH |

smRRityA.asheShAshubhaharo gajendrasmRRitikAraNam || 110||

jAtismaraNahetvaikapUjAbhaktisvarUpadaH |

yaj~no bhayAnmanutrAtA vibhurbrahmavratAshrayaH || 111||

satyaseno duShTaghAtI harirgajavimochakaH |

vaikuNTho lokakartA cha ajito.amRRitakAraNam || 112||

urukramo bhUmihartA sArvabhaumo balipriyaH |

vibhuH sarvahitaikAtmA viShvaksenaH shivapriyaH || 113||

dharmaseturlokadhRRitiH sudhAmAntarapAlakaH |

upahartA yogapatirbRRihadbhAnuH kriyApatiH || 114||

chaturdashapramANAtmA dharmo manvAdibodhakaH |

lakShmIbhogaikanilayo devamantrapradAyakaH || 115||

daityavyAmohakaH sAkShAdgaruDaskandhasaMshrayaH |

lIlAmandaradhArI cha daityavAsukipUjitaH || 116||

samudronmathanAyatto.avighnakartA svavAkyakRRit |

AdikUrmaH pavitrAtmA mandarAgharShaNotsukaH || 117||

shvAsaijadabdhivArvIchiH kalpAntAvadhikAryakRRit |

chaturdashamahAratno lakShmIsaubhAgyavardhanaH || 118||

dhanvantariH sudhAhasto yaj~nabhoktA.a.artinAshanaH |

AyurvedapraNetA cha devadaityAkhilArchitaH || 119||

buddhivyAmohako devakAryasAdhanatatparaH |

strIrUpo mAyayA vaktA daityAntaHkaraNapriyaH || 120||

pAyitAmRRitadevAMsho yuddhahetusmRRitipradaH |

sumAlimAlivadhakRRinmAlyavatprANahArakaH || 121||

kAlanemishirashChedI daityayaj~navinAshakaH |

indrasAmarthyadAtA cha daityasheShasthitipriyaH || 122||

shivavyAmohako mAyI bhRRigumantrasvashaktidaH |

balijIvanakartA cha svargaheturvratArchitaH || 123||

adityAnandakartA cha kashyapAditisambhavaH |

upendra indrAvarajo vAmanabrahmarUpadhRRik || 124||

brahmAdisevitavapuryaj~napAvanatatparaH |

yAchnopadeshakartA cha jnApitAsheShasaMsthitiH || 125||

satyArthaprerakaH sarvahartA garvavinAshakaH |

trivikramastrilokAtmA vishvamUrtiH pRRithushravAH || 126||

pAshabaddhabaliH sarvadaityapakShopamardakaH |

sutalasthApitabaliH svargAdhikasukhapradaH || 127||

karmasampUrtikartA cha svargasaMsthApitAmaraH |

j~nAtatrividhadharmAtmA mahAmIno.abdhisaMshrayaH || 128||

satyavratapriyo goptA matsyamUrtidhRRitashrutiH |

sha{}RRiNgabaddhadhRRitakShoNiH sarvArthajnApako guruH || 129||

IshAnukathAlIlA

IshasevakalIlAtmA sUryavaMshapravartakaH |

somavaMshodbhavakaro manuputragatipradaH || 130||

ambarIShapriyaH sAdhurdurvAsogarvanAshakaH |

brahmashApopasaMhartA bhaktakIrtivivardhanaH || 131||

ikShvAkuvaMshajanakaH sagarAdyakhilArthadaH |

bhagIrathamahAyatno gaNgAdhautANghripa~NkajaH || 132||

brahmasvAmI shivasvAmI sagarAtmajamuktidaH |

khaTvA~NgamokShahetushcha raghuvaMshavivardhanaH || 133||

raghunAtho rAmachandro rAmabhadro raghupriyaH |

anantakIrtiH puNyAtmA puNyashlokaikabhAskaraH || 134||

koshalendraH pramANAtmA sevyo dasharathAtmajaH |

lakShmaNo bharatashchaiva shatrughno vyUhavigrahaH || 135||

vishvAmitrapriyo dAntastADakAvadhamokShadaH |

vAyavyAstrAbdhinikShiptamArIchashcha subAhuhA || 136||

vRRiShadhvajadhanurbha~NgaprAptasItAmahotsavaH |

sItApatirbhRRigupatigarvaparvatanAshakaH || 137||

ayodhyAsthamahAbhogayuktalakShmIvinodavAn |

kaikeyIvAkyakartA cha pitRRivAkparipAlakaH || 138||

vairAgyabodhako.ananyasAttvikasthAnabodhakaH |

ahalyAduHkhahArI cha guhasvAmI salakShmaNaH || 139||

chitrakUTapriyasthAno daNDakAraNyapAvanaH |

sharabha~NgasutIkShNAdipUjito.agastyabhAgyabhUH || 140||

RRiShisamprArthitakRRitirvirAdhavadhapaNDitaH |

ChinnashUrpaNakhAnAsaH kharadUShaNaghAtakaH || 141||

ekabANahatAnekasahasrabalarAkShasaH |

mArIchaghAtI niyatasItAsambandhashobhitaH || 142||

sItAviyoganATyashcha jaTAyurvadhamokShadaH |

shabarIpUjito bhaktahanumatpramukhAvRRitaH || 143||

dundubhyasthipraharaNaH saptatAlavibhedanaH |

sugrIvarAjyado vAlighAtI sAgarashoShaNaH || 144||

setubandhanakartA cha vibhIShaNahitapradaH |

rAvaNAdishirashChedI rAkShasAghaughanAshakaH || 145||

sItA.abhayapradAtA cha puShpakAgamanotsukaH |

ayodhyApatiratyantasarvalokasukhapradaH || 146||

mathurApuranirmAtA sukRRitaj~nasvarUpadaH |

janakaj~nAnagamyashcha ailAntaprakaTashrutiH || 147||

haihayAntakaro rAmo duShTakShatravinAshakaH |

somavaMshahitaikAtmA yaduvaMshavivardhanaH || 148||

nirodhalIlA

parabrahmAvataraNaH keshavaH kleshanAshanaH |

bhUmibhArAvataraNo bhaktArthAkhilamAnasaH || 149||

sarvabhaktanirodhAtmA lIlAnantanirodhakRRit |

bhUmiShThaparamAnando devakIshuddhikAraNam || 150||

vasudevaj~nAnaniShThasamajIvanivArakaH |

sarvavairAgyakaraNasvalIlAdhArashodhakaH || 151||

mAyAj~nApanakartA cha sheShasambhArasambhRRitiH |

bhaktakleshaparij~nAtA tannivAraNatatparaH || 152||

AviShTavasudevAMsho devakIgarbhabhUShaNam |

pUrNatejomayaH pUrNaH kaMsAdhRRiShyapratApavAn || 153||

vivekaj~nAnadAtA cha brahmAdyakhilasaMstutaH |

satyo jagatkalpatarurnAnArUpavimohanaH || 154||

bhaktimArgapratiShThAtA vidvanmohapravartakaH |

mUlakAlaguNadraShTA nayanAnandabhAjanam || 155||

vasudevasukhAbdhishcha devakInayanAmRRitam |

pitRRimAtRRistutaH pUrvasarvavRRittAntabodhakaH || 156||

gokulAgatilIlAptavasudevakarasthitiH |

sarveshatvaprakaTano mAyAvyatyayakArakaH || 157||

jnAnamohitaduShTeshaH prapanchAsmRRitikAraNam |

yashodAnandano nandabhAgyabhUgokulotsavaH || 158||

nandapriyo nandasUnuryashodAyAH stanandhayaH |

pUtanAsupayaHpAtA mugdhabhAvAtisundaraH || 159||

sundarIhRRidayAnando gopImantrAbhimantritaH |

gopAlAshcharyarasakRRit shakaTAsurakhaNDanaH || 160||

nandavrajajanAnandI nandabhAgyamahodayaH |

tRRiNAvartavadhotsAho yashodAj~nAnavigrahaH || 161||

balabhadrapriyaH kRRiShNaH sa~NkarShaNasahAyavAn |

rAmAnujo vAsudevo goShThA~NgaNagatipriyaH || 162||

kiNkiNIravabhAvajno vatsapuchChAvalambanaH |

navanItapriyo gopImohasaMsAranAshakaH || 163||

gopabAlakabhAvaj~nashchauryavidyAvishAradaH |

mRRitsnAbhakShaNalIlAsyamAhAtmyaj~nAnadAyakaH || 164||

dharAdroNaprItikartA dadhibhANDavibhedanaH |

dAmodaro bhaktavashyo yamalArjunabha~njanaH || 165||

bRRihadvanamahAshcharyo vRRindAvanagatipriyaH |

vatsaghAtI bAlakelirbakAsuraniShUdanaH || 166||

araNyabhoktA.apyathavA bAlalIlAparAyaNaH |

protsAhajanakashchaivamaghAsuraniShUdanaH || 167||

vyAlamokShapradaH puShTo brahmamohapravardhanaH |

anantamUrtiH sarvAtmA ja~NgamasthAvarAkRRitiH || 168||

brahmamohanakartA cha stutya AtmA sadApriyaH |

paugaNDalIlAbhiratirgochAraNaparAyaNaH || 169||

vRRindAvanalatAgulmavRRikSharUpanirUpakaH |

nAdabrahmaprakaTano vayaHpratikRRitisvanaH || 170||

barhinRRityAnukaraNo gopAlAnukRRitisvanaH |

sadAchArapratiShThAtA balashramanirAkRRitiH || 171||

tarumUlakRRitAsheShatalpashAyI sakhistutaH |

gopAlasevitapadaH shrIlAlitapadAmbujaH || 172||

gopasamprArthitaphaladAnanAshitadhenukaH |

kAlIyaphaNimANikyara~njitashrIpadAmbujaH || 173||

dRRiShTisa~NjIvitAsheShagopagogopikApriyaH |

lIlAsampItadAvAgniH pralambavadhapaNDitaH || 174||

dAvAgnyAvRRitagopAladRRiShTyAchChAdanavahnipaH |

varShAsharadvibhUtishrIrgopIkAmaprabodhakaH || 175||

gopIratnastutAsheShaveNuvAdyavishAradaH |

kAtyAyanIvratavyAjasarvabhAvAshritA~NganaH || 176||

satsaNgatistutivyAjastutavRRindAvanANghripaH |

gopakShuchChAntisaMvyAjaviprabhAryAprasAdakRRit || 177||

hetuprAptendrayAgasvakAryagosavabodhakaH |

shailarUpakRRitAsheSharasabhogasukhAvahaH || 178||

lIlAgovardhanoddhArapAlitasvavrajapriyaH |

gopasvachChandalIlArthagargavAkyArthabodhakaH || 179||

indradhenustutiprAptagovindendrAbhidhAnavAn |

vratAdidharmasaMsaktanandakleshavinAshakaH || 180||

nandAdigopamAtreShTavaikuNThagatidAyakaH |

veNuvAdasmarakShobhamattagopIvimuktidaH || 181||

sarvabhAvaprAptagopIsukhasaMvardhanakShamaH |

gopIgarvapraNAshArthatirodhAnasukhapradaH || 182||

kRRiShNabhAvavyAptavishvagopIbhAvitaveShadhRRik |

rAdhAvisheShasambhogaprAptadoShanivArakaH || 183||

paramaprItisa~NgItasarvAdbhutamahAguNaH |

mAnApanodanAkrandagopIdRRiShTimahotsavaH || 184||

gopikAvyAptasarvA~NgaH strIsambhAShAvishAradaH |

rAsotsavamahAsaukhyagopIsambhogasAgaraH || 185||

jalasthalarativyAptagopIdRRiShTyabhipUjitaH |

shAstrAnapekShakAmaikamuktidvAravivardhanaH || 186||

sudarshanamahAsarpagrastanandavimochakaH |

gItamohitagopIdhRRikSha~NkhachUDavinAshakaH || 187||

guNasa~NgItasantuShTirgopIsaMsAravismRRitiH |

ariShTamathano daityabuddhivyAmohakArakaH || 188||

keshighAtI nAradeShTo vyomAsuravinAshakaH |

akrUrabhaktisaMrAddhapAdareNumahAnidhiH || 189||

rathAvarohashuddhAtmA gopImAnasahArakaH |

hradasandarshitAsheShavaikuNThAkrUrasaMstutaH || 190||

mathurAgamanotsAho mathurAbhAgyabhAjanam |

mathurAnagarIshobhAdarshanotsukamAnasaH || 191||

duShTara~njakaghAtI cha vAyakArchitavigrahaH |

vastramAlAsushobhA~NgaH kubjAlepanabhUShitaH || 192||

kubjAsurUpakartA cha kubjArativarapradaH |

prasAdarUpasantuShTaharakodaNDakhaNDanaH || 193||

shakalAhatakaMsAptadhanUrakShakasainikaH |

jAgratsvapnabhayavyAptamRRityulakShaNabodhakaH || 194||

mathurAmalla ojasvI mallayuddhavishAradaH |

sadyaH kuvalayApIDaghAtI chANUramardanaH || 195||

lIlAhatamahAmallaH shalatoshalaghAtakaH |

kaMsAntako jitAmitro vasudevavimochakaH || 196||

jnAtatattvapitRRijnAnamohanAmRRitavA~NmayaH |

ugrasenapratiShThAtA yAdavAdhivinAshakaH || 197||

nandAdisAntvanakaro brahmacharyavrate sthitaH |

gurushushrUShaNaparo vidyApAramiteshvaraH || 198||

sAndIpanimRRitApatyadAtA kAlAntakAdijit |

gokulAshvAsanaparo yashodAnandapoShakaH || 199||

gopikAvirahavyAjamanogatiratipradaH |

samoddhavabhramaravAk gopikAmohanAshakaH || 200||

kubjAratiprado.akrUrapavitrIkRRitabhUgRRihaH |

pRRithAduHkhapraNetA cha pANDavAnAM sukhapradaH || 201||

dashamaskandhottarArdhanAmAni nirodhalIlA

jarAsandhasamAnItasainyaghAtI vichArakaH |

yavanavyAptamathurAjanadattakushasthaliH || 202||

dvArakAdbhutanirmANavismApitasurAsuraH |

manuShyamAtrabhogArthabhUmyAnItendravaibhavaH || 203||

yavanavyAptamathurAnirgamAnandavigrahaH |

muchukundamahAbodhayavanaprANadarpahA || 204||

muchukundastutAsheShaguNakarmamahodayaH |

phalapradAnasantuShTirjanmAntaritamokShadaH || 205||

shivabrAhmaNavAkyAptajayabhItivibhAvanaH |

pravarShaNaprArthitAgnidAnapuNyamahotsavaH || 206||

rukmiNIramaNaH kAmapitA pradyumnabhAvanaH |

syamantakamaNivyAjaprAptajAmbavatIpatiH || 207||

satyabhAmAprANapatiH kAlindIrativardhanaH |

mitravindApatiH satyApatirvRRiShaniShUdanaH || 208||

bhadrAvA~nChitabhartA cha lakShmaNAvaraNakShamaH |

indrAdiprArthitavadhanarakAsurasUdanaH || 209||

murAriH pIThahantA cha tAmrAdiprANahArakaH |

ShoDashastrIsahasreshaH ChatrakuNDaladAnakRRit || 210||

pArijAtApaharaNo devendramadanAshakaH |

rukmiNIsamasarvastrIsAdhyabhogaratipradaH || 211||

rukmiNIparihAsoktivAktirodhAnakArakaH |

putrapautramahAbhAgyagRRihadharmapravartakaH || 212||

shambarAntakasatputravivAhahatarukmikaH |

uShApahRRitapautrashrIrbANabAhunivArakaH || 213||

shItajvarabhayavyAptajvarasaMstutaShaDguNaH |

sha~NkarapratiyoddhA cha dvandvayuddhavishAradaH || 214||

nRRigapApaprabhettA cha brahmasvaguNadoShadRRik |

viShNubhaktivirodhaikabrahmasvavinivArakaH || 215||

balabhadrAhitaguNo gokulaprItidAyakaH |

gopIsnehaikanilayo gopIprANasthitipradaH || 216||

vAkyAtigAmiyamunAhalAkarShaNavaibhavaH |

pauNDrakatyAjitaspardhaH kAshIrAjavibhedanaH || 217||

kAshInidAhakaraNaH shivabhasmapradAyakaH |

dvividaprANaghAtI cha kauravAkharvagarvanut || 218||

lA~NgalAkRRiShTanagarIsaMvignAkhilanAgaraH |

prapannAbhayadaH sAmbaprAptasanmAnabhAjanam || 219||

nAradAnviShTacharaNo bhaktavikShepanAshakaH |

sadAchAraikanilayaH sudharmAdhyAsitAsanaH || 220||

jarAsandhAvaruddhena vij~nApitanijaklamaH |

mantryuddhavAdivAkyoktaprakAraikaparAyaNaH || 221||

rAjasUyAdimakhakRRit samprArthitasahAyakRRit |

indraprasthaprayANArthamahatsambhArasambhRRitiH || 222||

jarAsandhavadhavyAjamochitAsheShabhUmipaH |

sanmArgabodhako yaj~nakShitivAraNatatparaH || 223||

shishupAlahativyAjajayashApavimochakaH |

duryodhanAbhimAnAbdhishoShabANavRRikodaraH|| 224||

mahAdevavaraprAptapurashAlvavinAshakaH |

dantavaktravadhavyAjavijayAghaughanAshakaH || 225||

vidUrathaprANahartA nyastashastrAstravigrahaH |

upadharmaviliptA~NgasUtaghAtI varapradaH || 226||

balvalaprANaharaNapAlitarShishrutikriyaH |

sarvatIrthAghanAshArthatIrthayAtrAvishAradaH || 227||

j~nAnakriyAvibhedeShTaphalasAdhanatatparaH |

sArathyAdikriyAkartA bhaktavashyatvabodhakaH || 228||

sudAmAra~NkabhAryArthabhUmyAnItendravaibhavaH |

ravigrahanimittAptakurukShetraikapAvanaH || 229||

nRRipagopIsamastastrIpAvanArthAkhilakriyaH |

RRiShimArgapratiShThAtA vasudevamakhakriyaH || 230||

vasudevaj~nAnadAtA devakIputradAyakaH |

arjunastrIpradAtA cha bahulAshvasvarUpadaH || 231||

shrutadeveShTadAtA cha sarvashrutinirUpitaH |

mahAdevAdyatishreShTho bhaktilakShaNanirNayaH || 232||

vRRikagrastashivatrAtA nAnAvAkyavishAradaH |

naragarvavinAshArthahRRitabrAhmaNabAlakaH || 233||

lokAlokaparasthAnasthitabAlakadAyakaH |

dvArakAsthamahAbhoganAnAstrIrativardhanaH || 234||

manastirodhAnakRRitavyagrastrIchittabhAvitaH |

muktilIlA

muktilIlAviharaNo maushalavyAjasaMhRRitiH || 235||

shrIbhAgavatadharmAdibodhako bhaktinItikRRit |

uddhavajnAnadAtA cha panchaviMshatidhA guruH || 236||

AchArabhaktimuktyAdivaktA shabdodbhavasthitiH |

haMso dharmapravaktA cha sanakAdyupadeshakRRit || 237||

bhaktisAdhanavaktA cha yogasiddhipradAyakaH |

nAnAvibhUtivaktA cha shuddhadharmAvabodhakaH || 238||

mArgatrayavibhedAtmA nAnAsha~NkAnivArakaH |

bhikShugItApravaktA cha shuddhasA~NkhyapravartakaH || 239||

manoguNavisheShAtmA j~nApakoktapurUravAH |

pUjAvidhipravaktA cha sarvasiddhAntabodhakaH || 240||

laghusvamArgavaktA cha svasthAnagatibodhakaH |

yAdavA~NgopasaMhartA sarvAshcharyagatikriyaH || 241||

AshrayalIlA

kAladharmavibhedArthavarNanAshanatatparaH |

buddho guptArthavaktA cha nAnAshAstravidhAyakaH || 242||

naShTadharmamanuShyAdilakShaNaj~nApanotsukaH |

Ashrayaikagatij~nAtA kalkiH kalimalApahaH || 243||

shAstravairAgyasambodho nAnApralayabodhakaH |

visheShataH shukavyAjaparIkShijj~nAnabodhakaH || 244||

shukeShTagatirUpAtmA parIkShiddehamokShadaH |

shabdarUpo nAdarUpo vedarUpo vibhedanaH || 245||

vyAsaH shAkhApravaktA cha purANArthapravartakaH |

mArkaNDeyaprasannAtmA vaTapatrapuTeshayaH || 246||

mAyAvyAptamahAmohaduHkhashAntipravartakaH |

mahAdevasvarUpashcha bhaktidAtA kRRipAnidhiH || 247||

AdityAntargataH kAlaH dvAdashAtmA supUjitaH |

shrIbhAgavatarUpashcha sarvArthaphaladAyakaH || 248||

itIdaM kIrtanIyasya harernAmasahasrakam |

pa~nchasaptativistIrNaM purANAntarabhAShitam || 249||

ya etatprAtarutthAya shraddhAvAn susamAhitaH |

japedarthAhitamatiH sa govindapadaM labhet || 250||

sarvadharmavinirmuktaH sarvasAdhanavarjitaH |

etaddhAraNamAtreNa kRRiShNasya padavIM vrajet || 251||

haryAveshitachittena shrIbhAgavatasAgarAt |

samuddhRRitAni nAmAni chintAmaNinibhAni hi || 252||

kaNThasthitAnyarthadIptyA bAdhante.aj~nAnajaM tamaH |

bhaktiM shrIkRRiShNadevasya sAdhayanti vinishchitam || 253||

kimbahUktena bhagavAn nAmabhiH stutaShaDguNaH |

AtmabhAvaM nayatyAshu bhaktiM cha kurute dRRiDhAm || 254||

yaH kRRiShNabhaktimiha vA~nChati sAdhanaughair-

nAmAni bhAsurayashAMsi japetsa nityam |

taM vai hariH svapuruShaM kurute.atishIghram-

AtmArpaNaM samadhigachChati bhAvatuShTaH || 255||

shrIkRRiShNa kRRiShNasakha vRRiShNivRRiShAvanidhrug-

rAjanyavaMshadahanAnapavargavIrya |

govinda gopavanitAvrajabhRRityagIta

tIrthashravaH shravaNama~Ngala pAhi bhRRityAn || 256||

|| iti shrIbhAgavatasArasamuchchaye vaishvAnaroktaM

shrIvallabhAchAryavirachitaM

shrIpuruShottamasahasranAmastotraM sampUrNam ||