શ્રી મહાગણેશ પઞ્ચરત્નમ્

શ્રી મહાગણેશ પઞ્ચરત્નમ્

શ્લોક 1

મુદાકરાત્ત મોદકં સદા વિમુક્તિ સાધકમ્ ।

કલાધરાવતંસકં વિલાસિલોક રક્ષકમ્ ।

અનાયકૈક નાયકં વિનાશિતેભ દૈત્યકમ્ ।

નતાશુભાશુ નાશકં નમામિ તં વિનાયકમ્

શ્લોક 2

નતેતરાતિ ભીકરં નવોદિતાર્ક ભાસ્વરમ્ ।

નમત્સુરારિ નિર્જરં નતાધિકાપદુદ્ધરમ્ ।

સુરેશ્વરં નિધીશ્વરં ગજેશ્વરં ગણેશ્વરમ્ ।

મહેશ્વરં તમાશ્રયે પરાત્પરં નિરન્તરમ્

॥ 1 ॥

શ્લોક 3

સમસ્ત લોક શઙ્કરં નિરસ્ત દૈત્ય કુઞ્જરમ્ ।

દરેતરોદરં વરં વરેભ વક્ત્રમક્ષરમ્ ।

કૃપાકરં ક્ષમાકરં મુદાકરં યશસ્કરમ્ ।

મનસ્કરં નમસ્કૃતાં નમસ્કરોમિ ભાસ્વરમ્

॥ 2 ॥

શ્લોક 4

અકિઞ્ચનાર્તિ માર્જનં ચિરન્તનોક્તિ ભાજનમ્ ।

પુરારિ પૂર્વ નન્દનં સુરારિ ગર્વ ચર્વણમ્ ।

પ્રપઞ્ચ નાશ ભીષણં ધનઞ્જયાદિ ભૂષણમ્ ।

કપોલ દાનવારણં ભજે પુરાણ વારણમ્

॥ 3 ॥

શ્લોક 5

નિતાન્ત કાન્તિ દન્ત કાન્તિ મન્ત કાન્તિ કાત્મજમ્ ।

અચિન્ત્ય રૂપમન્ત હીન મન્તરાય કૃન્તનમ્ ।

હૃદન્તરે નિરન્તરં વસન્તમેવ યોગિનામ્ ।

તમેકદન્તમેવ તં વિચિન્તયામિ સન્તતમ્

॥ 4 ॥

શ્લોક 6

મહાગણેશ પઞ્ચરત્નમાદરેણ યોઽન્વહમ્ ।

પ્રજલ્પતિ પ્રભાતકે હૃદિ સ્મરન્ ગણેશ્વરમ્ ।

અરોગતામદોષતાં સુસાહિતીં સુપુત્રતામ્ ।

સમાહિતાયુ રષ્ટભૂતિ મભ્યુપૈતિ સોઽચિરાત્ ॥