Sree Lakshmi Ashtottara Satanaama Stotram

shrI lakShmI aShTottara shatanAma stotram

shloka 1

devyuvAcha

devadeva! mahAdeva! trikAlaj~na! maheshvara!

karuNAkara devesha! bhaktAnugrahakAraka! ||

aShTottara shataM lakShmyAH shrotumichChAmi tattvataH ||

Ishvara uvAcha

devi! sAdhu mahAbhAge mahAbhAgya pradAyakam |

sarvaishvaryakaraM puNyaM sarvapApa praNAshanam ||

sarvadAridrya shamanaM shravaNAdbhukti muktidam |

rAjavashyakaraM divyaM guhyAd-guhyataraM param ||

durlabhaM sarvadevAnAM chatuShShaShTi kalAspadam |

padmAdInAM varAntAnAM nidhInAM nityadAyakam ||

samasta deva saMsevyaM aNimAdyaShTa siddhidam |

kimatra bahunoktena devI pratyakShadAyakam ||

tava prItyAdya vakShyAmi samAhitamanAshshRRiNu |

aShTottara shatasyAsya mahAlakShmistu devatA ||

klIM bIja padamityuktaM shaktistu bhuvaneshvarI |

a~NganyAsaH karanyAsaH sa ityAdi prakIrtitaH ||

dhyAnaM

vande padmakarAM prasannavadanAM saubhAgyadAM bhAgyadAM

hastAbhyAmabhayapradAM maNigaNaiH nAnAvidhaiH bhUShitAm |

bhaktAbhIShTa phalapradAM harihara brahmAdhibhissevitAM

pArshve paNkaja shaNkhapadma nidhibhiH yuktAM sadA shaktibhiH ||

sarasija nayane sarojahaste dhavala tarAMshuka gandhamAlya shobhe |

bhagavati harivallabhe manoj~ne tribhuvana bhUtikari prasIdamahyam ||

OM

prakRRitiM vikRRitiM vidyAM sarvabhUta-hitapradAm |

shraddhAM vibhUtiM surabhiM namAmi paramAtmikAm || 1 ||

vAchaM padmAlayAM padmAM shuchiM svAhAM svadhAM sudhAm |

dhanyAM hiraNyayIM lakShmIM nityapuShTAM vibhAvarIm || 2 ||

aditiM cha ditiM dIptAM vasudhAM vasudhAriNIm |

namAmi kamalAM kAntAM kAmAkShIM krodhasambhavAm [kAmyAM kShIrodasambhavAm] || 3 ||

anugrahapradAM buddhi-managhAM harivallabhAm |

ashokA-mamRRitAM dIptAM lokashokavinAshinIm || 4 ||

namAmi dharmanilayAM karuNAM lokamAtaram |

padmapriyAM padmahastAM padmAkShIM padmasundarIm || 5 ||

padmodbhavAM padmamukhIM padmanAbhapriyAM ramAm |

padmamAlAdharAM devIM padminIM padmagandhinIm || 6 ||

puNyagandhAM suprasannAM prasAdAbhimukhIM prabhAm |

namAmi chandravadanAM chandrAM chandrasahodarIm || 7 ||

chaturbhujAM chandrarUpA-mindirA-mindushItalAm |

AhlAda jananIM puShTiM shivAM shivakarIM satIm || 8 ||

vimalAM vishvajananIM tuShTiM dAridryanAshinIm |

prItipuShkariNIM shAntAM shuklamAlyAmbarAM shriyam || 9 ||

bhAskarIM bilvanilayAM varArohAM yashasvinIm |

vasundharA mudArA~NgAM hariNIM hemamAlinIm || 10 ||

dhanadhAnyakarIM siddhiM straiNasaumyAM [sadAsaumyAM] shubhapradAm |

nRRipaveshmagatAM nandAM varalakShmIM vasupradAm || 11 ||

shubhAM hiraNyaprAkArAM samudratanayAM jayAm |

namAmi ma~NgalAM devIM viShNuvakShaHsthalasthitAm || 12 ||

viShNupatnIM, prasannAkShIM nArAyaNasamAshritAm |

dAridryadhvaMsinIM devIM sarvopadravavAriNIm || 13 ||

navadurgAM mahAkAlIM brahmaviShNushivAtmikAm |

trikAlaj~nAnasampannAM namAmi bhuvaneshvarIm || 14 ||

lakShmIM kShIrasamudrarAja tanayAM shrIra~NgadhAmeshvarIm |

dAsIbhUta samastadeva vanitAM lokaika dIpA~NkurAm ||

shrImanmanda kaTAkSha labdha vibhavad-brahmendra ga~NgAdharAm |

tvAM trailokya kuTumbinIM sarasijAM vande mukundapriyAm || 15 ||

mAtarnamAmi! kamale! kamalAyatAkShi!

shrI viShNu hRRit-kamalavAsini! vishvamAtaH!

kShIrodaje kamala komala garbhagauri!

lakShmI! prasIda satataM samatAM sharaNye || 16 ||

trikAlaM yo japet vidvAn ShaNmAsaM vijitendriyaH |

dAridrya dhvaMsanaM kRRitvA sarvamApnot-yayatnataH |

devInAma sahasreShu puNyamaShTottaraM shatam |

yena shriya mavApnoti koTijanma daridrataH || 17 ||

bhRRiguvAre shataM dhImAn paThet vatsaramAtrakam |

aShTaishvarya mavApnoti kubera iva bhUtale ||

dAridrya mochanaM nAma stotramambAparaM shatam |

yena shriya mavApnoti koTijanma daridrataH || 18 ||

bhuktvAtu vipulAn bhogAn ante sAyujyamApnuyAt |

prAtaHkAle paThennityaM sarva duHkhopa shAntaye |

paThantu chintayeddevIM sarvAbharaNa bhUShitAm || 19 ||

iti shrI lakShmyaShTottarashatanAmastotraM sampUrNaM